2 KOLINTI 6

1MBWÔSO coco, badi mu kusalañana yinanci mudimo umoumwe, tunwabondabonda kabidi ene, Kanwangaci lwoxixi lwa Ncembi kanana. 2Bwalo bwatôyayi ene, Namakwombwa mu kikondo kia kumonebwa yi dikasa dinenge la, yi namakusamunina mu dituku dia kupandixibwa ; mona nkyekyu kudi kikondo kia kumonebwa yi dikasa dinengela ; mona, nkyekyu kudi dituku dia kupandixibwa. 3Katusoteka kiponexelu mu kintu kioso, bitaxekamibwa busadi bobu dikamu. 4Kate tudi mu kudiebesa mikyecu ku malo moso bea basadi ba Ncembi ; mu bwika bungi, mu maxitu, mu makombi, mu mpeya, 5mu miekolola, mu nkanu, mu miyengi, mu midimo, mu kukyesa kwa butuku, mu kuncila kwa bidya ncilu ; 6mu babala, mu kilubukilu, mu kicwandundu, mu bonkangi, mu Mwoxixi a babala, mu nyinga yitena yi mancanga ; 7mu diyi dia sôsôlwo, mu ngulu ya Ncembi ; ku bipiko bia nkwami pa kidyo yi pa kimoso ; 8ku kutumbixibwa yi ku kukixibwa ; ku mwoximo mu bi yi ku mwoximo unengela ; bea bena ncimi kate yi sôsôlwo ; 9bea bantu ba kanana, kate twamalubukibwa ; bea bena bieyeyeyo, kate mona, tudi yi môyo ; bea bantu bamakumibwa, kate katusoxipibwa ; 10bea bena bidilu, kate twaxekyelela matuku moso ; bea bakombi, kate twamateka bantu bangi yi madidi ; bea bena makaci matupu, kate twapwangata bintu bioso.

11Musuku ěcu ămanudipudibwa, bena Kolinti ; mucima ěcu ămadipudibwa. 12Nonu kanusoximbibwa munda mwecu, mo nwamaximbibwa mu nyinga yenu mikyenu. 13Nkyekyu bwalo bwa sayi ya butonga bobu kusayidibwa, (ngwatôya bea kudi bana), nonu nudipudibwi kabidi.

14Kanusambikibwi yi bantu batasokwetabusa, batena bileli. Kudyañana kwa beci kudiko kwa nkwami yi lwonu ? Ndo kusangilañana kwa beci kudiko kwa obo yi mwedima ? 15Yi kulelekyelañana kwa beci kudiko kwa Kalistu yi Beliala ? Ndo kwabanyañana kwa beci kudiko kwa mwetabuxi yi muntu utasokwetabusa ? 16Yi kwetabusañana kwa beci kudiko kwa tempelo a Ncembi yi ngixi ? Bwalo bunudi tempelo a Ncembi a môyo ; bea biakatôya Ncembi ene, Meme nakwakala munda mwabo ; yi nakwenda munda mwabo ; yi nakwakala Ncembi abo, yi bobo banakala bantu bamene. 17Mbwôso Fumu ene, Nusokowi kudibo, nubalolebwi ; kanukwaci bwalo bwoso bwa mbindu ; 18yi meme nakunwangata, yi nakwakala yinenu Tete, yi nonu nunakala yinami bana ba babalumi yi ba babakaxi ; Fumu a ngulu mioso ndo atôya noku.

Currently Selected:

2 KOLINTI 6: Luna_NT

Highlight

Copy

Compare