Kesah Rasul 7
7
Stepanus mantun bahawa pomimpin bangsa Yahudi aroh kolu norima Yesus samah ma tatu hiang doh aroh kolu norima Mohotara
7:1-53
1Paluh Imam Kopala co poko bokuasa ngisok ma Stepanus, “Mainboh bujur pai aangco hien doh non?”
2Stepanus museh, “Kawan bapa hintang kawan Konduang, ngoneh aangco hieng kuh tuh! Taman loluhur to, Abraham kotuhi eh nukui nyan derah Mesopotamia. Kotika are incah nyan derah Mesopotamia yoh, Mohotara co patut tonara ocop poleha arop-Eh ma are. 3Mohotara mantun Abraham, ‘Naat eh bat negrimu tuh. Naat eh bat ewang bobuham, paluh tulak hia negri co angar tonunjuk Kuh ma iko.’ 4Jadi, Abraham naat derah Mesopotamia, tana dulun Kasdim yoh, paluh bungkat hia kota Haran. Opah tamai eh matoi, Mohotara nyuhu Abraham pindah ingkan idi hia negri Israel tuh, ika tukui to makitu.#7:2-4 Mohotara horulut Abraham ingkan kota Ur-Kasdim nyan derah Mesopotamia, hia kota Haran, paluh hia tana Kanaan (tana Israel). Kojadian 11:31–12:5; 15:7.
5Kotika iyoh ico kotapak silu mahi aroko tana ihin Mohotara indan Abraham ika are tempui eh. Tapi Mohotara bojanji ma are bahawa tana cotuh angar tomihi indan koturunan eh. Podahar kotika iyoh Abraham arinai oko anak eh. 6Hien Mohotara ma are, ‘Sorinai tana cotuh tomihi indan koturunan mu, iroh angar nukui soun isan tomuoi nyan negri bangsa bokon. Bangsa taiyoh angar momaksa kokon koturunan mu bogawi samah ma cipon. Kotahin opat latuh toun, bangsa cioh angar umpi iroh ma korinah kopurun. 7Tapi opah iyoh, Akuh angar mohukum bangsa cioh. Paluh koturunan mu angar pusit ingkan negri cioh. Iroh angar nyembahnyuku Akuh nyan ika cotuh.’#7:5-7 Ingkan Kojadian 15:13-14; 17:7-8.
8Paluh Mohotara bojanji ma Abraham. Mohotara angar sotia ma Abraham hintang koturunan eh, maka iroh sobulih ka sotia ma-Are. Mohotara nyuhu sika bakah tomalak. Balak cioh jarin ciri doh momporhati janji cioh.#7:8 Noto Kojadian 17:3-14. Opah iyoh Abraham oko anak eh. Arai eh Ishak. Jadi, hayak Ishak umur jalu ondo, Abraham paluh malak eh. Isanioh ka waktu Ishak oko anak eh, co araieh Yakub, daja cioh mahi tomalak. Yakub mahi nguan aang co samah ma duo balas anak eh. Opah iyoh kokon doh yoh jarin duo balas taman loluhur bangsa to Israel.
9Anak Yakub co kosobalas araieh Yusup. Kokon ongka eh bosingon ma are. Jadi, tobojuar doh are hia podagang. Paluh ehen podagang cioh are hia tana Mesir. Nyan Mesir yoh Yusup jarin cipon, tapi Mohotara tenden oko umba are.
10Mohotara nyolamat are ingkan sika kosusah co tonongkomo eh. Mohotara umpi Yusup korinah bijaksana, dapot Laca Mesir herak ma are. Paluh laca cioh mangkat Yusup jarin gubernur ngolauh Mesir, tomasuk murus kokon urusan istana laca ka.
11Opah iyoh tojadibat boncana douonuh nyan ngolauh Mesir. Tana Kanaan mahi buah, dapot kokon dulun korinah kohojok. Tatu hiyang to yoh nyan negri Kanaan aroh boraoi haba kanon. 12Jadi, waktu Yakub ngoneh bahawa nyan Mesir oko libang kanon,#7:12 Negeri Mesir oko kanon tului Mohotara mara ma Yusup bahawa angar oko sorong dou onuh. Maka sorinai iyoh Yusup ngumpur gandum ika tenden oko kanon hiyah waktu dou onuh cioh. maka poko tului iyoh are nyuhu tatu hiang to yoh hia idi. Nonboh nain kosulak eh iroh tulak hia Mesir. Hayak iroh dapot nyan idi, iroh aroh nyono Yusup. Iroh buli mehen gandum cioh. 13Tapi opah iyoh kanon doh yoh punah kole, paluh iroh tulak kole indan co kohonduo kali eh. Nyan waktu cioh bat, Yusup tarang terangan mara ma iroh. Yusup posono arop eh ma kawan ongka eh. Paluh, Laca Mesir monau tintun koluarga Yusup. 14Yusup nyoruhan kawan ongka eh buli. Yusup nyau iroh milo tamai eh hintang kokon ewang bobuhan doh ika doh uras boraoi bungkat hia Mesir. Nyan kotika iyoh, kuhat doh pitum pulu limo beti. 15Jadi, Yakub hintang kokon tatu hiang to yoh tulak hia Mesir. Uras doh nukui nyan negri cioh dapot matoi nyan idi. 16Tapi tulang eh tomehen doh hopuli hia kota Sikhem. Tulang eh yoh ehen ika boraoi tongolowong nyan kolowong co ocop tomoli pian Abraham. Awi sinan Abraham moli tana cioh ingkan kawan anak Hemor dulun intin.
17 Jadi, tatu hiang to yoh jarin cipon nyan Mesir. Tapi ocu houn ma iyoh, Mohotara ocop bojanji ma Abraham. Janjin Mohotara yoh bahawa Are angar mehen iroh pusit ingkan tana Mesir. Jadi nyan kotahin aang bat, sasar dokin kotika Mohotara monepat janji Eh yoh, kuhat dulun ito nyan Mesir sasar botambah orong. 18Nyan kotika cioh, ico beti laca baa momorentah nyan Mesir.#7:18 Kira-kira opat latuh toun opah Yusup matoi. Laca cioh aroh monanu bahawa Yusupco ocop dohop dulun Mesir batuh.#7:18 Laca cioh aroko monau bahawa Yusup beh co dohop dulun Mesir hiyak waktu boncana dou onuh sinan. 19Laca cioh nongkohut hintang bangih ma tatu hiang to yoh, tului iyoh tatu hiang to soranta. Aroh kolui eh ma bangsa to sasar orong. Tomaksa eh iroh mende kawan longa anak doh co bakah ika eh matoi.
20Kotika cioh boh Musa tonganak. Longa daja cioh homomok lau. Tolu bulan kotahi dulun ongko eh nia samir nyuhuk eh nyan lopo. 21Kosodahai daja cioh aroh lian hopompaluh tonyuhuk doh. Topaksa bat iroh mende eh. Tapi opah iyoh anak bawe Laca Mesir popak daja cioh paluh tonia eh isan anakeh.#7:21 Noto Koluaran 2:1-10. 22Jadi Musa tomondidik ma kokon macam ilmu pongotahuan dulun Mesir. Are jarin dulun co hebat. Are oko kuasa, iyoh onon nyan ponah kawan antun kawun kuan gawi eh.
23Kotika Musa umur opat pulu toun, are nulak arop eh ika nyari kawan bobuhai eh, bangsa Israel. 24Kotika iyoh, kitai eh ico beti ingkan iroh dahat tongohojat pian ico beti dulun Mesir. Jadi, Musa nyau mombela dulun Israel yoh. Tongompatoi Musa dulun Mesir yoh. 25Sompan Musa kawan bobuhai eh dulun Israel yoh lian paham awi Mohotara rahat hapo are. Mohotara hapo are ika nyolamat iroh ingkan ika tohocipon. Tapi iroh aroh paham ma aangcioh.
26Nyan ico ondo eh kole, Musa tobarung ma duo dulun Israel co bokon. Iroh rahat hojat. Musa nyuwah podamai iroh. Hie eh, ‘Oo konduang, aroh hokohojat! Ikan hokonduang.’ 27Tapi dulun co molantu jolahai eh yoh ngonyuhung Musa. Hie eh, ‘Iko aroh bohak matur hintang mongadili kaih. 28Aroh dapot iko ngompatoi akuh kole, isan dulun Mesir co tongompatoi mu malom.’ 29Hayak Musa ngoneh antun dulun cioh, are jarin takut awi ocop koraon dulun oluh eh are co ngompatoi dulun Mesir yoh. Jadi, are buho ingkan Mesir paluh nukui isan tomuoi nyan negri dulun Midian. Nyan Midian yoh are kawin paluh haba duo beti anak eh bakah.
30Opat pulu toun ocop tongolangkun. Opah iyoh, nyan ico kotika Musa dahat nyan padang gurun dokin Puruk Sinai. Waktu iyoh, oko molekat poleha arop eh ma Musa. Molekat cioh isan apui co ngori nyan humput. 31Korinah kohurong Musama apui co aroh mapang humput cioh. Musa ngoroni apui cioh ika bolantang noto eh ingkan dokin. Kotika iyoh, are ngoneh suara Tuhan, Mohotara co mantun, 32‘Akuh boh otuh Mohotara co tonyembah pian tatu hiang mu yoh, co tonyembah Abraham, Ishak, hintang Yakub.’
Waktu Musa ngoneh kawan antun taiyoh, are jarin korinah akut eh dapot hororiki. Are aroh bohanyi noto hia topit apui cioh bat. 33Paluh Tuhan, Mohotara mantun kole, ‘Mukoi sandalmu, awi nyan ika mu tonjok non yoh tana co suci awi Akuh oko nyan intoi. 34Umat-Kuh korinah soranta nyan Mesir. Ancioh bujur-bujur ocop kitang-Kuh. Koneh Kuh ka iroh ngolomumut. Tului iyoh, Akuh ocop toka ika mombebas iroh ingkan ika doh tohocipon.’. Jadi bosiap siap bat, awi makitu Akuh nyoruhan iko ika hia negri Mesir ina nguan conon.
35Jadi Tuhan, Mohotara nyoruhan Musa, co batuh tonongkuloi dulun Israel. Hien doh, ‘Aroko hak mu matur hintang mongadili kaih!’ Tapi songola are bat co ocop tonyoruhan Mohotara homboh molekat co poleha arop ma Musa nyan tohun humput cioh. Mohotara nyoruhan are ika jarin dulun co momimpin hintang pondohop bangsa Israel.#7:35 Dulun Israel kuloi ma Musa co tonyoruhan Mohotara ika jarin pomimpin doh hintang dohop iroh ingkan ika doh tohocipon nyan Mesir. Isanioh ka koturunan doh nyan jaman Yesus. Kawan dulun Yahudi kuloi Yesus co tonyoruhan Mohotara ika jarin Tuhan doh hintang mombebas iroh tului tohocipon dosa, iyoh onon hukuman tului dosan doh.
36Musa tuhbat co momimpin dulun Israel pusit ingkan Mesir. Are umpi orong aang co mosotahir nyan negri Mesir nyan Laut Merah. Are mahi umpi orong aang co mosotahir kotika iroh oko nyan padang gurun kotahin opat pulu toun. 37Musa tuh ka co ocop mantun ma bangsa Israel, ‘Tuhan, Mohotaram me nyoruhan ico beti ingkan bangsa to. Are angar jarin Nabi co porapot antun Mohotara indam me. Are angar samah ma akuh.’#7:36-37 Ingkan Ulangan 18:15. Noto catatan nyan Kesah 3:22. 38Kotahin tatu hiang to dulun Israel oko nyan padang gurun, Musa oko homboh iroh. Are jarin holang indan doh awi are co norima kawan antun Mohotara ingkan molekat nyan Puruk Sinai, paluh are porapot kawan antun Mohotara yoh ma iroh. Dapot makitu mahi indan to kawan antun Mohotara yoh incah oko. Kawan antun Mohotara yoh monjelas cara bolum co ngonyorih songai Eh.
39Tapi tatu hiang to yoh aroh kolu tuhit ma Musa. Tokalik seen iroh kuloi ma are. Kojere doh nyau hopuli hia Mesir.#7:39 Oko duo komungkinan. 1) Dulun Israel nyau hopuli hia Mesir awi oko ongkun ponguman, ATAWA 2) Dulun Israel nyau hopuli nyembah dewa-dewi Mesir hangki TUHAN, Mohotara. 40Jadi kotika Musa incah nyan Puruk Sinai, iroh mantun ma Harun, ‘Musa ocop mehen ito pusit ingkan negri Mesir. Tapi makitu ito aroh monau ome co tojadi ma are. Jadi, toi nampa eh bat pira-pira kopatung indan to. Kawan kopatung tanon jarin kawan dewa co angar momimpin ito.’ 41Hiah iyohbat kotika eh iroh nampa kopatung co potongai eh isan anak sapi. Iroh mehen kawan komolum ika porsembahan indan kopatung cioh. Ma kojorih songa iroh umpi pesta bahai. Pesta cioh ika moraya kopatung, tampa silun doh tarop. 42Poko tului iyoh, Mohotara umbot bat mihi aang co pio indan doh paluh moholu iroh nyembahnyuku matanondo, bulan, kawan potondu. Cioh tojadi samah ma co tonulih nyan ponah buku kawan nabi. Hien Mohotara, ‘Haas bat ikan dulun Israel! Ikan tuh bolum nyan padang gurun kotahin opat pulu toun. Kotahin iyoh, ikan aroh tuu-tuu mehen kurban tonyarak hintang porsembahan co bokon indang-Kuh. 43Ikan nampa kawan kopatung ika nyembahnyuku kawan dewa bokon. Oko kopatung dewa Molok nyan ponah kemah. Ikan nyanon kemah taiyoh ingkan ico ika hia ika co bokon. Ikan mahi mehen banda co isan potondu ika nyembah dewa Repan. Poko tului iyoh, Akuh ocop mutus eh ika mohukum ikan. Ikan angar kalah dahat ojat hintang tonga me tonawan ika jarin cipon kawun ikan angar ehen pian kawan musuh dapot hia kota Babel paluh labih ocu hangki iyoh kole.’#7:42-43 Ingkan Amos 5:25-27.
44Kotahin tatu hiang to nyan padang gurun, iroh mehen Kemah ika Sombayang Mohotara horulut iroh. Kemah cioh tonampa sosuai ma aang co tomara Mohotara, isan co ocop topototo Eh ma Musa.#7:17-44 Stepanus monyimpul sojarah dulun Israel co tongesah nyan kitab Koluaran. 45Hayak Musa matoi Yosua momimpin tatu hiang to, ika Mohotara dohop iroh pokalah kawan bangsa bokon dapot iroh hegah ngorabut tana cotuh. Iroh mehen Kemah Ika Sombayang Mohotara dapot hia intoi ka. Kemah cioh oko nyan iroh dapot jaman Laca Daud. 46Daud korinah ngonyorih songan Mohotara. Jadi are nyawot ma Mohotara ika mangun ico lopo indan Mohotara, iyoh onon Mohotara co tonyembah tatu hiang to Yakub. 47Aroh Daud co mangun lopo Mohotara iyoh tapi anak eh, co araieh Salomo.
48Tapi Mohotara co Poko Bokuasa aroh nukui nyan ponah lopo co tomangun pian silun kolunon. Isan antun Mohotara co tongorapot pian ico beti dulun curuhan Mohotara, 49Langit yoh ina Kuh tuot ika momorentah. PaangKuh tomandak Kuh nyan bumi.
Jadi aroh bodai ikan boraoi mangun lopo indang-Kuh atawa ika indang Kuh istirahat.
50Mingkat eh, Akuh tuh co ocop ngonyolung kokoi eh tuh!#7:44-50 Kesah 7:49-50 tomonu tonga eh ingkan Yesaya 66:1-2. Kawan pomimpin Yahudi tolangkun poleha deon ibadah nyan Lopo Mohotara nyan kota Yerusalem. Jadi, Stepanus bomaksud Mohotara labih bahai hangki ome bewe co hegah tonguan kolunon. Mohotara oko nyan omoh-omoh. Are lian tonyembah nyan omoh-omoh.
51Paluh hien Stepanus, “Ikan tuh karas makeng! Songam me aroh kolu tuhit ma Mohotara! Tolingam me aroh kolu ngoneh antun Tuhan! Ikan hopompaluh ngolawan Roh Mohotara samah ma tatu hiang me yoh! 52Tatu hiyang me yoh nyoranta kokon nabi Mohotara. Jaman sinan, iroh ngompatoi kawan nabi co momborita tintun korombut Laca Co Tomonjanji Mohotara, iyohonon Jungus Mohotara co hopompaluh bolum bujur nyan tohimo Mohotara. Makitu laca cioh ocop dombut tapi ikan nyarah Are hia kawan musuh-Eh ika Are tongompatoi! 53Jaman sinan Mohotara nyoruhan kawan molekat-Eh ika morapot kawan porentah-Eh indan tatu hiang me. Makitu, nyan ikan ocop oko kawan porentah taiyoh ponah Surat Borasih, tapi ikan aroh tuhit ma eh!”
Stepanus tongompatoi
7:54–8:1a
54Kotika kawan pomimpin Yahudi ngoneh kokon antonga iyoh, iroh ngoritet kosing doh tului mias kosangit eh. 55Tapi kotika cioh Roh Mohotara oko nyan Stepanus. Are nongkara hia langit, kitai eh cohaya ingkan Mohotara. Kitai eh ka Yesus dahat tonjok nyan ika co poko tohormat, iyohonon nyan topit kontoun Mohotara. 56Hien Stepanus, “Noto eh! Akuh kito langit pukap. Yesus Co Tonyoruhan Mohotara Ika Jarin Kolunon dahat tonjok nyan topit kontoun Mohotara.”
57Kotika iroh ngoneh antun Stepanus yoh, iroh ngaput tolingan doh samir noriak, holuh sorempak nyarang are. 58Iroh hobuhut hobehet are hia luar kota, paluh molai medak are ma batu ika eh matoi. Kawan dulun co bosaksi ngolawan Stepanus yoh mukoi jubah doh ika iroh aroh kaluk bat medak are ma batu, paluh iroh naat kawan jubah doh nyan paan ico bakah lehoi co araieh Saulus.#7:58 Kawan-saksi taiyoh, mungkin kawan dulun co tonisi nyan Kesah 6:13, co kosulak eh medak ma batu (noto Imamat 24:14 hintang Ulangan 17:7). Saulus cotuh samah ma co tonyono sobagai Paulus co jarin rasul Yesus.
59Kotika kawan dulun medak Stepanus ma batu, are bodoa, “Tuhan Yesus, norima bat roh kuh.” 60Paluh samir ngelop kalop, are naah ma suara muhat. Hie eh, “Tuhan, mampun bat dosan doh co tongompian makitu tuh!”
Opah mantun nain iyoh, Stepanus matoi.
Currently Selected:
Kesah Rasul 7: TBSS
Highlight
Copy
Compare
Share
Want to have your highlights saved across all your devices? Sign up or sign in
Kesah Rasul 7
7
Stepanus mantun bahawa pomimpin bangsa Yahudi aroh kolu norima Yesus samah ma tatu hiang doh aroh kolu norima Mohotara
7:1-53
1Paluh Imam Kopala co poko bokuasa ngisok ma Stepanus, “Mainboh bujur pai aangco hien doh non?”
2Stepanus museh, “Kawan bapa hintang kawan Konduang, ngoneh aangco hieng kuh tuh! Taman loluhur to, Abraham kotuhi eh nukui nyan derah Mesopotamia. Kotika are incah nyan derah Mesopotamia yoh, Mohotara co patut tonara ocop poleha arop-Eh ma are. 3Mohotara mantun Abraham, ‘Naat eh bat negrimu tuh. Naat eh bat ewang bobuham, paluh tulak hia negri co angar tonunjuk Kuh ma iko.’ 4Jadi, Abraham naat derah Mesopotamia, tana dulun Kasdim yoh, paluh bungkat hia kota Haran. Opah tamai eh matoi, Mohotara nyuhu Abraham pindah ingkan idi hia negri Israel tuh, ika tukui to makitu.#7:2-4 Mohotara horulut Abraham ingkan kota Ur-Kasdim nyan derah Mesopotamia, hia kota Haran, paluh hia tana Kanaan (tana Israel). Kojadian 11:31–12:5; 15:7.
5Kotika iyoh ico kotapak silu mahi aroko tana ihin Mohotara indan Abraham ika are tempui eh. Tapi Mohotara bojanji ma are bahawa tana cotuh angar tomihi indan koturunan eh. Podahar kotika iyoh Abraham arinai oko anak eh. 6Hien Mohotara ma are, ‘Sorinai tana cotuh tomihi indan koturunan mu, iroh angar nukui soun isan tomuoi nyan negri bangsa bokon. Bangsa taiyoh angar momaksa kokon koturunan mu bogawi samah ma cipon. Kotahin opat latuh toun, bangsa cioh angar umpi iroh ma korinah kopurun. 7Tapi opah iyoh, Akuh angar mohukum bangsa cioh. Paluh koturunan mu angar pusit ingkan negri cioh. Iroh angar nyembahnyuku Akuh nyan ika cotuh.’#7:5-7 Ingkan Kojadian 15:13-14; 17:7-8.
8Paluh Mohotara bojanji ma Abraham. Mohotara angar sotia ma Abraham hintang koturunan eh, maka iroh sobulih ka sotia ma-Are. Mohotara nyuhu sika bakah tomalak. Balak cioh jarin ciri doh momporhati janji cioh.#7:8 Noto Kojadian 17:3-14. Opah iyoh Abraham oko anak eh. Arai eh Ishak. Jadi, hayak Ishak umur jalu ondo, Abraham paluh malak eh. Isanioh ka waktu Ishak oko anak eh, co araieh Yakub, daja cioh mahi tomalak. Yakub mahi nguan aang co samah ma duo balas anak eh. Opah iyoh kokon doh yoh jarin duo balas taman loluhur bangsa to Israel.
9Anak Yakub co kosobalas araieh Yusup. Kokon ongka eh bosingon ma are. Jadi, tobojuar doh are hia podagang. Paluh ehen podagang cioh are hia tana Mesir. Nyan Mesir yoh Yusup jarin cipon, tapi Mohotara tenden oko umba are.
10Mohotara nyolamat are ingkan sika kosusah co tonongkomo eh. Mohotara umpi Yusup korinah bijaksana, dapot Laca Mesir herak ma are. Paluh laca cioh mangkat Yusup jarin gubernur ngolauh Mesir, tomasuk murus kokon urusan istana laca ka.
11Opah iyoh tojadibat boncana douonuh nyan ngolauh Mesir. Tana Kanaan mahi buah, dapot kokon dulun korinah kohojok. Tatu hiyang to yoh nyan negri Kanaan aroh boraoi haba kanon. 12Jadi, waktu Yakub ngoneh bahawa nyan Mesir oko libang kanon,#7:12 Negeri Mesir oko kanon tului Mohotara mara ma Yusup bahawa angar oko sorong dou onuh. Maka sorinai iyoh Yusup ngumpur gandum ika tenden oko kanon hiyah waktu dou onuh cioh. maka poko tului iyoh are nyuhu tatu hiang to yoh hia idi. Nonboh nain kosulak eh iroh tulak hia Mesir. Hayak iroh dapot nyan idi, iroh aroh nyono Yusup. Iroh buli mehen gandum cioh. 13Tapi opah iyoh kanon doh yoh punah kole, paluh iroh tulak kole indan co kohonduo kali eh. Nyan waktu cioh bat, Yusup tarang terangan mara ma iroh. Yusup posono arop eh ma kawan ongka eh. Paluh, Laca Mesir monau tintun koluarga Yusup. 14Yusup nyoruhan kawan ongka eh buli. Yusup nyau iroh milo tamai eh hintang kokon ewang bobuhan doh ika doh uras boraoi bungkat hia Mesir. Nyan kotika iyoh, kuhat doh pitum pulu limo beti. 15Jadi, Yakub hintang kokon tatu hiang to yoh tulak hia Mesir. Uras doh nukui nyan negri cioh dapot matoi nyan idi. 16Tapi tulang eh tomehen doh hopuli hia kota Sikhem. Tulang eh yoh ehen ika boraoi tongolowong nyan kolowong co ocop tomoli pian Abraham. Awi sinan Abraham moli tana cioh ingkan kawan anak Hemor dulun intin.
17 Jadi, tatu hiang to yoh jarin cipon nyan Mesir. Tapi ocu houn ma iyoh, Mohotara ocop bojanji ma Abraham. Janjin Mohotara yoh bahawa Are angar mehen iroh pusit ingkan tana Mesir. Jadi nyan kotahin aang bat, sasar dokin kotika Mohotara monepat janji Eh yoh, kuhat dulun ito nyan Mesir sasar botambah orong. 18Nyan kotika cioh, ico beti laca baa momorentah nyan Mesir.#7:18 Kira-kira opat latuh toun opah Yusup matoi. Laca cioh aroh monanu bahawa Yusupco ocop dohop dulun Mesir batuh.#7:18 Laca cioh aroko monau bahawa Yusup beh co dohop dulun Mesir hiyak waktu boncana dou onuh sinan. 19Laca cioh nongkohut hintang bangih ma tatu hiang to yoh, tului iyoh tatu hiang to soranta. Aroh kolui eh ma bangsa to sasar orong. Tomaksa eh iroh mende kawan longa anak doh co bakah ika eh matoi.
20Kotika cioh boh Musa tonganak. Longa daja cioh homomok lau. Tolu bulan kotahi dulun ongko eh nia samir nyuhuk eh nyan lopo. 21Kosodahai daja cioh aroh lian hopompaluh tonyuhuk doh. Topaksa bat iroh mende eh. Tapi opah iyoh anak bawe Laca Mesir popak daja cioh paluh tonia eh isan anakeh.#7:21 Noto Koluaran 2:1-10. 22Jadi Musa tomondidik ma kokon macam ilmu pongotahuan dulun Mesir. Are jarin dulun co hebat. Are oko kuasa, iyoh onon nyan ponah kawan antun kawun kuan gawi eh.
23Kotika Musa umur opat pulu toun, are nulak arop eh ika nyari kawan bobuhai eh, bangsa Israel. 24Kotika iyoh, kitai eh ico beti ingkan iroh dahat tongohojat pian ico beti dulun Mesir. Jadi, Musa nyau mombela dulun Israel yoh. Tongompatoi Musa dulun Mesir yoh. 25Sompan Musa kawan bobuhai eh dulun Israel yoh lian paham awi Mohotara rahat hapo are. Mohotara hapo are ika nyolamat iroh ingkan ika tohocipon. Tapi iroh aroh paham ma aangcioh.
26Nyan ico ondo eh kole, Musa tobarung ma duo dulun Israel co bokon. Iroh rahat hojat. Musa nyuwah podamai iroh. Hie eh, ‘Oo konduang, aroh hokohojat! Ikan hokonduang.’ 27Tapi dulun co molantu jolahai eh yoh ngonyuhung Musa. Hie eh, ‘Iko aroh bohak matur hintang mongadili kaih. 28Aroh dapot iko ngompatoi akuh kole, isan dulun Mesir co tongompatoi mu malom.’ 29Hayak Musa ngoneh antun dulun cioh, are jarin takut awi ocop koraon dulun oluh eh are co ngompatoi dulun Mesir yoh. Jadi, are buho ingkan Mesir paluh nukui isan tomuoi nyan negri dulun Midian. Nyan Midian yoh are kawin paluh haba duo beti anak eh bakah.
30Opat pulu toun ocop tongolangkun. Opah iyoh, nyan ico kotika Musa dahat nyan padang gurun dokin Puruk Sinai. Waktu iyoh, oko molekat poleha arop eh ma Musa. Molekat cioh isan apui co ngori nyan humput. 31Korinah kohurong Musama apui co aroh mapang humput cioh. Musa ngoroni apui cioh ika bolantang noto eh ingkan dokin. Kotika iyoh, are ngoneh suara Tuhan, Mohotara co mantun, 32‘Akuh boh otuh Mohotara co tonyembah pian tatu hiang mu yoh, co tonyembah Abraham, Ishak, hintang Yakub.’
Waktu Musa ngoneh kawan antun taiyoh, are jarin korinah akut eh dapot hororiki. Are aroh bohanyi noto hia topit apui cioh bat. 33Paluh Tuhan, Mohotara mantun kole, ‘Mukoi sandalmu, awi nyan ika mu tonjok non yoh tana co suci awi Akuh oko nyan intoi. 34Umat-Kuh korinah soranta nyan Mesir. Ancioh bujur-bujur ocop kitang-Kuh. Koneh Kuh ka iroh ngolomumut. Tului iyoh, Akuh ocop toka ika mombebas iroh ingkan ika doh tohocipon.’. Jadi bosiap siap bat, awi makitu Akuh nyoruhan iko ika hia negri Mesir ina nguan conon.
35Jadi Tuhan, Mohotara nyoruhan Musa, co batuh tonongkuloi dulun Israel. Hien doh, ‘Aroko hak mu matur hintang mongadili kaih!’ Tapi songola are bat co ocop tonyoruhan Mohotara homboh molekat co poleha arop ma Musa nyan tohun humput cioh. Mohotara nyoruhan are ika jarin dulun co momimpin hintang pondohop bangsa Israel.#7:35 Dulun Israel kuloi ma Musa co tonyoruhan Mohotara ika jarin pomimpin doh hintang dohop iroh ingkan ika doh tohocipon nyan Mesir. Isanioh ka koturunan doh nyan jaman Yesus. Kawan dulun Yahudi kuloi Yesus co tonyoruhan Mohotara ika jarin Tuhan doh hintang mombebas iroh tului tohocipon dosa, iyoh onon hukuman tului dosan doh.
36Musa tuhbat co momimpin dulun Israel pusit ingkan Mesir. Are umpi orong aang co mosotahir nyan negri Mesir nyan Laut Merah. Are mahi umpi orong aang co mosotahir kotika iroh oko nyan padang gurun kotahin opat pulu toun. 37Musa tuh ka co ocop mantun ma bangsa Israel, ‘Tuhan, Mohotaram me nyoruhan ico beti ingkan bangsa to. Are angar jarin Nabi co porapot antun Mohotara indam me. Are angar samah ma akuh.’#7:36-37 Ingkan Ulangan 18:15. Noto catatan nyan Kesah 3:22. 38Kotahin tatu hiang to dulun Israel oko nyan padang gurun, Musa oko homboh iroh. Are jarin holang indan doh awi are co norima kawan antun Mohotara ingkan molekat nyan Puruk Sinai, paluh are porapot kawan antun Mohotara yoh ma iroh. Dapot makitu mahi indan to kawan antun Mohotara yoh incah oko. Kawan antun Mohotara yoh monjelas cara bolum co ngonyorih songai Eh.
39Tapi tatu hiang to yoh aroh kolu tuhit ma Musa. Tokalik seen iroh kuloi ma are. Kojere doh nyau hopuli hia Mesir.#7:39 Oko duo komungkinan. 1) Dulun Israel nyau hopuli hia Mesir awi oko ongkun ponguman, ATAWA 2) Dulun Israel nyau hopuli nyembah dewa-dewi Mesir hangki TUHAN, Mohotara. 40Jadi kotika Musa incah nyan Puruk Sinai, iroh mantun ma Harun, ‘Musa ocop mehen ito pusit ingkan negri Mesir. Tapi makitu ito aroh monau ome co tojadi ma are. Jadi, toi nampa eh bat pira-pira kopatung indan to. Kawan kopatung tanon jarin kawan dewa co angar momimpin ito.’ 41Hiah iyohbat kotika eh iroh nampa kopatung co potongai eh isan anak sapi. Iroh mehen kawan komolum ika porsembahan indan kopatung cioh. Ma kojorih songa iroh umpi pesta bahai. Pesta cioh ika moraya kopatung, tampa silun doh tarop. 42Poko tului iyoh, Mohotara umbot bat mihi aang co pio indan doh paluh moholu iroh nyembahnyuku matanondo, bulan, kawan potondu. Cioh tojadi samah ma co tonulih nyan ponah buku kawan nabi. Hien Mohotara, ‘Haas bat ikan dulun Israel! Ikan tuh bolum nyan padang gurun kotahin opat pulu toun. Kotahin iyoh, ikan aroh tuu-tuu mehen kurban tonyarak hintang porsembahan co bokon indang-Kuh. 43Ikan nampa kawan kopatung ika nyembahnyuku kawan dewa bokon. Oko kopatung dewa Molok nyan ponah kemah. Ikan nyanon kemah taiyoh ingkan ico ika hia ika co bokon. Ikan mahi mehen banda co isan potondu ika nyembah dewa Repan. Poko tului iyoh, Akuh ocop mutus eh ika mohukum ikan. Ikan angar kalah dahat ojat hintang tonga me tonawan ika jarin cipon kawun ikan angar ehen pian kawan musuh dapot hia kota Babel paluh labih ocu hangki iyoh kole.’#7:42-43 Ingkan Amos 5:25-27.
44Kotahin tatu hiang to nyan padang gurun, iroh mehen Kemah ika Sombayang Mohotara horulut iroh. Kemah cioh tonampa sosuai ma aang co tomara Mohotara, isan co ocop topototo Eh ma Musa.#7:17-44 Stepanus monyimpul sojarah dulun Israel co tongesah nyan kitab Koluaran. 45Hayak Musa matoi Yosua momimpin tatu hiang to, ika Mohotara dohop iroh pokalah kawan bangsa bokon dapot iroh hegah ngorabut tana cotuh. Iroh mehen Kemah Ika Sombayang Mohotara dapot hia intoi ka. Kemah cioh oko nyan iroh dapot jaman Laca Daud. 46Daud korinah ngonyorih songan Mohotara. Jadi are nyawot ma Mohotara ika mangun ico lopo indan Mohotara, iyoh onon Mohotara co tonyembah tatu hiang to Yakub. 47Aroh Daud co mangun lopo Mohotara iyoh tapi anak eh, co araieh Salomo.
48Tapi Mohotara co Poko Bokuasa aroh nukui nyan ponah lopo co tomangun pian silun kolunon. Isan antun Mohotara co tongorapot pian ico beti dulun curuhan Mohotara, 49Langit yoh ina Kuh tuot ika momorentah. PaangKuh tomandak Kuh nyan bumi.
Jadi aroh bodai ikan boraoi mangun lopo indang-Kuh atawa ika indang Kuh istirahat.
50Mingkat eh, Akuh tuh co ocop ngonyolung kokoi eh tuh!#7:44-50 Kesah 7:49-50 tomonu tonga eh ingkan Yesaya 66:1-2. Kawan pomimpin Yahudi tolangkun poleha deon ibadah nyan Lopo Mohotara nyan kota Yerusalem. Jadi, Stepanus bomaksud Mohotara labih bahai hangki ome bewe co hegah tonguan kolunon. Mohotara oko nyan omoh-omoh. Are lian tonyembah nyan omoh-omoh.
51Paluh hien Stepanus, “Ikan tuh karas makeng! Songam me aroh kolu tuhit ma Mohotara! Tolingam me aroh kolu ngoneh antun Tuhan! Ikan hopompaluh ngolawan Roh Mohotara samah ma tatu hiang me yoh! 52Tatu hiyang me yoh nyoranta kokon nabi Mohotara. Jaman sinan, iroh ngompatoi kawan nabi co momborita tintun korombut Laca Co Tomonjanji Mohotara, iyohonon Jungus Mohotara co hopompaluh bolum bujur nyan tohimo Mohotara. Makitu laca cioh ocop dombut tapi ikan nyarah Are hia kawan musuh-Eh ika Are tongompatoi! 53Jaman sinan Mohotara nyoruhan kawan molekat-Eh ika morapot kawan porentah-Eh indan tatu hiang me. Makitu, nyan ikan ocop oko kawan porentah taiyoh ponah Surat Borasih, tapi ikan aroh tuhit ma eh!”
Stepanus tongompatoi
7:54–8:1a
54Kotika kawan pomimpin Yahudi ngoneh kokon antonga iyoh, iroh ngoritet kosing doh tului mias kosangit eh. 55Tapi kotika cioh Roh Mohotara oko nyan Stepanus. Are nongkara hia langit, kitai eh cohaya ingkan Mohotara. Kitai eh ka Yesus dahat tonjok nyan ika co poko tohormat, iyohonon nyan topit kontoun Mohotara. 56Hien Stepanus, “Noto eh! Akuh kito langit pukap. Yesus Co Tonyoruhan Mohotara Ika Jarin Kolunon dahat tonjok nyan topit kontoun Mohotara.”
57Kotika iroh ngoneh antun Stepanus yoh, iroh ngaput tolingan doh samir noriak, holuh sorempak nyarang are. 58Iroh hobuhut hobehet are hia luar kota, paluh molai medak are ma batu ika eh matoi. Kawan dulun co bosaksi ngolawan Stepanus yoh mukoi jubah doh ika iroh aroh kaluk bat medak are ma batu, paluh iroh naat kawan jubah doh nyan paan ico bakah lehoi co araieh Saulus.#7:58 Kawan-saksi taiyoh, mungkin kawan dulun co tonisi nyan Kesah 6:13, co kosulak eh medak ma batu (noto Imamat 24:14 hintang Ulangan 17:7). Saulus cotuh samah ma co tonyono sobagai Paulus co jarin rasul Yesus.
59Kotika kawan dulun medak Stepanus ma batu, are bodoa, “Tuhan Yesus, norima bat roh kuh.” 60Paluh samir ngelop kalop, are naah ma suara muhat. Hie eh, “Tuhan, mampun bat dosan doh co tongompian makitu tuh!”
Opah mantun nain iyoh, Stepanus matoi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in