2 Коринфын оліссезлӧ 9
9
1Висьтавны кӧ, меным оз и ков тіянлӧ гижны Кристослӧн вежа отирлӧ отсасьӧм йылісь. 2Ме эд тӧда тіянлісь сьӧлӧмсянь керӧмнытӧ. Сійӧн ошшася Македонияись отир одзын: Акаияас мыся лӧсьӧтчисӧ отсасьны мӧймусянь ни. Мӧдіккез понда тӧждісьӧмныт йылісь кылӧмыс унаӧс ӧзйӧтіс. 3Воннэзӧс ыста тіян дынӧ одзжык, медбы тіян отсасьӧм йылісь ошшасьӧмӧ эз ло весись. Менам баитӧмӧ сьӧрті тіян ась быдӧс лоас лӧсьӧтӧм ни. 4Македонияись веритіссез мекӧт локтасӧ кӧ, да тіян оз ло лӧсьӧтӧм отсӧтыс, сэк миянлӧ ковсяс гӧрдӧтны, ог ни шу тіян йылісь. Мийӧ эд ны одзын бура ошким тіянӧс отсӧтныт понда. 5Воннэзӧс тшӧкті вовлыны тіян дынӧ одзжык. Ась видзӧтӧны, медбы тіян кӧсйӧм отсӧтныт вӧлі лӧсьӧтӧм. Сэк сія лоӧ сьӧлӧмсянь сетӧм бур отсӧт, абу тшӧктӧмсянь.
6Эстӧн висьтала: кин кӧдзӧ надза#9:6 надза ─ скупо, вундас етша. Кин уна кӧдзӧ, уна и босьтӧ. 7Быдыс сет сьӧлӧмыт висьталӧм сьӧрті тӧждісьтӧг, тшӧктытӧг. Кокнит сьӧлӧмсянь отсӧт сетісьсӧ радейтӧ Еныс. 8Еныс эд вына сетны тіянлӧ тырмӧмви быдӧс, мый колӧ. Сэк тіян лоас быдӧс коланаыс да эшӧ тырмас, медбы керны бурсӧ мӧдіккезлӧ. 9Сідз тай висьталӧм Вежа Гижӧтас:
─ Видзыштіс, сеталіс кориссезлӧ.
Сылӧн бур керӧмыс некӧр оз вунӧтсьы.
10Кӧдзисьыслӧ кӧдзыссӧ да сёян няньсӧ Сетісьыс сетас кӧдзыссӧ и тіянлӧ. Быдтас тіянлісь кӧдзӧмнытӧ да Ен сьӧрті веськыта олӧмнытлісь воӧмсӧ унапӧв содтас. 11Тіян быдӧс лоас тырмӧмви, медбы бура отсасьны мӧдіккезлӧ. Миян отсӧт понда эд отирыс Енсӧ буркывтӧны. 12Мийӧ ӧктам вежа отирлӧ отсӧт, медбы кокньӧтны нылісь олансӧ. Сія отсӧтным абу дзир му вылісь олан понда, а медбы отирыс орӧттӧг буркывтісӧ Енсӧ. 13Нія адззӧны тіянлісь отсасьӧмнытӧ да тіян понда ошкӧны Енсӧ. Тійӧ эд кывзісьӧмӧн олатӧ Кристослӧн Бур Юӧр сьӧрті. Сійӧ Юӧрсӧ тійӧ и висьтасят. Тійӧ уна отсасят вежа отирлӧ да и мӧдіккезлӧ. Эта понда нія ошкӧны Енсӧ 14да кеймӧны тіян понда. Нійӧ сьӧлӧмныс кыскӧ тіян дынӧ, тіян эд Еныслӧн бурсетӧмыс унася-уна. 15Ошкам Енсӧ Сы козин понда! Баитны сія козин йылісь мортлӧн и кыввес озӧ тырмӧ!
Павеллӧн дорйисян кыв
Currently Selected:
2 Коринфын оліссезлӧ 9: БЮ19
Highlight
Share
Copy
Want to have your highlights saved across all your devices? Sign up or sign in
2 Коринфын оліссезлӧ 9
9
1Висьтавны кӧ, меным оз и ков тіянлӧ гижны Кристослӧн вежа отирлӧ отсасьӧм йылісь. 2Ме эд тӧда тіянлісь сьӧлӧмсянь керӧмнытӧ. Сійӧн ошшася Македонияись отир одзын: Акаияас мыся лӧсьӧтчисӧ отсасьны мӧймусянь ни. Мӧдіккез понда тӧждісьӧмныт йылісь кылӧмыс унаӧс ӧзйӧтіс. 3Воннэзӧс ыста тіян дынӧ одзжык, медбы тіян отсасьӧм йылісь ошшасьӧмӧ эз ло весись. Менам баитӧмӧ сьӧрті тіян ась быдӧс лоас лӧсьӧтӧм ни. 4Македонияись веритіссез мекӧт локтасӧ кӧ, да тіян оз ло лӧсьӧтӧм отсӧтыс, сэк миянлӧ ковсяс гӧрдӧтны, ог ни шу тіян йылісь. Мийӧ эд ны одзын бура ошким тіянӧс отсӧтныт понда. 5Воннэзӧс тшӧкті вовлыны тіян дынӧ одзжык. Ась видзӧтӧны, медбы тіян кӧсйӧм отсӧтныт вӧлі лӧсьӧтӧм. Сэк сія лоӧ сьӧлӧмсянь сетӧм бур отсӧт, абу тшӧктӧмсянь.
6Эстӧн висьтала: кин кӧдзӧ надза#9:6 надза ─ скупо, вундас етша. Кин уна кӧдзӧ, уна и босьтӧ. 7Быдыс сет сьӧлӧмыт висьталӧм сьӧрті тӧждісьтӧг, тшӧктытӧг. Кокнит сьӧлӧмсянь отсӧт сетісьсӧ радейтӧ Еныс. 8Еныс эд вына сетны тіянлӧ тырмӧмви быдӧс, мый колӧ. Сэк тіян лоас быдӧс коланаыс да эшӧ тырмас, медбы керны бурсӧ мӧдіккезлӧ. 9Сідз тай висьталӧм Вежа Гижӧтас:
─ Видзыштіс, сеталіс кориссезлӧ.
Сылӧн бур керӧмыс некӧр оз вунӧтсьы.
10Кӧдзисьыслӧ кӧдзыссӧ да сёян няньсӧ Сетісьыс сетас кӧдзыссӧ и тіянлӧ. Быдтас тіянлісь кӧдзӧмнытӧ да Ен сьӧрті веськыта олӧмнытлісь воӧмсӧ унапӧв содтас. 11Тіян быдӧс лоас тырмӧмви, медбы бура отсасьны мӧдіккезлӧ. Миян отсӧт понда эд отирыс Енсӧ буркывтӧны. 12Мийӧ ӧктам вежа отирлӧ отсӧт, медбы кокньӧтны нылісь олансӧ. Сія отсӧтным абу дзир му вылісь олан понда, а медбы отирыс орӧттӧг буркывтісӧ Енсӧ. 13Нія адззӧны тіянлісь отсасьӧмнытӧ да тіян понда ошкӧны Енсӧ. Тійӧ эд кывзісьӧмӧн олатӧ Кристослӧн Бур Юӧр сьӧрті. Сійӧ Юӧрсӧ тійӧ и висьтасят. Тійӧ уна отсасят вежа отирлӧ да и мӧдіккезлӧ. Эта понда нія ошкӧны Енсӧ 14да кеймӧны тіян понда. Нійӧ сьӧлӧмныс кыскӧ тіян дынӧ, тіян эд Еныслӧн бурсетӧмыс унася-уна. 15Ошкам Енсӧ Сы козин понда! Баитны сія козин йылісь мортлӧн и кыввес озӧ тырмӧ!
Павеллӧн дорйисян кыв
Currently Selected:
:
Highlight
Share
Copy
Want to have your highlights saved across all your devices? Sign up or sign in