ማቶሳ 15
15
ፋርሳወታ ዎጋ
(ማር 7:1-13)
1ሄሳፈ ጉየ፥ እስ እስ ፋርሳወትነ ህገ አስታማረት የሩሳላመፐ የሱሳኮ ይድ፥ 2“ነ ታማረት አይስ ኑ አዋታ ዎጋ መንና? ኤንቲ ካ ማናፐ ስን ባንታ ኩሽያ ሜጨቶኮና” ያግድ ኦይችዶሶና።
3የሱሲ ዛሪድ፥ “ህንተ፥ ህንተ ዎጋ ግሾ፥ ፆሳ ኪታ ፖለይሳ አይስ እፄቲ? 4አይስ ጊኮ፥ ፆሳይ፥ ‘ነ አዋነ ነ አይዉ ቦንቻ። እ ባ አዋ ዎይኮ ባ አይዉ ጫየይስ ሀይቆ ግቤኔ?’ ያግስ።#ከሳ 20:12፤ ዛረ 5:16፤ ከሳ 21:17፤ ሌወ 20:9. 5ሽን ህንተ፥ እስ አስ ባ አዋ ዎይኮ ባ አይዉ ማዳናባይ ደእሽን፥ ‘ሀይሳ ታ ፆሳስ ያርሻስ ጊኮ፥ 6ባ አዋ ዎይኮ ባ አይዉ ቦንቻናዉ በሰና’ ያጌታ። ያትድ ህንተ፥ ህንተ ዎጋ ፖላናዉ ፆሳ ቃላ መንታ። 7ህንተኖ፥ ጩቦቶ፥ እሳያስ ህንተባ ልከ ኦድስ፥
8“ ‘ሀ አሳይ ታና ባንታ ዶናን ቦንቼስ፥
ሽን ኤንታ ዎዛናይ ታፐ ሃሆን ደኤስ።
9አሳይ ታና ጮ ጎይኖሶና፤
ኤንቲ አስ መዳ ኪታ
ፆሳ ህገ ዳንስድ ታማርሶሶና’ ግስ” ያግስ።
አሰ ቱንስያባታ
(ማር 7:14-23)
10የሱሲ ዳሮ አሳ ባኮ ፄግድ፥ “ስእተ! አኬክተ! 11አሰ ቱንስያባይ ዶናራ ገልያባ ግዶናሽን ዶናፐ ከያባ” ያግስ።
12ሄሳፈ ጉየ፥ የሱሳ ታማረት እያኮ ይድ፥ “ፋርሳወት ኔኒ ግዳይሳ ስእድ በትዳይሳ አኬካይ?” ያግዶሶና።
13ሽን የሱሲ ዛሪድ፥ “ሳሎን ደእያ ታ አዋይ ቶክቦና ም ኡባይ ሾደታና። 14ኤንታባ ህርጎፍተ፤ ኤንቲ ቆቀ ካለያ ቆቀታ። ቆቀይ ቆቀ ካለኮ፥ ናምአይካ ኦላን ኩንዳና” ያግስ።#ሉቃ 6:39.
15ጰፅሮስ ዛሪድ፥ “ሀ ሌምሱዋ ብርሸ ኑስ ኦዳርኪ” ያግስ።
16የሱሲ ኤንታኮ፥ “ህንተዉካ ሀእ ጋካናዉ ገልቤኔ? 17ዶናራ ገልያባ ኡባይ ኡሎ ገልድ ካረ ከየይሳ ኤረከቲ? 18ሽን ዶናራ ከያባይ ዎዛናፐ ከዬስ። አሰ ቱንስያባት ሄሳታ።#ማቶ 12:34. 19ኤንትካ፦ አሳ ዎዛና ግዶፈ ከይያ ኢታ ቆፋ፥ ዎ፥ ላይማተ፥ ኢታ ኦሶ፥ ካይሶ፥ ዎርዶ ማርካተ፥ ጫሸ። 20ሄሳ ዳንያባት አሰ ቱንሴስፐ አትሽን፥ ሜጨቶና ኩሸራ መይስ ቱንሰና” ያግስ።
እስ ማጫሰ አማኖ
(ማር 7:24-30)
21ሄሳፈ ጉየ፥ የሱሲ ያፐ ከይድ ፅሮሳነ ስዶና ካታማት ደእያ ቢታ ብስ። 22እስ ካናነ ቢታ ማጫስ የሱሳኮ ያዳ፥ ባ ቃላ ቁ ኦዳ፥ “ጎዳዉ፥ ዳዊታ ናአዉ፥ ታዉ ቃታርክ፤ ታ ናእዉ ቱና አያናይ ኦይክድ ኢታ ዋይሴስ” ያጋሱ።
23ሽን የሱሲ እስ ቃላካ ዛሮና ስእ ግስ። የሱሳ ታማረት እያኮ ይድ፥ “ሀ ማጫስያ ኑ ጌዶ ካላ ካላዳ፥ ዎሳዉሱ። ሄሳ ግሾ፥ ኔኒ እዮ ሞይዛርክ” ያግድ ዎስዶሶና።
24የሱሲ ዛሪድ፥ “ታኒ ዉደፐ ይዳ ዶርሳዳ እስራኤለ ኬፈ ይዳ አሳታ ፃላላስ ኪተታስ” ያግስ።
25ሽን እያ፥ እያ ስንን ኩንዳዳ፥ “ጎዳዉ፥ ታና ማዳርኪ?” ያጋሱ።
26እ ዛሪድ፥ “ናይታ ካ ኤክድ ካናታስ የገይስ ሎኦ ግደና” ያግስ።
27ማጫስያካ፥ “ጎዳዉ፥ ሄስ ቱማ፥ ሽን ሀር አቶሽን ካናት ባንታ ጎዳት ምሽን፥ ጋይታፐ ዎያ ቲፍያ ሞሶና” ያጋሱ።
28የሱሲ ዛሪድ፥ “ሀ ማጫሰተ፥ ነ አማኖይ ግታ፤ ነ ኮይዳይሳዳ ነዉ ሀኖ” ያግስ። እ ናእያ ኢራካ ፓፃ አጋሱ።
ዳሮ ሀርጋንቾት ፓፅዶሶና
29የሱሲ ያፐ ደንድድ ጋልላ አባ ማት ብስ። እስ ዙማ ቦላ ከይድ፥ ያን ኡትስ። 30ዳሮ አሳይ ባንታራ፥ ዎበታ፥ ቆቀታ፥ ኩናታ፥ ዶና ሙመታነ፥ ሀራ ዳሮ ሀርጋንቾታ ኤክድ፥ እያኮ ኤህድ እያ ስንን ዎዶሶና። የሱሲ ኤንታና ፓስ። 31ሄሳ ግሾ፥ ሙመት ኦደትሽን፥ ኩናት ፕድ ግሽን፥ ዎበት ሄመትሽን፥ ቆቀት ፄልሽን አሳይ በእድ ማላለትድ፥ እስራኤለ ፆሳ ጋላትዶሶና።
ኦይዱ ሙኩሉ አሳ
(ማር 8:1-10)
32የሱሲ ባ ታማረታ ባኮ ፄግድ፥ “ሀ ዳሮ አሳይ ታራ ሄ ጋላስ ጋምእዳ ግሾነ ኤንታዉ ሀእ ምያባይ ባይና ግሾ ታኒ ኤንታዉ ቃታይስ። ኤንቲ ኦገን ዳቡርድ ኩንዶና መላ አይኮ ሙዞና ኤንታ መላ የዳናዉ ኮይከ” ያግስ።
33እያ ታማረት ዛሪድ፥ “ኑኒ ሀ ባዙዋን ሀይሳ ኬና አሳስ ግድያ ካ አዉፐ ደማኔ?” ያግዶሶና።
34የሱሲ ኤንታኮ፥ “ህንተዉ አፑን ኡይ ደኢ?” ያግድ ኦይችስ።
ኤንቲ ዛሪድ፥ “ላፑን ኡይነ ላፋ ሞሎታፐ ጉ ደኤስ” ያግዶሶና።
35የሱሲ ደርያ ሳአን ኡትተ ያግድ ኪትስ። 36ሄሳፈ ጉየ፥ ሄ ላፑን ኡይነ ሞሉዋ ኤክድ ፆሳ ጋላትስ። መንድ ባ ታማረታስ እሚስ። እያ ታማረት ዳሮ አሳስ ግሽዶሶና።
37አሳ ኡባይ ምድ ካልዶሶና። እያ ታማረት፥ ምሽን አትዳ ቲፍያ ላፑን ግታ ጋይታ ኩመ ደንዶሶና። 38ምዳ አሳይ ማጫስነ ናአ ፓይዶና አደ ፃላል ኦይዱ ሙኩሉ። 39የሱሲ ደርያ የድዳፐ ጉየ ዎጎሉዋን ገልድ ማገዶና ቢታ ብስ።
Currently Selected:
ማቶሳ 15: GFBEVF
Highlight
Copy
Compare
Share
Want to have your highlights saved across all your devices? Sign up or sign in
The Word for the World International and The Word for the World Ethiopia
