1 KOLINTI 7

1NKYEKYU ku bwalo bwa bintu binwakangufundila ; kudi kunengela ndo muntu kasobaka mwamukaxi. 2Kaninga ku bwalo bwa madibi, mwamulumi mwoso akali yi anci mukaxi, yi mwamukaxi mwoso akali yi anci mwamulumi. 3Mwamulumi alongoli mukasanci walo bwalelekyela yi nkwami ; mo nako kabidi mwamukaxi yi bayenci. 4Mwamukaxi kiena yi bumanya kulu kwa mumbidi ănci mikyenci, ate kudi mwamulumi ; mo nako abidi mwamuiumi kiena yi bumanya ulu kwa mumbidi ănci mikyenci, ate kudi mwamukaxi. 5Kanunciikañani kutena nwamakwetabusaana nako kakondo, binuxedinamuna likyenu bwalo bwa kulomba ; yi nusangilanani kabidi, ximbi Satana uxenwelekyesa bwalo bwa nyinga mibi. 6Kaninga ngwatôya diyi dedi, bea luna kwetabusa noku, kumoni bea kulanga mulangu. 7Mo nxenanga kumona bantu boso bea mikyemi. Kate muntu mwcso udi yi dilongi dienci kudi Ncembi ; you yi mwosambu ou, you yi mwosambu yiwa.

8Mbwôso ngwatôyela banciki yi bakaxi ba bafu ene, kudi loko yinabo ndo basala bea bindi meme. 9Mo akali kababiyi kudiximba bayi mabakwa ; bwalo bwa kubaka dibakwa kwamadika loko, kunyungula ku mudilu kumoni.

10Ku bwalo bwa bena mabakwa, meme ngwatôya, (mo meme kumoni, kate Fumu), ene, mwamukaxi kancuki kudi bayend. 11Kaninga ndo amancudibwa, asali kutena dibakwa, sungu abondanani yi bayenci ; yi mwamulumi kakadeyi mukasanci.

12Mo ku bwalo bwa banga bantu, meme ngwatôya, kumoni Fumu, ene, aka mwakunyi udi yi mukaxi utasokwetabusa, yi yei amona loko kusala yinand, you kamukadeyi. 13Yi mwamukaxi mwoso udi yi bayend utasokwetabusa, akali yei amona loko kusala yinand, you kaxiyi bayend. 14Bwalo bwamabalolebwa mwamulumi utasokwetabusa kudi mukaxi ; yi mwamukaxi utasokwetabusa amabalolebwa kudi mwakunyi ; ximbi bana benu baxeakala yi lobindu ; mo nkyekyu badi babala. 15Mo ndo you utasokwetabusa amancuka, ancuki. Mwakunyi ndo a babalumi ndo a babakaxi kiena yi dibambu ku malo a noku, mo Ncembi amatubikila ndo kwakala yi polo. 16Owe mwamukaxi walubukwa beci, ndo ambeci unapandisa bayebe ? Owe mwamulumi walubukwa bed, ndo ambeci unapandisa mukaxebe ? 17Mo bea biamakwabanyila Fumu muntu mwoso, yi bea biamabikila Ncembi muntu mwoso, ndo bixekwendayi. Yi ngwalungika noku ku bwalo bwa bikokye bioso. 18Muntu mwoso amabikidibwa, amakwelebwa bwadi ? Katulowi muna mwontonto. Muntu amabikidibwa udi muna mwontonto ? Kyelebwi bwadi. 19Kwelebwa bwadi kudi kanana, yi mwontonto udi kanana ; kate kunama kwa milangu ya Ncembi kudi bwalo.

20Muntu mwoso asali mu mudlmo ăkabikidibwayi yinau. 21Owe wamabikidibwa, udi mupika ? kumoni bwalo ; kate ndo ubili kwakala kanana, tunga noku. 22Bwalo bwa mupika, ndo amabikidibwa noku mu Fumu, udi kwa Fumu muna bula ; mo nako muna bula ndo amabikidibwa noku udi mupika a Kalistu. 23Nwamakwodibwa ku diso ; kanwakadi bapika ba bantu. 24Bakunyi, muntu mwoso asali yi Ncembi mu mudimo ăkabikidibwayi yinau.

25Ku bwalo bwa mixika lolo meme kiena yi mulangu ă Fumu ; mo ngwasambola sambo amene bea muntu amangata mwengo kudi Fumu ndo kwakala yi kibaku. 26Mbwôso ngwencenca ene, kudi kunengela ku bwalo bwa buxitu bwa nkyekyu, muntu kwakala bea bidiyi. 27Owe wamasukibwa kudi mukaxi ? Kupaladi kusudibwa. Owe wamasudibwa kudi mukaxi ? Kupaladi mukaxi. 28Mo akali wabaka mukaxi dibakwa, kwakwona ; yi akali muxika uyeya dibakwa, kakwona. Kaninga bena noku banakala yi mpeya ku munyu ; mo ngwakyeba kunuximbila buxitu.

29Mo ngwatôya diyi dedi bakunyi, ene, Kikondo kitanaxikila ; mbwôso bobo badi bena bakaxi bakali bea kutena bakaxi ; 30yi bobo badila bea bantu batasodila ; yi bobo baxekyelela bea bantu batasoxekyelela ; yi bobo bolola bea bantu badi bena makaci matupu. 31Yi bobo bencenca yi loboko lolu, kumoni bea kudiencela yinalu kanana ; bwalo bwadikanana mwosambu ă loboko lolu. 32Mo ngwakyeba nuxeakala kutena maxitu. You utena muna dibakwa ndo anama bintu bia Fumu, mwa kuxekyelesa Fumu. 33Yi you udi muna dibakwa ndo anama bintu bia loboko mwa kuxekyelesa mukasanci. 34Mukaxi lolo amaxiyañana yi muxika. Mwamukaxi utena muna dibakwa ndo anama bintu bia Fumu, bixeakalayi yi babala ku mumbidi yi ku kidimu ; mo you amaya dibakwa ndo anama bintu bia loboko, mwa kuxekyelesa bayenci. 35Mo ngwatôya noku ndo kunutetowesa ; kumoni kunusukila disudi, kate bwalo bwa mwosambu unengela, binuxedingila bwalo bwa Fumu kutena kubasabasa. 36Mo ndo muntu encenca ene, kasokwenca yi mwosambu unengela bwalo bwa muxika anci, ndo yei unakala amadika bwabuki bwanci, yi bwalo buxeakala noku, akisi mwanangayi, kasokwona ; babakañani dibakwa. 37Kaninga you asala mu mucima ănci bô, kutena dibambu dia kwenca noku, mo udi yi bumanya ku bwalo bwa nyinga yenci mikyenci, yi amakwela lukanyi mu mucima ănci ene, uxenama muxika anci mikyenci, yei ndo encenca loko. 38Mbwôso you umupapa kuya dibakwa encenca loko ; mo you utasomupa kuya dibakwa ndo adika kwenca loko.

39Mukaxi amasukibwa ku kikondo kincimancima kitani bayenci yi môyo ; mo ndo mwamulumi amalala tulu, udi yi nkwami ndo kuya dibakwa kudi muntu mwoso anangayi ; mo mu Fumu mutupu. 40Kaninga amadika yi kiango kienci ndo amasala noku, ku sambo ungwasambola meme ; yi ngwencenca ene, meme kabidi ntani yi Mwoxixi a Ncembi.

Currently Selected:

1 KOLINTI 7: Luna_NT

Highlight

Copy

Compare