Яков 3
3
1Менам воннэзӧ, унаӧн эд керсьӧ велӧтіссезнас. Тӧдат эд, миянкӧт, велӧтіссескӧт, суд вылас Еныс пондас чорытжыка бӧрйисьны. 2Мийӧ быдӧнным уна керам умӧльсӧ. Мортыс оз кӧ пыр умӧляс аслас кыв кузя, сія вермӧ асьсӧ быдсӧн видзны быд умӧль керӧмись. Сэтшӧмыс быд ладорсянь ни бур морт. 3Вӧввес миянӧс медбы кывзісисӧ, мийӧ ӧманыс нылӧ сюйыштам ӧмлӧс#3:3 ӧмлӧс ─ удила. Сы отсӧтӧн веськӧтлам быдсӧн вывтырнас. 4Корабллес ӧддьӧн ыджытӧсь. Вына тӧлыс нійӧ новйӧтӧ саридзӧттяс. Но, кытчӧ колӧ, веськӧтлісьыс учӧтик рульӧн туйдӧтӧ. 5Сідз и миян кывным: вывтырын сія учӧтик торок, но уна керӧ. Видзӧт, учӧтик биыс кытшӧм уна вӧр сотӧ! 6И кылыс ─ би, умӧльсӧ ӧктісь. Кылыс вывтыраным быд торрез коласын сідз сулалӧ, нельки быдсӧн вывтырнымӧс сэрпӧсьтӧ. Сія ӧзйӧ адсяняс да сотӧ миянлісь быдӧс оланнымӧс.
7Мортыс вермӧ раммӧтны да видзны киас вӧрпаэсӧ#3:7 вӧрпа ─ зверь, кайесӧ, виклясиссесӧ да ваын оліссесӧ. 8А кывсӧ раммӧтны некин оз вермы. Сія лёк керись, виян ядӧн тырӧм. 9Кывнаным ошкам Ен Айнымӧс. Сійӧн жӧ ёрдам Еныс сьӧрті аркмӧтӧм#3:9 аркмӧтны ─ сотворить отирсӧ. 10Ӧтік ӧмись петӧ ошкӧм да ёрдӧм. Воннэзӧ, сідз оз ков керны. 11Му пытшксис ӧтіклаын вермас я петны чӧскыт да курыт ва? 12Менам воннэзӧ, инжир пу оз вермы вайны виягӧд#3:12 виягӧд ─ оливка. Виноград вылын оз быдмы инжир. Сідз и ӧтіклаись оз вермы петны чӧскыт да курыт ва.
Бур мывкыд йылісь
13Кин ылӧса да мывкыда тіян коласісь, ась мыччалӧ мывкыдсӧ аслас оланӧн. Ась быдӧс керӧ бур мывкыдсянь рама видзсьӧмӧн. 14Но мӧдік вылӧ видзӧттӧн тіян завид кутӧмнытсянь кӧ сьӧлӧмныт пизьӧ, тійӧ кӧ дзир асьнытӧ радейтат, сэк эд ошшасьӧ. Асланыт бӧбӧтчӧмӧн быльсӧ мӧдӧрӧ эд бергӧтӧ. 15Сэтшӧм мывкыдыс абу сетӧм вылісянь. Сія му вылісь отирсянь да сэрпӧсь ловвезсянь. 16Кытӧн эм завидуйтӧм, дзир асьӧс радейтӧм, сэтчин быдӧс арттӧм#3:16 арттӧм ─ беспорядок, уна умӧльыс. 17Вылісянь сетӧм мывкыдыс сӧстӧм, лӧнь, рам, кывзісьӧ, небыт сьӧлӧмсянь бурсӧ керӧ, оз лыддьы ӧтіккезӧс мӧддэзся буржыккезӧн, оз ылӧтлы. 18Отирсӧ ӧтамӧдкӧт бурӧтіссес-лӧньсьӧтіссес кӧдзӧны лӧнь оланлісь кӧдзыссӧ. Сэтісь воӧмыс ─ Ен сьӧрті веськыта олӧм#3:18 Ен сьӧрті веськыта олӧм ─ праведность.
Ен киӧ асьӧс сетӧм
Currently Selected:
Яков 3: БЮ19
Highlight
Share
Copy
Want to have your highlights saved across all your devices? Sign up or sign in
