Захарияа 3
3
Дүрбэдэхи үзэгдэл: ахамад санаартан ба эрлиг дайсан
1Тэрэ Эзэнэй Эльгээмэлэй үмэнэ зогсожо байһан ахамад санаартан Иисүүсые намда харуулба, баруун таладань тэрээнтэй тэмсэдэг эрлигые баһа зааба. 2Эзэн эрлиг дайсанда айладаба:
– Эзэн шамайе буруушаажа байна. Үнэхөөр Иерусалимые шэлэһэн Эзэн шамайе буруушаана! Энэ хүн галһаа абтаһан сусалда адли бэшэ гү?!
3Иисүүс муухай болоһон хубсаһа үмдэнхэй, Эльгээмэлэй урда зогсобо. 4Эльгээмэл урдань зогсогшодто хэлэбэ:
– Иисүүсэй муухай хубсаһыень тайлагты.
Өөртэнь хэлэбэ:
– Харыт, иигэжэ Би гэмытнай сагааруулбаб, жабхалангай хубсаһаар хубсалуулхаб.
5Удаань иигэжэ хэлэбэ:
– Тэрэнэй толгойдо сэбэр орёолто үмдэхүүлэгты.
Эльгээмэлэй зогсоод хаража байхадань, сэбэр орёолто толгойдонь орёобо, жабхалангай хубсаһа бэедэнь үмдэхүүлбэ. 6Эльгээмэл Иисүүсые һэргылэн:
7Түмэн Сэрэгтэ Эзэн иигэжэ зарлиг болобо:
Ши Минии замаар ябажа, Минии үйлэ бүтээ.
Тиигэбэл Минии гэр захирхаш, Минии албатанай харуул болохош.
Эндэ зогсогшодой дунда сүлөөтэй ябаха эрхэ шамда соёрхохоб.
8Шагнал даа, ахамад санаарта ши Иисүүс,
шинии урда һуужа байһан ахамад санаартан мүн лэ дуулажа байг.
Эдэ зон үзэгдэл шэнжын гэршэ болохо.
Би Өөрынгөө богоолые, Өөрын Һалаа эндэ асаржа харуулхам.
9Иисүүсэй урда энэ шулуу табинаб.
Тэрэ шулуун долоон нюдэтэй. Би тэрээн дээрэ хандалга бэшэг һиилэхэб.
Энэ газарай нүгэл хилэнсэгые үгы хэһэн үдэр ерэхэ гэжэ бэшээтэй байха.
10Тэрэ үдэр хүнүүд бэе бэеэ уһан үзэм, инжир модонууд доро һуулгахаар уриха.
Иигэжэ Түмэн Сэрэгтэ Эзэн айладана.
Currently Selected:
Захарияа 3: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
