1 TESALONIKA 5
5
1MO ku mucwe ă bikondo yi layinga, bakunyi, kanusokwabila mukanda uxenufundidibwa. 2Bwalo bunwalubukwa dyendeli mikyenu ene, Dituku dia Fumu dilolwa bea luna mwefi ku butuku. 3Panakala badi mu kutôya ene, Polo, yi ene, Ko, ku kikondo kieki kunabalula kufwa kwa kikalankoso, bea loenu kudi mwamukaxi yi difu ; yi kabanapanduka pô. 4Kaninga nonu, bakunyi, kanuna ku mwedima bixenutongola dituku dedi bea biamatongolebwa mwefi. 5Bwalo bunudi bana ba obo bungi bwenu, yi bana ba munyinya ; katuna bena butuku ndo bena mwedima. 6Mbwôso katuladi tulu bea biencenca banga bantu, kate tudingili ; twakali yi mulangu. 7Bwalo bwa bantu balala tulu, bamalala ku butuku ; yi bobo bakolwa nkolwa ya malufu, bamakolwa ku butuku. 8Kaninga coco, bwalo bututani bena munyinya, twakali yi mulangu ; tuteki kisamuninu kia kwetabusa yi nyinga ku kiedi ; yi tuteki kifulu ku mucwe kia mudingidilu ă kupandixibwa kwa môyo. 9Bwalo butasotunamuna Ncembi ku bisusu, kate ndo kwangata kupandixibwa kwa môyo kudi Fumwecu Yisu Kalistu, 10akatufwila bituxesangila yinanci ku môyo, ndo tukiadingila ndo twamalala tulu. 11Mbwôso nubondanani yi nwabakanani muntu mwoso muna kwanci, bea binwencenca kabidi.
12Mo tunwaxengula bakunyi, ene, nulubukwi bantu bakamba kamba pakacikaci penu, badi ku buxi bwenu mu Fumu, banwadimusa ; 13nubaleyileyi yi nyinga mingi ku mucwe ă mudimo ăbo. Nwakali polo mikyenu.
14Yi tunwabondabonda bakunyi, ene, nubadimusi bematomboka, nukolesi bantu badi bena bubolu ku micimat nukwati bena kulebela, nwakali yi kicwandundu kudi bantu boso. 15Nutebeli, muntu kapingaxidi muntu mwoso bubi bwalo bwa bubi ; kate nulandi bwalo budi kunengela matuku moso, yi kwenu mikyenu yi kudi bantu boso. 16Nuxekyeleli matuku moso. 17Nulombi kangala kangala. 18Nuxingi biloba mu bwalo bwoso, bwalo budi nyinga ya Ncembi noku mu Kalistu ku bwalo bwenu. 19Kanupudikixi Mwoxixi. 20Kanutamuni meyi a badimuxi. 21Nwelekyesi malo moso ; nunamati kudi bwalo budi kunengela. 22Nuncili butonga bwoso bwa bubi. 23Yi Ncembi a polo mikyenci anubaloli dyendeli ; yi kidimu kienu kincimancima, yi mucima ěnu, yi mumbidi ěnu bimunibwi, kutena bwalo pôi ku kilulu kia Fumwecu Yisu Kalistu. 24Yei udi muna kibaku unwabikila, unakwenca nako kabidi. 25Bakunyi, nutulombeleli. 26Nubisi bakunyi boso yi kunyita kwa babala. 27Nwatôyela kudi Fumu ene, Mukanda ou ăbadidibwi bungi bwa bakunyi.
28Lwoxixi lwa Fumwecu Yisu Kalistu Iwakali yinenu.
Currently Selected:
1 TESALONIKA 5: Luna_NT
Highlight
Copy
Compare
Share
Want to have your highlights saved across all your devices? Sign up or sign in
© La Société biblique de Genève
