Малаахи 4
4
1«Харагты, хэрэг шүүлгын үдэр ерэхэнь гээшэ, тэрэ халааһан зууха шэнги халуун байха. Омог бардам хүнүүд хуу хэһээгдэхэ, муу үйлэ хэгшэд һолоомон шэнги шатаха. Тэдэнһээ мүшэршье, үндэһэншье үлэхэгүй», – гэжэ Түмэн Сэрэгтэ Эзэн айладажа байна. 2«Гэбэшье Минии нэрын урда һүгэдэдэг хүнүүдэй түлөө үнэн шударгын наран мандажа, эдэгээгшэ туяа гийгүүлхэл. Таанад хашаанһаа гүйжэ гараһан тугал шэнги сүлөөтэй хүхюу харайлдахат. 3Таанад нүгэлтэниие гэшхэн гарахат, Минии томилһон үдэр хүлэйтнай ула дорохи тоборог болохо» гэжэ Түмэн Сэрэгтэ Эзэн айладажа байна.
4«Минии зараса Моисейн Һургаал һанагты. Хорээб хада дээрэ Минии тэрээндэ тушааһан тогтоол, зарлигуудые һанагты. Энэ хадаа бүхы Израильда хэгдэһэн хэрээ захяа гээшэ.
Эзэнэй үдэрэй урда тээ заларан ерэхэ Элияа лүндэншэн
5Харагты, Эзэнэй агууехэ, һүрөөтэ үдэр ерэхэһээнь урид Би лүндэншэн Элияае таанарта эльгээнэб. 6Тэрэ эсэгэнэрэй сэдьхэл хүүгэдтэнь, хүүгэдэй сэдьхэл эсэгэ тээшэнь эрьюулхэ. Үгы гэбэл, Би ерэжэ, энэ нютаг орониие хараалда хүртөөхэб».
Currently Selected:
Малаахи 4: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
