Тархъанлъи 28
28
КӀудияв кашишасул партал
(Тархъ. 39:1)
1ГӀизраилил халкъалда гьоркьоса ратӀа гьаре дурго вац Гьарунги гьесул васалги, гьел Дир кашишзабилъун тезе рукӀине. АхӀе Гьарунги гьесул васалги: Надавги, Авигьуги, Элеазарги, Итамарги. 2Гьаруние, дурго вацасе, кашишзабазул партал гьабе, гьесул къимат цӀикӀкӀараб динияб хъулухъалда рекъараб. 3Махщел-гьунар цӀикӀкӀарал ва Дица бажари кьурал устарзабазда абе Гьаруние гьеб хасаб партал букъеян, гьев Дие ватӀа гьавизе ва Дир кашишлъун вукӀине. 4Гьале гьез хӀадуризе кколеб партал: каранда балеб цебебухь, эфод, тӀасан ретӀунеб риза, накъиш бессараб гурде, тӀагъур ва рачел. Биччанте дур вац Гьаруниеги гьесул васазеги гьеб хасаб кашишзабазул партал букъизе, Дие хъулухъ гьабулеб мехалда тӀад ретӀине. 5Гьеб парталалъе хӀалтӀизабе меседил кун ва канчӀхъахӀилабги, бецӀбагӀарабги, канчӀбагӀарабги квасул кун ва тӀеренаб хӀебет.
Эфод
(Тархъ. 39:2-7)
6Эфод гьабизе хӀалтӀизабе: меседил кун ва канчӀхъахӀилабги, бецӀбагӀарабги, канчӀбагӀарабги квасул кун, гьединго тӀеренаб хӀебет. КӀудияб махщалида узданго гьабизе ккола гьеб. 7Эфодалъул кӀиябго рахъалда рукъе кӀигъуждузда тӀад лъолел жал. 8Эфодалъул рачелги гьелда релълъун бессизе ккола – канчӀхъахӀилабги, бецӀбагӀарабги, канчӀбагӀарабги квасул кунги тӀеренаб хӀебетги хӀалтӀизабун; эфодгун цорекӀараб гьабизе ккола гьеб.
9Цинги кӀиго ониксалъул жавгьар босе ва гьезда тӀад бикӀун хъвай ГӀизраилил васазул цӀарал: 10кӀудиясдаса байбихьун, анлъго цӀар – цо жавгьаралда ва анлъго – цогидаб жавгьаралда. 11ГӀизраилалъул васазул цӀарал хъвай кӀиго жавгьаралда, мугьру бикӀулев устарас гӀадинан. Гьел жавгьарал лъе меседил тӀеренкуназ хьухьун махщалида гьарурал нагӀли лъолел жалазда 12ва эфодалъул кӀигъуждузда тӀад рекӀинаре гьел, ГӀизраилил васал ракӀалдещвеялъул жавгьарал хӀисабалда. Гьаруница гьезул цӀарал жиндирго кӀигъуждузда тӀад лъун рукӀине те, БЕТӀЕРГЬАНАСДА ГӀизраилил халкъ кидаго ракӀалда букӀине. 13НагӀли лъолел жал гьаре меседил тӀеренкуназдалъун, накъишалги ккезарун, 14гьединго бацӀцӀадаб меседалъул кӀиго квар кьурараб гӀадинаб рахасги гьабе. Ва гьел рахсал нагӀли лъолел жалазда рекӀинаре.
Каранда балеб цебебухь
(Тархъ. 39:8-21)
15Хадуб гьабе каранда балеб «хӀукму къотӀиялъул» абулеб къокъаб цебебухь. Эфодго гӀадин гьабе гьебги: тӀеренаб хӀебтил ва меседил куналъги, канчӀхъахӀилабги, бецӀбагӀарабги, канчӀбагӀарабги квасул куназги бессун. 16Биччанте гьеб ункъбокӀонаб букӀине, цо рокьобалъул халалъиги гӀеблъиги бугеб, кӀигъат гьабураб ххамил. 17Гьелда тӀад ункъго кьер гьабун лъе меседил гьарурал нагӀли лъолел жал. Гьезда жанир тӀоцебесеб кьерда лъе рубин, топаз ва зумруд; 18кӀиабилеб кьерда – пируза, сапфир ва алмас; 19лъабабилеб кьерда – гиацинт, агат ва аметист; 20ункъабилеб кьерда – зубаржад, оникс ва яшма. Гьел киналго лъе меседил тӀеренкуналъ хьухьарал нагӀли лъолел жалазда. 21Кинабниги анцӀила кӀиго жавгьар букӀине ккола – ГӀизраилил щивав васасул цӀар рикӀкӀун; щибаб жавгьаралда, мугьруялда гӀадин, бикӀун букӀине ккола анцӀила кӀиго къавмалъул цо-цо цӀар.
22Каранда балеб цебебухьалъе гьаре кьурарал кварал гӀадинал бацӀцӀадаб меседалъул рахсал. 23КӀиго меседил баргъичги гьабе ва гьел рекӀинаре цебебухьалъул кӀиялго тӀадехунал бокӀназда. 24Гьел баргъичазда рекӀинабе кӀиябго меседил рахас 25ва гьезул цогидал рагӀалал кӀигъуждузда, оникс лъурал жалазда рекӀинаре. 26Хадуб жеги кӀиго меседил баргъич гьабе ва гьел рекӀинаре каранзул цебебухьалъул бокӀназул жанисеб рахъалда. 27Гьабе жеги кӀиго меседил баргъич ва гьел рекӀинаре эфодалъул кӀигъуждузда лъолел жалазда гъоркьехун, цебехун рахъалда, битӀахъе эфодалъул рачелалдаса тӀадехун бугеб мухъда аскӀор кколедухъ. 28Каранзул цебебухьалъул баргъичал риччанте эфодалъул баргъичазда канчӀхъахӀилаб чалуялъ рухьун рукӀине, цебебухьги рачелги цоцада рекӀинабун, цебебухь хъуштӀулареб хӀалалъ.
29Мукъадасаб бакӀалде лъугьунаго Гьаруница рекӀеда аскӀор, каранда букӀунеб цебебухьалда ран рукӀине руго ГӀизраилил васазул цӀарал, БЕТӀЕРГЬАНАСДА гьел кӀочене риччалареб игӀлан кинигин. 30Жеги къокъаб цебебухьалда жаниб лъе Уримги Туммимги#28:30 Урим (нур) ва Туммим (камиллъи) – Аллагьасул амру лъазабизе хӀалтӀизарулел алатал. ГӀалимзабаз абула гьездалъун можоро бахъулаанин, амма ракӀчӀун кин гьел хӀалтӀизарулел рукӀарабали абизе кӀоларо., Мукъадасаб бакӀалде БЕТӀЕРГЬАНАСДА цеве лъугьуневщинахъе Гьарунил рекӀеда аскӀор рукӀине. Гьедин Гьаруница кидаго рекӀеда аскӀор лъун рукӀине руго гьел ва гьездалъун загьирлъизе руго ГӀизраилил халкъалъе БЕТӀЕРГЬАНАСУЛ хӀукмаби.
КӀудияв кашишасул цогидаб партал
(Тархъ. 39:22-26, 30-31)
31Эфодалда гъоркьан ретӀунеб риза гьабе хъахӀилаб кьералъул. 32Гьелда бакьулъ бетӀер бегьизе каратӀ гьабе, ва бихъулареб хӀалалда, гьеб каратӀалда сверун щулаго ххамил чӀоло букъе. 33СоногӀечул суратал гьаре канчӀхъахӀилабги, бецӀбагӀарабги ва канчӀбагӀарабги квасул куналги росун ва гьел рукъе ризаялъул квенчӀелазул рагӀалккун, гьезда гьоркьо-гьоркьор меседалъул гьарурал цӀурмалги рукъе. 34Меседил цӀурмалги соногӀечул сураталги ризаялъул кинабго ахалъиялда цоцада хадур рукъизе ккола. 35Гьаруница гьеб ретӀине буго БЕТӀЕРГЬАНАСЕ хъулухъ гьабулелъул. ЦӀурмазул гьаракь рагӀизе ккола Гьарун Мукъадасаб бакӀалде БЕТӀЕРГЬАНАСДА цеве лъугьунаго ва гьениса къватӀиве унагоги: гьев хвечӀого вукӀине.
36Жеги гьабе бацӀцӀадаб меседги чӀинтӀизабун меседил тӀамач ва, мугьруялда кинигин, бикӀе гьелда: «БЕТӀЕРГЬАНАСУЛ хирияб», – ин.
37КанчӀхъахӀилаб чалу бай гьелда ва гьеб бухье тӀагъуралда тӀасан, гьелъул цебехун рахъалда. 38Гьеб букӀина Гьарунил надалда ва гьес жиндаго тӀаде росила къурбаналгун садакъаби кьолаго гӀизраилазухъа ккараб щибаб мунагь-хатӀа. Гьеб букӀина кидаго Гьарунил надалда, къурбаналгун садакъаби БЕТӀЕРГЬАНАС къабул гьаризе рукӀине.
39БацӀцӀадаб хӀебеталъул гурдеги бессе Гьаруние, гьелдаго рекъараб бацӀцӀадаб хӀебеталъул тӀагъурги гьабе ва чараб рачелги бессе.
ХутӀарал кашишзабазул партал
(Тархъ. 39:27-29)
40Гьарунил васазеги гьабе гьезул къадру-къимат цӀикӀкӀинабулел гурдалги, рачелалги, ботӀрода лъезе тӀагъралги. 41Гьеб партал дуца Гьарунидаги гьесул васаздаги тӀад ретӀе. Цинги гьезда зайтуналъул хирияб нах бахе ва, гьезда тӀадабги малъун, ратӀа гьаре гьел, Дир кашишзабилъун рукӀине ва Дие хъулухъалъе чӀезе.
42Гьезие хӀебтил гъоркьан ретӀел гьабе, рачликьа бохдузде щвезегӀан гӀицӀлъи бахчизе. 43Гьаруницаги гьесул васазги гьеб ретӀел кидаго ретӀун букӀине ккола, Чадиралъуре лъугьунеб мехалда яги Хирияб бакӀалда хъулухъ гьабиялъе къурбаналъул бакӀалде гӀагарлъулеб мехалда, гьезда мунагь ккечӀого букӀине ва гьел хвечӀого рукӀине.
Гьеб букӀине буго Гьаруниеги гьесул васазеги даимаб низамлъун.
Currently Selected:
Тархъанлъи 28: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 28
28
КӀудияв кашишасул партал
(Тархъ. 39:1)
1ГӀизраилил халкъалда гьоркьоса ратӀа гьаре дурго вац Гьарунги гьесул васалги, гьел Дир кашишзабилъун тезе рукӀине. АхӀе Гьарунги гьесул васалги: Надавги, Авигьуги, Элеазарги, Итамарги. 2Гьаруние, дурго вацасе, кашишзабазул партал гьабе, гьесул къимат цӀикӀкӀараб динияб хъулухъалда рекъараб. 3Махщел-гьунар цӀикӀкӀарал ва Дица бажари кьурал устарзабазда абе Гьаруние гьеб хасаб партал букъеян, гьев Дие ватӀа гьавизе ва Дир кашишлъун вукӀине. 4Гьале гьез хӀадуризе кколеб партал: каранда балеб цебебухь, эфод, тӀасан ретӀунеб риза, накъиш бессараб гурде, тӀагъур ва рачел. Биччанте дур вац Гьаруниеги гьесул васазеги гьеб хасаб кашишзабазул партал букъизе, Дие хъулухъ гьабулеб мехалда тӀад ретӀине. 5Гьеб парталалъе хӀалтӀизабе меседил кун ва канчӀхъахӀилабги, бецӀбагӀарабги, канчӀбагӀарабги квасул кун ва тӀеренаб хӀебет.
Эфод
(Тархъ. 39:2-7)
6Эфод гьабизе хӀалтӀизабе: меседил кун ва канчӀхъахӀилабги, бецӀбагӀарабги, канчӀбагӀарабги квасул кун, гьединго тӀеренаб хӀебет. КӀудияб махщалида узданго гьабизе ккола гьеб. 7Эфодалъул кӀиябго рахъалда рукъе кӀигъуждузда тӀад лъолел жал. 8Эфодалъул рачелги гьелда релълъун бессизе ккола – канчӀхъахӀилабги, бецӀбагӀарабги, канчӀбагӀарабги квасул кунги тӀеренаб хӀебетги хӀалтӀизабун; эфодгун цорекӀараб гьабизе ккола гьеб.
9Цинги кӀиго ониксалъул жавгьар босе ва гьезда тӀад бикӀун хъвай ГӀизраилил васазул цӀарал: 10кӀудиясдаса байбихьун, анлъго цӀар – цо жавгьаралда ва анлъго – цогидаб жавгьаралда. 11ГӀизраилалъул васазул цӀарал хъвай кӀиго жавгьаралда, мугьру бикӀулев устарас гӀадинан. Гьел жавгьарал лъе меседил тӀеренкуназ хьухьун махщалида гьарурал нагӀли лъолел жалазда 12ва эфодалъул кӀигъуждузда тӀад рекӀинаре гьел, ГӀизраилил васал ракӀалдещвеялъул жавгьарал хӀисабалда. Гьаруница гьезул цӀарал жиндирго кӀигъуждузда тӀад лъун рукӀине те, БЕТӀЕРГЬАНАСДА ГӀизраилил халкъ кидаго ракӀалда букӀине. 13НагӀли лъолел жал гьаре меседил тӀеренкуназдалъун, накъишалги ккезарун, 14гьединго бацӀцӀадаб меседалъул кӀиго квар кьурараб гӀадинаб рахасги гьабе. Ва гьел рахсал нагӀли лъолел жалазда рекӀинаре.
Каранда балеб цебебухь
(Тархъ. 39:8-21)
15Хадуб гьабе каранда балеб «хӀукму къотӀиялъул» абулеб къокъаб цебебухь. Эфодго гӀадин гьабе гьебги: тӀеренаб хӀебтил ва меседил куналъги, канчӀхъахӀилабги, бецӀбагӀарабги, канчӀбагӀарабги квасул куназги бессун. 16Биччанте гьеб ункъбокӀонаб букӀине, цо рокьобалъул халалъиги гӀеблъиги бугеб, кӀигъат гьабураб ххамил. 17Гьелда тӀад ункъго кьер гьабун лъе меседил гьарурал нагӀли лъолел жал. Гьезда жанир тӀоцебесеб кьерда лъе рубин, топаз ва зумруд; 18кӀиабилеб кьерда – пируза, сапфир ва алмас; 19лъабабилеб кьерда – гиацинт, агат ва аметист; 20ункъабилеб кьерда – зубаржад, оникс ва яшма. Гьел киналго лъе меседил тӀеренкуналъ хьухьарал нагӀли лъолел жалазда. 21Кинабниги анцӀила кӀиго жавгьар букӀине ккола – ГӀизраилил щивав васасул цӀар рикӀкӀун; щибаб жавгьаралда, мугьруялда гӀадин, бикӀун букӀине ккола анцӀила кӀиго къавмалъул цо-цо цӀар.
22Каранда балеб цебебухьалъе гьаре кьурарал кварал гӀадинал бацӀцӀадаб меседалъул рахсал. 23КӀиго меседил баргъичги гьабе ва гьел рекӀинаре цебебухьалъул кӀиялго тӀадехунал бокӀназда. 24Гьел баргъичазда рекӀинабе кӀиябго меседил рахас 25ва гьезул цогидал рагӀалал кӀигъуждузда, оникс лъурал жалазда рекӀинаре. 26Хадуб жеги кӀиго меседил баргъич гьабе ва гьел рекӀинаре каранзул цебебухьалъул бокӀназул жанисеб рахъалда. 27Гьабе жеги кӀиго меседил баргъич ва гьел рекӀинаре эфодалъул кӀигъуждузда лъолел жалазда гъоркьехун, цебехун рахъалда, битӀахъе эфодалъул рачелалдаса тӀадехун бугеб мухъда аскӀор кколедухъ. 28Каранзул цебебухьалъул баргъичал риччанте эфодалъул баргъичазда канчӀхъахӀилаб чалуялъ рухьун рукӀине, цебебухьги рачелги цоцада рекӀинабун, цебебухь хъуштӀулареб хӀалалъ.
29Мукъадасаб бакӀалде лъугьунаго Гьаруница рекӀеда аскӀор, каранда букӀунеб цебебухьалда ран рукӀине руго ГӀизраилил васазул цӀарал, БЕТӀЕРГЬАНАСДА гьел кӀочене риччалареб игӀлан кинигин. 30Жеги къокъаб цебебухьалда жаниб лъе Уримги Туммимги#28:30 Урим (нур) ва Туммим (камиллъи) – Аллагьасул амру лъазабизе хӀалтӀизарулел алатал. ГӀалимзабаз абула гьездалъун можоро бахъулаанин, амма ракӀчӀун кин гьел хӀалтӀизарулел рукӀарабали абизе кӀоларо., Мукъадасаб бакӀалде БЕТӀЕРГЬАНАСДА цеве лъугьуневщинахъе Гьарунил рекӀеда аскӀор рукӀине. Гьедин Гьаруница кидаго рекӀеда аскӀор лъун рукӀине руго гьел ва гьездалъун загьирлъизе руго ГӀизраилил халкъалъе БЕТӀЕРГЬАНАСУЛ хӀукмаби.
КӀудияв кашишасул цогидаб партал
(Тархъ. 39:22-26, 30-31)
31Эфодалда гъоркьан ретӀунеб риза гьабе хъахӀилаб кьералъул. 32Гьелда бакьулъ бетӀер бегьизе каратӀ гьабе, ва бихъулареб хӀалалда, гьеб каратӀалда сверун щулаго ххамил чӀоло букъе. 33СоногӀечул суратал гьаре канчӀхъахӀилабги, бецӀбагӀарабги ва канчӀбагӀарабги квасул куналги росун ва гьел рукъе ризаялъул квенчӀелазул рагӀалккун, гьезда гьоркьо-гьоркьор меседалъул гьарурал цӀурмалги рукъе. 34Меседил цӀурмалги соногӀечул сураталги ризаялъул кинабго ахалъиялда цоцада хадур рукъизе ккола. 35Гьаруница гьеб ретӀине буго БЕТӀЕРГЬАНАСЕ хъулухъ гьабулелъул. ЦӀурмазул гьаракь рагӀизе ккола Гьарун Мукъадасаб бакӀалде БЕТӀЕРГЬАНАСДА цеве лъугьунаго ва гьениса къватӀиве унагоги: гьев хвечӀого вукӀине.
36Жеги гьабе бацӀцӀадаб меседги чӀинтӀизабун меседил тӀамач ва, мугьруялда кинигин, бикӀе гьелда: «БЕТӀЕРГЬАНАСУЛ хирияб», – ин.
37КанчӀхъахӀилаб чалу бай гьелда ва гьеб бухье тӀагъуралда тӀасан, гьелъул цебехун рахъалда. 38Гьеб букӀина Гьарунил надалда ва гьес жиндаго тӀаде росила къурбаналгун садакъаби кьолаго гӀизраилазухъа ккараб щибаб мунагь-хатӀа. Гьеб букӀина кидаго Гьарунил надалда, къурбаналгун садакъаби БЕТӀЕРГЬАНАС къабул гьаризе рукӀине.
39БацӀцӀадаб хӀебеталъул гурдеги бессе Гьаруние, гьелдаго рекъараб бацӀцӀадаб хӀебеталъул тӀагъурги гьабе ва чараб рачелги бессе.
ХутӀарал кашишзабазул партал
(Тархъ. 39:27-29)
40Гьарунил васазеги гьабе гьезул къадру-къимат цӀикӀкӀинабулел гурдалги, рачелалги, ботӀрода лъезе тӀагъралги. 41Гьеб партал дуца Гьарунидаги гьесул васаздаги тӀад ретӀе. Цинги гьезда зайтуналъул хирияб нах бахе ва, гьезда тӀадабги малъун, ратӀа гьаре гьел, Дир кашишзабилъун рукӀине ва Дие хъулухъалъе чӀезе.
42Гьезие хӀебтил гъоркьан ретӀел гьабе, рачликьа бохдузде щвезегӀан гӀицӀлъи бахчизе. 43Гьаруницаги гьесул васазги гьеб ретӀел кидаго ретӀун букӀине ккола, Чадиралъуре лъугьунеб мехалда яги Хирияб бакӀалда хъулухъ гьабиялъе къурбаналъул бакӀалде гӀагарлъулеб мехалда, гьезда мунагь ккечӀого букӀине ва гьел хвечӀого рукӀине.
Гьеб букӀине буго Гьаруниеги гьесул васазеги даимаб низамлъун.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023