1Gelindo 6

Xianxin Giesan Kunlai Fayende Bu Zha

1Tai dunda jianjinduku shiqin bidene matugie shentulade ese zhazhi gou witu kunlade zhale echizho? 2Shentula duyai panjikui ta ulie mejienu? Ta duyai panjise ene ga shiqinlai panji danu? 3Matan qienxienlai panjikui ta ulie mejienu? Ingiese duyai shiqinni yan sanane? 4Ingiese jiohuide intu shiqin bise matugie jiohui zunzhun ese giesan kunlai panjighane? 5Bi ingiezhi kieliekushi tai shizheghane giezho. Tai dunda gaijiulai shiqinyi chuli gieku aghelitu kun nieda uwonu? 6Tai dunda gaijiula gaijiulai zhazhi dou xianxin ulie giechen kunlai melie zhale echiwo. 7Ta nieniene zhase tanughun fugiede codazho. Ta yale bixinde ulie beizhi kui ulie ijiene? 8Ta khareidene kunlai bixindaghazhi kuighazho, hhelashi goyai gaijiu wo.

9Gou witu kunla Hudai gojiai jienlie dakui ta ulie mejienu? Goyane bu pienda, lon kijiechen, nigiedai beiichen, piofen giechen, ere kun biozi danlachen, tunxinlien giechen, 10ghulachen, tanxin giechen, sudochen, kunni sugiechen, piendachen enela Hudai gojiani jienlie dane. 11Tai dunda niezhan kunla eqighandei intui giezhi daozhoma, ede Ezhan Ersa Mexihani niere, pse mai Hudai ruhherni tungo giezhi tai ijin waghazho, zhiguishighazho, gounide sanazho.

Beyeghalane Hudai Kuai

12Goyane yan shiqin gieliuzhe olune giezhi kunla kieliezhoma, man haochu bikui pusho. Bi yan shiqin gieliuzhe oluzhoma, alinie shiqinniliuzhe bi goyane kunzhi ulie gieghane. 13Ijiuni kielide oluzho, kieli ijiunide oluzho giezhoma, Huda ene ghualai widaghane. Beyeshi lon kijiekude giesan pusho, Ezhande oluzhi giesan wo, Ezhan kunni beyede oluzho. 14Huda Ezhanyi aminne olughazhi maiye goya nenlighalane aminne olughane. 15Tai beyeshi Mexihani iyanzi bikui ta ulie mejienu? Bi Mexihani iyanzii biozini iyanzi gholughazhi olunu? Kenjin ulie olune! 16Biozighala hhantulase hheghala nie beye gholukui ta ulie mejienu? Jinwun jiere kieliezho, "Ghuala nie beye gholune." 17Ezhanghala hhantulasan kun Ezhanghala nie ruhher gholune. 18Ta lon kijieku shiqinse pii. Kun yan zui fanjiliuzhe beye ghadane giezho, zinie lon kijiekushi goyai beye jiere giezho. 19Tai beyeshi Huda tande ogisan Shenlin tai sudoro souku dajien bikui ta ulie mejienu? Tashi goyanughun pusho, 20fugie jiageghala agizhi iresan wo. Ingiese ta beyeghalane Hudai kuai.

Currently Selected:

1Gelindo 6: sce

Highlight

Copy

Compare