Ефесын оліссезлӧ 5

1Тійӧ Енлӧн дона челядь. Сідзкӧ, видзӧтӧ Сы вылӧ да керӧ Сы моз. 2Олӧ ӧтамӧднытӧ радейтӧмӧн, кыдз и Кристосыс радейтӧ миянӧс. Сія эд миян понда сетіс Асьсӧ Еныслӧ чӧскыт руа езъялан козин#5:2 езъялан козин ─ жертвенный дар, жертва туйӧ.

3Тійӧ ─ вежа отир. Сідзкӧ, кыскасьӧм да горшасьӧм, быдпӧлӧс сэрпӧсь керӧм тіян ась оз ло. Ны йылісь нельки эдӧ и баитӧ. 4Ась оз пет тіян ӧмись умӧль кыв, абутӧмыс йылісь баитӧм, нёштӧм серӧмтӧм#5:4 нёштӧм серӧмтӧм ─ грязные шутки. Буржык эд, пондат кӧ ошкыны Енсӧ. 5Тӧдӧ, некытшӧм кыскасисьлӧ, сэрпӧсьлӧ, горшасисьлӧ Енлӧн да Кристослӧн Юраланінісь нем оз дӧнзьы. Горшасьӧмыс эд ас керӧм енлӧ копрасьӧм.

6Абутӧмыс йылісь баитӧмнаныс тіянӧс некин ась оз ылӧт. Ылӧтан баитӧм понда эд Еныслӧн лӧгыс локтас кывзісьтӧм отир вылӧ. 7Сэтшӧммескӧт ӧтлаын нем эдӧ керӧ.

Югытлӧн челядь

8Тійӧ одзжык вӧліт пемытӧн, а ӧні Дӧсвидзиськӧт ӧтлаасьӧмсянь тійӧ лоитӧ югытӧн. Ӧні олӧ сідз, кыдз колӧ овны югытлӧн челядьлӧ. 9Лолыслӧн воӧмыс#5:9 воӧм ─ плод ─ быдпӧлӧс бурсӧ керӧм, Ен сьӧрті веськыта олӧм#5:9 Ен сьӧрті веськыта олӧм ─ праведность да быль. 10Тӧдмалӧ-видзӧтӧ да вежӧртӧ, мый Еныс сьӧрті. 11Пемытас оліссез моз эд керӧ сійӧ, мыйись оз пет бурыс. Асьныт веськыта висьталӧ нылӧ умӧльсӧ керӧмныс йылісь. 12Мый нія керӧны гусьӧн, сы йылісь нельки баитны умӧль. 13Но югытыс быдпӧлӧс гусьӧна керӧмсӧ осьтӧ. 14Сійӧн и висьталӧм:

─ Узись, саймы,

ловзьы кулӧммес коласісь,

сэк тэнӧ Кристосыс югдӧтас!

15Сідзкӧ, видзӧтӧ ас сьӧраныт. Быдӧс керӧ бур мывкыдӧн, эд керӧ мывкыдтӧммес моз. 16Кадсӧ весь эд ӧштӧ, луннэс эд ылӧтанаӧсь. 17Сідзкӧ, эд лоӧ абыззэзӧн, вежӧртӧ, мый колӧ Еныслӧ. 18Эд кодалӧ. Сысянь отирыс лэдзчисьӧны. Тырӧ Вежа Лолӧн. 19Ӧтамӧднытӧ вынсьӧтӧ псаломмэзӧн, Енсӧ ошкан сьыланкыввезӧн, ловсянь сьылӧммезӧн. Сьӧлӧмсянь ошкӧ-сьылӧтӧ Дӧсвидзисьсӧ. 20Миян Дӧсвидзись Кристос Исус нимӧн быдӧс понда пыр буркывтӧ Ен Айнымӧс.

Гозъя коласын олӧм

21Енсис полӧмӧн кывзісьӧ ӧтамӧднытӧ. 22Иннез, Дӧсвидзисьсӧ моз кывзісьӧ ассиныт жӧниккезнытӧ. 23Иньлӧн юрыс жӧникыс, кыдз вичкулӧн Юрыс Кристосыс. А вичкуыс Кристослӧн вывтырыс. Сія вывтырсӧ Мездӧтісь. 24Вичкуыс кывзісьӧ Кристоссӧ. Иннезлӧ сідз жӧ быдӧсын колӧ кывзісьны ассиныс жӧниккезнысӧ.

25Жӧниккез, радейтӧ ассиныт иннезнытӧ, кыдз Кристосыс радейтӧ вичкусӧ. Сія Ассис олансӧ сетіс сы понда, 26медбы сӧстӧмтны сійӧ. Вичкусӧ сӧстӧмтіс ваӧн да кылӧн. 27Кристосыс сідз керис, медбы Вичкусӧ вайӧтны одзас быд ладорсянь югьяланаӧн, медбы сы вылын эз вӧв ӧтік нятёк, кытшӧмкӧ чукыр али мыйкӧ мӧдік. Сія ась лоӧ вежаӧн, медбы нем умӧльыс эз вӧв сы сайын.

28Жӧниккезлӧ колӧ радейтны иннезнысӧ кыдз ассиныс вывтырсӧ. Ассис иньсӧ радейтісьыс асьсӧ радейтӧ. 29Некин эд некӧр оз висьтав аслас вывтырлӧ: синнэз эзӧ бы видзӧтӧ тэ вылӧ. Мортыс вывтырсӧ вердӧ, шонтӧ. Сідз и Дӧсвидзисьыс тӧждісьӧ вичкуыс понда. 30Мийӧ быдӧнным Сы вывтырлӧн торрез. 31Сідз и Гижӧтас висьталӧм: «Мортыс коляс ассис ай-мамсӧ да ӧтлаасяс иньыскӧт. И кыкыс лоасӧ ӧтік вывтырӧн». 32Этна кыввес висьталӧны и Кристосыс йылісь да вичкуыс йылісь. Сэтӧн ыджыт тӧдлытӧм#5:32 тӧдлытӧм ─ тайна. 33Сідзкӧ, быд ай морт, радейт ассит иньтӧ асьтӧ моз. Инь, бурӧ пукты ассит жӧниктӧ.

Челядь да ай-мам

Currently Selected:

Ефесын оліссезлӧ 5: БЮ19

Highlight

Copy