Левит 6
6
1БЕТӀЕРГЬАНАС Мусада абуна:
2«Лъица букӀаниги хадур рехсарал такъсиразул цониги гьабуни, гьеб БЕТӀЕРГЬАНАСДА данде гьабураб мунагь ккола: жиндихъе цӀунизе яги къарзалъе кьураб жо кьечӀилан пуланав чи чӀани, яги лъилниги цо жо бикъани, яги лъихъаниги хӀал гьабун бахъани, 3яги чияр билараб жоги батун, гьеб бахчани, яги щиб букӀаниги гьабилин гьересияб гьаги гьедун, живго гӀайибалъукье ккезавуни. 4Биччанте гьединаб иш гьабурав чияс цин тӀад буссинабизе гьес бикъарабги, хӀал гьабун бахъарабги, гьесухъе цӀунизе кьун букӀарабги, гьесда батарабги, 5гьересияб гьаги бан, жиндиего босарабги чияр жо. Гьелъул багьаялда тӀаде щуйил бутӀаги жубан, гьеб кьела гьелъул хважаинасухъе. Гьебго къоялъ гӀайиб бецӀулеб къурбанги хъвезе ккола. 6Биччанте щибго жагъаллъи гьечӀеб, чӀезабураб багьаялъул куй бачун бачӀине гӀайибияс, БЕТӀЕРГЬАНАСДА цебе гӀайиб бецӀулеб къурбаналъе хъвезе. 7Кашишас, БЕТӀЕРГЬАНАСДА цебе къурбанги тӀобитӀун, гьев чи гӀайибалдаса вацӀцӀад гьавила, ва Аллагь гьесда тӀаса лъугьина».
ТӀубан рухӀулел къурбанал
8БЕТӀЕРГЬАНАС Мусада абуна:
9«Гьарунидаги гьесул васаздаги абе: „Гьале тӀубан рухӀулел къурбаназул къанун. ТӀубан бухӀизе хъураб къурбан сордо рогьинегӀан къурбан-бакӀалда тӀад бухӀизе ккола – гьениб рогьинегӀан цӀа свине тезе бегьуларо. 10Радал, тӀад ретӀун бацӀцӀадаб хӀебтил парталгун ва гӀаврат бахчулеб гъоркьан тӀажугун, кашишас къурбан-бакӀалда тӀаса тӀубан бухӀулеб къурбаналъул рахъу бакӀарила, ва гьеб къурбан-бакӀалда аскӀоб гӀодоб лъела. 11Хадуб ретӀелги хисун, кашишас гьеб рахъу халкъалъ гӀумру гьабулеб бакӀалдаса къватӀибехун, бацӀцӀадаб бакӀалде щвезабила. 12Къурбан-бакӀалда тӀад бакараб цӀа кидаго свине биччаге; биччанте кашишас щибаб къоялъ радал гьениб цӀул лъезе, тӀубан бухӀулеб къурбанги, гьелда цадахъ ракълил къурбаназул тӀатӀиги бухӀизе букӀине. 13Биччанте къурбан-бакӀалда тӀад цӀа кидаго бакун букӀине; гьеб свине биччаге.
Ролъул хириял садакъабазул хӀакъалъулъ жеги къанунал
14Гьале ролъул хирияб садакъаялъул рахъалъ къанунал. Гьарунил васаз босизе ккола гьеб БЕТӀЕРГЬАНАСДА цебе къурбан-бакӀалде. 15Кашишас гьелдаса дангъура цӀураб ханжу босизе ккола зайтуналъул нахгун ва кинабго ладангун цадахъ, ва гьеб къурбан-бакӀалда тӀад бухӀизе ккола, БЕТӀЕРГЬАНАСЕ хирияб гьуинаб махӀалъул кӀкӀуй бахъинабизе. 16Ролъул хирияб садакъаялъул хутӀараб, гьелъул бугьурго чадалги режун, Гьаруницаги гьесул васазги хирияб бакӀалда кваназе ккола: биччанте гьез ДандчӀваялъул Чадиралъул азбаралда кваназе гьеб. 17Хирияб садакъаялъе кьураб ролъул реччеб жубараб чед бежизе бегьуларо. Дица Гьаруниеги гьесул васазеги кьолеб буго гьеб, Дие гӀоло рачӀунел цӀадул къурбаназул бутӀа хӀисабалда. Мунагь чурулеб ва гӀайиб бецӀулеб къурбанго гӀадаб кӀудияб хиралъи ккола гьеб. 18ГӀицӀго Гьарунил наслабазул бихьиназул ихтияр буго гьеб кваназе, БЕТӀЕРГЬАНАСУЛ цӀадул къурбаналдаса абадиялъего гьезиеги гьезул наслабазеги букӀине кколеб бутӀа хӀисабалда. Гьелда хъварабщинабги хирияблъун лъугьуна“».
19Хадубги БЕТӀЕРГЬАНАС Мусада абуна:
20«Гьале Гьаруницаги гьесул васазги, хирияб нахги бахун, гьел кашишлъиялде тӀамураб къоялъ, БЕТӀЕРГЬАНАСЕ гӀоло бачӀине кколеб хирияб садакъа: щибаб къоялъ кьолеб ролъул хирияб садакъа хӀисабалда, ефаялъул анцӀго бутӀа гьабун цо бутӀа ханждал – гьелъул бащдаб радал, бащдаб бакъанида. 21Гьелъул чед бежизе ккола къанида жаниб, зайтуналъул нахуда ханжуги буцун. Хадуб гьелъул гӀисинал мочӀаби гьарила ва къурбан-бакӀалда гьелъул БЕТӀЕРГЬАНАСЕ бокьулеб гьуинаб махӀалъул кӀкӀуй бахъинабила. 22Гьедин гьабизе ккола Гьарун хун хадубги, гьесул бакӀалда кашишлъиялде тӀамурав гьесул наслуялъул щивав чияс. Гьединаб чед абадул абадиялъго БЕТӀЕРГЬАНАСУЛ ккола ва тӀубанго бухӀула. 23Кашишас кьолеб щибаб ролъул хирияб садакъа тӀубанго бухӀизе ккола – гьеб кваназе бегьуларо».
Мунагь чуриялъул къурбан
24БЕТӀЕРГЬАНАС Мусада абуна:
25«Гьарунидаги гьесул васаздаги абе: „Гьале мунагь чурулеб къурбаналъул къанун. Мунагь чурулеб къурбан хъвезе ккола БЕТӀЕРГЬАНАСДА цебе, тӀубан рухӀулел къурбанал хъолеб бакӀалда. Гьеб буго кӀудияб хиралъи. 26Мунагь чурулеб къурбан тӀобитӀулев кашишас кваназе ккола гьелъул гьан; гьеб кваназе ккола хирияб бакӀалда, ДандчӀваялъул Чадиралъул азбаралда. 27Гьеб гьанада хъварабщинабги хирияблъун лъугьуна. Гьелъул би ратӀлида хъвани, би хъвараб бакӀ мукъадасаб бакӀалда чуризе ккола. 28Гьеб гьан жаниб белъараб щагӀил хъаба бекизе ккола. Гьеб пахьул хьагиниб белъун букӀун батани, гьеб хачазе ккола ва лъеца чуризе ккола. 29Кашишзабазул хъизамазул бокьарав бихьинчияс кваназе бегьула гьеб къурбаналъул гьан: гьеб кӀудияб хиралъи ккола. 30Амма ДандчӀваялъул Чадиралда жанибе бищунго мукъадасаб бакӀалде гьелъул би босизелъун хъураб мунагь чурулеб къурбан гьеб батани, гьелъул гьан кваназе бегьуларо – гьеб тӀубан бухӀизе ккола“».
Currently Selected:
Левит 6: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 6
6
1БЕТӀЕРГЬАНАС Мусада абуна:
2«Лъица букӀаниги хадур рехсарал такъсиразул цониги гьабуни, гьеб БЕТӀЕРГЬАНАСДА данде гьабураб мунагь ккола: жиндихъе цӀунизе яги къарзалъе кьураб жо кьечӀилан пуланав чи чӀани, яги лъилниги цо жо бикъани, яги лъихъаниги хӀал гьабун бахъани, 3яги чияр билараб жоги батун, гьеб бахчани, яги щиб букӀаниги гьабилин гьересияб гьаги гьедун, живго гӀайибалъукье ккезавуни. 4Биччанте гьединаб иш гьабурав чияс цин тӀад буссинабизе гьес бикъарабги, хӀал гьабун бахъарабги, гьесухъе цӀунизе кьун букӀарабги, гьесда батарабги, 5гьересияб гьаги бан, жиндиего босарабги чияр жо. Гьелъул багьаялда тӀаде щуйил бутӀаги жубан, гьеб кьела гьелъул хважаинасухъе. Гьебго къоялъ гӀайиб бецӀулеб къурбанги хъвезе ккола. 6Биччанте щибго жагъаллъи гьечӀеб, чӀезабураб багьаялъул куй бачун бачӀине гӀайибияс, БЕТӀЕРГЬАНАСДА цебе гӀайиб бецӀулеб къурбаналъе хъвезе. 7Кашишас, БЕТӀЕРГЬАНАСДА цебе къурбанги тӀобитӀун, гьев чи гӀайибалдаса вацӀцӀад гьавила, ва Аллагь гьесда тӀаса лъугьина».
ТӀубан рухӀулел къурбанал
8БЕТӀЕРГЬАНАС Мусада абуна:
9«Гьарунидаги гьесул васаздаги абе: „Гьале тӀубан рухӀулел къурбаназул къанун. ТӀубан бухӀизе хъураб къурбан сордо рогьинегӀан къурбан-бакӀалда тӀад бухӀизе ккола – гьениб рогьинегӀан цӀа свине тезе бегьуларо. 10Радал, тӀад ретӀун бацӀцӀадаб хӀебтил парталгун ва гӀаврат бахчулеб гъоркьан тӀажугун, кашишас къурбан-бакӀалда тӀаса тӀубан бухӀулеб къурбаналъул рахъу бакӀарила, ва гьеб къурбан-бакӀалда аскӀоб гӀодоб лъела. 11Хадуб ретӀелги хисун, кашишас гьеб рахъу халкъалъ гӀумру гьабулеб бакӀалдаса къватӀибехун, бацӀцӀадаб бакӀалде щвезабила. 12Къурбан-бакӀалда тӀад бакараб цӀа кидаго свине биччаге; биччанте кашишас щибаб къоялъ радал гьениб цӀул лъезе, тӀубан бухӀулеб къурбанги, гьелда цадахъ ракълил къурбаназул тӀатӀиги бухӀизе букӀине. 13Биччанте къурбан-бакӀалда тӀад цӀа кидаго бакун букӀине; гьеб свине биччаге.
Ролъул хириял садакъабазул хӀакъалъулъ жеги къанунал
14Гьале ролъул хирияб садакъаялъул рахъалъ къанунал. Гьарунил васаз босизе ккола гьеб БЕТӀЕРГЬАНАСДА цебе къурбан-бакӀалде. 15Кашишас гьелдаса дангъура цӀураб ханжу босизе ккола зайтуналъул нахгун ва кинабго ладангун цадахъ, ва гьеб къурбан-бакӀалда тӀад бухӀизе ккола, БЕТӀЕРГЬАНАСЕ хирияб гьуинаб махӀалъул кӀкӀуй бахъинабизе. 16Ролъул хирияб садакъаялъул хутӀараб, гьелъул бугьурго чадалги режун, Гьаруницаги гьесул васазги хирияб бакӀалда кваназе ккола: биччанте гьез ДандчӀваялъул Чадиралъул азбаралда кваназе гьеб. 17Хирияб садакъаялъе кьураб ролъул реччеб жубараб чед бежизе бегьуларо. Дица Гьаруниеги гьесул васазеги кьолеб буго гьеб, Дие гӀоло рачӀунел цӀадул къурбаназул бутӀа хӀисабалда. Мунагь чурулеб ва гӀайиб бецӀулеб къурбанго гӀадаб кӀудияб хиралъи ккола гьеб. 18ГӀицӀго Гьарунил наслабазул бихьиназул ихтияр буго гьеб кваназе, БЕТӀЕРГЬАНАСУЛ цӀадул къурбаналдаса абадиялъего гьезиеги гьезул наслабазеги букӀине кколеб бутӀа хӀисабалда. Гьелда хъварабщинабги хирияблъун лъугьуна“».
19Хадубги БЕТӀЕРГЬАНАС Мусада абуна:
20«Гьале Гьаруницаги гьесул васазги, хирияб нахги бахун, гьел кашишлъиялде тӀамураб къоялъ, БЕТӀЕРГЬАНАСЕ гӀоло бачӀине кколеб хирияб садакъа: щибаб къоялъ кьолеб ролъул хирияб садакъа хӀисабалда, ефаялъул анцӀго бутӀа гьабун цо бутӀа ханждал – гьелъул бащдаб радал, бащдаб бакъанида. 21Гьелъул чед бежизе ккола къанида жаниб, зайтуналъул нахуда ханжуги буцун. Хадуб гьелъул гӀисинал мочӀаби гьарила ва къурбан-бакӀалда гьелъул БЕТӀЕРГЬАНАСЕ бокьулеб гьуинаб махӀалъул кӀкӀуй бахъинабила. 22Гьедин гьабизе ккола Гьарун хун хадубги, гьесул бакӀалда кашишлъиялде тӀамурав гьесул наслуялъул щивав чияс. Гьединаб чед абадул абадиялъго БЕТӀЕРГЬАНАСУЛ ккола ва тӀубанго бухӀула. 23Кашишас кьолеб щибаб ролъул хирияб садакъа тӀубанго бухӀизе ккола – гьеб кваназе бегьуларо».
Мунагь чуриялъул къурбан
24БЕТӀЕРГЬАНАС Мусада абуна:
25«Гьарунидаги гьесул васаздаги абе: „Гьале мунагь чурулеб къурбаналъул къанун. Мунагь чурулеб къурбан хъвезе ккола БЕТӀЕРГЬАНАСДА цебе, тӀубан рухӀулел къурбанал хъолеб бакӀалда. Гьеб буго кӀудияб хиралъи. 26Мунагь чурулеб къурбан тӀобитӀулев кашишас кваназе ккола гьелъул гьан; гьеб кваназе ккола хирияб бакӀалда, ДандчӀваялъул Чадиралъул азбаралда. 27Гьеб гьанада хъварабщинабги хирияблъун лъугьуна. Гьелъул би ратӀлида хъвани, би хъвараб бакӀ мукъадасаб бакӀалда чуризе ккола. 28Гьеб гьан жаниб белъараб щагӀил хъаба бекизе ккола. Гьеб пахьул хьагиниб белъун букӀун батани, гьеб хачазе ккола ва лъеца чуризе ккола. 29Кашишзабазул хъизамазул бокьарав бихьинчияс кваназе бегьула гьеб къурбаналъул гьан: гьеб кӀудияб хиралъи ккола. 30Амма ДандчӀваялъул Чадиралда жанибе бищунго мукъадасаб бакӀалде гьелъул би босизелъун хъураб мунагь чурулеб къурбан гьеб батани, гьелъул гьан кваназе бегьуларо – гьеб тӀубан бухӀизе ккола“».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023