Байбихьи 35
35
Якъуб Бет-Элалде тӀадвуссин
1Гьебмехалъ Аллагьас Якъубида абуна:
«Гьанже мун Бет-Элалде а. Дова рещтӀа ва дурго вац ГӀисавидаса лъутун мун унеб мехалъ дуе загьирлъарав Аллагьасе къурбан-бакӀ бай гьениб».
2Якъубица жиндир кинабго хъизамалда ва жиндир киналго гӀадамазда абуна:
«Нужехъ ругел киналго чияр аллагьзаби нахъе рехе, черхги чуре, ретӀелги хисе. 3Гьанже нилъ Бет-Элалде рилълъине руго. Дица доба базе ккола диде балагь бачӀараб мехалъ хӀалае ватарав ва сапаразда дие кумек гьабурав Аллагьасе къурбан-бакӀ».
4Гьез Якъубихъе кьуна жидехъго рукӀарал чияр аллагьзаби, гӀундуздаса рахъун кӀилкӀалги кьуна. Гьеб кинабго Якъубица Шехемалъул миккил гъотӀокь букъана.
5Гьанже гьал нухда рахъана. Якъубил Аллагьасукьа гӀемер хӀинкъиялъ, гьесул васазда хадур лъугьинеян пикруцин гьабичӀо сверухъ ругел шагьаразул гӀадамаз.
6Жиндирго гӀадамалгун цадахъ Якъуб щвана ханааниязул ракьалда бугеб Луз (гьебго Бет-Эл) шагьаралде 7ва гьениб къурбан-бакӀ бана. Гьес гьеб бакӀалда цӀар лъуна «Эль-Бет-Эль» абун, вацасдаса лъутун унеб мехалъ гьенивлъидалха гьесие Аллагь загьирлъарав#35:7 Эль-Бет-Эль – жугьутӀ мацӀалда гьелъул магӀна ккола «Бет-Элалъул Аллагь»..
8Гьений хвана Ривкал рахьдал эбел Девора. Гьей юкъана Бет-Элалда гӀагарлъухъ миккил гъотӀода гъоркь. Цинги гьеб миккил гъотӀода цӀар лъуна Аллон-Бахут#35:8 Аллон-Бахут – гьелъул магӀна буго «жинда гъоркь магӀу бахъараб миккигъветӀ»..
9Паддан-Арамалдаса Якъуб тӀад вуссараб мехалда, Аллагь нахъеги загьирлъана Якъубие ва гьесда баракат лъуна. 10Аллагьас гьесда абуна:
«Дуда цӀар Якъуб буго, амма тӀокӀалъ дуда Якъубилан абизе гьечӀо, гьанжеялдаса нахъе дуда цӀар ГӀизраил буго!»
Гьедин Аллагьас гьесие ГӀизраил абураб цӀар кьуна.
11Цинги Аллагьас гьесда абуна:
«Дун вуго ХӀалкӀолев Аллагь, биччанте дуе лъимал гӀемер гьаризе ва дур наслабиги цӀикӀкӀине: дудасан халкъ лъугьина, халкъазул тӀубараб читӀир лъугьина. Дудасан ханзаби лъугьина! 12Дица Ибрагьимие ва ИсхӀакъие кьураб ракьги дуеги дур наслабазеги кьела».
13Аллагь Якъубида цевеса араб мехалъ, 14Якъубица мукъадасаб гамачӀ лъуна Аллагь жинда кӀалъараб бакӀалда ва, Аллагьасе хирияб сайгъат хӀисабалда, гьелда тӀаде тӀуна чагъирги зайтуналъул нахги. 15Аллагь живгун кӀалъараб бакӀ букӀиналъин Якъубица гьеб бакӀалда цӀар Бет-Эл лъураб.
Рахелги ИсхӀакъги хвей
16Бет-Элалдаса рахъун ун, Эфратаялде гӀагарлъидал, лъимер гьабизе хӀара чӀвана Рахелида; лъимер гьабизе цӀакъ захӀмалъулеб букӀана. 17ГӀазаб-гӀакъубаялда йикӀана гьей, ва чӀарахъаналъ абуна:
«ХӀинкъуге, гьале дуе цоги вас гьавуна!» – ян.
18Холей йигей Рахелица, ахирисеб хӀухьел цӀалаго, васасде цӀар ахӀана Бен-Они абун. Амма инсуца гьесда цӀар Бунямин лъуна#35:18 Бен-Они – гьелъул магӀна ккола «дир пашманлъиялъул вас»; Бунямин – «дир кваранаб квералъул вас»..
19Гьедин хвана Рахел. Эфратаялде унеб нухда (гьанже Бет-Лехем абулеб бакӀалда) юкъана гьей. 20Якъубица гьелъул хабада зани чӀвана. Гьанжеги буго гьениб гьеб Рахелил хабада чӀвараб зани.
21Гьенисаги ун, ГӀизраил Едер абулеб сиялда нахъа лъалхъана. 22Гьениб къайи чӀван чӀун ругеб заманалда, Рувим жиндирго инсул гъараваш Билгьада аскӀове лъугьана ва гьейгун вегана. Инсудаги лъана гьеб.
Якъубил вукӀана кинавниги анцӀила кӀиго вас. 23Леял васал: Рувим (Якъубие тӀоцеве гьавурав), Шимеон, Левий, Ягьуда, Иссахар ва Зевулун. 24Рахелил васал: Юсуп ва Бунямин. 25Рахелил гъараваш Билгьал васал: Дан ва Нафтали. 26Леял гъараваш Зилпал васал: Гад ва Ашер. Гьел руго Паддан-Арамалда гьарурал Якъубил васал.
27Ахирги Кирят-АрбагӀалда (Хевроналда) бугеб Мамреялде жиндирго эмен ИсхӀакъихъе щвана Якъуб. Кидаялиго гьениб гӀумру гьабулеб букӀана Ибрагьимица, хадуб ИсхӀакъицаги.
28Кинабниги нусиялда ункъого сон бана ИсхӀакъица. 29ГӀумруялъги гӀорцӀун, тӀуван херлъизеги херлъун, хвана ИсхӀакъ ва жиндирго умумузда хадув ана. Гьесул васаз – ГӀисавицаги Якъубицаги – вукъана гьев.
Currently Selected:
Байбихьи 35: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Байбихьи 35
35
Якъуб Бет-Элалде тӀадвуссин
1Гьебмехалъ Аллагьас Якъубида абуна:
«Гьанже мун Бет-Элалде а. Дова рещтӀа ва дурго вац ГӀисавидаса лъутун мун унеб мехалъ дуе загьирлъарав Аллагьасе къурбан-бакӀ бай гьениб».
2Якъубица жиндир кинабго хъизамалда ва жиндир киналго гӀадамазда абуна:
«Нужехъ ругел киналго чияр аллагьзаби нахъе рехе, черхги чуре, ретӀелги хисе. 3Гьанже нилъ Бет-Элалде рилълъине руго. Дица доба базе ккола диде балагь бачӀараб мехалъ хӀалае ватарав ва сапаразда дие кумек гьабурав Аллагьасе къурбан-бакӀ».
4Гьез Якъубихъе кьуна жидехъго рукӀарал чияр аллагьзаби, гӀундуздаса рахъун кӀилкӀалги кьуна. Гьеб кинабго Якъубица Шехемалъул миккил гъотӀокь букъана.
5Гьанже гьал нухда рахъана. Якъубил Аллагьасукьа гӀемер хӀинкъиялъ, гьесул васазда хадур лъугьинеян пикруцин гьабичӀо сверухъ ругел шагьаразул гӀадамаз.
6Жиндирго гӀадамалгун цадахъ Якъуб щвана ханааниязул ракьалда бугеб Луз (гьебго Бет-Эл) шагьаралде 7ва гьениб къурбан-бакӀ бана. Гьес гьеб бакӀалда цӀар лъуна «Эль-Бет-Эль» абун, вацасдаса лъутун унеб мехалъ гьенивлъидалха гьесие Аллагь загьирлъарав#35:7 Эль-Бет-Эль – жугьутӀ мацӀалда гьелъул магӀна ккола «Бет-Элалъул Аллагь»..
8Гьений хвана Ривкал рахьдал эбел Девора. Гьей юкъана Бет-Элалда гӀагарлъухъ миккил гъотӀода гъоркь. Цинги гьеб миккил гъотӀода цӀар лъуна Аллон-Бахут#35:8 Аллон-Бахут – гьелъул магӀна буго «жинда гъоркь магӀу бахъараб миккигъветӀ»..
9Паддан-Арамалдаса Якъуб тӀад вуссараб мехалда, Аллагь нахъеги загьирлъана Якъубие ва гьесда баракат лъуна. 10Аллагьас гьесда абуна:
«Дуда цӀар Якъуб буго, амма тӀокӀалъ дуда Якъубилан абизе гьечӀо, гьанжеялдаса нахъе дуда цӀар ГӀизраил буго!»
Гьедин Аллагьас гьесие ГӀизраил абураб цӀар кьуна.
11Цинги Аллагьас гьесда абуна:
«Дун вуго ХӀалкӀолев Аллагь, биччанте дуе лъимал гӀемер гьаризе ва дур наслабиги цӀикӀкӀине: дудасан халкъ лъугьина, халкъазул тӀубараб читӀир лъугьина. Дудасан ханзаби лъугьина! 12Дица Ибрагьимие ва ИсхӀакъие кьураб ракьги дуеги дур наслабазеги кьела».
13Аллагь Якъубида цевеса араб мехалъ, 14Якъубица мукъадасаб гамачӀ лъуна Аллагь жинда кӀалъараб бакӀалда ва, Аллагьасе хирияб сайгъат хӀисабалда, гьелда тӀаде тӀуна чагъирги зайтуналъул нахги. 15Аллагь живгун кӀалъараб бакӀ букӀиналъин Якъубица гьеб бакӀалда цӀар Бет-Эл лъураб.
Рахелги ИсхӀакъги хвей
16Бет-Элалдаса рахъун ун, Эфратаялде гӀагарлъидал, лъимер гьабизе хӀара чӀвана Рахелида; лъимер гьабизе цӀакъ захӀмалъулеб букӀана. 17ГӀазаб-гӀакъубаялда йикӀана гьей, ва чӀарахъаналъ абуна:
«ХӀинкъуге, гьале дуе цоги вас гьавуна!» – ян.
18Холей йигей Рахелица, ахирисеб хӀухьел цӀалаго, васасде цӀар ахӀана Бен-Они абун. Амма инсуца гьесда цӀар Бунямин лъуна#35:18 Бен-Они – гьелъул магӀна ккола «дир пашманлъиялъул вас»; Бунямин – «дир кваранаб квералъул вас»..
19Гьедин хвана Рахел. Эфратаялде унеб нухда (гьанже Бет-Лехем абулеб бакӀалда) юкъана гьей. 20Якъубица гьелъул хабада зани чӀвана. Гьанжеги буго гьениб гьеб Рахелил хабада чӀвараб зани.
21Гьенисаги ун, ГӀизраил Едер абулеб сиялда нахъа лъалхъана. 22Гьениб къайи чӀван чӀун ругеб заманалда, Рувим жиндирго инсул гъараваш Билгьада аскӀове лъугьана ва гьейгун вегана. Инсудаги лъана гьеб.
Якъубил вукӀана кинавниги анцӀила кӀиго вас. 23Леял васал: Рувим (Якъубие тӀоцеве гьавурав), Шимеон, Левий, Ягьуда, Иссахар ва Зевулун. 24Рахелил васал: Юсуп ва Бунямин. 25Рахелил гъараваш Билгьал васал: Дан ва Нафтали. 26Леял гъараваш Зилпал васал: Гад ва Ашер. Гьел руго Паддан-Арамалда гьарурал Якъубил васал.
27Ахирги Кирят-АрбагӀалда (Хевроналда) бугеб Мамреялде жиндирго эмен ИсхӀакъихъе щвана Якъуб. Кидаялиго гьениб гӀумру гьабулеб букӀана Ибрагьимица, хадуб ИсхӀакъицаги.
28Кинабниги нусиялда ункъого сон бана ИсхӀакъица. 29ГӀумруялъги гӀорцӀун, тӀуван херлъизеги херлъун, хвана ИсхӀакъ ва жиндирго умумузда хадув ана. Гьесул васаз – ГӀисавицаги Якъубицаги – вукъана гьев.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023