ГӀакъилал рагӀаби 9

БЕТӀЕР 9

ГӀакъиллъиги гӀантлъиги

1ГӀакъиллъиялъ жиндиего рукъ бана,

гьелъие анкьго хӀуби къачӀана,

2гьениб къурбан хъуна, чагъир тӀуна,

столалда тӀад квен лъуна.

3Гьелъ гъаравашал ритӀана,

шагьаралъул бищунго борхатаб бакӀалде рахун:

4«Жагьилав чи гьанивехун свере», – ян ахӀдезе.

ГӀакълу гьечӀездехун гӀакъиллъиялъ абуна:

5«Гьанире рачӀун, дир столалдаса чедги кванай

дица тӀураб чагъирги гьекъе.

6Жагьиллъиги рехун тун, гьабе нужеца гӀумру.

ГӀакълу-насихӀаталъул нухдасан хьваде нуж!»

7ЯхӀ-намус гьечӀесе бадибчӀвай гьабулев чи

гьес гӀад-хочӀ гьавула,

квешав чи кантӀизавизе лъугьарасеги

гьесдасан квешаб рагӀи насиблъула.

8ЯхӀ-намус гьечӀев чи кантӀизавуге –

гьесие мун рихина;

гӀакъилав чи кантӀизаве –

гьесие мун вокьила.

9ГӀакъиласе кье гӀакълу –

гьев дагьавги гӀакъиллъила;

муъминчиги цӀодор гьаве –

гьесул лъай цӀикӀкӀина.

10Аллагьасукьа хӀинкъи –

гьеб буго гӀакъиллъиялъул авал,

ТӀадегӀанав вичӀчӀиялъул гӀелму

тӀалаб гьабиги цӀодорлъи буго.

11Дидалъун цӀикӀкӀина дур гӀумруялъул къоял,

дур гӀумруги халалъила.

12Мун гӀакъилав ватани,

гьеб гӀакъиллъи дуего пайдаялъе буго,

яхӀ-намус гьечӀев чи мун ватани,

гьелъул гӀакъуба-къварилъиги дуего буго.

13ГӀантлъи буго гӀакълу гьечӀей чӀужугӀадан гӀадаб жо,

цӀакъго ахӀи-хӀуралда йикӀуней,

жийго кквезе квелъ-чангит гьечӀей

ва жагьиллъиялда йигей.

14Жиндирго кавудал кӀалтӀа кӀусун,

яги шагьаралъул бищунго рорхатал бакӀазде яхун:

15-16«Жагьилав чи гьанивехун свере», – ян

ахӀула гьелъ аскӀосан унездеги

жидерго нухдасан къокъунездеги.

ГӀакълу гьечӀездехун гьелъ абула:

17«Бикъараб лъимги гьуинаб букӀуна,

балъго кваналеб чедги тӀагӀамаб букӀуна», – ян.

18ГӀакълу гьечӀезда лъаларо

гьелъул рокъоре лъугьарал гӀадамал хвалде унеллъи,

гьелъул гьалбалги жужахӀалъул тӀинда ругеллъи.

Currently Selected:

ГӀакъилал рагӀаби 9: АварАК

Highlight

Copy

Want to have your highlights saved across all your devices? Sign up or sign in

Learn More About Аллагьасул Калима