Левит 5
5
1Цо кинавалиго чи нугӀ хӀисабалда диванханаялде ахӀун вугони, ва битӀараб гурони бицинарин гьедунги вукӀун, хӀакъикъаталда жинда бихьарабги рагӀарабги гьес бахчун тани, гьелъухъ гьев чи жавабалде цӀазе ккола.
2Ялъуни пуланав чи тохлъукье хъубаб жоялда хъвани – жанаваралъул балкан букӀа, хвараб рукъалъул хӀайван букӀа, кинаб букӀаниги шурулеб жоялъул балкан букӀа – лъачӀого хъван вукӀун ватаниги, гьев хъублъула ва гьесда гӀайиб букӀуна.
3Ялъуни пуланав чи тохлъукье инсанасул хъублъиялда хъвани ва, инсан хъублъизабулеб кинаб букӀаниги жоялда хъванги вукӀун, цин гьеб гьесда лъачӀони, амма хадуб лъани, гьесда гьелъул гӀайиб букӀуна.
4Ялъуни ургъичӀого тӀаса-масаго пуланав чи гьедани, лъикӀаб яги квешаб щиб букӀаниги гьабилин абун, гьеб тохлъукье гьедараб гьа букӀун батаниги, хадуб гьеб гьесда бичӀчӀидал, гьев гӀайибияв вукӀуна.
5ПалхӀасил, гьединал гӀайибал ккарав чи ракӀ рагьун мукӀурлъизе ккола жинда пуланаб гӀайиб кканин абун. 6Гьединав чияс, жиндицаго гьабураб мунагьалъухъ, гӀайиб бецӀулеб къурбаналъе хъвезе БЕТӀЕРГЬАНАСДА цебе чахъу, ялъуни мунагь чурулеб къурбаналъе хъвезе цӀцӀе бачун бачӀине ккола. Цинги кашишас гьев мунагьалдаса вацӀцӀад гьавила.
7Чахъу хъвезе гьесул рес батичӀони, биччанте гьес жиндирго мунагьалъухъ БЕТӀЕРГЬАНАСЕ кӀиго рохьил миккиги кӀиго миккидул тӀинчӀги бачӀине: цо – мунагь чурулеб къурбаналъе, цо – тӀубан бухӀулеб къурбаналъе. 8Гьес гьел кашишасухъе кьела. Кашишас тӀоцебе мунагь чурулеб къурбан тӀобитӀила: хӀанчӀил бетӀер кьурун бекизабила, амма нахъе тӀеларо. 9Кашишас гьелъул би пунхъила къурбан-бакӀалъул къададе ва хутӀараб би къурбан-бакӀалда цебе тӀела. Гьеб буго мунагь чуриялъул къурбан. 10Хадуб кӀиабилеб хӀинчӀ босила ва тӀубан бухӀулеб къурбан тӀобитӀила, гьелъие чӀезабураб низамалда. Гьедин кашишас мунагь чуриялъул къурбан тӀобитӀила гьев чиясе, ва Аллагь тӀаса лъугьина гьесул мунагьалдаса.
11Пуланав чиясул рес батичӀони кӀиго рохьил миккиги кӀиго миккидул тӀинчӀги босун бачӀине, гьединав чияс жиндирго мунагьалъухъ кьезе ккола ефаялъул анцӀго бутӀа гьабун цо бутӀа ханждал, амма зайтуналъул нахги жубачӀого ладанги тӀад лъечӀого, щайгурелъул гьеб мунагь чуриялъул къурбан бугелъул. 12Гьес гьеб кашишасухъе кьела; кашишас гьелда тӀаса дангъура цӀураб ханжу босила ва къурбан-бакӀалда тӀад БЕТӀЕРГЬАНАСЕ цӀадул къурбан хӀисабалда бухӀила. Гьеб букӀина мунагь чуриялъул къурбанлъун. 13Гьедин кашишас гьев чиясдаса мунагь чуриялъул къурбан тӀобитӀила ва Аллагь тӀаса лъугьина гьесул мунагьалдаса. ХутӀараб ханжу кашишасул ккола, ролъул хириял садакъаби гьесул кколелго гӀадин“».
ГӀайиб бецӀулеб къурбан
14БЕТӀЕРГЬАНАС Мусада абуна:
15«Нагагь, БЕТӀЕРГЬАНАСЕ кьезе тӀад лъураб жо кьечӀого хутӀиялдалъун лъицаниги мунагь гьабуни, гьелъухъ гӀакӀа хӀисабалда, гьев чияс БЕТӀЕРГЬАНАСЕ гӀайиб бецӀулеб къурбаналъе хъвезе ккола чӀезабураб багьаялъул щибго жагъаллъи гьечӀеб куй. Гьелъул багьа гьабизе ккола гӀарцул шекелаздалъун (Мукъадасаб Чадиралда хьвадулел шекелаздалъун). 16Гьелдаго цадахъ гьес заралги бецӀизе ккола, гьелъул багьаялъул щуйил бутӀаги тӀаде жубан, ва гьеб кинабго кашишасухъе кьезе ккола. Цинги кашишас гӀайиб бецӀулеб къурбанги тӀобитӀун, гьев чи вацӀцӀад гьавила, ва Аллагь гьесда тӀаса лъугьина.
17Лъицаниги, БЕТӀЕРГЬАНАСУЛ цогӀаги амруги хвезабун, мунагь гьабуни, гьес гьеб лъачӀого гьабун батаниги, гьесдаги гӀайиб букӀуна. 18Гьединав чияс кашишасухъе бачун бачӀине ккола щибго жагъаллъи гьечӀеб куй, гӀайиб бецӀулеб къурбаналъе хъвезе. Цинги кашишас гӀайиб бецӀулеб къурбанги тӀобитӀун, гьев чи лъачӀого ккараб гӀайибалдаса вацӀцӀад гьавила, ва Аллагь гьесда тӀаса лъугьина. 19Гьеб буго гӀайиб бецӀулеб къурбан, щайгурелъул БЕТӀЕРГЬАНАСДА цебе гьев чиясда гӀайиб ккун букӀун».
Currently Selected:
Левит 5: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Левит 5
5
1Цо кинавалиго чи нугӀ хӀисабалда диванханаялде ахӀун вугони, ва битӀараб гурони бицинарин гьедунги вукӀун, хӀакъикъаталда жинда бихьарабги рагӀарабги гьес бахчун тани, гьелъухъ гьев чи жавабалде цӀазе ккола.
2Ялъуни пуланав чи тохлъукье хъубаб жоялда хъвани – жанаваралъул балкан букӀа, хвараб рукъалъул хӀайван букӀа, кинаб букӀаниги шурулеб жоялъул балкан букӀа – лъачӀого хъван вукӀун ватаниги, гьев хъублъула ва гьесда гӀайиб букӀуна.
3Ялъуни пуланав чи тохлъукье инсанасул хъублъиялда хъвани ва, инсан хъублъизабулеб кинаб букӀаниги жоялда хъванги вукӀун, цин гьеб гьесда лъачӀони, амма хадуб лъани, гьесда гьелъул гӀайиб букӀуна.
4Ялъуни ургъичӀого тӀаса-масаго пуланав чи гьедани, лъикӀаб яги квешаб щиб букӀаниги гьабилин абун, гьеб тохлъукье гьедараб гьа букӀун батаниги, хадуб гьеб гьесда бичӀчӀидал, гьев гӀайибияв вукӀуна.
5ПалхӀасил, гьединал гӀайибал ккарав чи ракӀ рагьун мукӀурлъизе ккола жинда пуланаб гӀайиб кканин абун. 6Гьединав чияс, жиндицаго гьабураб мунагьалъухъ, гӀайиб бецӀулеб къурбаналъе хъвезе БЕТӀЕРГЬАНАСДА цебе чахъу, ялъуни мунагь чурулеб къурбаналъе хъвезе цӀцӀе бачун бачӀине ккола. Цинги кашишас гьев мунагьалдаса вацӀцӀад гьавила.
7Чахъу хъвезе гьесул рес батичӀони, биччанте гьес жиндирго мунагьалъухъ БЕТӀЕРГЬАНАСЕ кӀиго рохьил миккиги кӀиго миккидул тӀинчӀги бачӀине: цо – мунагь чурулеб къурбаналъе, цо – тӀубан бухӀулеб къурбаналъе. 8Гьес гьел кашишасухъе кьела. Кашишас тӀоцебе мунагь чурулеб къурбан тӀобитӀила: хӀанчӀил бетӀер кьурун бекизабила, амма нахъе тӀеларо. 9Кашишас гьелъул би пунхъила къурбан-бакӀалъул къададе ва хутӀараб би къурбан-бакӀалда цебе тӀела. Гьеб буго мунагь чуриялъул къурбан. 10Хадуб кӀиабилеб хӀинчӀ босила ва тӀубан бухӀулеб къурбан тӀобитӀила, гьелъие чӀезабураб низамалда. Гьедин кашишас мунагь чуриялъул къурбан тӀобитӀила гьев чиясе, ва Аллагь тӀаса лъугьина гьесул мунагьалдаса.
11Пуланав чиясул рес батичӀони кӀиго рохьил миккиги кӀиго миккидул тӀинчӀги босун бачӀине, гьединав чияс жиндирго мунагьалъухъ кьезе ккола ефаялъул анцӀго бутӀа гьабун цо бутӀа ханждал, амма зайтуналъул нахги жубачӀого ладанги тӀад лъечӀого, щайгурелъул гьеб мунагь чуриялъул къурбан бугелъул. 12Гьес гьеб кашишасухъе кьела; кашишас гьелда тӀаса дангъура цӀураб ханжу босила ва къурбан-бакӀалда тӀад БЕТӀЕРГЬАНАСЕ цӀадул къурбан хӀисабалда бухӀила. Гьеб букӀина мунагь чуриялъул къурбанлъун. 13Гьедин кашишас гьев чиясдаса мунагь чуриялъул къурбан тӀобитӀила ва Аллагь тӀаса лъугьина гьесул мунагьалдаса. ХутӀараб ханжу кашишасул ккола, ролъул хириял садакъаби гьесул кколелго гӀадин“».
ГӀайиб бецӀулеб къурбан
14БЕТӀЕРГЬАНАС Мусада абуна:
15«Нагагь, БЕТӀЕРГЬАНАСЕ кьезе тӀад лъураб жо кьечӀого хутӀиялдалъун лъицаниги мунагь гьабуни, гьелъухъ гӀакӀа хӀисабалда, гьев чияс БЕТӀЕРГЬАНАСЕ гӀайиб бецӀулеб къурбаналъе хъвезе ккола чӀезабураб багьаялъул щибго жагъаллъи гьечӀеб куй. Гьелъул багьа гьабизе ккола гӀарцул шекелаздалъун (Мукъадасаб Чадиралда хьвадулел шекелаздалъун). 16Гьелдаго цадахъ гьес заралги бецӀизе ккола, гьелъул багьаялъул щуйил бутӀаги тӀаде жубан, ва гьеб кинабго кашишасухъе кьезе ккола. Цинги кашишас гӀайиб бецӀулеб къурбанги тӀобитӀун, гьев чи вацӀцӀад гьавила, ва Аллагь гьесда тӀаса лъугьина.
17Лъицаниги, БЕТӀЕРГЬАНАСУЛ цогӀаги амруги хвезабун, мунагь гьабуни, гьес гьеб лъачӀого гьабун батаниги, гьесдаги гӀайиб букӀуна. 18Гьединав чияс кашишасухъе бачун бачӀине ккола щибго жагъаллъи гьечӀеб куй, гӀайиб бецӀулеб къурбаналъе хъвезе. Цинги кашишас гӀайиб бецӀулеб къурбанги тӀобитӀун, гьев чи лъачӀого ккараб гӀайибалдаса вацӀцӀад гьавила, ва Аллагь гьесда тӀаса лъугьина. 19Гьеб буго гӀайиб бецӀулеб къурбан, щайгурелъул БЕТӀЕРГЬАНАСДА цебе гьев чиясда гӀайиб ккун букӀун».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023