2 KOLINTI 2

1MO ku bwalo bwamene, nakakwela lukanyi munda ene, kinalwa kabidi kunudi yi buxitu. 2Ndo meme namanudidisa, nani lolo yei ungwaxekyelesa utena muntu you amadidixibwa kundi ? 3Yi nakanufundila noku ximbi pandolwa, nxemona buxitu kudibo banxexekyelela ku micwe yabo ; bwalo bundi yi kwetabusa ku mucwe ěnu bungi bwenu, ene, kiango kiamene kidi kienu kia bungi bwenu. 4Bwalo bunakanufundila yi buxitu bungi munda, yi kusama kungi ku mucima, yi masonci mangi ; kumoni binuxedidixibwa, kate binuxelubukwa nyinga yinamanunanga yinayo kungi. 5Mo ndo muntu mwoso amafikisa buxitu, kasofikisa buxitu kundi meme mutupu kate buxitu bubende, (kisoli kununemenena), kunudi bungi bwenu. 6Kwamakuka muntu a noku, kusama koku kwakamulwa kudi bantu benu bangi. 7Mbwôso nuxetunga, kumoni kwenca noku kabidi, kate kumulekyela yi kumubondabonda ; ximbi ambeci you noku uxenemenenebwa ku bidilu bingi bingi. 8Mbwôso meme nwabondabonda ene, numusubixili nyinga yenu. 9Ku bwalo bobu kabidi ndo kunakanufundila, binxelubukwa kilembetelu kienu, ndo nwapwakala yi diedya mu bintu bioso. 10Muntu unwamamulekyela bwalo bwoso, meme namamulekyela kabidi. Bwalo bwoso bunamalekyela muntu, ndo namalekyela bwalo bwoso, namabulekyela ku micwe yenu ku mpala a Kalistu ; 11bitutaxepeteyebwa kudi Satana ; bwalo bututasokodya kulubukwa nkanyi yenci.

12Panakalwa lolo ku Toloasa bwalo bwa losangu lunengela lwa Kalistu, yi pakangudipudibwa mbelo bwalo bwa Fumu, 13nakadi kibiyi kwomowa ku mucima ămene, bwalo buntasañanini Tito muna kwami ; mo nakabalayisa yi makancuka kuya ku Makyedonia.

14Mo Ncembi axingibwi biloba utwaxiyaxiya yi bumanya mu Kalistu, yi amakwebesa manonu kutudi a kilubukilu kienci mu kidi kioso. 15Bwalo bututani manonu a Kalistu kudi Ncembi mu bantu bamapandixibwa yi mu bantu bamancimina. 16Kudi bobo tudi manonu pôi lufu ku lufu ; kudi yiba tudi manonu pôi môyo ku môyo. Yi ñani amakuka ku bwalo bwa bintu bebi ? 17Bwalo bututena bea bantu bangi bamaleka diyi dia Ncembi ; kate bea bena babala, kate bea ku mucwe ă Ncembi, ku meso a Ncembi, ndo bitwatôya mu Kalistu.

Currently Selected:

2 KOLINTI 2: Luna_NT

Highlight

Copy

Compare