1 TIMOTEO 6
6
1BANTU boso badi bapika muxi mwa mwosangi belekyesi bafumu babo ene, bamalelekyela yi diedya dioso, bitaxetangoiebwa dina dia Ncembi yi kweyesa kwanci. 2Yi bobo badi yi bafumu badi betabuxi kababatamuni bwalo budibo bakunyi ; kate badiki kubasadila bwalo budibo betabuxi yi banangibwi bamasadidibwa mudimo ou unengela. Eyesa yi bondabonda bwalo bwa malo aa.
3Ndo muntu mwoso eyesa kweyesa kunga yi kasokwetabuxila meyi a loko, meyi a Fumwecu Yisu Kalistu, yi kweyesa koku kwalelekyela yi mwosambu ă Ncembi, 4amakwolubila yi disasa, yi kasolubukwa dilubukwa dimodimwe ; kate udi yi kusama kwa mbata yi kwa mpeto ya meyi, alolwa mwokunyo kudio, yi kitumba, yi mietangu, miebandu mibi, 5mbambanu ya bantu bamasaluka ku lukanyi, bena makaci matupu ku bwalo bwa sôsôlwo, bakisa ene, mwosambu ă Ncembi udi musombokyelu ă kusomboka sombo. 6Mo mwosambu ă Ncembi musangisa yi kibaku kia mucima udi kusomboka kungi. 7Bwalo bututafikixili kintu kioso ku loboko, yi katubiyi kucwala kintu kioso kunci kwalu. 8Mo ndo twapwangata bidya yi bilamba, mo nako, tunabakama yi bintu bebi. 9Mo bobo badi yi lukanyi munda lwa kwakala yi madidi bamapona munda mwa kielekyexelu yi mwa mupeto, yi mwa xindilu mingi ya budibi yi ya kusama yamaxipa bantu mu lufu yi mu lopelo bea mu mai. 10Bwalo budi nyinga ya bodidi dicina dimodimwe dia mabi moso ; yi banga bamapalala kubupeta bamaungixibwa ku kwetabusa, yi bamadibongola mikyeabo yi maxitu mangi.
11Mo owe, muntu a Ncembi, cina bintu bebi ; labela nkwami, mwosambu ă Ncembi, kwetabusa, nyinga, bwika, diedya. 12Tanda mbita unengela a kwetabusa ; bamba môyo ă kô kô ăkabikidibwa owe kudiu, yi wakasakola kusakola kunengela ku mpala ya batôbôdi bangi.
13Nkwalanga ku mpala a Ncembi amabumba bintu bioso yi môyo, yi a Kalistu Yisu akatôbôla kusakola kunengela ku mpala a Pontio Pilata, 14ene, unami mulangu kutena kantobo, kutena dikamu dimodimwe kukamibwa, pôi kimonekyelu kia Fumwecu Yisu Kalistu ; 15kinakwebesa You mu bikondo biakio, udi Mumanya mikyenci mutupu kutu-mbixibwa, Fumu a bantu bamabu-mba bantu, yi Yangabita a bantu badi bayangabita ; 16you mutupu udi yi môyo utena musalu, apwakala mu obo utasokokyela muntu pepe yinau, utamona muntu mwoso, utabiyi mu-ntu mwoso kumona ; kudiyi kwakali diedya yi mpinyu kô kô. Amen.
17Ubalangi badi yi madidi ku mwociya ou ă nkyekyu, ene, kabakadi yi disasa, yi kabakadi yi mudingidilu ăbo lwa mucimbucimbu ă madidi, kate lwa Ncembi utupapa bintu bioso bungi bungi ndo kututeka yi kiango. 18Ene, balwangwasani bantu, bakali yi madidi a makisa anengela, balekoli yi kupapapa bintu, badi yi mucima ă kulonga malongi ; 19badi mu kudibumbila kibangolelu kinengela bwalo bwa kikondo kilolwa, bixekwatabo môyo ou udi môyo sôsôlwo.
20E, Timoteo, nama dibomba dedi diamatekyebwa ku makaci ebe ; yi pengowela ntabakani ya mietangu, yi mpeto ya bwinu bobu bwamatambibwa nako ku ncimi ; 21banga pako pa kubusakola bamapengowesa kwetabusa. Lwoxixi lwakali yinenu.
Currently Selected:
1 TIMOTEO 6: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
