2 KOLINTI 3

1COCO tutanabanga kabidi kudialakana mikyecu ? Ndo coco twamadila mikanda ya mwalakanu bea banga bantu ya kulwa kunudi yinayo ? ndo kuncuka kunudi yinayo ? 2Nonu nudi mukanda ěcu, mufunda mu micima yecu, ămalubukibwa yi ămabadibwa kudi bantu boso. 3Bwalo bunwamakwebexebwa ene, nudi mukanda ă Kalistu, ămalongolebwa kutudi, mufunda kumoni yi mai a mukanda, kate yi Mwoxixi a Ncembi a môyo ; kumoni pa bikidi bia mabwe, kate pa bikidi bia munyu bia mucima. 4Yi tudi yi kwetabusa kwa noku ku mpala a Ncembi kudi Kalistu. 5Kumoni bea kutôya ene, coco twamalelekyela mikyecu kwela kintu kioso lukanyi ku bwalo bwecu mikyecu ; mo kulelekyela kwecu kwamalwa kudi Ncembi, 6amatwelekyesa kabidi ndo kwakala basadi ba disambi dipyadipya ; kumoni bwalo bwa kileta kiadio kitupu kate bwa Mwoxixi. Bwalo bwaxipañana kileta, mo Mwoxixi ndo upapañana môyo.

7Kaninga ndo kixingilu kia lufu (kiakafundibwa ku bileta yi kiakasongebwa mu mabwe), kiakalwa yi dikai, bitabiyi bena Isalele kudingila mpala a Mosese sosonyi, bwalo bwa dikai dia mpala anci, diamalengolebwa ; 8ka kixingilu kia Mwoxixi kixedika kwakala yi dikai ? 9Bwalo ndo kixingilu kia lopelo kidi dikai, ka kixingilu kia nkwami kiamadika kulekola yi dikai ? 10Isanga kieki kiakatekyebwa yi dikai kakisotekyebwa yi dikai ku mucwe ou, ku bwalo bwa dikai diamadika bungi. 11Ndo kieki kiakalengolebwa kiakadi yi dikai, kieki kiamasala kiamadika kwakala yi dikai dingi.

12Mbwôso bwalo bututani yi mudingidilu ă noku, tudi mu kusakola sakola yi kusakola kwa loko ; 13kumoni bea Mosese akateka kibukilu kia mbuxa ku mpala anci bitaxedingila bena Isalele sosonyi pôi ku sula kwa kieki kiamalengolebwa. 14Kate nkanyi yabo yakadi kukola kungi ; bwalo bwamasala kibukilu kieki pôi dituku dedi kutena kuncudibwa, pa kubadibwa disambi dia kalikali ; kiamalengolebwa mu Kalistu. 15Kate pôi dituku dedi, papubadibwa mikanda ya Mosese, kibukilu kiamalala pa mucima abo. 16Kaninga panakala ămapinana kudi Fumu, panancudibwa kibukilu.

17Fumu pako udi Mwoxixi you ; yi kwoso kudi Mwoxixi a Fumu, ka bwana bwa bula koku. 18Mo coco bungi bwecu, bitwatebela dikai dia Fumu (bea mu diba), yi mpala utena kibukilu, twamakulumunibwa ku kifwanisa kienci pôi dikai ku dikai, bea kudi Fumu Mwoxixi.

Currently Selected:

2 KOLINTI 3: Luna_NT

Highlight

Copy

Compare