Тархъанлъи 27
27
Къурбан-бакӀ
(Тархъ. 38:1-7)
1Къурбан-бакӀ гьабе акациялъул цӀулал. Биччанте гьеб букӀине ункъбокӀонаб, щуго натӀалъ халатаб ва щуго натӀалъ гӀебаб. 2Гьелъул ункъабго бокӀоналда лълъурдул гьаре ва къурбан-бакӀ лълъурдулгун цорекӀараб гьабе; гьеб киналдаго тӀад мазгар биччай. 3Мазгаралъул гьабе гьелъие хӀажатаб кинабго къайиги: рохъо къватӀибе баччулел хъуби, квархаби, би тӀолел суркӀаби, гьан базе гӀучӀал ва бухӀараб тӀурччи лъолел тӀабкӀал. 4Жеги къурбан-бакӀалда сверун кквезе мазгарул хьури гьабе, ва хьуридул ункъабго бокӀоналда рекӀинабе мазгарул цо-цо гор#27:4 Горал къваригӀунаан гӀурдул жанир лъезе ва, гьел гӀурдулги ккун, къурбан-бакӀ цо бакӀалдаса цоги бакӀалде босизе.. 5Гьеб хьури ккве къурбан-бакӀалъул тӀасияб рахъалда, гьелъул борхалъиялъул бащалъиялде щоледухъ. 6Гьединго къурбан-бакӀалъе гьаре акациялъул цӀулал гӀурдул ва гьезда тӀадги мазгар биччай. 7Къурбан-бакӀ баччизе санагӀаталда, гьелъул кӀиябго рахъалдасан цо-цо гӀер горазда жанибе ккезабе. 8Къурбан-бакӀ гьабе хъарщазул ва жаниса гьодораблъун. Гьеб гьабизе ккола магӀарда дуда бихьизабураб сипаталда рекъон.
Мукъадасаб Чадиралъул азбар
(Тархъ. 38:9-20)
9Чадиралда сверухъ азбар гьабе. Азбаралъул къилбаялъул рахъалда нусго натӀалъ халатаб тӀеренаб хӀебтил пардав базе ккола 10къого хӀобода. ХӀубазе къого мазгарул гъоркьчӀел гьабе; гьезие гъунцӀбиги ва гьел цоцада рекӀинаризе горалги гӀарцул гьаризе ккола. 11Азбаралъул шималияб рахъалдаги гьединго нусго натӀалъ халатаб хӀебтил пардав базе ккола ва гьелъиеги къого хӀуби эхетизе ккола, щибалъе мазгарул гъоркьчӀелги гьабун ва гӀарцул гъунцӀбиги, гьел цоцада рекӀинаризе гӀарцул горалги тӀад ран.
12Азбаралъул бакътӀерхьул рахъалда, гьелъул тӀолабго гӀеблъиялда, гъоркьчӀелазда эхетараб анцӀго хӀобода базе ккола кӀикъоялда анцӀго натӀалъ халатаб пардав. 13Гьединго азбаралъул бакъбаккул рахъги букӀине ккола кӀикъоялда анцӀго натӀалъ гӀебаб. 14Жанире лъугьунеб кӀалтӀуялъул цояб рахъалда биччанте букӀине анцӀила щуго натӀалъ халатаб, лъабго хӀобода бараб пардав. Щибаб хӀубиялъе гъоркьчӀелги гьабе. 15Ва кӀалтӀуялъул цогидаб рахъалдаги букӀине биччай анцӀила щуго натӀалъ халатаб пардав, гьединго лъабго хӀобода бараб, щибалъул гъоркьчӀелги бугеб.
16Азбаралде лъугьунеб кӀалтӀуялъе гьабизе ккола къого натӀалъ халатаб чараб пардав; канчӀхъахӀилабги, бецӀбагӀарабги ва канчӀбагӀарабги квасул кунги тӀеренаб хӀебетги хӀалтӀизабун бессе гьеб. Гьеб пардавалъе эхетизе ккола ункъго хӀуби ва гьезие ункъго гъоркьчӀелги гьабизе ккола. 17Азбар сверун ругел киналниги хӀубазда рукӀине ккола гӀарцул горал; хӀубазе гъунцӀби гӀарцул, гъоркьчӀелал мазгарул гьаризе ккола. 18Азбар букӀине ккола нусго натӀалъ халатаб, кӀикъоялда анцӀго натӀалъ гӀебаб, азбар сверун бараб пардав – щуго натӀалъ борхатаб. ХӀубазул гъоркьчӀелал рукӀине ккола мазгарул. 19Мукъадасаб Чадиралъул тӀолабго къайи-цӀаги ва гьелъиеги азбаралъул пардавазеги хӀажалъулел гъазихъалги мазгаралъул гьаризе ккола.
Нахучирахъалъе тӀолеб нах
(Лев. 24:1-4)
20ГӀизраилазда лъазабе, нахучирахъалда жанибе тӀезе бищун лъикӀаб зайтуналъул нах босун щвезабеян, кидаго нахучирахъалда канлъи бакун букӀине. 21Гьаруницаги гьесул васазги цӀунизе ккола КъотӀиялъул гъамас нахъа лъураб пардавалда цебе бугеб нахучирахъалда бакараб цӀа, ДандчӀваялъул Чадиралъуб БЕТӀЕРГЬАНАСДА цебе маркӀачӀудаса бахъараб рогьинегӀан канлъи свинчӀого букӀине. ГӀизраилаз ва гьезул наслабаз даимго цӀунизе ккола гьеб низам.
Currently Selected:
Тархъанлъи 27: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
Тархъанлъи 27
27
Къурбан-бакӀ
(Тархъ. 38:1-7)
1Къурбан-бакӀ гьабе акациялъул цӀулал. Биччанте гьеб букӀине ункъбокӀонаб, щуго натӀалъ халатаб ва щуго натӀалъ гӀебаб. 2Гьелъул ункъабго бокӀоналда лълъурдул гьаре ва къурбан-бакӀ лълъурдулгун цорекӀараб гьабе; гьеб киналдаго тӀад мазгар биччай. 3Мазгаралъул гьабе гьелъие хӀажатаб кинабго къайиги: рохъо къватӀибе баччулел хъуби, квархаби, би тӀолел суркӀаби, гьан базе гӀучӀал ва бухӀараб тӀурччи лъолел тӀабкӀал. 4Жеги къурбан-бакӀалда сверун кквезе мазгарул хьури гьабе, ва хьуридул ункъабго бокӀоналда рекӀинабе мазгарул цо-цо гор#27:4 Горал къваригӀунаан гӀурдул жанир лъезе ва, гьел гӀурдулги ккун, къурбан-бакӀ цо бакӀалдаса цоги бакӀалде босизе.. 5Гьеб хьури ккве къурбан-бакӀалъул тӀасияб рахъалда, гьелъул борхалъиялъул бащалъиялде щоледухъ. 6Гьединго къурбан-бакӀалъе гьаре акациялъул цӀулал гӀурдул ва гьезда тӀадги мазгар биччай. 7Къурбан-бакӀ баччизе санагӀаталда, гьелъул кӀиябго рахъалдасан цо-цо гӀер горазда жанибе ккезабе. 8Къурбан-бакӀ гьабе хъарщазул ва жаниса гьодораблъун. Гьеб гьабизе ккола магӀарда дуда бихьизабураб сипаталда рекъон.
Мукъадасаб Чадиралъул азбар
(Тархъ. 38:9-20)
9Чадиралда сверухъ азбар гьабе. Азбаралъул къилбаялъул рахъалда нусго натӀалъ халатаб тӀеренаб хӀебтил пардав базе ккола 10къого хӀобода. ХӀубазе къого мазгарул гъоркьчӀел гьабе; гьезие гъунцӀбиги ва гьел цоцада рекӀинаризе горалги гӀарцул гьаризе ккола. 11Азбаралъул шималияб рахъалдаги гьединго нусго натӀалъ халатаб хӀебтил пардав базе ккола ва гьелъиеги къого хӀуби эхетизе ккола, щибалъе мазгарул гъоркьчӀелги гьабун ва гӀарцул гъунцӀбиги, гьел цоцада рекӀинаризе гӀарцул горалги тӀад ран.
12Азбаралъул бакътӀерхьул рахъалда, гьелъул тӀолабго гӀеблъиялда, гъоркьчӀелазда эхетараб анцӀго хӀобода базе ккола кӀикъоялда анцӀго натӀалъ халатаб пардав. 13Гьединго азбаралъул бакъбаккул рахъги букӀине ккола кӀикъоялда анцӀго натӀалъ гӀебаб. 14Жанире лъугьунеб кӀалтӀуялъул цояб рахъалда биччанте букӀине анцӀила щуго натӀалъ халатаб, лъабго хӀобода бараб пардав. Щибаб хӀубиялъе гъоркьчӀелги гьабе. 15Ва кӀалтӀуялъул цогидаб рахъалдаги букӀине биччай анцӀила щуго натӀалъ халатаб пардав, гьединго лъабго хӀобода бараб, щибалъул гъоркьчӀелги бугеб.
16Азбаралде лъугьунеб кӀалтӀуялъе гьабизе ккола къого натӀалъ халатаб чараб пардав; канчӀхъахӀилабги, бецӀбагӀарабги ва канчӀбагӀарабги квасул кунги тӀеренаб хӀебетги хӀалтӀизабун бессе гьеб. Гьеб пардавалъе эхетизе ккола ункъго хӀуби ва гьезие ункъго гъоркьчӀелги гьабизе ккола. 17Азбар сверун ругел киналниги хӀубазда рукӀине ккола гӀарцул горал; хӀубазе гъунцӀби гӀарцул, гъоркьчӀелал мазгарул гьаризе ккола. 18Азбар букӀине ккола нусго натӀалъ халатаб, кӀикъоялда анцӀго натӀалъ гӀебаб, азбар сверун бараб пардав – щуго натӀалъ борхатаб. ХӀубазул гъоркьчӀелал рукӀине ккола мазгарул. 19Мукъадасаб Чадиралъул тӀолабго къайи-цӀаги ва гьелъиеги азбаралъул пардавазеги хӀажалъулел гъазихъалги мазгаралъул гьаризе ккола.
Нахучирахъалъе тӀолеб нах
(Лев. 24:1-4)
20ГӀизраилазда лъазабе, нахучирахъалда жанибе тӀезе бищун лъикӀаб зайтуналъул нах босун щвезабеян, кидаго нахучирахъалда канлъи бакун букӀине. 21Гьаруницаги гьесул васазги цӀунизе ккола КъотӀиялъул гъамас нахъа лъураб пардавалда цебе бугеб нахучирахъалда бакараб цӀа, ДандчӀваялъул Чадиралъуб БЕТӀЕРГЬАНАСДА цебе маркӀачӀудаса бахъараб рогьинегӀан канлъи свинчӀого букӀине. ГӀизраилаз ва гьезул наслабаз даимго цӀунизе ккола гьеб низам.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023