ГӀакъилал рагӀаби 22
22
БЕТӀЕР 22
1ЛъикӀаб цӀар-рецц кӀудияб бечелъиялдаса къиматаб букӀуна,
гӀадамал рази гьариги дуе гӀарац-меседалдасаги лъикӀ.
2Бечедалги мискиналги релълъарал руго:
гьел киналго БетӀергьанас рижарал руго.
3ЦӀодорав чиясе хӀинкъи бугони, гьев вахчун чӀола,
амма жагьилав чи лъалхъичӀого цеве уна
ва балагьалда дандчӀвала.
4ХӀалимлъи-хӀеренлъиялъги БетӀергьанасукьа хӀинкъиялъги
дуе насиблъула бечелъиги, хӀурмат-хъатирги ва чӀаголъиги.
5Пасикъасул нухазда зазги букӀуна,
гьесие гъураб къорги букӀуна;
жиндирго рухӀ цӀунизе бокьарав гьездаса рикӀкӀад чӀела.
6ГӀолохъанчи нухда витӀун ккезавуни,
херлъараб мехалъги рехун толаро гьес гьеб.
7Бечедас мискинзабазда тӀад ханлъи гьабула,
налъулавги ккола гьесухъе налъуда гӀарац кьурасул лагълъун.
8Квешлъи бекьулес балагь-гӀазаб лъилъула,
гьесул ццидал цӀалги бекун уна.
9Сахаватав чиясда баркат лъола,
гьес мискиназе хинкӀ-чед кьолелъулха.
10ЯхӀ-намус гьечӀев чи аскӀоса вачахъе –
питна-рагӀиги рикӀкӀалъила, дагӀба-къецги лъугӀила.
11ПарччахӀасгицин гьудуллъи ккола
ракӀбацӀцӀалъи бокьулев ва кӀалзул калам гьуинав чиясулгун.
12ГӀелму-лъай бугезул тӀалаб гьабула БетӀергьанас,
божизе бегьуларезул гьерсал къватӀир чӀвазарула Гьес.
13КӀвахӀалас абула доба къватӀиб гъалбацӀ бугин,
яги къотӀнов жив чӀвалин.
14Чияр лъадул кӀалги мацӀги – гъваридаб кӀкӀалила,
БетӀергьанасул ццин бахъарав гьениве вортулевила.
15ГӀолохъанчиясул рекӀелъе гӀантлъи лъугьун буго,
гӀакълу-насихӀаталъул хьопоца бачахъила гьеб.
16БоцӀи-рикъзи цӀикӀкӀине бокьун, мискинасда зулму гьабулев,
яги бечедасе сайигъатал кьолев чи мискинлъула.
Лъеберго кици
17ГӀин гъоркье ккун гӀенекке мун гӀакъилазул рагӀабазухъ,
дица малъулеб бугелдехун ракӀги буссинабе.
18Гьел рекӀелъ цӀунарав разилъила,
хӀажалъани – кӀалалдеги рачӀина гьел.
19БетӀергьанасде дур мугъчӀвай букӀине,
жакъаги кьолеб буго дица дуе гӀакълу.
20Дуе гӀакълу-насихӀаталъе
лъеберго кици хъван букӀинчӀищ дица.
21Дурго хӀакимасе гӀакъилаб ва битӀараб жаваб кьезе
духъа бажарулел кицаби рукӀана гьел.
Кици 1
22Мискинав вугилан мискинчи тала гьавуге,
кавудухъе вачӀарав гьардухъанги къварид гьавуге.
23БетӀергьанас гьезул рахъ кколелъулха,
гьезухъа жо бахъаразул рухӀалги Гьеслъидал рахъулел.
Кици 2
24Ццин бахъунесулгун гьудуллъиги ккоге,
манзил къокъасулгун гьоркьоблъиги гьабуге.
25Гьесул гӀамалги босун, дуего къор гъезе гурин.
Кици 3
26Кьабун квер бачун къотӀи гьабулел
ва къарзалъе гъоркье чӀолел чагӀазда релълъунги хьвадуге.
27Налъи бецӀизе дур рес гьечӀони,
дуда гъоркьа бусенгицин бахъила.
Кици 4
28Умумуца чӀезабураб гӀорхъи-ссан хисизабуге.
Кици 5
29Жиндирго махщел лъикӀ лъалев чи вихьулищ дуда?
ЧӀегӀерхалкъалъе гуребха гьес хъулухъ гьабулеб – парччахӀзабазейин.
Currently Selected:
ГӀакъилал рагӀаби 22: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
ГӀакъилал рагӀаби 22
22
БЕТӀЕР 22
1ЛъикӀаб цӀар-рецц кӀудияб бечелъиялдаса къиматаб букӀуна,
гӀадамал рази гьариги дуе гӀарац-меседалдасаги лъикӀ.
2Бечедалги мискиналги релълъарал руго:
гьел киналго БетӀергьанас рижарал руго.
3ЦӀодорав чиясе хӀинкъи бугони, гьев вахчун чӀола,
амма жагьилав чи лъалхъичӀого цеве уна
ва балагьалда дандчӀвала.
4ХӀалимлъи-хӀеренлъиялъги БетӀергьанасукьа хӀинкъиялъги
дуе насиблъула бечелъиги, хӀурмат-хъатирги ва чӀаголъиги.
5Пасикъасул нухазда зазги букӀуна,
гьесие гъураб къорги букӀуна;
жиндирго рухӀ цӀунизе бокьарав гьездаса рикӀкӀад чӀела.
6ГӀолохъанчи нухда витӀун ккезавуни,
херлъараб мехалъги рехун толаро гьес гьеб.
7Бечедас мискинзабазда тӀад ханлъи гьабула,
налъулавги ккола гьесухъе налъуда гӀарац кьурасул лагълъун.
8Квешлъи бекьулес балагь-гӀазаб лъилъула,
гьесул ццидал цӀалги бекун уна.
9Сахаватав чиясда баркат лъола,
гьес мискиназе хинкӀ-чед кьолелъулха.
10ЯхӀ-намус гьечӀев чи аскӀоса вачахъе –
питна-рагӀиги рикӀкӀалъила, дагӀба-къецги лъугӀила.
11ПарччахӀасгицин гьудуллъи ккола
ракӀбацӀцӀалъи бокьулев ва кӀалзул калам гьуинав чиясулгун.
12ГӀелму-лъай бугезул тӀалаб гьабула БетӀергьанас,
божизе бегьуларезул гьерсал къватӀир чӀвазарула Гьес.
13КӀвахӀалас абула доба къватӀиб гъалбацӀ бугин,
яги къотӀнов жив чӀвалин.
14Чияр лъадул кӀалги мацӀги – гъваридаб кӀкӀалила,
БетӀергьанасул ццин бахъарав гьениве вортулевила.
15ГӀолохъанчиясул рекӀелъе гӀантлъи лъугьун буго,
гӀакълу-насихӀаталъул хьопоца бачахъила гьеб.
16БоцӀи-рикъзи цӀикӀкӀине бокьун, мискинасда зулму гьабулев,
яги бечедасе сайигъатал кьолев чи мискинлъула.
Лъеберго кици
17ГӀин гъоркье ккун гӀенекке мун гӀакъилазул рагӀабазухъ,
дица малъулеб бугелдехун ракӀги буссинабе.
18Гьел рекӀелъ цӀунарав разилъила,
хӀажалъани – кӀалалдеги рачӀина гьел.
19БетӀергьанасде дур мугъчӀвай букӀине,
жакъаги кьолеб буго дица дуе гӀакълу.
20Дуе гӀакълу-насихӀаталъе
лъеберго кици хъван букӀинчӀищ дица.
21Дурго хӀакимасе гӀакъилаб ва битӀараб жаваб кьезе
духъа бажарулел кицаби рукӀана гьел.
Кици 1
22Мискинав вугилан мискинчи тала гьавуге,
кавудухъе вачӀарав гьардухъанги къварид гьавуге.
23БетӀергьанас гьезул рахъ кколелъулха,
гьезухъа жо бахъаразул рухӀалги Гьеслъидал рахъулел.
Кици 2
24Ццин бахъунесулгун гьудуллъиги ккоге,
манзил къокъасулгун гьоркьоблъиги гьабуге.
25Гьесул гӀамалги босун, дуего къор гъезе гурин.
Кици 3
26Кьабун квер бачун къотӀи гьабулел
ва къарзалъе гъоркье чӀолел чагӀазда релълъунги хьвадуге.
27Налъи бецӀизе дур рес гьечӀони,
дуда гъоркьа бусенгицин бахъила.
Кици 4
28Умумуца чӀезабураб гӀорхъи-ссан хисизабуге.
Кици 5
29Жиндирго махщел лъикӀ лъалев чи вихьулищ дуда?
ЧӀегӀерхалкъалъе гуребха гьес хъулухъ гьабулеб – парччахӀзабазейин.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023