2 KOLINTI 8
8
1TUNWALUBUKISA kabidi bakunyi, dia lwoxixi lwa Ncembi lwamapebwa bikokye bia Makyedonia, 2ene, isanga bakakwelekyexebwa yi buxitu bungi, kaninga kiango kiabo kingi kisambika yi bokombi bwabo bungi kiakalelañana madidi a malongi mangi kudibo. 3Bwalo bungwatôbôla ene, bakakwetabusa biabo kumoni ku lwedi lwabo lutupu, mo isanga kudika lwedi lwabo ; 4yi bakatuxengula yi kuxengula kungi ku bwalo bwa lwoxixi lolu, yi bwa busangilañani bwa kupapapa bena babala. 5Kumoni lolo mutwakadingila mutupu ; mo ku buxi kwakadilongolabo mikyeabo kudi Fumu yi kutudi ku nyinga ya Ncembi. 6Bitwakalomba Tito, bwalo bwakabangayi buxi, ene, amani lwoxixi lolu noku kabidi munda mwenu. 7Yi bwalo bunwalekola yi kintu kioso, yi mwetabusu, yi diyi, yi kilubukilu, yi mulukutu mwoso, yi nyinga yenu ku bwalo bwecu, nulekoli yi lwoxixi lolu kabidi. 8Kisotôya luna kunulanga mulangu, mo ku bwalo bwa mulukutu ă banga bantu, luna kwelekyesa nyinga yenu ndo idi sôsôlwo. 9Bwalo bunwalubukwa lwoxixi lwa Fumwecu Yisu Kalistu, ene, isanga akadi yi bodidi akatulowa mwokombi ku micwe yenu, binuxeakala yi bodidi bwalo bwa bokombi bwanci. 10Yi ku bwalo bobu, meme nwakwamina mpanga ; bwalo meme kukisa noku kudi loko ku bwalo bwenu, bakabanga kalikali kumoni kwenca kutupu kate kunanga nako, lwedi lwa mbula muncimancima. 11Mbwôso nkyekyu numani kwenca kabidi ; byaka bea binwakadi yi nyinga ya kunanga nako ndo binunamana kwenca nako ku lwedi lwa bintu binudi yinabio. 12Bwalo ndo nyinga idiko, yamamonebwa loko ku lwedi ludi muntu yinalu, kumoni ku lwedi lutasoakalayi yinalu. 13Kakuna ndo kuncula banga bantu maxitu yi kunubaka maxitu nonu ; 14kate ndo kwelekyesa bintu bileli ; bintu bienu bungi ku kikondo kiekio bixeakala ku bwalo bwa bokombi bwabo ; bixeakala bintu biabo bungi kabidi ku bwalo bwa bokombi bwenu ; bixeakala bintu bileli ; 15bea biakafundibwa ene, You akadi yi bintu bingi akadi kasoxiya kintu ; yi you akadi yi bintu bibende akadi kasosaka.
16Mo Ncembi axingibwi biloba akanutekyela mulukutu ou mu mucima ă Tito. 17Bwalo bwakakwetabuxilayi lulombu lwecu ; mo bwalo bwakadiyi yi mulukutu mungi, ndo bwakayayi bienci kunudi. 18Yi twamatuma yinanci mwakunyi you udi yi lotumbu lwanci bwalo bwa losangu lunengela mu bikokye bioso ; 19yi kumoni noku kutupu, kate akasungudibwa kabidi kudi bikokye ndo kwenda yinecu yi lwoxixi lolu, lutanalongolebwa kutudi ndo kulundisa dikai dia Fumu, yi bwalo bwa nyinga yecu. 20Tudi mu kudingila ximbi muntu uxetukama dikamu bwalo bwa lwoxixi lolu lutanalongolebwa kutudi ; 21bwalo butwelela bintu nkanyi bidi yi nkwami kumoni ku meso a Fumu kutupu, kate ku meso a bantu kabidi. 22Yi twamatuma muna kwecu you yinabo utwamasañana matuku mangi yi mulukutu mu bintu bingi, mo nkyekyu amadika yi mulukutu mungi mungi, bwalo bwa mwetabusu mungi ăpwakalayi yinau bwalo bwa kwetabusa kudiyi yinaku ku bwalo bwenu. 23Ndo ku bwalo bwa Tito, udi mbai amene yi musadisanani yinami ku bwalo bwenu ; ndo ku bwalo bwa bena kwecu, badi batumibwi ba bikokye, dikai dia Kalistu. 24Mbwôso nubebesi kilembetelu kia nyinga yenu, ku mpala a bikokye, yi kia mwanu ěcu utwañana ku mucwe ěnu.
Currently Selected:
2 KOLINTI 8: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
