2 Петыр 2
2
Ылӧгвелӧдысьяс
(Иуда 1:4-13)
1Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ. 2Унаӧн на вылӧ видзӧдӧмӧн пондасны овны лэдзчысьӧм оласногӧн. Татшӧмъясыс вӧсна збыль туйыс лоӧ серамтуйын. 3Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.
4Мыжӧ усьӧм анделъясӧс Енмыс эз видз, а шыбитіс пемыд адӧ да дорис мыждан лунӧдз. 5Эз видз и Ентӧг олысьясӧн тырӧм воддза муюгыдсӧ, а бырӧдіс ыджыд ваӧн. Колис ловъяӧн сӧмын кӧкъямысӧс, на пиысь ӧтиыс вӧлі веськыдлун йылысь юӧртысь Ной. 6Ен мыждіс Содом да Гомора каръяс, биӧн бырӧдіс пӧимӧдз. Тайӧн петкӧдліс, мый виччысьӧ Ентӧг олысьясӧс. 7Но Енмыс мездіс веськыда олысь Лотӧс, коді ёна сьӧкыдаліс Ентӧг олысьяслӧн лэдзчысьӧм оласногысь. 8Быд лун тайӧ веськыда олысьыслӧн лолыс горзіс, кор аддзис-кыліс сы гӧгӧр олысь йӧзлысь лёк вӧчӧмсӧ.
9Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны. 10Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс. 11Анделъяс ёна вынаджыкӧсь да ёнджыкӧсь на дорысь, но найӧ оз мыжавны да оз лёкӧдны татшӧмъяссӧ Господь водзын. 12Тайӧ йӧзыс лёкӧдӧны сійӧ, мый асьныс оз гӧгӧрвоны. Найӧ вӧрын шӧйтысь кыйӧм-виӧм вылӧ чужӧм пемӧсъяс кодьӧсь. Вежӧртӧм пемӧсъясӧс моз найӧс и лоӧ бырӧдӧма. 13Налы лоӧ мынтысьӧма лёк вӧчӧмсьыныс. Найӧ яндысьтӧмӧсь да пежӧсь, радейтӧны гажӧдчыны лунъюгыднас, пукалӧны тіянкӧд ӧти пызан сайын, но пӧръясьӧны. 14Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян. 15Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс. 16Но сійӧс янӧдӧма вӧлі лёктор вӧчӧмсьыс: осёл, кывтӧм пемӧс, морт моз шыасис пророк дінӧ да ӧлӧдіс сійӧс йӧйталӧмсьыс.
17Тайӧ ылӧгвелӧдысьясыс косьмӧм юкмӧс да тӧвнырӧн новлӧдлан кымӧръяс кодьӧсь. Татшӧмъясыслы век кежлӧ дасьтӧма сап пемыдсӧ. 18Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь. 19Ылӧгвелӧдысьяс кӧсйысьӧны сетны налы мездлун, кӧть асьныс найӧ пежыслӧн кесйӧгъяс. Ӧд коді мортсӧ вермӧма, сылӧн сійӧ и кесйӧг. 20Мездысь Исус Кристос Господьнымӧс тӧдмалӧм бӧрын кӧ мувывса пежсьыс ылыстчысьяс бара бергӧдчӧны важас, да лёкыс кӧ вермӧ найӧс, сэки татшӧмъясыслы воддза дорсьыс ёна лёкджык лоӧ. 21Бурджык эськӧ вӧлі, найӧ кӧ эз тӧдлыны веськыдлуныслысь туйсӧ. А найӧ тӧдісны тайӧс, но бӧр бергӧдчисны налы сетӧм вежа тшӧктӧмысь. 22Татшӧмъясыслы бура лӧсялӧны тайӧ шусьӧгъясыс: «Понйыд бергӧдчӧ аслас вос дорӧ» и «Мыськӧм порсь бӧр мунӧ туплясьны няйтӧ».
Currently Selected:
2 Петыр 2: КБ
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023
2 Петыр 2
2
Ылӧгвелӧдысьяс
(Иуда 1:4-13)
1Израиль войтыр пӧвстын вӧліны ылӧгпророкъяс, тадзи тіян пӧвстын тшӧтш лоасны ылӧгвелӧдысьяс. Найӧ ваясны тіянлы бырӧдан ылӧгвелӧдӧмъяс, весиг соссясны Ыджыдысь, коді ньӧбис найӧс. Тадзи найӧ кӧлаласны ас выланыс виччысьтӧм бырӧдӧмсӧ. 2Унаӧн на вылӧ видзӧдӧмӧн пондасны овны лэдзчысьӧм оласногӧн. Татшӧмъясыс вӧсна збыль туйыс лоӧ серамтуйын. 3Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.
4Мыжӧ усьӧм анделъясӧс Енмыс эз видз, а шыбитіс пемыд адӧ да дорис мыждан лунӧдз. 5Эз видз и Ентӧг олысьясӧн тырӧм воддза муюгыдсӧ, а бырӧдіс ыджыд ваӧн. Колис ловъяӧн сӧмын кӧкъямысӧс, на пиысь ӧтиыс вӧлі веськыдлун йылысь юӧртысь Ной. 6Ен мыждіс Содом да Гомора каръяс, биӧн бырӧдіс пӧимӧдз. Тайӧн петкӧдліс, мый виччысьӧ Ентӧг олысьясӧс. 7Но Енмыс мездіс веськыда олысь Лотӧс, коді ёна сьӧкыдаліс Ентӧг олысьяслӧн лэдзчысьӧм оласногысь. 8Быд лун тайӧ веськыда олысьыслӧн лолыс горзіс, кор аддзис-кыліс сы гӧгӧр олысь йӧзлысь лёк вӧчӧмсӧ.
9Господь тӧдӧ, кыдзи мездыны вежавидзысьӧс сьӧкыдалӧмсьыс, а лёк вӧчысьӧс Сійӧ видзӧ, медым мыждан лунӧ сійӧс чорыда мыждыны. 10Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс. 11Анделъяс ёна вынаджыкӧсь да ёнджыкӧсь на дорысь, но найӧ оз мыжавны да оз лёкӧдны татшӧмъяссӧ Господь водзын. 12Тайӧ йӧзыс лёкӧдӧны сійӧ, мый асьныс оз гӧгӧрвоны. Найӧ вӧрын шӧйтысь кыйӧм-виӧм вылӧ чужӧм пемӧсъяс кодьӧсь. Вежӧртӧм пемӧсъясӧс моз найӧс и лоӧ бырӧдӧма. 13Налы лоӧ мынтысьӧма лёк вӧчӧмсьыныс. Найӧ яндысьтӧмӧсь да пежӧсь, радейтӧны гажӧдчыны лунъюгыднас, пукалӧны тіянкӧд ӧти пызан сайын, но пӧръясьӧны. 14Налӧн синныс пыр ӧзъялӧ нывбабаяс вылӧ, найӧ оз пӧтлыны мыжсӧ вӧчӧмсьыс, ылӧдлӧны жеб эскысьясӧс. Сьӧлӧмныс налӧн тырӧма горшлунӧн, найӧ ёрӧмыслӧн пиян. 15Найӧ кежисны веськыд туйсьыс да ылалісны. Найӧ мунӧны Восорлӧн Валаам пиыс кок туйӧд, кодлы лёкногӧн шедӧдны озырлунсӧ вӧлі сьӧлӧм сертиыс. 16Но сійӧс янӧдӧма вӧлі лёктор вӧчӧмсьыс: осёл, кывтӧм пемӧс, морт моз шыасис пророк дінӧ да ӧлӧдіс сійӧс йӧйталӧмсьыс.
17Тайӧ ылӧгвелӧдысьясыс косьмӧм юкмӧс да тӧвнырӧн новлӧдлан кымӧръяс кодьӧсь. Татшӧмъясыслы век кежлӧ дасьтӧма сап пемыдсӧ. 18Тшап да ковтӧм сёрнинаныс найӧ ӧзтӧны вир-яйлысь лёкколӧмсӧ да зільӧны кыскыны лэдзчысьӧм оласногӧ найӧс, кодъяс муртса на мынӧмаӧсь ылалӧм йӧзысь. 19Ылӧгвелӧдысьяс кӧсйысьӧны сетны налы мездлун, кӧть асьныс найӧ пежыслӧн кесйӧгъяс. Ӧд коді мортсӧ вермӧма, сылӧн сійӧ и кесйӧг. 20Мездысь Исус Кристос Господьнымӧс тӧдмалӧм бӧрын кӧ мувывса пежсьыс ылыстчысьяс бара бергӧдчӧны важас, да лёкыс кӧ вермӧ найӧс, сэки татшӧмъясыслы воддза дорсьыс ёна лёкджык лоӧ. 21Бурджык эськӧ вӧлі, найӧ кӧ эз тӧдлыны веськыдлуныслысь туйсӧ. А найӧ тӧдісны тайӧс, но бӧр бергӧдчисны налы сетӧм вежа тшӧктӧмысь. 22Татшӧмъясыслы бура лӧсялӧны тайӧ шусьӧгъясыс: «Понйыд бергӧдчӧ аслас вос дорӧ» и «Мыськӧм порсь бӧр мунӧ туплясьны няйтӧ».
Currently Selected:
:
Highlight
Share
Copy
Want to have your highlights saved across all your devices? Sign up or sign in
(c) Institute for Bible Translation, Finland, amp Finnish Bible Society, 2023