Matai 6

Ifyabupe ifyambutitu

1 # Mat 23.5 “Mwandege, komma ukunangisya ubugolofu bwinu nkyeni mbandu ukuti mwibonesye kumyabo; linga bomukuya bunobuno, po mutisakwambilila ifihombigwa kuGwisemwe ugwa kumwanya.

2“Lelo linga kumpa undondo ifyabupe, komma ukwikubila ingangabwite nkyenimmyako, bo apa abasyobi bikubomba nnyumba sya kwiputilamo nammipulo, ukuti abandu babatufyege, naloli nikubabula une nikuti, bambilile ifihombi gwafyabo. 3Loli ugwe linga kumpa undondo ifyabupe ikiboko kyako ikimama kingasimanyaga isi kikubomba ikiboko kyako ikililo, 4ukuti ifyabupe fyakofiyego fya kubutitu; po uGuso uyu ikuketa kubutitu isakukuhombaga.

Ukumanyisya isya lwiputo

(Luk 11.2-4)

5 # Luk 18.10-14 “Kangi apa linga mukwiputa, mungayaga bo abasyobi; namanga abene biganile ukwima nukwiputa nnyumba syakwiputilamo na munyagano sya misebo, ukuti abandu babaketege; naloli nikubabula une nikuti, Bambilile ngani ifihombigwa fyabo. 6Loli ugwe linga kwiputa, gwingilege nnyumba yako kusofu, bo gwigeleko kukifigo kyako po gwiputege kuGuso uyu ali kubutitu, po uGuso uyu ikuketa kubutitu isakukupaga ifihombigwa. 7Bo mukwiputa mungayobaga mwalwemwalwe itolo bo abapanja, namanga abene bikwinogona ukuti bisakupilikigwaga panongwa yamasyu gabo amingi. 8Bunobuno lelo komma ukufwana nabo, buno uGwisemwe afimenye ifi mwagilwe bomukali nukusuma. 9Umwe lelo bo mukwiputamutigi,

Tata gwitu gwa kumwanya;

ingamu yako yikemesigwege;

10ubutwa bwako bwisege;

ubwigane bwako bubombigwege, pasi apa bo kumwanya.

11Ifyakulya fya musyugu utupepo tufwane nafyo;

12utuswege inongwa syitu,

bo apa nanuswe tukubaswa aba nongwa syitu;

13ungatubikaga dugelo, loli utupoke na kumbibi.#6.13 Kumbibi: amasimbo gamo gikongelelako: Buno bwako ubutwa, namaka nubukulumba, bwila na bwila, Amen.

14 # Mar 11.25 “Namanga lingamukubaswa abandu ubusobi bwabo, po yope uGwisemwe uyu ali kumwanya isakubaswaga nanumwe; 15loli linga mutikubaswa abandu, po yope uGwisemwe atisakubaswaga ubusobi bwinu.

Ukumanyisya pa sya kufipika ifyakulya

16“Loli bo mukufipika ifyakulya, komma ukwiluka kumaso bo abasyobi, buno bikufyandula ifyenifyabo kokuti babonekege kubandu ukuti bali pakufipika ifyakulya; naloli nikubabula une nikuti, Bambilile ngani ifihombigwa fyabo. 17Ugwe loli linga uli pakufipika ifyakulya, po ukutendekesyege kuntu gwako nukusugusula kumaso, 18kokuti ungabonekaga kubandu ukuti uli pakufipika ifyakulya, loli ku ku Guso uyu ali mbutitu; po uGuso uyu ikuketa kubutitu isakukupaga ifihombigwa.

Ikyuma ku kumwanya

(Luk 12.33-34)

19 # Yak 5.2-3 “Mungilundikilaga ikyuma pakisu, apa imbumbuli ningami fikonanga, napa abahiyi bikupangula nukuhiya. 20Loli mwilundikilege ikyuma kumwanya, kuno imbumbuli ningami fitikonanga, na kuno abahiyi batikupangula nukuhiya. 21Namanga kuno kiliko ikyuma kyako, ko kuno yisakuyako nindumbula yako.

Ulumuli lwambili

(Luk 11.34-36)

22“Amaso gali bo yi nyale kumbili. Lelo linga amaso gako manunu itolo, po umbili gwako gosa itolo gukuyaga lumuli. 23Loli linga amaso gako mabibi, po umbili gwako gosa gukuyaga ngisi. Apene linga ulumuli ulu luli mmyako lwipelile ngisi, bo bukulumba buki ingisi yiyiyi!

Kyala na ifi umundu akabile

(Luk 12.22-31; 16.13)

24“Akayako umundu uyu abagile ukubabombela abanyafyale babili; buno isakumbenga yumo nukungana uyungi, pamo isakumumililaga yumo nukunsyokela uyungi. Mukabagila ukumbombela Kyala pamopene nukukibombela ikyuma.

25“Po apa nikubabula nikuti, Komma ukubwiyayila ubumi bwinu ukuti mukulyaga fiki nukuti mukunwaga fiki, pamo numbili gwinu ukuti mukufwalaga fiki. Ngimba ubumi bukafikinda ifyakulya, gope numbili ngimba gukafikinda ifyakufwala? 26Amuketege injuni sya kumwanya, buno sitikusopa nukutondola, kangi sitikubunganikisya mundamba loli uGwisemwe gwa kumwanya ikusiswila; umwe lelo kali mukasikinda injuni ubupala? 27Umwe muno muyilile, nkwiyaya kwinu, ywani amenye ukwiyongelapo panandi ubutali bwake? 28Nigya kufwala, kali mukwiyaya fiki? Amwegelege kubulenge bwa ndisu apa bukukula, butikwikatasya kangi butikuluka.

29 # 1 Banyaf 10.4-7; 2 Syambu 9.3-6 “Loli nikubabula umwe nikuti, Yope na yu malafyale Solomoni mbukabi bwake bosa, akafwelemo imyenda igi gili bo ubulenge ubununu. 30Linga Kyala ikulifwika bo bunobuno ilisu fya ndisu, ili likuyako umusyugu kilabo likusopigwa nkigemo kyamoto, po ati aleke bulebule ukukindilila ukubafwika umwe? Mwe ba lwitiko ulupepe umwe. 31Komma lelo ukwiyaya ukuti, ‘Tukulyaga fiki?’ Pamo, ‘Tukunwaga fiki?’ Pamo, ‘Tukufwalaga fiki?’ 32Buno fyosa fififi fyo ifi bikwiyaya nafyo abapanja; buno uGwisemwe ugwa kumwanya afimenye fyosa ifi mufumbilwe. 33Loli amubulondege tasi ubutwa bwake nubugolofu bwake, po fyosa fififi mukongeligwangapo. 34Komma lelo ukwiyayaisya kilabo, buno ilya kilabo likwiyayila lyene. Ilisiku lyosa likufwana nubutolwe, ili ubwake, ili ubwake.

Currently Selected:

Matai 6: NNBII

Highlight

Copy