2 Петыр 3
3
Господь бӧр локтас
1Донаясӧй, тайӧ менам мӧд гижӧд нин тіянлы. Кыкнан гижӧдас аслам казьтылӧмъясӧн зіли ышӧдны тіянӧс мӧвпавны сӧстӧма. 2Кутӧй тӧд выланыд вежа пророкъяслысь важысянь шуӧмсӧ да Мездысь Господьлысь апостолъяс пыр сетӧм тшӧктӧмсӧ.
3Тӧдӧй, мый бӧръя кадӧ локтасны лёкӧдысьяс, кодъяс олӧны асланыс лёк кӧсйӧмныс серти. 4Найӧ пондасны шуны: «Кӧні нӧ сійӧ Локтысьыс, коді кӧсйысьліс тай? Миян батьяс кулісны нин, но ставыс коли важ мозыс, му пуксьӧмсяньыс нинӧм эз вежсьы». 5Тадзи мӧвпалысьяс быттьӧ оз тӧдны, мый Ен кывйӧн артмӧдӧма енэжсӧ да мусӧ, вӧчӧма ваысь да ва отсӧгӧн, 6и сэкся муюгыдсӧ вӧлі бырӧдӧма ваӧн. 7Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.
8Мусаясӧй, кутӧй тӧд выланыд, мый Господьлӧн ӧти луныс сюрс во кодь, сюрс воыс – ӧти лун кодь. 9Кодсюрӧ чайтӧны, мый Господь нюжмасьӧ олӧмӧ пӧртны кӧсйысьӧмсӧ, но Сійӧ оз нюжмась, а терпитӧ миянӧс. Сійӧ оз кӧсйы, мед кодкӧ вошис, но кӧсйӧ, мед быдӧн бергӧдчис мыжъяссьыс. 10Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас. 11Ставыс кӧ тадзи пазалас, сэки кутшӧм вежаӧн да веськыдӧн колӧ лоны тіянлы. 12Ті ӧд ёна кӧсъянныд да виччысянныд, мед ӧдйӧджык нин воас Енлӧн луныс. Сійӧ лунӧ енэжыс ыпъялан биысь сотчас да пазалас, доналӧм ентыкӧлаыс сылас. 13Но Енлӧн кӧсйысьӧмыс серти ми виччысям выль енэж да выль му, кӧні кутас ыджыдавны веськыдлун.
14Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун. 15Господьлысь терпитӧмсӧ лыддьӧй аслыныд мездмӧмӧн. Та йылысь гижліс тіянлы Ен вежӧра дона Павел вокным. 16Татшӧмторъяссӧ сійӧ висьталӧ быд гижӧдын. Мыйсюрӧ сэтысь сьӧкыд гӧгӧрвонысӧ. Та вӧсна ичӧт мывкыда йӧз да жеб эскысьяс мукӧд Гижӧдсӧ моз мӧдарӧ бергӧдӧны сылысь гижӧдъяссӧ. Тадзи кӧлалӧны ас выланыс бырӧдӧмсӧ.
17Та вӧсна, мусаясӧй, водзвыв тайӧс тӧдӧмӧн видзчысьӧй, медым энӧ шедӧй Ентӧг олысьяслӧн ылӧдӧмӧ да энӧ усьӧй зумыд подув вывсьыс. 18Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.
Currently Selected:
2 Петыр 3: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
2 Петыр 3
3
Господь бӧр локтас
1Донаясӧй, тайӧ менам мӧд гижӧд нин тіянлы. Кыкнан гижӧдас аслам казьтылӧмъясӧн зіли ышӧдны тіянӧс мӧвпавны сӧстӧма. 2Кутӧй тӧд выланыд вежа пророкъяслысь важысянь шуӧмсӧ да Мездысь Господьлысь апостолъяс пыр сетӧм тшӧктӧмсӧ.
3Тӧдӧй, мый бӧръя кадӧ локтасны лёкӧдысьяс, кодъяс олӧны асланыс лёк кӧсйӧмныс серти. 4Найӧ пондасны шуны: «Кӧні нӧ сійӧ Локтысьыс, коді кӧсйысьліс тай? Миян батьяс кулісны нин, но ставыс коли важ мозыс, му пуксьӧмсяньыс нинӧм эз вежсьы». 5Тадзи мӧвпалысьяс быттьӧ оз тӧдны, мый Ен кывйӧн артмӧдӧма енэжсӧ да мусӧ, вӧчӧма ваысь да ва отсӧгӧн, 6и сэкся муюгыдсӧ вӧлі бырӧдӧма ваӧн. 7Ӧнія енэжсӧ да мусӧ сійӧ жӧ кывйыс кутӧ да видзӧ биӧн бырӧдӧм вылӧ. Тайӧ лоӧ мыждан лунӧ, кор Ентӧг олысьясӧс лоӧ бырӧдӧма.
8Мусаясӧй, кутӧй тӧд выланыд, мый Господьлӧн ӧти луныс сюрс во кодь, сюрс воыс – ӧти лун кодь. 9Кодсюрӧ чайтӧны, мый Господь нюжмасьӧ олӧмӧ пӧртны кӧсйысьӧмсӧ, но Сійӧ оз нюжмась, а терпитӧ миянӧс. Сійӧ оз кӧсйы, мед кодкӧ вошис, но кӧсйӧ, мед быдӧн бергӧдчис мыжъяссьыс. 10Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас. 11Ставыс кӧ тадзи пазалас, сэки кутшӧм вежаӧн да веськыдӧн колӧ лоны тіянлы. 12Ті ӧд ёна кӧсъянныд да виччысянныд, мед ӧдйӧджык нин воас Енлӧн луныс. Сійӧ лунӧ енэжыс ыпъялан биысь сотчас да пазалас, доналӧм ентыкӧлаыс сылас. 13Но Енлӧн кӧсйысьӧмыс серти ми виччысям выль енэж да выль му, кӧні кутас ыджыдавны веськыдлун.
14Сідзкӧ, мусаясӧй, тайӧс виччысиганыд тӧждысьӧй, медым сувтны Ен водзӧ сӧстӧмӧн да мыжтӧмӧн, мед тіян сьӧлӧмын вӧлі лӧньлун. 15Господьлысь терпитӧмсӧ лыддьӧй аслыныд мездмӧмӧн. Та йылысь гижліс тіянлы Ен вежӧра дона Павел вокным. 16Татшӧмторъяссӧ сійӧ висьталӧ быд гижӧдын. Мыйсюрӧ сэтысь сьӧкыд гӧгӧрвонысӧ. Та вӧсна ичӧт мывкыда йӧз да жеб эскысьяс мукӧд Гижӧдсӧ моз мӧдарӧ бергӧдӧны сылысь гижӧдъяссӧ. Тадзи кӧлалӧны ас выланыс бырӧдӧмсӧ.
17Та вӧсна, мусаясӧй, водзвыв тайӧс тӧдӧмӧн видзчысьӧй, медым энӧ шедӧй Ентӧг олысьяслӧн ылӧдӧмӧ да энӧ усьӧй зумыд подув вывсьыс. 18Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023