ከሳ 6

1ሄሳፈ ጉየ ጎዳይ ሙሰኮ፥ “ታኒ ግብፀ ካዉዋ ቦላ ኦናባ ሀእ ኔኒ በአና። እ ታ ደርያ የዳና መላ ታኒ ታ ዎልቃ እያ በሳና። እ ኤንታ ባ ቢታፈ ጎድድ ከሳና” ያግስ።

2ፆሳይ ሙሰ፥ “ታኒ ጎዳ። 3ታኒ አብራሃመስ፥ ይሳቃስነ ያይቆባስ ኡባ ዳንዳእያ ፆሳ ግዳዳ ቆንጫስ። ሽን ታኒ፥ ‘ጎዳ’ ጌተትያ ታ ሱንን ታናተ ኤንታ ኤርሳብከ። 4ቃስ ታኒ ኤንቲ በተተን ደእዳ ካናነ ቢታ እማና ጋዳ ኤንታራ ጫቃስ። 5ቃስካ ግብፀ አሳት አይለይያ እስራኤለታ ዋሱዋ ታኒ ስአስ፤ ታ ጫቁዋካ ቆፓስ።

6“ሄሳ ግሾ ኔኒ እስራኤለታኮ፥ ‘ታኒ ጎዳ። ታኒ ህንተና ግብፀ አይለተፈ አሻዳ ከሳና። ታኒ ኤንታ ታ ምኖ አፃን ኢታ ፕርዳ ፕርዳዳ ህንተና ዎዛና። 7ታኒ ህንተና ታ ደረ ኦና፤ ታኒ ህንተ ፆሳ ግዳና። ግብፀ አይለተፈ ታኒ ህንተና ከስዳ ዎደ፥ ታኒ ጎዳ ህንተ ፆሳ ግደይሳ ህንተ ኤራና። 8ታኒ አብራሃመስ፥ ይሳቃስነ ያይቆባስ እማና ጋዳ ጫቅዳ ቢታ ህንተና ኤሀና። ሄ ቢታ ታኒ ህንተዉ ላታ ቢታ ኦዳ እማና። ታኒ ጎዳ’ ያጋ” ያግስ።

9ሙሰይ ሄሳ እስራኤለታስ ኦድስ፥ ሽን ኤንቲ አይለተ ኡንአፈ ደንዶይሳን ኡፋይስ ቃንፅዳ ግሾ እ ግያባ ስእቦኮና።

10ሄሳፈ ጉየ ጎዳይ ሙሰ፥ 11“ባዳ ግብፀ ካዋስ፥ ‘እስራኤለታ ነ ቢታፈ የዳ’ ያጋዳ ኦዳ” ያግስ።

12ሽን ሙሰይ፥ “ታ እንፃርሳይ ሉፋ። እስራኤለት ታና ስእቦኮና፥ ሽን ግብፀ ካዎይ ታና ዋንድ ስአኔ?” ያግስ።

13ጎዳይ ሙሰነ አሮና፥ “ብድ፥ እስራኤላ አሳ ግብፀፈ ከሳና መላ፥ ታኒ ህንተና ኪትዳይሳ እስራኤለታስነ ግብፀ ካዋስ ኦድተ” ያግስ።

ሙሰነ አሮና የለታ

14ሀይሳፈ ካልድ ፃፈትዳይሳት ኤንታ ማይዛታ፤ ያይቆባ ባይራ ናኣ ሮቤላ አደ ናይት፥ ሄኖከ፥ ፋሉ፥ ኤስሮመነ ካርማ። ሀይሳቲ ሮቤላ ሶ አሳስ ማይዛታ።

15ስሞና አደ ናይት፥ ያሙኤላ፥ ያምና፥ ኦሀዳ፥ ያክና፥ ዞሃራነ ካናነ ቢታ ማጫሴፐ የለትዳ ሳኡላ። ሀይሳቲ ስሞና ሶ አሳስ ማይዛታ።

16ሌወ አደ ናይት ገድሶና፥ ቃሃታነ ማራራ። ሌወይ ፄታነ ሀስታማነ ላፑን ላይ ደእስ።

17ገድሶና አደ ናይት ልብናነ ሳመአ ጌተቶሶና። ሀይሳቲ ባንታ ሶ አሳስ ማይዛታ።

18ቃሃታ አደ ናይት አምራማ፥ እዛራ፥ ከብሮናነ ኡዝኤላ። ቃሃት ፄታነ ሀስታማነ ሄ ላይ ደእስ።

19ማራራ አደ ናይት ማህላነ ሙሰ።

ባንታ የለተ ማራን ሀይሳፈ ቆሞን ፃፈትዳይሳት ሌወ ሼሻታ።

20አምራም ባ አዋ ምችዉ ዮከቤዶ ማችስ። እያ አሮናነ ሙሰ እያዉ የላሱ። አምራም ፄታነ ሀስታማነ ላፑን ላይ ደእስ።

21እዛራዳ ናይት፥ ቆረ፥ ነፈጋነ ዝክራ።

22ኡዝኤላ አደ ናይት፥ ምሳኤላ፥ ኤልዛፋናነ ስትራ።

23አሮን አምናዳበ ናእዉ፥ ናአሶና ምችዉ ኤልሰቦ ማችስ። እያ እያዉ ናዳበ፥ አብዮዳ፥ አላዛራነ እታማራ የላሱ።

24ቆረ አደ ናይት፥ አስራ፥ ኤልቃናነ አብያሳፋ።

25አሮና ናአይ አላዛር ፑትኤላ ናይታፐ እስንዉ ማችስ። እያ እያዉ ፕንሃሳ የላሱ።

ሀይሳቲ ሌወ ሼሻታነ ኤንታ ማይዛታ።

26ጎዳይ፥ ሙሰነ አሮና እስራኤለ አሳ ያራን ያራን ኤንታ ሶ አሳራ ግብፀፈ ካለድ ከሳና መላ ኪትስ። 27እስራኤለታ ግብፀፈ ከስ የዳና መላ ግብፀ ካዋስ ኦድዳይ ኤንታ። 28ጎዳይ ግብፀን ሙሰስ ኦድዳ ዎደ፥ 29“ታኒ ጎዳ፤ ታኒ ነዉ ኦድያባ ኡባ ግብፀ ካዋስ ኦዳ” ያግስ።

30ሽን ሙሰይ፥ “ታ ዶናይ ሉፋ ግደይሳ ነ ኤራሳ፥ ያትን ካዎይ ታኒ ኦድያባ ዋን ስአኔ?” ያግስ።

Currently Selected:

ከሳ 6: GFBEVF

Highlight

Copy

Compare