Ефесын оліссезлӧ 6

1Челядь, кывзісьӧ ай-мамнытӧ, тійӧ эд Дӧсвидзисьлӧн. Сідз тіянлӧ и колӧ керны. 2«Ай-мамтӧ бурӧ пукты» ─ сія медодзза тшӧктӧм. Сія тшӧктӧмӧ пырӧ и сэтшӧм кӧсйӧм: 3«Сэк лоас тэныт бур да пондан дыр овны му вылас».

4Айез, ассиныт челядьнытӧ эд лӧгӧтлӧ. Быдтӧ нійӧ Дӧсвидзисьыс сьӧрті велӧтӧмӧн да туйдӧтӧмӧн.

Раббез да кӧзяиннэз

5Раббез, бурӧ пуктӧ ассиныт му вылісь кӧзяиннэзнытӧ, кывзісьӧ нійӧ. Полӧмӧн, сьӧлӧмсянь керӧ ны сьӧрті, жыв Кристосыслӧ. 6Сідз керӧ пыр, а не дзир кӧзяинныт син одзын мыччалӧм могись. Сьӧлӧмсянь быдӧс керӧ Еныс сьӧрті, тійӧ эд Кристослӧн раббес. 7Уджалӧ бура, жыв Дӧсвидзисьыслӧ керат, а одӧ отирлӧ. 8Тӧдӧ: раббез тійӧ кӧть не раббез, быдӧнныт босьтат шедтӧмнытӧ. Дӧсвидзисьыс быдӧнныслӧ вештас бурсӧ керӧмныс сьӧрті.

9Сідз и тійӧ, кӧзяиннэз, бура видзӧ раббезнытӧ, нійӧ эд повзьӧтлӧ. Тійӧ эд тӧдат: тіян вылын и ны вылын енӧжас Дӧсвидзисьыс ӧтік, Кӧда оз видзӧт чужӧм сьӧрті.

Енлӧн тышкасяннэз#6:10 тышкасян ─ оружие

10Воннэзӧ, сэтчӧ содта, вынсялӧ Дӧсвидзиськӧт ӧтлаасьӧмсянь, Сылӧн быдӧс верман вынсянь. 11Ас выланыт кышалӧ Еныслісь тышкасяннэсӧ. Сэк тійӧ вермат видзсьыны кульлӧн ылӧтан-падмӧтаннэс локтӧм коста. 12Мийӧ огӧ пессьӧ отиркӧт, пессям лёк выннэскӧт да ыждаліссескӧт. Тышкасям сэрпӧсь ловвеслӧн юралісь-веськӧтліссескӧт, кӧдна му вылісь пемытас ыждалӧны. Пессям енӧжись лёк ловвескӧт. 13Сійӧн ас выланыт кышалӧ Еныслісь пессян-сайӧвтчаннэсӧ, медбы тійӧ вермит лэбтісьны лёкыслӧ#6:13 лёк ─ зло паныт, быдӧс умӧльсӧ вермит да чорыта сулаліт сія лунӧ, кӧр лёкыс лэбтісяс. 14Сідзкӧ, бура сувтӧ кок выланыт: йыасьӧ быльнас, вывтырнытӧ сайӧвтӧ Ен сьӧрті веськыта олӧмнаныт кыдз кӧрт кышӧтӧн#6:14 кӧрт кышӧт ─ броня, 15кӧмасьӧ да лоӧ лӧсьӧтчӧмӧсь висьтасьны лӧнь олан йылісь Бур Юӧрсӧ. 16Этна дынӧ босьтӧ и сайӧвтчаннытӧ#6:16 сайӧвтчан ─ щит ─ сія веритӧмныт. Сійӧн тійӧ вермат кусӧтны ылӧтлісьыслісь быдӧс сотчан ньӧвьёссесӧ#6:16 ньӧвьёсь ─ стрела. 17Кышалӧ юр сайӧвтаннытӧ#6:17 юр сайӧвтан ─ шлем ─ мезмӧмнытӧ. Босьтӧ Еныслісь Кывсӧ. Сія ─ Ловсянь шыпурт#6:17 шыпурт ─ меч.

18Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда. 19Кеймӧ и ме понда. Баитӧмӧ коста меным Еныс ась сетас колан кыввесӧ, медбы ме повтӧг верми висьтасьны тӧдлытӧм Бур Юӧрсӧ. 20Висьтасьны менӧ ыстіс Кристосыс, ӧні ме сы понда и пукала. Кеймӧ, медбы ме повтӧг верми висьтасьны Бур Юӧрсӧ, кыдз колӧ.

Медбӧрья юӧррез

21И тійӧ медбы тӧдіт менам олӧм-керӧм йылісь, тіянлӧ быдӧс висьтасяс Тихик. Сія миян дона вонным, Дӧсвидзисьыслӧн надейнӧй уджалісь. 22Ме эта понда и ысті сійӧ тіян дынӧ. Ась сія висьтасьӧ миян йылісь да бурмӧтӧ#6:22 бурмӧтны сьӧлӧм ─ успокоить сердце тіянлісь сьӧлӧммезнытӧ. 23Ен Айнымсянь да Дӧсвидзись Кристос Исуссянь лӧнь олан, радейтӧм да веритӧм тіянлӧ, воннэзӧ! 24Еныслӧн бурсетӧмыс ась лоас быдӧнныскӧт, кӧдна дугдывтӧг радейтӧны миянлісь Дӧсвидзись Кристос Исуссӧ. Аминь.

Currently Selected:

Ефесын оліссезлӧ 6: БЮ19

Highlight

Copy