Kesah Rasul 6
6
Pitu beti dulun tomili ika molayani dulun mala
6:1-7
1Sasar tahi, sasar orong dulun Yahudi co porocaya ma Yesus. Dulun Yahudi co hobasa Ibrani mahi oko co porocaya ma Yesus. Co hobasa Yunani mahi oko. Iroh co hobasa Yunani yoh borokomuham tului dulun co hobasa Ibrani yoh aroh adil magi kanon sika ondo indan kawan balu. Kawan balu co hobasa Yunani derek aroh tomporhati. 2Poko tului iyoh, duo balas rasul ngumpur kokon dulun co porocaya ma Yesus, paluh mantun, hien doh “Kaih sobulih horoholuh momborita Tarung Pio tintun Yesus. Aroh pio amun kaih naat polayanan cioh ika urusan magi kanon sika ondo. 3Jadi konduang bakah bawe, ikan sobulih mili pitu beti ingkan halo ikan. Iroh co pitu beti yoh mula sobulih dulun co bijaksana hintang pio adat eh. Iroh yoh mahi sobulih tomimpin pian Roh Mohotara. Kaih angar nyarah polayanan cotuh ma iroh. Iroh tuh bat co magi kawan kanon sika ondo. 4Hintang ika kaih lian ngorondong pikiran ponah doa hintang porapot Tarung Pio tintun Yesus.”
5Kokon dulun co oko yoh sotuju ma usulan cioh. Iroh mili Stepanus. (Are korinah porocaya ma Yesus. Are mahi tomomimpin roh Mohotara). Opah iyoh iroh mili Pilipus,#6:5 Pilipus cotuh bokon ma rasul Yesus co araieh Pilipus. Prokorus, Nikanor, Timon, Parmenas, hintang Nikolaus. (Are ingkan kota Antiokia. Are yoh bokon ma dulun Yahudi asli tapi piji umba agama Yahudi sorinai are porocaya ma Yesus). 6Pitu beti dulun tatuh ehen hia kawan rasul. Kawan rasul bodoa samir mandak silun doh nyan tungkui pitu beti dulun taiyoh. Ika nyoruhan iroh monggawi tugas eh.
7Tarung Pio tintun Yesus horoholuh tonyebar. Kuhat dulun co porocaya nyan Yerusalem sasar botambah orong. Kawan imam mahi orong co porocaya ma Yesus.#6:7 Orong pomimpin agama Yahudi ngolawan kawan rasul hintang dulun bokon co porocaya ma Yesus. Tapi iroh iyoh onon pomimpin co poko bokuasa isan kawan imam kopala. Orong imam biasa molai porocaya ma Yesus.
Stepanus tonawan
6:8-15
8Nah, Stepanus, ingkan pitu beti co tonyoruhan nin, tomihi kawan aang co pio hintang kuasa ingkan Mohotara. Are boraoi umpi orong aang co mosotahir nyan halo dulun orong. 9Tapi oko kolompok dulun Yahudi co ngolawan are. Iroh ingkan kolompopk co tonisi Libertini. Kolompok cotuh todiri ingkan kawan dulun Yerusalem tapi borasal ingkan kota Kirene, kota Aleksandria, propinsi Kilikia, hintang propinsi Asia. Iroh hotaleh ma Stepanus, 10tapi Roh Mohotara nompi Stepanus ngonyangit bijaksana dapot kawan dulun taiyoh aroh lian naleh aang co hie.
11Jadi, iroh tonih-tonih ngajuk pira pira beti dulun ika potampa Stepanus. Iroh tonyuhu mantun, “Kaih ngoneh Stepanus poceet Musa hintang Mohotara.”
12Jadi iroh umpi dulun orong sangit ma Stepanus. Kawan pomimpin masarakat hintang kawan guru hukum Yahudi mahi umba sangit. Iroh ngohia Stepanus tonawan paluh mehen eh hia sidang pomimpin dulun Yahudi co poko penting. 13Paluh iroh mehen kawan-saksi co mantun kawan anco aroh bujur tintun are. Hien doh, “Are tuh pompaluh mantun ajaran co ngolawan Lopo Mohotara cotuh. Are mahi hopompaluh mantun ajaran co ngolawan Buku Hukum Mohotara co tonulih Musa. 14Awi kaih ocop ngoneh are mantun. Hie eh, Yesus ingkan Nasaret angar mohancur ika cotuh.#6:14 Oluco Yesus ocop umpi nubuat bahawa Lopo Mohotara angar tomohancur (Lukas 21:5-6), Are aroh piji mantun bahawa Are leh co angar umpieh isanioh (noto Yohanes 2:19). Are mahi nisi Yesus angar mubah adat turan co tomorapot Musa ma tatu hiang to yoh.”
15Kokon dulun co tuot nyan ponah sidang cioh nolangon Stepanus. Itan doh tampa eh mancar isan tampa molekat.#6:15 Tampa Stepanus bocohaya potinjun bahawa Mohotara co ika somi.
Currently Selected:
Kesah Rasul 6: TBSS
Highlight
Copy
Compare
Share
Want to have your highlights saved across all your devices? Sign up or sign in
Kesah Rasul 6
6
Pitu beti dulun tomili ika molayani dulun mala
6:1-7
1Sasar tahi, sasar orong dulun Yahudi co porocaya ma Yesus. Dulun Yahudi co hobasa Ibrani mahi oko co porocaya ma Yesus. Co hobasa Yunani mahi oko. Iroh co hobasa Yunani yoh borokomuham tului dulun co hobasa Ibrani yoh aroh adil magi kanon sika ondo indan kawan balu. Kawan balu co hobasa Yunani derek aroh tomporhati. 2Poko tului iyoh, duo balas rasul ngumpur kokon dulun co porocaya ma Yesus, paluh mantun, hien doh “Kaih sobulih horoholuh momborita Tarung Pio tintun Yesus. Aroh pio amun kaih naat polayanan cioh ika urusan magi kanon sika ondo. 3Jadi konduang bakah bawe, ikan sobulih mili pitu beti ingkan halo ikan. Iroh co pitu beti yoh mula sobulih dulun co bijaksana hintang pio adat eh. Iroh yoh mahi sobulih tomimpin pian Roh Mohotara. Kaih angar nyarah polayanan cotuh ma iroh. Iroh tuh bat co magi kawan kanon sika ondo. 4Hintang ika kaih lian ngorondong pikiran ponah doa hintang porapot Tarung Pio tintun Yesus.”
5Kokon dulun co oko yoh sotuju ma usulan cioh. Iroh mili Stepanus. (Are korinah porocaya ma Yesus. Are mahi tomomimpin roh Mohotara). Opah iyoh iroh mili Pilipus,#6:5 Pilipus cotuh bokon ma rasul Yesus co araieh Pilipus. Prokorus, Nikanor, Timon, Parmenas, hintang Nikolaus. (Are ingkan kota Antiokia. Are yoh bokon ma dulun Yahudi asli tapi piji umba agama Yahudi sorinai are porocaya ma Yesus). 6Pitu beti dulun tatuh ehen hia kawan rasul. Kawan rasul bodoa samir mandak silun doh nyan tungkui pitu beti dulun taiyoh. Ika nyoruhan iroh monggawi tugas eh.
7Tarung Pio tintun Yesus horoholuh tonyebar. Kuhat dulun co porocaya nyan Yerusalem sasar botambah orong. Kawan imam mahi orong co porocaya ma Yesus.#6:7 Orong pomimpin agama Yahudi ngolawan kawan rasul hintang dulun bokon co porocaya ma Yesus. Tapi iroh iyoh onon pomimpin co poko bokuasa isan kawan imam kopala. Orong imam biasa molai porocaya ma Yesus.
Stepanus tonawan
6:8-15
8Nah, Stepanus, ingkan pitu beti co tonyoruhan nin, tomihi kawan aang co pio hintang kuasa ingkan Mohotara. Are boraoi umpi orong aang co mosotahir nyan halo dulun orong. 9Tapi oko kolompok dulun Yahudi co ngolawan are. Iroh ingkan kolompopk co tonisi Libertini. Kolompok cotuh todiri ingkan kawan dulun Yerusalem tapi borasal ingkan kota Kirene, kota Aleksandria, propinsi Kilikia, hintang propinsi Asia. Iroh hotaleh ma Stepanus, 10tapi Roh Mohotara nompi Stepanus ngonyangit bijaksana dapot kawan dulun taiyoh aroh lian naleh aang co hie.
11Jadi, iroh tonih-tonih ngajuk pira pira beti dulun ika potampa Stepanus. Iroh tonyuhu mantun, “Kaih ngoneh Stepanus poceet Musa hintang Mohotara.”
12Jadi iroh umpi dulun orong sangit ma Stepanus. Kawan pomimpin masarakat hintang kawan guru hukum Yahudi mahi umba sangit. Iroh ngohia Stepanus tonawan paluh mehen eh hia sidang pomimpin dulun Yahudi co poko penting. 13Paluh iroh mehen kawan-saksi co mantun kawan anco aroh bujur tintun are. Hien doh, “Are tuh pompaluh mantun ajaran co ngolawan Lopo Mohotara cotuh. Are mahi hopompaluh mantun ajaran co ngolawan Buku Hukum Mohotara co tonulih Musa. 14Awi kaih ocop ngoneh are mantun. Hie eh, Yesus ingkan Nasaret angar mohancur ika cotuh.#6:14 Oluco Yesus ocop umpi nubuat bahawa Lopo Mohotara angar tomohancur (Lukas 21:5-6), Are aroh piji mantun bahawa Are leh co angar umpieh isanioh (noto Yohanes 2:19). Are mahi nisi Yesus angar mubah adat turan co tomorapot Musa ma tatu hiang to yoh.”
15Kokon dulun co tuot nyan ponah sidang cioh nolangon Stepanus. Itan doh tampa eh mancar isan tampa molekat.#6:15 Tampa Stepanus bocohaya potinjun bahawa Mohotara co ika somi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in