KOLOSAI 1

1PAULU, mutumibwi a Kaiistu Yisu ku nyinga ya Ncembi, yi Timoteo mwakunyi, 2kudi bena babala yi bakunyi ba kibaku mu Kalistu badi ku Kolosai. Lwoxixi lwakali yinenu yi polo kudi Ncembi Tetecu. 3Twaxingila Ncembi biloba, Tete a Fumwecu Yisu Kalistu, tudi mu kunulombela matuku moso, 4bwao butwamakwombwa dia kwetabusa kwenu mu Kalistu Yisu, yi dia nymga yinudi yinayo bwalo bwa bena babala boso ; 5ku mucwe ă mudingidilu ămanutekyelebwa mu melu kulu, unwakakwombwa ku bwalo bwau buxi mu diyi dia sôsôlwo a losangu lunengela, 6lwamafika kwenu ; bea bidilu kabidi mu bungi bwa loboko, ludi mu kukama kama mamoma yi ludi mu kulunda lunda, luna yinenu kabidi, pôi dituku dinwakakwombwa yi dinwakalubukwa lwoxixi lwa Ncembi mu sôsôlwo. 7Luna binwakakweya kudi Epafalasa musadisañani yinecu munangibwi, udi musadi a Kalistu a kibaku ku bwalo bwenu, 8akatusakolela kabidi nyinga yenu mu Mwoxixi.

9Ku mucwe ou coco kabidi, pôi dituku ditwakakwombwa noku, katusolekyela kulomba yi kunwapanguxila, binuxekwolubixibwa yi kilubukilu kia nyinga yenci mu bwinu bwoso bwa Mwoxixi yi mayala moso ; 10binuxekwenda bea biaielekyela yi Fumu yi ñonu mioso ; nudi mu kukama mamoma ku mudimo mwoso unengela, yi nudi mu kulunda lunda bwalo bwa kilubukilu kia Ncembi. 11Binuxesubixibwa lofo yi ngulu mioso, bea bidi mpinyu ya dikai dienci, ku bwika bwoso, yi ku kicwandundu kioso, yi kiango ; 12nudi mu kuxingila Tete biloba amatwelekyesa bileli ndo kulelekyela yi kwakala babanyañani ba mwokito a bena babala mu obo. 13Yei akatupaula ku bumanya bwa mwedima yi akatukulumuna ku bufumu bwa Mwana a nyinga yenci ; 14utudi yi kupikudibwa kwecu munda mwanci, kilekyelo kia mabi ecu. 15Yei udi kifwanisa kia Ncembi you utabiyi kumonebwa ku meso, yi udi mwamukulu a bipangu bioso. 16Bwalc bwakapangibwa bintu bioso munda mwanci mu melu kulu yi pa loboko ; bintu biamonebwa ku meso yi bintu bitasomonebwa ; ndo bixikaminu bia bafumu ndo mafumu ndo makalanga ndo mamanya ; bintu bioso biamapangibwa kudiyi yi ku bwalo bwanci ; 17yi yei udi buxi bwa bintu bioso, yi munda mwanci mwamanamatañana bintu bioso. 18Yei lolo udi mucwe ă mumbidi, kikokye kienci ; udi bubangabanga, amalelebwa buxi kudi bafu ; bixeakalayi yi bwabukulu mu bintu bioso. 19Bwalo bwakamonebwa loko kudi Kiolubilu kia Ncembi kincimancima ndo kuxikama munda mwanci ; 20yi kukwameya bintu bioso yinanci kidi kimokimwe kudiyi, bwalo bwamatekayi polo ku maxi a nkulusu anci ; ya, kudiyi, ndo bintu bia pa loboko ndo bintu bia mu melu kulu.

21Yi nonu, nwakanamunibwa ku micima ku kikondo kia kalikali, yi nwakadi bena nkyetekyete mu nkanyi yenu bwalo bwa makisa a bubi, 22kaninga nkyekyu amanukwameya mu mumbidi ă munyu ănci ku mucwe ă lufu, ndo kunulongola yi babala, yi kutena bwalo bubi, yi kutena dikamu kukamtbwa ku mpala anci ; 23akali nonu nwasala mu kwetabusa, nwamasubixibwa yi nwamakolexebwa, yi kanusonamunibwa ku mudingidilu ă losangu lunengela lunwakakwombwa, Iwakakwambidibwa ku kipangu kincimancima muxi mwa diulu, lunakatekyebwa musadi alu, meme Paulu.

24Nkyekyu ngwaxekyelela masama amene anamanutacila nonu, yi ntanakwombudisa kicini kiamasala kia maxitu a Kalistu ku munyu ămene, ku mucwe ă mumbidi ănci, udi kikokye. 25Meme nakatekyebwa musadi akio, luna bialelekyela yi bunkôngôlo bwa Ncembi bwakangulongolebwa ku bwalo bwenu, bwa kukukisa diyi dia Ncembi, 26isanga bwalo bobu busokoka bwakamasokokyebwa ku mieciya mioso yi ku bikondo bioso ; kate bwamakwebexebwa bantu banci nkyekyu ba babala, 27bamadila Ncembi kubalubukisa madidi a dikai dia bwalo bobu bwa bwisa pakacikaci pa Mabila, budi Kalistu munda mwenu, mudingidilu ă dikai ; 28utwamamwambidila diembi, tudi mu kudimusa muntu mwoso yi mu kweyesa muntu mwoso mu bwinu bwoso, bituxelongola muntu mwoso amalunda mwamukulu mu Kalistu Yisu. 29Meme kabidi ngwakisa noku, ndi mu kukisa yi ngulu, bea bialelekyela yi mukixilu ănci ăkisañana munda mwamene yi ngulu.

Currently Selected:

KOLOSAI 1: Luna_NT

Highlight

Copy

Compare