2 PITA 3

1OU ndo mukanda ămubidi, banangibwi, untananufundila nkyekyu ; ku bubidi bwayo ndo kungwanyingisa lukanyi lwepu lwa babala ndo kunwelesa nkanyi ; 2binuxekwela meyi nkanyi akatôyebwa buxi kudi badimuxi ba babala, yi mulangu ă Fumu yi Mupandixi kudi batumibwi benu. 3Nwalubukwa bwalo bobu buxi ene, ku sula kwa matuku kunalwa bakyecaani yi makyeci, bendenda mu xindilu yabo, 4yi badi mu kutôya ene, Kilaka kia kilulu kienci kidi kupai ? Bwalo bwamasala bintu bioso pôi matuku akalala babakulu tulu, bea biakadibio pôi bubangabanga bwa kipangu. 5Bwalo bwamabasokokyebwa, bwalo bwa kitata kiabo, ene, melu akadiko kulu kalikali, yi loboko lwakakwemanikibwa kidi kimokimwe kunci kwa mai yi pakacikaci pa mai ku diyi dia Ncembi ; 6yi mo nako loboko lwakakala ku kikondo kieki lwakaxipibwa bwalo bwakancibikibwalu ku mai. 7Mo melu aa adiko kulu nkyekyu, yi loboko, biamabumbibwa ku diyi dedi bwalo bwa mudilu ; yi biamatekyebwa pôi dituku dia lopelo yi dia kuxipibwa kwa bantu batena yi mwosambu ă Ncembi.

8Mo kanwelu kintu kieki kimokimwe bwilwa, banangibwi, ene, dituku dimodimwe didi yi Fumu luna lokone lwa mbula, yi lokone lwa mbula ludi luna dituku dimodimwe. 9Fumu kasobutabuta bwalo bwa kilaka kienci, bea biamabala banga bantu dia kubutabuta ; kate udi yi kicwandundu ku micwe yenu, yi kasonanga muntu mwoso uxefwa, kate bantu boso baxelwa dibela. 10Mo diba dia Fumu dinalwa luna mwefi, dinadika melu kulu yi mulaku mungi, yi bintu biakalungikibwa binanyungula ku mudilu yi binaxeleleka, yi loboko yi makisa adi momu binakwoxebwa nya.

11Mbwôso bwalo bunaxeleleka bintu bioso bebio ki nonu nuxeakala yi butonga bwa babala yi bwa mwosambu ă Ncembi, 12nudi mu kudingidila, yi mu kusangolesa kilulu kia diba dia Ncembi, dinaxeleleka melu kulu ku mucwe ădio bwalo bwa kunyungula ku mudilu, yi bintu biakalungikibwa binaxeleleka yi mudilu. 13Mo, bwalo bwa kilaka kienci, coco twadingila melu mapyamapya yi loboko lupyalupya, binakala nkwami munda mwabio.

14Mbwôso banangibwi, bwalo bunwadingila bintu bebi, nupalali yi mulukutu ndo kusananibwa kudiyi yi polo, kutena kantobo yi kutena bwalo bubi ; 15yi nubali kicwandundu kia Fumu ene, kidi kipandilu kia môyo ; bea biamanufundila kabidi Paulu, muna kwecu munangibwi, ku lwedi lwa bwinu bwamamupebwa ; 16bea kabidi ku mikanda yenci mioso, udi mu kutôya momu dia bintu bebi. Momu mudi binga bintu bidi kukola kulembetelebwa, biamapeteya bantu batasokweyexebwa yi batasosubixibwa, luna biapeteyabo minga mikanda ya Ncembi kabidi, ku kuxipibwa kwabo mikyeabo.

17Mbwôso nonu banangibwi, bwalo bunwalubukwa bintu bebi buxi, nudingili, ximbi pa kuungixibwa ku kwona kwa bena mabi, nuxepona ku mwoxinu unwamaxina yinau bô ; 18mo nulundi mu lwoxixi yi mu kilubukilu kia Fumwecu yi Mupandixi ecu Yisu Kalistu. Kudiyi kwakali dikai yi nkyekyu yi ku diba dia mwociya ă kô kô. Amen.

Currently Selected:

2 PITA 3: Luna_NT

Highlight

Copy

Compare