2 TIMOTEO 1

1PAULU, mutumibwi a Kalistu Yisu ku nyinga ya Ncembi, bea bialelekyela yi kilaka kiakaxiyidibwa kia môyo udi mu Kalistu Yisu, 2kudi Timoteo, mwanami munangibwi ; lwoxixi, mwengo, polo, kudi Ncembi Tete yi kudi Kalistu Yisu Fumwecu.

3Ngwaxingila Ncembi biloba, unamasadila pôi batetemi yi kilubukilu kia munda kia babala, muntani yi lukanyi lwebe kangala kangala mu miapangusu yamene yi ku butuku yi ku munyinya ; 4ndi mu kukyeba kungi kukumona, bingwelela masonci ebe lukanyi, binxekwolubixibwa yi kiango. 5Ngwelela kwetabusa kwa sôsôlwo lukanyi kudi munda mwebe ; kwakakala buxi mu kakyebe a babakaxi Loisi yi mu mabebe Euniki ; yi namakwetabuxixibwa ene, kudi munda mwebe kabidi. 6Ku mucwe ou meme nkwelesa lukanyi ene, ulumusi mudilu ă dilongi dia Ncembi didi munda mwebe ku kubaka kwa makaci amene. 7Bwalo butatupeli Ncembi mucima ă bowa, kate ă ngulu, yi ă nyinga, yi ă bweso. 8Mbwôso kufwidi ntôbô ya Fumwecu bundu, ndo meme musungi anci ; kate ikala yi bwika bwa kutata kwa losangu lunengela ku ngulu ya Ncembi, 9akatupandisa yi akatubikila yi kubikila kwa babala, kumoni bwalo bwa makisa ecu, kate bwalo bwa lukanyi lwanci mikyenci yi lwoxixi lwanci lwakatupebwa munda mwa Kalistu Yisu buxi bwa mieciya ya bikondo bia loboko, 10mo lwamakwebexebwa nkyekyu ku kimonekyelu kia Mupandixi ecu Kalistu Yisu, akalengola lufu yi akafikisa môyo ku obo yi mwakadilu utena musalu ku losangu lunengela, 11lunamatekyebwa meme mukyenci, yi mutumibwi, yi mweyexi.

12Ku mucwe ou kabidi ndo kungwatata bintu bebi ; kate kiena yi bundu, bwalo bungwalubukwa you unamakwetabusa, yi namakwetabuxixibwa ene, yei ubili kunama dibomba dinamamubumbisa pôi dituku yidia. 13Bamba dikangito dia meyi a loko amakwombwa owe kundi, mu kwetabusa yi mu nyinga bidi mu Kalistu Yisu. 14Dibomba dedi dinengela diamatekyebwa ku makaci ebe, udinami kudi Mwoxixi a babala apwakala munda mwecu.

15Walubukwa bwalo bobu, ene, bungi bwabo badi mu Asia bamakulumuka ndo kuncuka kundi, yi Fingelo yi Emongene badi yinabo. 16Fumu amoni ncibo a Onesifolo yi mwengo, bwalo bwakangusubisayi matuku mangi, yi akadi kasofwila lukanu lwamene bundu ; 17kate pakadiyi ku Loma akangupalala yi mucima, yi akangusañana 18(Fumu amusañanisi mwengo kudi Fumu ku dituku dedi) ; yi bintu bebi bingi biakangusadilayi yinabio ku Efeso, owe wamabilubukwa loko loko.

Currently Selected:

2 TIMOTEO 1: Luna_NT

Highlight

Copy

Compare