ዛካርያሳ 11

1ነኖ፥ ልባኖሰ፥

ታም ነ ዝጋታ ማና መላ፥

ነ ፐንገታ ዶያ!

2ነኖ ፂዳዉ፥ ዝጋይ ኩንድዳ ግሾ፥

ቦንቾ ምት ይዳ ግሾ፥ ዪ ጋዳ ዬካ!

ህንተኖ ባሳና ዎላቶ፥

ሄ ስከትዳ ዎራይ ማንኤትዳ ግሾ፥ ዪ ግድ ዬክተ።

3ኤንታ ሎኦ ሄን በሳይ ይዳ ግሾ፥

ሄንንቾታ ዘለልሳ ስእተ፤

ዮርዳኖሰ ዎራይ ይዳ ግሾ፥

ጋሞት ጉደይሳ ስእተ።

ናምኡ ሄንንቾታ

4ጎዳይ ታ ፆሳይ ታኮ ሀይሳዳ ያግስ፦ “ሹከታናዉ ደእያ ዶርሳ ዉድያ ሄማ። 5ኤንታ ሻመይሳት ሹኮሶና፤ ሽን ሴረቶኮና። ባይዘይሳት፥ ‘ኑኒ ዱረትዳ፤ ጎዳይ ጋላተቶ’ ያጎሶና፤ ሀር አቶሽን፥ ኤንታ ሄንንቾት ኤንታዉ ቃቶኮና” ያግስ።

6ጎዳይ ሀይሳዳ ያጌስ፦ “ታኒ ህዛፐ ጉየ ሀ ቢታን ደእያ አሳስ ቃትከ። ታኒ እስ እስ አሰ እያ ሾሩዋስነ እያ ካዋስ አዳ እማና። ኤንቲ ቢታ ይሳና፤ ታኒ እስ አስካ ኤንታ ኩሽያፐ አሽከ” ያጌስ።

7ሄሳ ግሾ፥ ታኒ ሹከታናዉ ደእያ ዶርሳታ፥ አዳ ቃስ ዉድያ ግዶን ኡንኤትዳይሳታ ሄመይሳ ግዳስ። ያታዳ ዶርሳታ ሄማናዉ ናምኡ ፃምአታ ኤካዳ፥ እሱዋ “ዶሰትዳይሳ” ጋዳ ፄጋስ፤ ናምአንዋ “እስፈተ” ጋዳ ፄጋስ። 8ታኒ እስ አጌናን ሄ ሄንንቾታ ይሳስ። ኤንታ ሀኖተይ ታዉ ዳንዳኤተና፤ ኤንትካ ታና እፅዶሶና። 9ያታ ስማዳ ታ ዶርሳታኮ፥ “ታኒ ህንተና ናምአን ሄምከ፤ ሀይቀይስ ሀይቆ፤ የይስ ዮ፤ አትዳይሳት እሶይ እሱዋ ሞ” ያጋስ።

10ሄሳፈ ጉየ ታኒ “ዶሰትዳይሳ” ጌተትያ ፃምአ ኤካዳ መንስ። ሄሳ ታ ኦዳይ ካዎተታራ ገልዳ ጫቆይ ዱፅዳይሳ በሳናሳ። 11ሄ ጋላስ ጫቆይ መእስ፤ ሄ ዎደ ዶርሰ ሻመይሳትነ ባይዛይሳት ታና በእድ፥ ሄስ ጎዳ ቃላ ግደይሳ ኤርዶሶና። 12ታኒ፥ “ህንተ ዶስኮ ታ ዳሞዝያ እምተ፤ እፃስ ጊኮ አጋግተ” ያጋስ። ያትን ኤንቲ ታዉ ሀስታሙ ብራ ሳንትመ እምዶሶና።

13ጎዳይ ታኮ፥ “ኤንቲ እምዳ ቦንቾ ሚሽያ ኤፋዳ ፆሳ ኬን ደእያ ኦቱዋን የጋ” ያግስ። ታኒ ሄ ሚሽያ ኤፋዳ ፆሳ ኬን ደእያ ኦቱዋን የጋስ። 14ሄሳፈ ጉየ፥ ታኒ ይሁዳስነ እስራኤለስ ግዶን ደእያ እሻተይ ይዳይሳ በሳናዉ “እስፈተ” ጌተትያ ታ ናምአን ፃምኣ መንስ።

15ቃስካ ጎዳይ ታና፥ “ናምአን ባዳ ፓና ሄንንቾታ ሚሽያ ኤካ። 16ታኒ ሀ ቢታን እስ ሄንንቾ ደንና። እ ቆሄትዳ ዶርሳታ ማደና፤ ላለትዳ ዶርሳታ ሺሸና፤ መቅዳ ዶርሳታ ኮለና፤ ፓፃ ደኤይሳታ ሄመና። ሽን እ ሄሳ አግድ፥ ሞታ ሹክድ ሜስ፤ ኤንታ ኮልዝያ ጌስ። 17ዶርሳ ዉድያ የግ ይዳ ሄ ፓና ሄንንቾታ አየ! እያ ቀስያነ እያ ኡሻቻ አይፍያ ቦላ ማሽ ዎ። እያ ኡሻቻ ኩሸይ ስሎ፤ እያ ኡሻቻ አይፈይ ቆቆ” ያግስ።

Currently Selected:

ዛካርያሳ 11: GFBEVF

Highlight

Copy

Compare