उत्पत्ति 14
14
अब्राहम खे वजेसे लूत को छुडायो जनो
1शिनार को राजो अम्रापेल, अरु एल्लासार को राजो अर्योक, अरु एलाम को राजो कदोर्लाओमेर, अरु गोयीम को राजो तिदाल का दिनहोन मे असो हुयो, 2कि उनने सदोम को राजो बेरा, अरु गमोरा को राजो बिर्शा, अरु अदमा को राजो शिनाब, अरु सबोयीम को राजो शेमेबेर, अरु बेला जो सोअर भी बल्योजास हइ, इन राजाहोन का विअरुद्ध युद्ध कर्यो. 3इन पाचहोन ने सिद्दीम नामका तराइ मे, जो खारी नद्दी का पास हइ, येको कर्यो. 4बारा साल तक तो ये कदोर्लाओमेर का अधीन र्हिया; पर तेरावा साल मे ओका विअरुद्ध मे उठ्यो. 5चौदावा साल मे कदोर्लाओमेर, अरु ओका संगी राजा आया, अरु अश्तारोत्कनम मे परिज्जिहोन खे, अरु हाम मे जूजियहोन खे, अरु शावे-किर्यातैम मे एमियहोन खे, 6अरु सेइर नामको पहाड़ मे होरीयहोन खे, मारते-मारते उ एल्पारान तक जो जंगल का पास मे हइ, पहुँची गया. 7व्हा से वे पल्टी खे एमोरी खे आया, जो कादेश भी कैलास हइ, अरु अमालेकिहोन का पुरा देश खे, अरु उन एमोरिहोन खे भी जीती लियो, जो हसासोन्तामार मे र्हेता था. 8तब सदोम, गमोरा, अदमा, सबोयीम, अरु बेला, जो सोअर भी कैलास हइ, इनका राजा निकल्या, अरु सिद्दीम नामका तराइ मे, उनका साथ युद्ध का लिये पाँति बाँधी : 9अर्थात् एलाम को राजो कदोर्लाओमेर, गोयीम को राजो तिदाल, शिनार को राजो अम्रापेल, अरु एल्लासार को राजो अर्योक, इन चारी का विअरुद्ध उन पाँचहोन ने पाँति बाँधी. 10सिद्दीम नाम की तराइ मे जहाँ लसार मट्टी का गड्ढा ही गड्डा था; सदोम अरु गमोरा को राजो भागते-भागते उनमे गिर पड्या, अरु जो बच्या वे पहाड़ पर भागी गया. 11तब वे सदोम अरु गमोरा का पुरो धन अरु भोजन चिजहोन खे लूट-लाट करी खे चली गया. 12अरु अब्राम को भतीजो लूत, जो सदोम मे र्हेतो थो; ओ खे भी धन समेत वे लि खे चली गया. 13तब एक जन जो भागी खे बच निकल्यो थो ओने जय खे इब्री अब्राम खे समाचार दियो : अब्राम तो एमोरी मम्रे, जो एशकोल अरु आनेर को भइ थो, मम्रे का पवित्र झाडाहोन का जंगल मे ऱ्हेतो थो : अरु ये दुन्या अब्राम का संग वाचा भाध्या हुया था. 14यो सुनि खे कि ओको भतीजो बन्दी बन्इ लियो गयो हइ, अब्राम ने अपना तीन सौ अठरा प्रशिक्षित, युध्द कौशल्य मे निपुण दासहोन खे लि खे जो ओको कुटुम्ब मे पैदा हुया था, अस्त्र शस्त्र धारण करी खे दान नगर तक उनको पीछा कर्यो 15अरु अपना दासहोन खे अलग अलग दल बांधि खे रात खे उन पर चडाइ करी खे उन खे मारी लियो अरु होबा जगा तक, जो दमिश्क की उत्तर का तरफ हइउनको पिछा कर्यो. 16अरु उ पुरा धन खे, अरु अपना भतिजा लूत, अरु ओका धन खे, अरु बइहोन खे, अरु सब बन्दिहोन ख, लौटा लि आयो.
मलिकिसिदक को राजा को अब्राम खे आशिष देनो
17जब उ कदोर्लाओमेर अरु ओका सोप्ति राजाहोन खे जीति खे लौट आतो थो तब सदोम को राजो शावे नामको तराइ मे, जो राजा कि तराइ भी बोल्योलास हइ, ओकासे भेट करन का लिये आयो.
18तब शालेम को राजो मलिकिसिदक, जो परमप्रधान परमेश्वर को याजक थो, रोटी अरु मोरुस लि आयो. 19अरु ओने अब्राम खे यो आशिर्वाद दियो, “परमप्रधान परमेश्वर का तरफ से, जो आकाश अरु पृथ्वी को अधिकारी हइ, तू धन्य हो. 20अरु धन्य हइ परमप्रधान परमेश्वर, जेने तरा विद्रोहिहोन खे तरा कब्जा मे करी दियो हइ.” तब अब्राम ने ओ खे सब को दशमांश दियो. 21तब सदोम का राजा ने अब्राम से बोल्यो “इन्सानहोन खे तु मे खे दे, अरु धन खे अपना पास रख.” 22अब्राम ने सदोम खे राजा ने बोल्यो, “परमप्रधान परमेश्वर यहोवा, जो आकाश अरु पृथ्वी को अधिकारी हइ, 23ओकी मी या कसम खउस हइ, कि जो कुछ तरो हइ ओमे से नी ते मी एक सूत, अरु नी जूता को बन्धन, नी कोय अरु चिज लियु; कि तू असो नी बोलनो सक्हे, कि अब्राम मरा ही कारण धनी हुयो. 24पर जो कुछ इन जवानहोन ने खै लियो हइ अरु उनको भाग जो मरा साथ गया था; अर्थात् आनेर, एशकोल, अरु मम्रे मी नी लौटायु वे तो अपना-अपना भाग रखी लें.”
Currently Selected:
उत्पत्ति 14: Gnn25
Highlight
Copy
Compare
Share
Want to have your highlights saved across all your devices? Sign up or sign in
The Gowlan Bible ©The Word for the World International and Gawlan Translation Samiti, Telkhar, Maharashtra, India, 2025.
