Байбихьи 34
34
Якъубил васаз Шехем шагьар пасат гьаби
1Якъубилги Леялги яс Дина йилълъана цо къоялъ гьеб бакӀалъул ясалгун лъай-хъвай гьабизе. 2Гьеб улкаялъул хан хивияв Хаморил вас Шехемида йихьана гьей ва, ккун ячун, басра гьаюна. 3Гьелдаса хадуб Динахъ кутакалда рокьи ккана гьесул: гьелда хӀеренго гаргадизе жувана. 4Ва гьес жиндирго эмен Хаморида абуна:
«Гьай яс дие яче», – ян.
5Якъубида лъана жиндир яс Дина басра гьаюн йикӀин. Гьеб заманалда гьесул васал боцӀи хьихьун гӀалахалда рукӀана. Гьел рачӀинегӀан сихӀ къотӀун чӀана Якъуб. 6Гьебго заманалда Шехемил эмен Хамор вачӀана Якъубихъе, гьесда кӀалъазе. 7Ккараб жо лъараб сагӀаталдаго, Якъубил васалги рокъоре рачӀана. Кутакалда ццидахун рукӀана гьел. Щайгурелъул Шехемица Якъубил ясги басра гьаюн, кӀудияб рогьо бачана ГӀизраилиде – кутакалда инжитаб-къабихӀаб жо гьабуна гьес.
8Хаморица абуна:
«Дир вас Шехем нужер ясалъ хӀайран гьавун вуго. Гьей гьесие кьейилан гьаризе вачӀун вуго дун. 9Нилъеда гьоркьоб гӀагарлъиги лъугьина, нужер ясал нижер васазеги кьела, нижер ясал нужер васазги рачина. 10Нижеда аскӀор гьанир чӀа. Гьаб нижер улка нужеда цебе буго: эркенго яшав гьабе, даран-базаралде русса ва боцӀи-бечелъи цӀикӀкӀинабе».
11Шехемица Динал инсудаги вацаздаги абуна:
«Нужеца дун къабул гьавуни, дица нужее щиб бокьаниги кьела. 12Бищун кӀудияб хъалимги чӀезабе бахӀаралъухъ, бищун бечедал сайгъаталги тӀалаб гьаре, кинабго кьела, гӀицӀго гьей яс кье дие».
13Гьанже Шехемиеги гьесул эмен Хамориеги Якъубил васаз сихӀираб жаваб кьуна, Шехемица гьезул яц Дина басра гьаюн йигелъул:
14«Гьеб гьедин гьабизе кӀоларо нижеда, – ян абуна гьез. – Нижее рогьо-нич буго суннат гьабичӀев чиясе нижер яц кьей. 15Ниж разилъизе ккани, цо шартӀ буго гьелда гьоркьоб: нужер киналго бихьиназги суннат гьабизе ккола, нижеда релълъине. 16Гьелдаса хадуб нижеца нижерго ясал нужер васазеги кьела ва нужер ясал нижеегоги рачина. Цинги нижги нужеда аскӀор гьанир чӀела ва нужеда цадахъ цо халкълъун лъугьина. 17Амма нуж нижехъ гӀенеккичӀони ва суннатги гьабичӀони, нижерго яцги ячун, ниж нахъе ина гьаниса».
18Хаморидаги Шехемидаги лъикӀ бихьана гьеб. 19НахъбахъичӀого тӀубазабуна Шехемица гьез тӀалаб гьабураб жо, кутакалда Якъубил яс йокьун йикӀиндал гьесие. Гьев Шехемин абуни, инсул тухум-кьибилалда жанив бищунго къадру-къимат бугев чи вукӀана. 20Гьале шагьаралъул кавабазухъги чӀун, Хаморицаги Шехемицаги шагьаралъул халкъалде хитӀаб гьабуна:
21«Гьал гӀадамаздасан щибго хӀинкъи гьечӀо нилъее. Риччанте гьал нилъер ракьалда чӀезе ва гьез эркенго магӀишат гьабизе. Гьезие ракь гӀезегӀан буго гьаниб. Нилъеца гьезул ясал рачина, гьезие нилъерго ясалги кьела. 22Амма нилъеда аскӀор чӀезе ва нилъеда цадахъ цого халкълъун лъугьине гьал разилъулел руго гьадинаб шартӀалдалъун: гьезул бихьиналго гӀадин, нилъер бихьиналги суннат гьабурал рукӀине ккола. 23Гьезул рехъабиги, гьезул бечелъиги, гьезул боцӀиги – гьеб кинабго нилъер букӀинарищха, гьезул шартӀ нилъеца къабул гьабуни ва гьел нилъгун гӀумру гьабун чӀани!»
24Кавабазухъе годекӀанире рачӀун рукӀаралщинал Хаморицаги Шехемицаги бицаралда разилъана ва шагьаралъул киналго бихьиназ суннат гьабуна. 25Амма лъабабилеб къоялъ, гьел унтун бусада рукӀаго, Якъубил васал, ай Динал вацал Шимеонги Левийги, рахъун хвалчабигун, тохлъукье шагьаралда жанире лъугьана ва цо хутӀичӀого гьезул бихьинал чӀвана. 26Хвалчаца хъуна гьез Хаморги Шехемги ва, Шехемил рокъоса Динаги ячун, нахъе ана.
27Цинги Якъубил васаз талавур гьабуна жидер яц басра гьаюраб гьеб шагьар. 28Гьез гьениса хъамуна гӀи-боцӀи, хӀамул ва шагьаралдаги магъилъги батарабщинаб кинабго жидеего босана: 29шагьаралъул гӀадамазул букӀараб кинабго бечелъи хъамал гьабуна, гьезул лъималги руччабиги асир гьаруна ва гьезул рокъоб букӀарабщинабги босана.
30Цинги Якъубица Шимеонидаги Левийидаги абуна:
«Дир бетӀералде балагь бачана нужеца! Гьаб ракьалъул гӀадамазда – ханаанияздаги перизияздаги – дун рихинавуна. Дир гӀемерал чагӀи гьечӀелъул! Гьелин абуни цолъила, цинги тӀаде кӀанцӀун, дунги чӀвала ва дида цадахъ кинабго дир агьлуги хвела».
31Амма Шимеоницаги Левийицаги абуна:
«Нижер яц хъахӀба гӀадин басра гьайизейищха бегьулей йикӀарай?!»
Currently Selected:
Байбихьи 34: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Байбихьи 34
34
Якъубил васаз Шехем шагьар пасат гьаби
1Якъубилги Леялги яс Дина йилълъана цо къоялъ гьеб бакӀалъул ясалгун лъай-хъвай гьабизе. 2Гьеб улкаялъул хан хивияв Хаморил вас Шехемида йихьана гьей ва, ккун ячун, басра гьаюна. 3Гьелдаса хадуб Динахъ кутакалда рокьи ккана гьесул: гьелда хӀеренго гаргадизе жувана. 4Ва гьес жиндирго эмен Хаморида абуна:
«Гьай яс дие яче», – ян.
5Якъубида лъана жиндир яс Дина басра гьаюн йикӀин. Гьеб заманалда гьесул васал боцӀи хьихьун гӀалахалда рукӀана. Гьел рачӀинегӀан сихӀ къотӀун чӀана Якъуб. 6Гьебго заманалда Шехемил эмен Хамор вачӀана Якъубихъе, гьесда кӀалъазе. 7Ккараб жо лъараб сагӀаталдаго, Якъубил васалги рокъоре рачӀана. Кутакалда ццидахун рукӀана гьел. Щайгурелъул Шехемица Якъубил ясги басра гьаюн, кӀудияб рогьо бачана ГӀизраилиде – кутакалда инжитаб-къабихӀаб жо гьабуна гьес.
8Хаморица абуна:
«Дир вас Шехем нужер ясалъ хӀайран гьавун вуго. Гьей гьесие кьейилан гьаризе вачӀун вуго дун. 9Нилъеда гьоркьоб гӀагарлъиги лъугьина, нужер ясал нижер васазеги кьела, нижер ясал нужер васазги рачина. 10Нижеда аскӀор гьанир чӀа. Гьаб нижер улка нужеда цебе буго: эркенго яшав гьабе, даран-базаралде русса ва боцӀи-бечелъи цӀикӀкӀинабе».
11Шехемица Динал инсудаги вацаздаги абуна:
«Нужеца дун къабул гьавуни, дица нужее щиб бокьаниги кьела. 12Бищун кӀудияб хъалимги чӀезабе бахӀаралъухъ, бищун бечедал сайгъаталги тӀалаб гьаре, кинабго кьела, гӀицӀго гьей яс кье дие».
13Гьанже Шехемиеги гьесул эмен Хамориеги Якъубил васаз сихӀираб жаваб кьуна, Шехемица гьезул яц Дина басра гьаюн йигелъул:
14«Гьеб гьедин гьабизе кӀоларо нижеда, – ян абуна гьез. – Нижее рогьо-нич буго суннат гьабичӀев чиясе нижер яц кьей. 15Ниж разилъизе ккани, цо шартӀ буго гьелда гьоркьоб: нужер киналго бихьиназги суннат гьабизе ккола, нижеда релълъине. 16Гьелдаса хадуб нижеца нижерго ясал нужер васазеги кьела ва нужер ясал нижеегоги рачина. Цинги нижги нужеда аскӀор гьанир чӀела ва нужеда цадахъ цо халкълъун лъугьина. 17Амма нуж нижехъ гӀенеккичӀони ва суннатги гьабичӀони, нижерго яцги ячун, ниж нахъе ина гьаниса».
18Хаморидаги Шехемидаги лъикӀ бихьана гьеб. 19НахъбахъичӀого тӀубазабуна Шехемица гьез тӀалаб гьабураб жо, кутакалда Якъубил яс йокьун йикӀиндал гьесие. Гьев Шехемин абуни, инсул тухум-кьибилалда жанив бищунго къадру-къимат бугев чи вукӀана. 20Гьале шагьаралъул кавабазухъги чӀун, Хаморицаги Шехемицаги шагьаралъул халкъалде хитӀаб гьабуна:
21«Гьал гӀадамаздасан щибго хӀинкъи гьечӀо нилъее. Риччанте гьал нилъер ракьалда чӀезе ва гьез эркенго магӀишат гьабизе. Гьезие ракь гӀезегӀан буго гьаниб. Нилъеца гьезул ясал рачина, гьезие нилъерго ясалги кьела. 22Амма нилъеда аскӀор чӀезе ва нилъеда цадахъ цого халкълъун лъугьине гьал разилъулел руго гьадинаб шартӀалдалъун: гьезул бихьиналго гӀадин, нилъер бихьиналги суннат гьабурал рукӀине ккола. 23Гьезул рехъабиги, гьезул бечелъиги, гьезул боцӀиги – гьеб кинабго нилъер букӀинарищха, гьезул шартӀ нилъеца къабул гьабуни ва гьел нилъгун гӀумру гьабун чӀани!»
24Кавабазухъе годекӀанире рачӀун рукӀаралщинал Хаморицаги Шехемицаги бицаралда разилъана ва шагьаралъул киналго бихьиназ суннат гьабуна. 25Амма лъабабилеб къоялъ, гьел унтун бусада рукӀаго, Якъубил васал, ай Динал вацал Шимеонги Левийги, рахъун хвалчабигун, тохлъукье шагьаралда жанире лъугьана ва цо хутӀичӀого гьезул бихьинал чӀвана. 26Хвалчаца хъуна гьез Хаморги Шехемги ва, Шехемил рокъоса Динаги ячун, нахъе ана.
27Цинги Якъубил васаз талавур гьабуна жидер яц басра гьаюраб гьеб шагьар. 28Гьез гьениса хъамуна гӀи-боцӀи, хӀамул ва шагьаралдаги магъилъги батарабщинаб кинабго жидеего босана: 29шагьаралъул гӀадамазул букӀараб кинабго бечелъи хъамал гьабуна, гьезул лъималги руччабиги асир гьаруна ва гьезул рокъоб букӀарабщинабги босана.
30Цинги Якъубица Шимеонидаги Левийидаги абуна:
«Дир бетӀералде балагь бачана нужеца! Гьаб ракьалъул гӀадамазда – ханаанияздаги перизияздаги – дун рихинавуна. Дир гӀемерал чагӀи гьечӀелъул! Гьелин абуни цолъила, цинги тӀаде кӀанцӀун, дунги чӀвала ва дида цадахъ кинабго дир агьлуги хвела».
31Амма Шимеоницаги Левийицаги абуна:
«Нижер яц хъахӀба гӀадин басра гьайизейищха бегьулей йикӀарай?!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023