2 Коринфын оліссезлӧ 1
1
Гижны пондӧтӧм
1Гижӧ Павел, Кристос Исуслӧн апостол. Еныслӧ вӧлі колӧм сувтӧтны менӧ керны апостоллісь уджсӧ. Тимофей вонӧкӧт гижам Коринфӧ Енлӧн вичкулӧ#1:1 вичку ─ церковь, община верующих да Акаияись быдӧс вежа отирлӧ. 2Ен Айнымсянь да миян Дӧсвидзись Кристос Исуссянь бурсетӧм#1:2 бурсетӧм ─ благодать да лӧнь олан#1:2 лӧнь олан ─ мир тіянлӧ.
Енсӧ ошкӧм
3Ошкам Енсӧ, миян Дӧсвидзись Кристос Исуслісь Айсӧ! Сія небыт сьӧлӧма Ай да пыр бурӧтісь#1:3 бурӧтны ─ утешить Ен. 4Сія миянӧс бурӧтӧ быд тӧждісьӧм коста, медбы и мийӧ вермим бурӧтны тӧждісиссесӧ сія бурӧтӧмӧн, кӧдаӧн Еныс бурӧтӧ миянӧс. 5Миян оланын Кристосыс понда пессьӧм-мырсьӧмным#1:5 пессьӧм-мырсьӧм ─ страдание содӧ. Сы коста содӧ и Кристосыслӧн миянӧс бурӧтӧмыс. 6Мийӧ кӧ тӧждам, тӧждам тіянӧс бурӧтӧм да мездӧм понда. Тійӧ миян моз видзсят кӧ пессьӧм-мырсьӧмныт коста, сэк мезмӧмныт лоас быдсӧн бурӧн#1:6 быдсӧн бур ─ совершенный. 7Сійӧн мийӧ бура надейтчам тіян вылӧ. Еныс кӧ бурӧтӧ миянӧс, сідз Сія и тіянӧс бурӧтас да мездас. Тӧдам эд, тійӧ миян моз пессят-мырсят, миян моз тійӧ лоат и бурӧтӧмӧсь.
8Воннэзным, сійӧн огӧ кольӧ тіянлӧ висьтавтӧг миян тӧждісьӧм-мырсьӧм йылісь. Сія миян вылӧ усис Асияын. Вӧлі ӧддьӧн сьӧкыт. Эгӧ ни вермӧ видзсьыны. Юраным видзим, огӧ ни пӧ кольччӧ ловьяӧсь, 9и миянӧс пӧ сетасӧ вийны. Сійӧн мийӧ эгӧ надейтчӧ ас выланым, а кулӧммесӧ Ловзьӧтісь Ен вылӧ. 10Сія мездіс миянӧс, эз лэдз сэтшӧм одз оланнымӧс орӧтны. Тӧдамӧ, и одзлань пондас миянӧс мездыны, 11тійӧ кӧ отсалатӧ миянлӧ кеймӧмнаныт. Уналӧн корӧм кузя Еныс миянлӧ козьналіс оланнымӧс. Сійӧн унаӧн буркывтасӧ#1:11 буркывтны ─ благодарить Енсӧ миянлӧ отсалӧм понда.
Павеллӧн локны падмӧтчӧм
12Миян сьӧлӧммезным висьталӧны#1:12 сьӧлӧм висьталӧм ─ свидетельство совести: мийӧ асьнымӧс эгӧ лэбтӧ. Быд морткӧт мийӧ вӧлім осьта сьӧлӧмаӧсь, ӧддьӧнжык тіянкӧт. Миян ладорсянь умӧльыс нем эз вӧв. Сійӧн мийӧ вермам ошшасьны. Асланым морт мывкыдсянь нем эгӧ керӧ, миянӧс туйдӧтіс Еныслӧн бурсетӧмыс. 13Мийӧ тіянлӧ гижам дзир сійӧ, мый тійӧ вермат лыддьӧтны да вежӧртны. Надейтча, тійӧ быдӧс бура вежӧртат. 14А ӧні тійӧ эстісь мымдакӧ вежӧртіт ни. Сідзкӧ, миян Дӧсвидзись Кристос Исуслӧн бертан лунӧ пондам ошшасьны ӧтамӧднаным.
15Этӧ тӧдӧмӧн тіян дынӧ локны ме одзжык ни лӧсьӧтчылі. Тійӧ сэк вермит бы кыкись босьтны Енлісь бурсетӧмсӧ. 16Тіян дынӧт лӧсьӧтчи мунны Македонияӧ. Сэтчинсянь мӧді бӧр бертны тіян дынӧ, медбы тійӧ отсаліт меным мунны Иудеяас. 17Этадз керны лӧсьӧтчӧмнам видзӧттӧг я ме кери? Менам керӧмӧ разь ассяням вӧлі? Поди, ме ӧтік кадӧ висьтала «сідз», и сэтӧн жӧ «абу сідз»? 18Еныс тӧдӧ, тіянлӧ висьталӧмным эз вӧв и «сідз», и «абу сідз». 19Енлӧн Зон Кристос Исусыс йылісь тіянлӧ юӧртім ме, Силуан да Тимофей. Кристосыслӧн «сідз» да «абу сідз» ӧтдруг некӧр абу, Сылӧн эд быдӧс «сідз». 20Еныслісь быдӧс кӧсйӧммесӧ оланӧ пыртіс Кристос Исусыс. И Сыкӧт ӧтлаасьӧмӧн Енсӧ ошкӧм могись мийӧ шуам: «Аминь». 21Еныс вынсьӧтӧ миянӧс тіянкӧт видзсьыны Кристосыс бердӧ. Миянӧс Сія и мавтыштіс: 22миян вылӧ пуктіс пас ─ сьӧлӧммезаным сетіс Ассис Ловсӧ. Лолыс висьталӧ миянлӧ: Еныслӧн быдӧс кӧсйӧмыс керсяс. 23Ен одзын кыв сета: ме жалейта тіянӧс и сійӧн ӧнӧдз эг вовлы Коринфас. 24Мийӧ абу юраліссез тіян веритӧм вылын. Мийӧ тіянлӧ дзир отсалам гажмыны. Тӧдам эд: тійӧ бура сулалат веритӧманыт.
Умӧльсӧ керись понда тӧждісьӧм
Currently Selected:
2 Коринфын оліссезлӧ 1: БЮ19
Highlight
Share
Copy
Want to have your highlights saved across all your devices? Sign up or sign in
