Михей 5
5
Һайн мэдээсэл
1Сэрэгэй бүлэгүүдэй хото!
Сэрэгээ суглуулан,
дайлалдахада зохистойгоор таби!
Дайсад бидэниие бүһэлөөл!
Тэдэ Израилиин удамаршые
хасар руунь һабаа модоор сохихо.
2«Эпраата гэдэг Бэтлэһээм,
Иудын мянгаад һууринуудай эгээл
бага һууринь ши гээшэш», –
гэжэ Эзэн айладхана.
Гэбэшье шинии улад зонһоо
Эзэн нэгые шэлэжэ,
бүхы Израилиин удамаршаар табиха.
Тэрэ хүнэй угынь урдын
урда сагһаа эшэ үндэһэтэй.
3Зай, тэрэ удамаршын түрэтэр
Эзэн Израилиие орхёод байха.
Харин түрэхэдэнь,
сүлэлгэдэ байгааша аха дүүнэрынь
Израилиин улад зондоо бусаха.
4Удамарша заларжа,
Эзэнһээ абаһан хүсөөрөө болон
Эзэн Бурханайнгаа нэрын һүр жабхалангаар
арад түмэниие зонхилон байха.
Тэрэнэй арад аюулгүй байдалда ажамидаран байха,
юуб гэбэл, дэлхэйн бүхы арадууд
агууехыень мэдэрэнхэй байха юм.
5Амгалан тайбан байдал тогтохо.
Ассириин сэрэгэй манай газар уһанда ерэжэ,
манай хамгаалалтые гэшхэн гарахадань,
бидэ урдаһаань тулахаар хэдэн шанга
удамаршые эльгээхэбди.
6Нимроодой газар Ассириие
тэдэ һэлмын хүсөөр даран абаха.
Ассириин сэрэгэй манай газар
дайдада добтолон ороходо
тэдэл маанадые абарха болоно.
7Амиды мэндэ үлөөшэ Яковай үри һадаһад
олон арадуудай дунда Эзэнһээ
үршөөгдэһэн шүүдэр мэтэ байха.
Ургамал ногоон дээрэ орохо
бороо мэтэ тэдэ байхал.
Тэдэ хүнһөө дулдыдахагүй,
Бурханһаал дулдыдаха юм.
8Арадуудай, үндэһэ яһатанай дунда байгааша Яковай үри һадаһад
ой тайгын, талын ан амитадай дунда байгааша арсалан мэтэ,
дэбһэжэ, уража байха, хэншье тэрээнһээ абаржа шадахагүй.
9Израиль дайсадаа бүримүһэн усадхаха.
10Эзэн иигэжэ айладана: «Тэрэ үдэр Би моридыеш,
дайшалхы тэргэнүүдыеш усадхахаб.
11Газар дайдыншни хото һууринуудые үгы хэхэб,
бүхы бүхэлэлтэнүүдыеш унагаан һандаргаахаб.
12Эльбэ жэльбэтэйшүүлые, үзэлшэ зурхайшадые
шинии хажууһаа үгы хэхэб.
13Хүрэг онгонуудыеш, мүргэдэг баханануудыеш хажууһаашни усадхахаб,
тиихэдэм өөрынгөө хэһэн бүтээлнүүдтэ һүгэдэн мүргэхэеэ болихош.
14Ашэраа бурханда мүргэдэг модон баханануудыеш үгы хэжэ,
хотонуудыеш усадхахаб.
15Минии үгэ дууладаггүй арадуудта уур хилэгнэн, үһөөгөө абахаб!»
Currently Selected:
Михей 5: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
