Эстер 4
4
Мардохайица Эстерида кумек гьари
1Гьеб хабар рагӀидал Мардохайица, бихъбихъун тӀад букӀараб ретӀелги бан, хӀебет ретӀана ва ботӀроде рахъуги бан, шагьар бакьулъеги ун, кӀудияб гьаракьги биччан гӀодана#4:1 Доб заманалда кӀудияб балагь ва къварилъи тӀаде бачӀарав чи, ялъуни халкъ бугони, бихъун тӀад бугеб ретӀелги бан хӀебет ретӀулаан ва ботӀроде рахъуги бан, биччан гьаракьгун гӀодулаан. КӀалги ккун Аллагьасде ахӀиги балаан, гурхӀел-рахӀму гьарун.. 2Гьеб хӀалалда парччахӀасул кӀалгӀаялъул кавуда цеве щвезегӀан ана гьев, хӀебет тӀад ретӀарав чи парччахӀасул кӀалгӀаялде жаниве лъугьине гьукъун букӀиндал. 3Гьеб буюрухъ ва парччахӀасул амру рагӀанщинаб вилаяталда ягьудиял кӀудияб къварилъиялде ккана, кӀалалги ккун, кӀудиял гьаркьалги риччан гӀодана; гӀемерисел, ретӀун хӀебетгун, рохъдолъ кӀалагъоркье регана.
4Эстерил гъаравашал ва ахтаби рачӀун гьез гьелда Мардохайил ахӀвал-хӀал бицана. Гьелда кӀудияб ургъел чӀвана ва гьелъ Мардохайие ретӀел битӀана, хӀебетги бахъун, тӀад ретӀине. Амма гьес инкар гьабуна. 5Цинги Эстерица, ГьатахӀин абулев, гьелъие хъулухъалъе чӀезавурав парччахӀасул ахта ахӀизавуна жиндихъего ва гьесда тӀад къана гьеб киналъулго магӀна щиб кколебин, ва сунца гьесул рахӀат хвезабун бугебин Мардохайида цӀехезе.
6ГьатахӀ ана Мардохайихъе, парччахӀасул кӀалгӀаялъул кавабазда цебе бугеб, шагьаралъул майданалде. 7Мардохайица ГьатахӀида бицана кинабго ккараб жо, ва Гьаманица, ягьудиял гъураралъухъ, парччахӀасул хазинаялде тӀаде жубазе рагӀи кьураб гӀарцул къадарги абуна. 8Шушаналда къватӀибе бахъараб, ягьудиял гъуреян хъвараб амруялъул кагъатги кьуна гьес ахтахъе Эстерида бихьизабизе ва кинабго ккарабщинаб гьелъие баян гьабизе. Мардохайица гьесда абуна: «Гьелда лъазабе, парччахӀасухъеги ун, жиндирго халкъалъе гурхӀел-рахӀму гьареян гьесдасан».
9ГьатахӀ тӀадвуссана ва кинабго Мардохайица бицанщинаб жо Эстерида лъазабуна. 10Амма Эстерица гьадинаб жавабги босун ГьатахӀ Мардохайихъе витӀана: 11«ТӀолабго парччахӀасул чукъа-рахьаналда ва киналго гьесул вилаятазул халкъазда лъала: нагагьлъун, бихьинчи-чӀужугӀадан батӀалъи гьечӀого, цониги чи парччахӀасул кӀалгӀаялда бугеб жанисеб азбаралде, гьес ахӀичӀого, гьесда цеве вачӀани, къануналда рекъон гьесие гьабулеб хӀукму цо буго – чӀвазе къотӀи. ПарччахӀас жиндирго меседил гӀанса гьесул рахъалде балагьун гӀебеде битӀани, цохӀо гьев чи чӀаго тола. Дунилан абуни гьале лъеберго къо буго парччахӀас жиндихъего ахӀичӀелдаса».
12Мардохайида бицана Эстерица абураб. 13Мардохайица гьадинаб жаваб битӀана Эстерихъе: «Дуда ракӀалде ккоге киналго ягьудиязда гьоркьой цо мун хвасарлъилин гьений парччахӀасул кӀалгӀаялда. 14Жакъа мун юцӀцӀун чӀани, тархъанлъи ва хвасарлъи кисахун щунги щвела ягьудиязе, амма мунги дур инсул агьлуги паналъила гьеб мехалъ. Щиб лъалеб, гьаб къоялъе гӀолоцин гурищ мун бикалъун яхъараяли?»
15Гьебмехалда Эстерица гьадинаб жаваб кьуна: 16«Мун а гьанже, ва киналго Шушаналда ругелщинал ягьудиялги данде ракӀарун, кинацаго кӀал ккве#4:16 Цо хӀинкъи бугони ялъуни кӀудияб балагь-къварилъи тӀаде бачӀани, жугьутӀаз кӀал кколаан Аллагь гурхӀизе ва Гьес гьеб балагь нахъ чӀвазе букӀине гӀоло. дие гӀоло – лъабго сордо-къоялъ щибго кванаге ва гьекъоге. Гьединго дицаги кквела кӀал дирго гъаравашалгун цадахъ ва, гьеб парччахӀасул къануналъ гьукъараб иш букӀаниги, хадуй ина парччахӀасда цееги. Цинги хвани, хун йикӀа абе дун».
17Мардохайица кинабго Эстерица малъухъе гьабуна.
Currently Selected:
Эстер 4: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
