उत्पत्ति 9

परमेश्वर को नुह का सात वाचो बाधनो

1फिर परमेश्वर ने नूह अरु ओका बेटाहोन खे आशिर्वाद दि अरु उनका बोल्यो, “फूलो-फलो अरु बडो अरु पृथ्वी मे भरी जानु.#9:1 उत्पती 1:28 2तुम्हारो डर पृथ्वी का सब जनवरहोन, अरु बद्दल का सब चिडीहोन, अरु जमीन पर का सब रेंगनआला जन्तुहोन, अरु समुंदर की सब मंच्छीहोन पर बन्यो र्‍हिये वे सब तुम्हारा कब्जा मे करी दियो जास हइ. 3सब चलनआला जन्तु तुमारो खानो हुये; जसो तुम खे हरा छोटा झाड दिया था, वसो ही तुम खे सब कुछ देउस हइ. 4पर मास को जान समेत अर्थात खुन समेत तुम नी खानु.#9:4 लेविव्यवस्था 15:23 उत्पती 17:10,14 व्यवस्थाविवरण 12:23 5अरु सच्ची मी तुम्हारो खुन अर्थात जान को बदलो लियु : सब जनवरहोन को बदलो मी हर एक इन्सान से लियु. 6जो कोय इन्सान का खुन बोहाये ओको खुन इन्सान हि से बोहाये जाये क्युकि परमेश्वर ने इन्सान खे अपना ही स्वरुप का अनुसार बनायो हइ.#9:6 उत्पती 1:26 निगमन 20:13 7अरु तुम फुल्ये फल्ये अरु बडनु अरु पृथ्वी पर बहुतजन से सन्तान पैदा करी खे ओमे भरी जानु.”#9:7 उत्पती 1:18

8फिर परमेश्वर ने नूह अरु ओका बेटाहोन से बोल्यो. 9“सुन्नु, मी तुम्हारा साथ अरु तुम्हारा बाद जो तुम्हारो कुल हुये, ओका साथ भी वाचा बाँधुस हइ. 10अरु सब जिन्दा जनवरहोन से भी जो तुम्हारा संग हइ, का चिडी का घरेलू जनवर, का पृथ्वी का जेत्ता जीवजन्तु जहाज से निकल्या हइ. 11अरु मी तुम्हारा साथ या वाचा बाधुस हइ कि सब जनवर फिर जल प्रलय से नष्ट नी होनका अरु पृथ्वी खे नष्ट करन का लिय फिर प्रलय नी होनको.” 12फिर परमेश्वर ने बोल्यो, “जो वाचा मी तुम्हारा साथ, अरु जेत्ता जिन्दा जनवर तुम्हारा संग हइ उन सब का साथ भी युग युग का पीडीहोन का साथ बाँधुस हइ: ओको चिन्ह हइ. 13कि मेने बद्दल मे अपनो धनुष रख्यो हइ, उ मरा अरु पृथ्वी का बीच मे वाचा को चिन्ह हुये. 14अरु जब मी पृथ्वी पर बद्दल फैलायु तब बद्दल मे धनुष दिखैइ दिये. 15तब मरी जो वाचा तुम्हारा अरु सब जिन्दा आंगधारी जनवरहोन का साथ बाँध्यो हइ, ओ खे मी याद कर्यु, तब असो जल प्रलय फिर नी हुये जेकासे सब जनवरहोन को विनाश नी होनको. 16बद्दल मे जो धनुष हुये मी ओ खे देखी खे या सदा की वाचा याद कर्यु, जो परमेश्वर का अरु पृथ्वी पर का सब जिन्दा आंगधारी जनवरहोन का बीच बाँधी हइ.” 17फिर परमेश्वर ने नूह से बोल्यो, “जो वाचा मेने पृथ्वी भर का सब जनवरहोन का साथ बाँधी हइ, ओको चिन्ह योही हइ.”

नूह अरु ओका बेटा

18नूह का जो बेटा जहाज मे से निकल्या, वे शेम, हाम अरु येपेत था; अरु हाम कनान को बाप हुयो. 19नूह का तीन भैइ ये ही हइ, अरु इनको कुल पुरी पृथ्वी पर फैली गयो. 20नूह जो एक किसान था : अंगुर की बाडी लगानवालो पहलो इन्सान हुयो. 21अरु उ दाखमधु पी खे मतवालो हुयो: अरु अपना झोपडी का अंदर नंगो हुय गयो. 22तब कनान को बाप हाम ने, अपना बाप खे नंगो देख्यो, अरु बाहेर अय खे अपना दोय भैइहोन खे बतायो.#9:22 लेविव्यवस्था 22:23 23तब शेम अरु येपेत दोय ने कपडो लि खे अपना कंधा, पर रख्यो अरु पीछे का तरफ उलटो चली खे अपनो बाप खे नंगा आंग खे ढाखी दियो अरु वे अपना मुंडो पीछे कर्या हुया था येकालिये उनने अपना बाप खे नंगो नी देख्यो. 24जब नूह को नशा उतरी गयो, तब ओने जानी लियो कि ओका छोटा बेटा ने ओका साथ का कर्यो हइ. 25येकालिये ओने बोल्यो, “कनान श्रापित हो; उ अपना भैइबन्दहोन का दासहोन का दास हो.” 26फिर ओने बोल्यो, “शेम का परमेश्वर यहोवा धन्य हइ, अरु कनान शेम का दास हो. 27परमेश्वर येपेत का कुल को फैसलो; अरु उ शेम की झोपडीहोन मे बसनु, अरु कनान येपेत को दास हुयो.” 28जल प्रलय का बाद नूह साडे तीन सौ पचास साल जिन्दो र्‍हियो. 29यो प्रकार नूह का कुल उम्र नौ सौ पचास की हुय; बाद मे उ मरी गयो.

Currently Selected:

उत्पत्ति 9: Gnn25

Highlight

Copy

Compare

Want to have your highlights saved across all your devices? Sign up or sign in

The Gowlan Bible ©The Word for the World International and Gawlan Translation Samiti, Telkhar, Maharashtra, India, 2025.

Learn More About Gowlan Bible, 2025

Popular Bible Verses from
उत्पत्ति 9

Videos for उत्पत्ति 9

Episode 36:Are We Near the End? The Bible’s Hidden Pattern

Under The Hood

EP 25. Why Do So Many Cultures Have Flood Myths? The Truth Behind the Stories

Under The Hood

Ep 34. Genesis 10: How Noah’s Sons Shaped the World & God's Redemption Story

The Bible Show

Episode 19: Feeding of Four thousand with the Syrophonecian woman