ዛካርያሳ 6
6
ኦይዱ ፓራ ጋረታ ቆንጨ
1ቃስ ታኒ ቁ ጋዳ ፄልያ ዎደ ኦይዱ ፓራ ጋረት ናምኡ ናሰ ብራታ ደረታፐ ግዶራ የይሳታ በአስ። 2ኮይሮ ጋርያ ዞኦ ፓራት ጎቾሶና፤ ናምአን ጋርያ ካሬ ፓራት ጎቾሶና። 3ሄን ጋርያ ቦ ፓራት ጎቾሶና፤ ኦይዳን ጋርያ ዋንጮ ፓራት ጎቾሶና። 4ታኒ ኪታንቹዋኮ፥ “ታ ጎዳዉ፥ ሀይሳቲ አይቤ?” ያጋዳ ኦይቻስ።
5ኪታንቾይ ዛሪድ፥ “ሀይሳቲ ቢታ ኡባ ጎዳ ስንን ኤቅድ ኦያ ኦይዱ ሳሎ ጫርኮታ። 6ካሬ ፓራት ጎችያ ጋረይ ፑደሀ ባጋ ቢታ ቤስ፤ ቦ ፓራት ጎችያ ጋረይ ዉሎሀ ባጋ ቤስ፤ ዋንጮ ፓራት ጎችያ ጋረይ ዱገሀ ባጋ ቤስ” ያግስ።
7ሄ ፓራት ቢታ ዎቻናዉ ከይዳ ዎደ ገደ ሃ ፓችፓሮሶና። ኪታንቾይ ኤንታኮ፥ “ብድ ቢታ ኡባ ዩይድ ዎችተ” ያግስ። ኤንቲ ብድ ቢታ ኡባ ዩይድ ዎችዶሶና። 8ሄሳፈ ጉየ፥ ኪታንቾይ ባ ቃላ ቁ ኦድ፥ “ሄኮ፥ ፑደሀ ባጋ ቢታ ብዳ ፓራት ታ አያና ሄ ቢታን ሸምፕስዶሶና” ያግስ።
እያሱስ ጊግዳ ካላቻ
9ጎዳ ቃላይ ታኮ ሀይሳዳ ያግሸ ይስ፦ 10“ባብሎነ ድኤተፈ ስምዳ ሄልዳይ፥ ፆበይነ ያዳይ እምያ ብራነ ዎርቃ እሞታ ኤካዳ ሄ ጋላስ ሶፎንያሳ ናኣ እዮስያሳ ሶ ባ። 11ኤንታፈ ኤክዳ ብራፐነ ዎርቃፈ ካላቻ መዳ እዮሳደቃ ናኣ፥ ካህነ ሀላቃ እያሱ ሁጰን ዎ። 12ኡባፈ ዎልቃማ ጎዳይ ሀይሳዳ ያጌስ ጋዳ እያዉ ኦዳ፦ ሄኮ፥ ታሸይ ባ በሳን ዳያ ግሾነ እ ፆሳ ኬ ኬፅያ ግሾ፥ እያ ሱንይ ‘ታሸ ጌተትዳ አደይ ሀይሳ። 13ጎዳ ኬ ኬፃናይ እያ፤ እ ካዎተ ማኡዋ ማእድ፥ አራታን ኡትድ ሃራና። ቃስ እያ አራታ ማታን እስ ካህነይ ኤቃና፤ ኤንታ ናምኣ ግዶን እስፈተ ዳና።’ 14ሄ ካላቻይ ሄልዳያ፥ ፆቢያ፥ ያዳያነ ሶፎንያሳ ናኣ እዮስያሳ ቆፍሶ ግድድ፥ ጎዳ ፆሳ ኬን ዳና” ያግስ።
15ሄ ዎደ ሃሆ በሳን ደእያ አሳት ጎዳ ኬ ኬፅድ ማዳናዉ ያና። ኡባፈ ዎልቃማ ጎዳይ ታና ህንተኮ ኪትዳይሳ ህንተ ሄሳን ኤራና። ጎዳስ፥ ህንተ ፆሳስ ህንተ ፖሎ ኪተትኮ ሄስ ሀናና።
Currently Selected:
ዛካርያሳ 6: GFBEVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
