ГӀакъилал рагӀаби 23
23
БЕТӀЕР 23
Кици 6
1Ханасда цадахъ кваналеб мехалъ,
дуца лъикӀаб хӀалалъ хал гьабе дуда цебе щиб лъун бугебали.
2Чехь квешав чи мун ватани,
дурго мукъулукъалда нус цвизабе.
3Гьесул тӀотӀода ругел тӀагӀамал нигӀматазде хьулхьудуге,
мун гуккулеб квенин гьеб.
Кици 7
4Бечелъизейиланги чӀвачӀвадуге мун,
гӀорхъулъа ворчӀичӀого чӀезе гӀакълу гӀезе кколебин.
5Дур бер чӀварабго, бечелъи цебеса тӀагӀуна –
куркьбал рижизарула гьелъ жиндаго
ва цӀумлъун зодихъе боржун уна.
Кици 8
6Бер хъантӀарав чиясул чед кванаге,
гьесул нигӀматаздеги хьулхьудуге.
7Жиндаго тӀаса унеб харжалъул пикрабаздайин кидаго гьев вукӀунев.
Кванайилан, гьекъейилан абула, амма гьесул ракӀ дудаса рикӀкӀад букӀуна.
8Кванараб чадил мочӀуги лагӀун къватӀибе бачӀина,
гьесие рицарал дурго хӀеренал рагӀабиги гӀадада ккела.
Кици 9
9ГӀабдалгун гаргадуге, – дур гӀакъилал рагӀаби
гьес инжит-хӀакъир гьарила.
Кици 10
10Цебего чӀезабун батараб гӀорхъи-ссан хисизабуге,
бесдалазул хурзабахъеги лъугьунге.
11Гьезул рахъ кколевав къудратав вугевин,
дуда данде диваналъеги вахъуневин Гьев.
Кици 11
12ГӀакълу-насихӀаталде ракӀ гӀедегӀизабе,
гӀакъилал рагӀабазде гӀундулги гӀедегӀизаре.
Кици 12
13Васасе гӀадлу гьабичӀого тоге,
дуца хьопоца вухунилан гьев холаревин.
14Дуца гьев хьопоца вухила, –
гьесул рухӀги жужахӀалдаса хвасарлъила.
Кици 13
15Я дир вас! Дур ботӀролъе гӀакълу-цӀодорлъи лъугьани,
дир рекӀелъе рохелги лъугьина.
16Дур кӀалалъ битӀараб бицунеб мехалъ,
дир нусабго логолъ рохел цӀикӀкӀина.
Кици 14
17Мунагьал гьарулезда дур ракӀ бахиллъуге;
кидаго БетӀергьанасукьа хӀинкъун вукӀине хӀаракат бахъе.
18Цо къо бачӀунеблъи хӀакъаб бугелъул,
гьелде бугеб дур хьул гӀадада хвеларо.
Кици 15
19Дихъ гӀенекке, дир вас, цӀодорго хьваде,
дурго рекӀее бокьун, битӀараб нухги тӀаса бище.
20МехтизегӀан чагъир гьекъолезда гьоркьовги вукӀунге,
гьанаца чехь цӀезабулезда цадахъги вукӀунге.
21Гьекъолдухъанги чохьохъанги мискинлъула,
макьу хиралъиялъги дуда тӀад тӀутӀу-хъухъураб ретӀел ретӀуна.
Кици 16
22Дурго инсухъ гӀенекке:
гьесдасан лъугьарав васин мун,
херлъараб мехалъ эбелги рехун тоге.
23Божилъи дуца бичун босе,
гӀакъиллъиги, гӀелму-лъайги, гӀакълу-насихӀатги бичизе лъугьунге мун.
24Муъминчияс эмен цӀакъ вохизавула,
цӀодорав вас лъугьаравги гьесдаса разилъун вукӀуна.
25Эбел-эмен рохаги дудаса,
мун гьавуралги разилъаги.
Кици 17
26Дуца дурго ракӀ дидехун буссинабе, дир вас,
дица бихьизабураб нухде ралагьун хутӀагийин дур берал.
27Дуда лъай:
хъахӀба ккола гъваридаб гвенд,
чияр лъадиги ккола къваридаб гъуй.
28Гьелъ, хъачагъас гӀадин, гъоркьчӀел гьабула
ва гӀадамазда гъорлъ мунапикъалги цӀикӀкӀинарула.
Кици 18
29Огь-агьилан щив зигардулев?
Пайда щибхайилан лъица абулеб?
ДагӀба-рагӀи лъил букӀунеб?
ГӀодун магӀу лъица тӀолеб?
ГӀададаго ругънал лъун лъида рукӀунел?
Берал багӀарлъун лъил рукӀунел?
30Гьеб букӀуна къаси сордо кватӀизегӀан
гӀодор чӀун чагъир гьекъолезул,
цӀияб чагъир кинаб бугебали
хал гьабизе рачӀаразул.
31Чагъир дуда берцин бихьуге,
гьеб багӀараб букӀаниги,
лълъаралъуб гьеб кенчӀелеб букӀаниги
ва бигьаго гьекъон унеб букӀаниги.
32Хадуб гьелъ борхьица гӀадин хӀанчӀула,
чӀегӀераб борхьица гӀадин загьруги лагӀула гьелъ.
33Дур беразда цере тамашаял церетӀамиял лъугьуна,
ботӀролъеги рикьа-риххарал пикраби рачӀуна.
34Мун вукӀина ралъдал бакьулъ,
гамил рулалда тӀад кьижарав гӀадин.
35«Дун вухун вуго – унти лъалеб гьечӀо,
дида кьабун буго – ругъун лъураб бакӀ лъалеб гьечӀо.
Вигьаравго гьекъезе жо кисадай дие щвелеб?»
Currently Selected:
ГӀакъилал рагӀаби 23: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 23
23
БЕТӀЕР 23
Кици 6
1Ханасда цадахъ кваналеб мехалъ,
дуца лъикӀаб хӀалалъ хал гьабе дуда цебе щиб лъун бугебали.
2Чехь квешав чи мун ватани,
дурго мукъулукъалда нус цвизабе.
3Гьесул тӀотӀода ругел тӀагӀамал нигӀматазде хьулхьудуге,
мун гуккулеб квенин гьеб.
Кици 7
4Бечелъизейиланги чӀвачӀвадуге мун,
гӀорхъулъа ворчӀичӀого чӀезе гӀакълу гӀезе кколебин.
5Дур бер чӀварабго, бечелъи цебеса тӀагӀуна –
куркьбал рижизарула гьелъ жиндаго
ва цӀумлъун зодихъе боржун уна.
Кици 8
6Бер хъантӀарав чиясул чед кванаге,
гьесул нигӀматаздеги хьулхьудуге.
7Жиндаго тӀаса унеб харжалъул пикрабаздайин кидаго гьев вукӀунев.
Кванайилан, гьекъейилан абула, амма гьесул ракӀ дудаса рикӀкӀад букӀуна.
8Кванараб чадил мочӀуги лагӀун къватӀибе бачӀина,
гьесие рицарал дурго хӀеренал рагӀабиги гӀадада ккела.
Кици 9
9ГӀабдалгун гаргадуге, – дур гӀакъилал рагӀаби
гьес инжит-хӀакъир гьарила.
Кици 10
10Цебего чӀезабун батараб гӀорхъи-ссан хисизабуге,
бесдалазул хурзабахъеги лъугьунге.
11Гьезул рахъ кколевав къудратав вугевин,
дуда данде диваналъеги вахъуневин Гьев.
Кици 11
12ГӀакълу-насихӀаталде ракӀ гӀедегӀизабе,
гӀакъилал рагӀабазде гӀундулги гӀедегӀизаре.
Кици 12
13Васасе гӀадлу гьабичӀого тоге,
дуца хьопоца вухунилан гьев холаревин.
14Дуца гьев хьопоца вухила, –
гьесул рухӀги жужахӀалдаса хвасарлъила.
Кици 13
15Я дир вас! Дур ботӀролъе гӀакълу-цӀодорлъи лъугьани,
дир рекӀелъе рохелги лъугьина.
16Дур кӀалалъ битӀараб бицунеб мехалъ,
дир нусабго логолъ рохел цӀикӀкӀина.
Кици 14
17Мунагьал гьарулезда дур ракӀ бахиллъуге;
кидаго БетӀергьанасукьа хӀинкъун вукӀине хӀаракат бахъе.
18Цо къо бачӀунеблъи хӀакъаб бугелъул,
гьелде бугеб дур хьул гӀадада хвеларо.
Кици 15
19Дихъ гӀенекке, дир вас, цӀодорго хьваде,
дурго рекӀее бокьун, битӀараб нухги тӀаса бище.
20МехтизегӀан чагъир гьекъолезда гьоркьовги вукӀунге,
гьанаца чехь цӀезабулезда цадахъги вукӀунге.
21Гьекъолдухъанги чохьохъанги мискинлъула,
макьу хиралъиялъги дуда тӀад тӀутӀу-хъухъураб ретӀел ретӀуна.
Кици 16
22Дурго инсухъ гӀенекке:
гьесдасан лъугьарав васин мун,
херлъараб мехалъ эбелги рехун тоге.
23Божилъи дуца бичун босе,
гӀакъиллъиги, гӀелму-лъайги, гӀакълу-насихӀатги бичизе лъугьунге мун.
24Муъминчияс эмен цӀакъ вохизавула,
цӀодорав вас лъугьаравги гьесдаса разилъун вукӀуна.
25Эбел-эмен рохаги дудаса,
мун гьавуралги разилъаги.
Кици 17
26Дуца дурго ракӀ дидехун буссинабе, дир вас,
дица бихьизабураб нухде ралагьун хутӀагийин дур берал.
27Дуда лъай:
хъахӀба ккола гъваридаб гвенд,
чияр лъадиги ккола къваридаб гъуй.
28Гьелъ, хъачагъас гӀадин, гъоркьчӀел гьабула
ва гӀадамазда гъорлъ мунапикъалги цӀикӀкӀинарула.
Кици 18
29Огь-агьилан щив зигардулев?
Пайда щибхайилан лъица абулеб?
ДагӀба-рагӀи лъил букӀунеб?
ГӀодун магӀу лъица тӀолеб?
ГӀададаго ругънал лъун лъида рукӀунел?
Берал багӀарлъун лъил рукӀунел?
30Гьеб букӀуна къаси сордо кватӀизегӀан
гӀодор чӀун чагъир гьекъолезул,
цӀияб чагъир кинаб бугебали
хал гьабизе рачӀаразул.
31Чагъир дуда берцин бихьуге,
гьеб багӀараб букӀаниги,
лълъаралъуб гьеб кенчӀелеб букӀаниги
ва бигьаго гьекъон унеб букӀаниги.
32Хадуб гьелъ борхьица гӀадин хӀанчӀула,
чӀегӀераб борхьица гӀадин загьруги лагӀула гьелъ.
33Дур беразда цере тамашаял церетӀамиял лъугьуна,
ботӀролъеги рикьа-риххарал пикраби рачӀуна.
34Мун вукӀина ралъдал бакьулъ,
гамил рулалда тӀад кьижарав гӀадин.
35«Дун вухун вуго – унти лъалеб гьечӀо,
дида кьабун буго – ругъун лъураб бакӀ лъалеб гьечӀо.
Вигьаравго гьекъезе жо кисадай дие щвелеб?»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023