Аввакуум 1
1
1Энэ хадаа лүндэншэ Аввакуумда#1:1 Еврей хэлэн дээрэ «Хавакук». Эзэнэй үзүүлһэн үзэгдэл.
Лүндэншын түрүүшын гомдол
2Эзэн, би хэды болотор туһаламжа эрин дуудажа, Та хэды болотор соносонгүй байха юмта? Би хүсэрхэлгэ тухай Танда хэды болотор орилон байбашье, Та абархагүй юмта? 3Юундэ Та намда гэм бурууе үзүүлжэ, юундэ бузар муухайе харуулнат? Хэрзэгы ааша болон хүсэрхэл урдамни үзэгдэнэ, хуули хазагайруулха, добтолон орохо ябадал бүри олошорон байнал. 4Тиимэһээл хуули сахигданагүй, үнэн шударга зарга шүүбэри гэжэ үгы. Юуб гэбэл, муу муухай зон зүб үнэн зониие диилэн байна, иигэжэл үнэн шударга зарга шүүбэри гажана.
Эзэнэй харюу
5Эзэн иигэжэ арад түмэндөө айладхаа: «Арадуудай дундуур харагты, анхаралтай үзэгты, гайхагты! Таанадта дуулгаашье һаа, танай үнэншэхөөр бэшэ Агууехэ үйлэ хэрэг эдэ үдэрнүүдтэ Би бүтээхэмни. 6Өөрын бэшэ газар уһа эзэмдэхэеэ дэлхэйн энгээр ябааша Вавилооной хэрзэгы, дошхон арадые Би бодхоохоб. 7Тэрэ ехэ һүрдэмөөр, аймшагтай. Тэдэ өөрөө өөһэдтөө хуули ёһо, засаг журам зохёодог. 8Хүлэгүүдынь ирбэсһээ хурдан, үдэшэ гарадаг үлэн шоноһоошье түргэн. Мори унаһан сэрэгынь алас холоһоо гүйдэлөөрөө ерэжэ байна, олзо руугаа шуумайгша бүргэд мэтэ ниидэн ерэнэ. 9Тэдэ бии хүсөөрөө урагшаа шармайн, дээрмэшэлхэеэ ерэнэ. Баряанда абааша зониинь элһэн мэтэ тоо томшогүй. 10Хаашуулые тэдэ доромжолно, захирагшадые наадална. Бүхэлэлтэ бүхэниие тэдэ шооложо, шулуу обоолон, тэрэниие эзэлнэ. 11Һалхин мэтэ тэдэ үнгэржэ, хүсэ шадалдаа найданхай, гансал хүсые бурхан мэтээр шүтэнхэй ябана».
Лүндэншын хоёрдохи гомдол
12Эзэмни, Та эртэ урда сагһаа хойшо Бурхан бэлэйт. Та минии нангин болон мүнхэ Бурхан мүн. Эзэмни, Хамгаалагшамни, Та маанадые хэһээхыень тэдэниие асараат. 13Муу муухай юумэ, харшалалта хаража байдаггүйт. Теэд мүнөө юундэ муу муухай зониие хаража, үнэн шударга хүниие гэмтэй хүнэй диилэжэ байхадань абяа аниргүй байнабта? 14Загаһанда гү, али хүтэлхэ удамаршагүй мүлхидэг амитандал адляар юундэ зондо ханданабта? 15Дайсан тэдэниие дэгээгээр гоходон татажа, губшуураар шүүрдэн барижа, баярлан-хүхин байнал. 16Тэрэ губшууртаа мүргэжэ, үргэл үргэжэ байна, юуб гэхэдэ, губшуурынь тэрэниие эрхим хоолоор хангана шуу. 17Тэрэ хайра гамгүйгөөр губшуураа татажал, арадуудые хюдажал байха юм аал?!
Currently Selected:
Аввакуум 1: BurBBL2024
Highlight
Copy
Compare
Share
Want to have your highlights saved across all your devices? Sign up or sign in
© Институт перевода Библии, перевод, комментарии, 2024
© Российское Библейское Общество, перевод, комментарии, 2024
© Оформление. Институт перевода Библии, 2024
