2 KOLINTI 5

1BWALO butwalubukwa ene, aka ncibo ecu a loboko unalwa sasudibwa a kingandu kieki, tudi yi ncibo a Ncembi, ncibo utasokwencebwa yi makaci, a kô kô, mu diulu. 2Bwalo butwakabana munda mwa you noku, tudi mu kukyeba ndo kulata ncibo ecu a mu diulu, 3ndo coco sôsôlwo pa kulacibwa katusosañanibwa yi butaka kabidi. 4Bwalo coco tudi mu kingandu kieki twamakabana, tudi yi buxitu ; kumoni bwalo bwa kupuludibwa, kate bwalo bwa kulata, bixeminibwa kufwa kudi môyo. 5You lolo akatupanga bwalo bwa kintu kiekio udi Ncembi, amatupa kabidi kibutuku kia Mwoxixi. 6Mbwôso tudi yi mwetabusu matuku moso, yi twamalubukwa ene, bitwakala yi kidi kiecu mu mumbidi twamakala kunga ku bwalo bwa Fumu ; 7(bwalo butwendenda ku kwetabusa, kumoni ku meso) ; 8tudi yi mwetabusu pako, yi twatunga kwakala kunga ku bwalo bwa mumbidi, yi kwakala yi kidi kiecu kwa Fumu, 9Mbwôso lomo lwecu lwamakwapema kumuxekyelesa ndo kunu ndo kunga. 10Bwalo butunakwebexebwa bungi bwecu ku buxi bwa kisambolelu kia Kalistu ; bixeangata muntu mwoso malo a mu mumbidi bea biamakwencayi, ndo anengela ndo mabi.

11Mbwôso bwalo butwalubukwa bowa bwa Fumu, coco twamakwetabuxisa bantu ; mo twamakwebexebwa kudi Ncembi, yi ngwencenca ene, twamakwebexebwa kabidi mu bilubukilu bienu. 12Katusodialakana mikyecu kabidi kunudi, kate tunwalongola kianinu kia kutwanina mwanu, binuxeakala yinakio ndo kubapingasa bañana mwanu ku bwalo bwa mumbidi mutupu, kumoni bwalo bwa mucima. 13Ndo lolo twakala bea bantu bamapasuka, kudi bwalo bwa Ncembi ; ndo tutani yi lukanyi lwa mulangu, kudi ku bwalo bwenu. 14Bwalo bwamatubamba nyinga ya Kalistu dibambu ; bwalo butwasambola noku ene, ndo muntu umoumwe akafwila bantu boso, bantu boso lolo bakafwa ; 15yi akafwila bantu boso ene, bobo bakala yi môyo kabaxeakala yi môyo ku bwalo bwabo mikyeabo nyô, kate ku bwalo bwa you akafwa yi akabika kabidi ku micwe yabo. 16Mbwôso pôi nkyekyu katusolubukwa muntu umoumwe yi mulubukilu ă munyu ; isanga twakadi twamalubukwa Kalistu yi mulubukilu ă munyu, katusomulubukwa nako kabidi nyô.

17Mbwôso ndo muntu mwoso udi munda mwa Kalistu, ka kipangu kipyakipya kieki ; bintu bia kalikali biamadika ; mona, bintu bipyabipya bidiko. 18Yi bintu bioso bidi bia Ncembi amatukwameya kidi kimokimwe yinanci mikyenci kudi Kalistu, yi amatupa busadi bwa kukwameyañana ; 19ene, Ncembi akadi munda mwa Kalistu ; udi mu kukwameya loboko yinanci mikyenci kidi kimokimwe ; kutena kubabadila mona abo ; yi amabwesa diyi munda mwecu dia kukwameyañana.

20Mbwôso tudi mikyenci ku mucwe ă Kalistu ; kulexi yi ndo Ncembi udi mu kubondabonda kutudi ; twamaxengula ku mucwe ă Kalistu ene, Nukwameyebwi yi Ncembi kidi kimokimwe. 21You utalubukwa bubi, yei akamuteka bubi ku mucwe ěcu ; bituxeakala nkwami ya Ncembi munda mwanci.

Currently Selected:

2 KOLINTI 5: Luna_NT

Highlight

Copy

Compare