Тархал 7
7
КӀудиязул садакъаби
1Мусаца Мукъадасаб Чадир эхетизабураб мехалда, гьес гьелдаги гьелда жаниб бугеб къайи-къоноялдаги, къурбан-бакӀалдагун гьелъул цӀарагӀалдаги хирияб нахги бахун, гьеб кинабго БетӀергьанасе бацӀцӀад гьабуна. Гьеб киналдаго гьес хирияб нах бахана, гьеб мукъадасаблъун букӀине. 2Ва ГӀизраилил халкъалъул бутӀруз, къавмазул кӀудияз, ай халкъалъул сияхӀ гьабиялъул жавабчилъи жидеда тӀадал къавмазул бутӀруз, жидерго рахъалъ хириял садакъаби росун рачӀана. 3Гьез Чадиралда цере лъуна, БЕТӀЕРГЬАНАСЕ хирияб садакъа хӀисабалда, тӀадхъел бугеб анлъго гьокоги анцӀила кӀиго оцги – щибаб къавмалъул бетӀерас цо-цо оц ва кӀи-кӀияс цадахъ цо-цо гьоко. Гьеб кинабго Мукъадасаб Чадиралда цебе лъуна.
4БЕТӀЕРГЬАНАС Мусада абуна:
5«Къабул гьаре гьезухъа гьакалги оцалги, ДандчӀваялъул Чадиралда хӀалтӀизаризе рукӀине. Гьел левитазухъе кье, гьез тӀубалеб хъулухъалда рекъон».
6Мусаца гьакалги оцалги левитазухъе кьуна. 7КӀиго гьокоги ункъго оцги Гершонил наслабазухъе кьуна, гьезул хъулухъалда рекъон, 8ва ункъго гьокоги микьго оцги Мерарил наслабазухъе кьуна, Гьарунил вас Итамарил нухмалъиялда гъоркь гьез гьабулеб хъулухъалда рекъон. 9Амма Кехатил наслабазухъе Мусаца щибниги кьечӀо, щайгурелъул гьез Чадиралъул бищун мукъадасаб къайи баччизе кколаан жидерго кӀигъуждуздаги лъун.
10Къурбан-бакӀалда хирияб нах бахун бахъиндал, халкъалъул бутӀруз жидерго рахъалдасан хириял садакъаби кьуна, ва гьелдалъун кӀодо гьабуна къурбанал рухӀизе байбихьи. Гьел садакъабиги къурбан-бакӀалда цере щвезаруна. 11БЕТӀЕРГЬАНАС Мусада абуна: «Биччанте гьез иргадал, щибаб къоялъ цо бетӀерас, къурбан-бакӀалда къурбанал рухӀизе байбихьи кӀодо гьабун, жиндирго рахъалдасан къурбаналгун хириял садакъаби рачӀине».
12ТӀоцебесеб къоялъ къурбаналгун садакъаби рачӀана Ягьудал тухумалдаса ГӀаминадавил вас НахӀшоница.
13Гьес бачӀана: нусиялда лъеберго шекелалъул#7:13 1,430 кило. цӀайи бугеб гӀарцул гъадаро ва лъабкъоялда анцӀго шекелалъул#7:13 770 гр. цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 14гьуинмахӀазе хӀалтӀизабулеб махӀгьуинаб жубанжоги жаниб лъун анцӀго шекелалъул#7:14 ГӀага-шагарго 110 гр. цӀайи бугеб меседил гел; 15басиги, куйги, лъагӀараб кьегӀерги – тӀубан бухӀулеб къурбаналъе; 16мунагь чурулеб къурбаналъе – дегӀен; 17ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана ГӀаминадавил вас НахӀшонил къурбаналгун садакъаби.
18КӀиабилеб къоялъ къурбаналгун садакъаби рачӀана Иссахарил къавмалъул бетӀер, Цуарил вас Нетаниэлица.
19Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 20анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 21басиги, куйги, лъагӀараб кьегӀерги – тӀубан бухӀулеб къурбаналъе; 22мунагь чурулеб къурбаналъе – дегӀен; 23ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Цуарил вас Нетаниэлил къурбаналгун садакъаби.
24Лъабабилеб къоялъ къурбаналгун садакъаби рачӀана Зевулунил къавмалъул бетӀер, Хелонил вас Элиавица.
25Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 26анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 27басиги, куйги, лъагӀараб кьегӀерги – тӀубан бухӀулеб къурбаналъе; 28мунагь чурулеб къурбаналъе – дегӀен; 29ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Хелонил вас Элиавил къурбаналгун садакъаби.
30Ункъабилеб къоялъ къурбаналгун садакъаби гьаруна Рувимил къавмалъул бетӀер, Шедеурил вас Элицурица.
31Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 32анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 33басиги, куйги, лъагӀараб кьегӀерги – тӀубан бухӀулеб къурбаналъе; 34мунагь чурулеб къурбаналъе – дегӀен; 35ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Шедеурил вас Элицурил къурбаналгун садакъаби.
36Щуабилеб къоялъ къурбаналгун садакъаби гьаруна Шимеонил къавмалъул бетӀер, Цуришадайил вас Шелумиэлица.
37Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 38анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 39басиги, куйги, лъагӀараб кьегӀерги – тӀубан бухӀулеб къурбаналъе; 40мунагь чурулеб къурбаналъе – дегӀен; 41ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Цуришадайил вас Шелумиэлил къурбаналгун садакъаби.
42Анлъабилеб къоялъ къурбаналгун садакъаби гьаруна Гадил къавмалъул бетӀер, Дегуэлил вас Элиасафица.
43Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 44анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 45басиги, куйги, лъагӀараб кьегӀерги – тӀубан бухӀулеб къурбаналъе; 46мунагь чурулеб къурбаналъе – дегӀен; 47ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Дегуэлил вас Элиасафил къурбаналгун садакъаби.
48Анкьабилеб къоялъ къурбаналгун садакъаби гьаруна Ефраимил къавмалъул бетӀер, Аммигьудил вас ЭлишамагӀица.
49Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 50анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 51басиги, куйги, лъагӀараб кьегӀерги – тӀубан бухӀулеб къурбаналъе; 52мунагь чурулеб къурбаналъе – дегӀен; 53ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Аммигьудил вас ЭлишамагӀил къурбаналгун садакъаби.
54Микьабилеб къоялъ къурбаналгун садакъаби рачӀана Манассил къавмалъул бетӀер, Педацурил вас Гамлиэлица.
55Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 56анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 57басиги, куйги, лъагӀараб кьегӀерги – тӀубан бухӀулеб къурбаналъе; 58мунагь чурулеб къурбаналъе – дегӀен; 59ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Педацурил вас Гамлиэлил къурбаналгун садакъаби.
60ИчӀабилеб къоялъ къурбаналгун садакъаби гьаруна Буняминил къавмалъул бетӀер, Гидеонил вас Авиданица.
61Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 62анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 63басиги, куйги, лъагӀараб кьегӀерги – тӀубан бухӀулеб къурбаналъе; 64мунагь чурулеб къурбаналъе – дегӀен; 65ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Гидеонил вас Авиданил къурбаналгун садакъаби.
66АнцӀабилеб къоялъ къурбаналгун садакъаби гьаруна Данил къавмалъул бетӀер, Амишадайил вас Ахиезерица.
67Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 68анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 69басиги, куйги, лъагӀараб кьегӀерги – тӀубан бухӀулеб къурбаналъе; 70мунагь чурулеб къурбаналъе – дегӀен; 71ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Амишадайил вас Ахиезерил къурбаналгун садакъаби.
72АнцӀила цоабилеб къоялъ къурбаналгун садакъаби гьаруна Ашерил къавмалъул бетӀер, Охранил вас Пагиэлица.
73Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 74анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 75басиги, куйги, лъагӀараб кьегӀерги – тӀубан бухӀулеб къурбаналъе; 76мунагь чурулеб къурбаналъе – дегӀен; 77ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Охранил вас Пагиэлил къурбаналгун садакъаби.
78АнцӀила кӀиабилеб къоялъ къурбаналгун садакъаби гьаруна Нафталил къавмалъул бетӀер, Енанил вас Ахирица.
79Гьес бачӀана: нусиялда лъеберго шекелалъул цӀайи бугеб гӀарцул гъадаро ва лъабкъоялда анцӀго шекелалъул цӀайи бугеб гӀарцул щурун (гьезда жаниб букӀана ролъул хирияб садакъаялъе хӀадурараб, зайтуналъул нахгун жубазабураб бищун лъикӀаб ролъул ханжу); 80анцӀго шекелалъул цӀайи бугеб меседил гел, гьуинмахӀазе хӀалтӀизабулеб махӀгьуинаб жубанжоги жаниб лъун; 81басиги, куйги, лъагӀараб кьегӀерги – тӀубан бухӀулеб къурбаналъе; 82мунагь чурулеб къурбаналъе – дегӀен; 83ракълил къурбаналъе – кӀиго оцги, щуго куйги, щуго дегӀенги, щуго лъагӀараб кьегӀерги.
Гьединал рукӀана Енанил вас Ахирил къурбаналгун садакъаби.
84Къурбан-бакӀалда хирияб нах бахин кӀодо гьабун, ГӀизраилил халкъалъул бутӀруз Мукъадасаб бакӀалде кьуна анцӀила кӀиго гӀарцул гъадароги, анцӀила кӀиго гӀарцул щурунги, анцӀила кӀиго меседил гелги. 85Щибаб гӀарцул гъадароялда букӀана нусиялда лъеберго шекел цӀайи ва щибаб щурмида – лъабкъоялда анцӀго шекел. Гьезул киназулго гӀаммаб бакӀлъи букӀана кӀиазаралда ункънусго шекел#7:85 ГӀага-шагарго 26,400 кило.. 86МахӀгьуинаб жубанжо жаниб лъураб анцӀила кӀиго меседил гел букӀана щибалда анцӀго шекелалъул цӀайи бугеб ва гьезул гӀаммаб бакӀлъи букӀана нусиялда къого шекел#7:86 ГӀага-шагарго 1,320 кило.. 87ТӀубан бухӀулеб къурбаналъе кинабниги бачӀана: анцӀила кӀиго басиги, анцӀила кӀиго куйги, анцӀила кӀиго лъагӀараб кьегӀерги ва гьезда цадахъ рукӀине кколел ролъул хириял садакъабиги. 88Ракълил къурбаналъе кинабниги бачӀана: къоло ункъго оцги, лъабкъого куйги, лъабкъого дегӀенги, лъабкъого лъагӀараб кьегӀерги. Гьединал рукӀана къурбан-бакӀалда хирияб нах бахун хадуб, гьеб кӀодо гьабиялъе рачӀарал къурбаналгун хириял садакъаби.
89БЕТӀЕРГЬАНАСДА цеве ДандчӀваялъул Чадиралъуве Муса лъугьанщинахъе, Мусада Гьесул гьаракь рагӀулаан КъотӀиялъул гъансил тӀалъелалда тӀад бугеб кӀиго херувималда гьоркьосан. Гьедин кӀалъалаан БЕТӀЕРГЬАН Мусагун.
Currently Selected:
Тархал 7: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
