Марк 3
3
Косьмӧм киаӧс бурдӧдӧм
(Мт. 12:9-14; Лк. 6:6-11)
1Исус бара локтіс синагогаӧ. Сэні вӧлі косьмӧм киа морт. 2Фарисейяс сюся видзӧдісны Исус бӧрся, бурдӧдас-ӧ Сійӧ шойччан лунӧ, ӧд корсисны помка мыжавны Сійӧс. 3Исус тшӧктіс косьмӧм киа мортлы: «Сувт шӧрас». 4Сэсся юаліс мукӧдыслысь: «Мый позьӧ вӧчны шойччан лунӧ: бурсӧ али лёксӧ, мездыны мортӧс али вины сійӧс?» Найӧ чӧв олісны. 5Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь. 6Сэки фарисейяс петісны да Ирӧдлӧн йӧзкӧд дзик пыр пондісны сёрнитны Исусӧс виӧм йылысь.
Ты дорын
7Исус муніс велӧдчысьясыскӧд ты дорӧ. Сы бӧрся муніс унасьыс-уна йӧз. Найӧ вӧліны Галилеяысь, Иудеяысь, 8Ерусалим карысь, Идумеяысь, Йӧрдан ю сайысь, Тир да Сидон каръясысь. Найӧ локтісны Исус дінӧ, ӧд кывлӧмаӧсь, мый Сійӧ вӧчӧ. 9Исус тшӧктіс велӧдчысьясыслы лӧсьӧдны Сылы пыж, медым йӧзыс эз дзескӧдны Сійӧс. 10Висьысьяс сюйсьӧмӧн сюйсисны, медым инмӧдчывны Исус дінӧ, ӧд Сійӧ унаӧс бурдӧдаліс. 11Исусӧс аддзигӧн пеж ловъяс уськӧдчылісны Сы водзӧ да горзісны: «Тэ – Ен Пи!» 12Исус чорыда ӧлӧдіс найӧс Сы йылысь висьтавлӧмысь.
Дас кык велӧдчысь
(Мт. 10:1-4; Лк. 6:12-16)
13Исус кайис керӧсӧ. Сійӧ корис Ас дінас, кодӧс кӧсйис, и найӧ локтісны Сы дінӧ. 14Сійӧ бӧрйис дас кыкӧс лоны Сыкӧд, медым мӧдӧдны найӧс висьтавны Бур Юӧр 15да сетны налы вын бурдӧдавны висьысьясӧс да вӧтлавны пеж ловъясӧс. 16Дас кыкыс вӧліны: Симон, кодлы сетіс Петыр ним, 17Зеведей Яков да сылӧн Иоан вокыс, кодъяслы сетіс Боанергес ним, вуджӧдны кӧ, лоӧ ”гым пиян”, 18нӧшта Ӧндрей, Филип, Варфоломей, Матвей, Фома, Алфей Яков, Фаддей, Кананит Симон 19да Искариот Иуда, Исусӧс вузалысь.
Кодсянь Исуслӧн выныс?
(Мт. 12:22-32; Лк. 11:14-23; 12:10)
20Кор Исус бӧр локтіс гортас, сэтчӧ бара чукӧртчис уна йӧз. Исуслы да велӧдчысьясыслы эз вӧв позянлуныс весиг сёйыштнысӧ. 21Та йылысь кылісны Исуслӧн матыссаясыс. Найӧ локтісны Сыла, ӧд сёрнитісны, Сійӧ пӧ абу Ас вежӧрас.
22Ерусалимысь локтысь Индӧдӧ велӧдысьяс сёрнитісны, Сы пытшкын пӧ Вельзевул, вӧтлалӧ пӧ пеж ловъясӧс налӧн юралысь вынӧн.
23Исус корис йӧзсӧ да висьталіс налы велӧданвисьт:
«Вермас-ӧ сӧтана вӧтлыны сӧтанаӧс? 24Ас муын олысьяс кӧ ас костаныс тышкасьӧны, сэні олӧмыс киссяс. 25Зыксьӧмӧн олысь керка дыр оз сулав. 26Сӧтанаыс кӧ аслыс паныд кыпӧдчӧ-тышкасьӧ, сійӧ вынсӧ воштас, сылы воас пом. 27Некод оз вермы пырны вына мортлӧн керкаӧ да сійӧс кӧртавтӧг босьтны сылысь эмбурсӧ. Сӧмын сійӧс кӧрталӧм бӧрын вермас петкӧдны сылысь эмбурсӧ.
28Веськыда висьтала тіянлы: мортлысь быд мыж да быд омӧльтӧм лоӧ прӧститӧма. 29Но коді омӧльтас Вежа Лолӧс, сылысь мыжсӧ некор оз ло прӧститӧма. Сылӧн мыжыс пыр кежлӧ кольӧ».
30Исус висьталіс тайӧс, ӧд сёрнитісны, мый Сы пытшкын пеж лов.
Коді Исуслы вок, чой да мам?
(Мт. 12:46-50; Лк. 8:19-21)
31Локтісны Исуслӧн мамыс да вокъясыс. Ывлаас сулалігӧн найӧ мӧдӧдісны корны Сійӧс. 32Исус гӧгӧр пукаліс уна йӧз. Сылы висьталісны: «Мамыд да чой-вокыд ывлаасӧсь, Тэнӧ юасьӧны». 33Исус воча шуис: «Коді Меным мамыс да вокыс?» 34Ас гӧгӧрыс пукалысьяс вылӧ видзӧдлӧмӧн шуис: «Со кодъяс Меным вокъясыс да мамыс. 35Ен кӧсйӧм серти олысь – Меным вок, чой да мам».
Currently Selected:
Марк 3: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
Марк 3
3
Косьмӧм киаӧс бурдӧдӧм
(Мт. 12:9-14; Лк. 6:6-11)
1Исус бара локтіс синагогаӧ. Сэні вӧлі косьмӧм киа морт. 2Фарисейяс сюся видзӧдісны Исус бӧрся, бурдӧдас-ӧ Сійӧ шойччан лунӧ, ӧд корсисны помка мыжавны Сійӧс. 3Исус тшӧктіс косьмӧм киа мортлы: «Сувт шӧрас». 4Сэсся юаліс мукӧдыслысь: «Мый позьӧ вӧчны шойччан лунӧ: бурсӧ али лёксӧ, мездыны мортӧс али вины сійӧс?» Найӧ чӧв олісны. 5Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь. 6Сэки фарисейяс петісны да Ирӧдлӧн йӧзкӧд дзик пыр пондісны сёрнитны Исусӧс виӧм йылысь.
Ты дорын
7Исус муніс велӧдчысьясыскӧд ты дорӧ. Сы бӧрся муніс унасьыс-уна йӧз. Найӧ вӧліны Галилеяысь, Иудеяысь, 8Ерусалим карысь, Идумеяысь, Йӧрдан ю сайысь, Тир да Сидон каръясысь. Найӧ локтісны Исус дінӧ, ӧд кывлӧмаӧсь, мый Сійӧ вӧчӧ. 9Исус тшӧктіс велӧдчысьясыслы лӧсьӧдны Сылы пыж, медым йӧзыс эз дзескӧдны Сійӧс. 10Висьысьяс сюйсьӧмӧн сюйсисны, медым инмӧдчывны Исус дінӧ, ӧд Сійӧ унаӧс бурдӧдаліс. 11Исусӧс аддзигӧн пеж ловъяс уськӧдчылісны Сы водзӧ да горзісны: «Тэ – Ен Пи!» 12Исус чорыда ӧлӧдіс найӧс Сы йылысь висьтавлӧмысь.
Дас кык велӧдчысь
(Мт. 10:1-4; Лк. 6:12-16)
13Исус кайис керӧсӧ. Сійӧ корис Ас дінас, кодӧс кӧсйис, и найӧ локтісны Сы дінӧ. 14Сійӧ бӧрйис дас кыкӧс лоны Сыкӧд, медым мӧдӧдны найӧс висьтавны Бур Юӧр 15да сетны налы вын бурдӧдавны висьысьясӧс да вӧтлавны пеж ловъясӧс. 16Дас кыкыс вӧліны: Симон, кодлы сетіс Петыр ним, 17Зеведей Яков да сылӧн Иоан вокыс, кодъяслы сетіс Боанергес ним, вуджӧдны кӧ, лоӧ ”гым пиян”, 18нӧшта Ӧндрей, Филип, Варфоломей, Матвей, Фома, Алфей Яков, Фаддей, Кананит Симон 19да Искариот Иуда, Исусӧс вузалысь.
Кодсянь Исуслӧн выныс?
(Мт. 12:22-32; Лк. 11:14-23; 12:10)
20Кор Исус бӧр локтіс гортас, сэтчӧ бара чукӧртчис уна йӧз. Исуслы да велӧдчысьясыслы эз вӧв позянлуныс весиг сёйыштнысӧ. 21Та йылысь кылісны Исуслӧн матыссаясыс. Найӧ локтісны Сыла, ӧд сёрнитісны, Сійӧ пӧ абу Ас вежӧрас.
22Ерусалимысь локтысь Индӧдӧ велӧдысьяс сёрнитісны, Сы пытшкын пӧ Вельзевул, вӧтлалӧ пӧ пеж ловъясӧс налӧн юралысь вынӧн.
23Исус корис йӧзсӧ да висьталіс налы велӧданвисьт:
«Вермас-ӧ сӧтана вӧтлыны сӧтанаӧс? 24Ас муын олысьяс кӧ ас костаныс тышкасьӧны, сэні олӧмыс киссяс. 25Зыксьӧмӧн олысь керка дыр оз сулав. 26Сӧтанаыс кӧ аслыс паныд кыпӧдчӧ-тышкасьӧ, сійӧ вынсӧ воштас, сылы воас пом. 27Некод оз вермы пырны вына мортлӧн керкаӧ да сійӧс кӧртавтӧг босьтны сылысь эмбурсӧ. Сӧмын сійӧс кӧрталӧм бӧрын вермас петкӧдны сылысь эмбурсӧ.
28Веськыда висьтала тіянлы: мортлысь быд мыж да быд омӧльтӧм лоӧ прӧститӧма. 29Но коді омӧльтас Вежа Лолӧс, сылысь мыжсӧ некор оз ло прӧститӧма. Сылӧн мыжыс пыр кежлӧ кольӧ».
30Исус висьталіс тайӧс, ӧд сёрнитісны, мый Сы пытшкын пеж лов.
Коді Исуслы вок, чой да мам?
(Мт. 12:46-50; Лк. 8:19-21)
31Локтісны Исуслӧн мамыс да вокъясыс. Ывлаас сулалігӧн найӧ мӧдӧдісны корны Сійӧс. 32Исус гӧгӧр пукаліс уна йӧз. Сылы висьталісны: «Мамыд да чой-вокыд ывлаасӧсь, Тэнӧ юасьӧны». 33Исус воча шуис: «Коді Меным мамыс да вокыс?» 34Ас гӧгӧрыс пукалысьяс вылӧ видзӧдлӧмӧн шуис: «Со кодъяс Меным вокъясыс да мамыс. 35Ен кӧсйӧм серти олысь – Меным вок, чой да мам».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023