2 Пачаби 24
24
Халкъалъул хъвай-хъвагӀай гьаби ва Давудие жаза
1Нахъеги БЕТӀЕРГЬАНАСУЛ ццин бахъана гӀизраилазда ва Гьес Давуд гьезие балагьалъе гьесизавуна: «ГӀизраилалъулги Ягьудиялъулги халкъ рикӀкӀе», – янги абун.
2АскӀов вукӀарав жиндирго аскаралъул бетӀер Иоавида пачаяс абуна:
«Шималияб рахъалда бугеб Даналдаса байбихьун къилбаялъул рахъалда бугеб Беэр-Шеваялде щвезегӀан ГӀизраилалъул щибаб агьлу-къед сверун халги гьабун, халкъалъул хъвай-хъвагӀай гьабе, дида гьезул къадар лъан букӀине».
3Амма Иоавица пачаясда абуна:
«Дур БЕТӀЕРГЬАН Аллагьас жеги гӀемерлъизабеги дур халкъ ва гьелъул къадар нусго нухалъ цӀикӀкӀун тӀаде жубайги, дир бетӀерчӀахъаяв пачаясул беразда гьеб бихьараб къоги бачӀаги. Амма щайха дир бетӀерчӀахъаяв пачаясул къасд ккараб гьединаб иш гьабизе?»
4Амма пача жиндирго рагӀудаса кьуричӀо, гьединлъидал Иоавги рагъул церехъабиги пачаясда аскӀоса къватӀире рахъана гӀизраилазул халкъалъул хъвай-хъвагӀай гьабизелъун. 5Иордан гӀорги бахун АрогӀералда чадрал чӀвана гьез, ва Гадил расалъиялда бугеб шагьаралъул къилбаялъул рахъалдасан байги бихьун, цинги Иазер шагьаралде рилълъана. 6Хадур гьел ана ГилгӀадалде ва хитиязул ракьалде, гьенисан Данил ракьалде, гьенисанги сверун Сидоналде. 7Гьениса гьел Тиралъул хъалаялде ана, хадур хивиязул ва ханааниязул тӀолалго шагьарал сверана, ахирги Ягьудиялъул къилбаялъул рахъалде, Беэр-Шеваялде щвана. 8ТӀолабго ГӀизраилалъул ракьги сверун, ичӀго моцӀгун къого къоялдасан Иерусалималде тӀадруссана гьел. 9Иоавица гьеб халкъалъул хъвай-хъвагӀаялъул хӀасил пачаясухъе щвезабуна. ГӀизраилалда кинавниги микьнусазарго ярагъ борчулев бихьинчи ватана, щунусазарго бихьинчи Ягьудиялдаги ватана.
10Амма халкъ рикӀкӀун хадуб, Давудил кутакалда рекӀел рахӀат хвана. Цинги БЕТӀЕРГЬАНАСДЕ дугӀа гьабуна гьес: «Гьаб иш гьаби дир кӀудияб такъсир ккана. Вай дир БЕТӀЕРГЬАН! Гьарула Дуда, тӀаса лъугьа дидаса, Дур лагъасдаса! ГӀадалаб жо гьабуна дица».
11Нахъисеб къоялъ радал Давуд тӀаде вахъиналде Гад аварагасухъе БЕТӀЕРГЬАНАСУЛ калима рещтӀана: 12«Давудихъеги ун, гьесда абе: „Гьадин абулеб буго БЕТӀЕРГЬАНАС: ‘Гьале Дица дуда лъабго батӀияб тамихӀ бихьизабулеб буго. Гьезда гьоркьоса дуцаго тӀаса бище кинаб тамихӀ Дица дуе гьабилебали’, – ян“».
13Гад авараг Давудихъе вилълъана ва гьес абуна: «Анкьго соналъул ракъийищ биччалеб ракьалде? Ялъуни лъабго моцӀалъ тушбабаздаса лъутахъдилевищ вукӀинев? Ялъуни лъабго къоялъ къавуда унтийищ биччалеб дур ракьалде? Гьанже мунго балагье ва ургъе; дун духъе ВитӀарасухъе кинаб жаваб щвезабилеб дица?»
14Гьебмехалъ Давудица Гад аварагасда абуна: «Дие захӀмат бугеб куц! Амма биччанте дун БЕТӀЕРГЬАНАСУЛ кверзукьего ккезе, Гьесул рахӀму-цӀоб цӀикӀкӀараб бугелъул, амма инсанасул кверзукье кидаго ккогеги!» – ян.
15Цинги, гьеб рогьалил гӀужалдаса байбихьун, гьелъие цӀараб заман тӀубазегӀан, БЕТӀЕРГЬАНАС квешаб унти биччана ГӀизраилалда тӀаде, ва Даналдаса бахъараб Беэр-Шеваялде щвезегӀан гьоркьоблъиялда лъабкъоялда анцӀазарго чи хвана гьебмехалда. 16Малаикас Иерусалималъул халкъги гъуризе, гьелда тӀаде квер борхарабго, БЕТӀЕРГЬАНАСУЛ ракӀ гурхӀана; Гьес халкъ гъурулев Малаикасда абуна:
«Гьанже гӀела! Квер нахъе босе».
Гьеб лахӀзаталда БЕТӀЕРГЬАНАСУЛ Малаик вукӀана евусияв Аравнагьил гьоцӀиве щун. 17Халкъ гъурулев Малаик вихьидал, БЕТӀЕРГЬАНАСДЕ гьардана Давуд:
«Гьав дица гурищ мунагьги такъсирги гьабураб? Гьал чахъабаздагӀаги ккараб гӀайиб щиб? Дидеги дир хъизан-къаялдеги буссинабе Дур жаза!»
Давудица къурбаналъе бакӀ бай
18Гьеб къоялъ Гад авараг вачӀана Давудихъе ва гьес абуна: «Вахъа, Аравнагьил гьоцӀиб БЕТӀЕРГЬАНАСЕ къурбаналъе бакӀ бай», – ян.
19БЕТӀЕРГЬАНАС Гад аварагги гьоркьов ккун абураб гьабизе Давуд къватӀиве вахъана. 20Пачаги гьесул чагӀиги рачӀунел рихьидал, Аравнагь гьезда данде къватӀиве гӀедегӀана ва гӀодоб гьумер цун, пачаясе къулана.
21Аравнагьица цӀехана: «Щиб хӀажалъи ккун пача жиндирго лагъасухъе вачӀарав?» – ин.
Давудица абуна:
«Духъа лал тӀамулеб гьоцӀу босизе ва гьениб БЕТӀЕРГЬАНАСЕ къурбаналъе бакӀ базе вачӀун вуго, халкъалде бачӀун бугеб квешаб унти къотӀизе букӀине».
22Аравнагьица Давудида абуна: «Биччанте дир бетӀерчӀахъаяв пачаяс жиндиего бокьарабщинаб босизе ва гьеб къурбанлъун гьабизе. Гьале тӀубан бухӀулеб къурбаналъе бусбиги, цӀулае хӀалтӀизаризе лулбигун пуруцги. 23Дир пача, Аравнагьица гьеб кинабго пачаясе кьолеб буго!»
Аравнагьица тӀадеги жубана: «Дуца гьабулебщинаб дур БЕТӀЕРГЬАН Аллагьас къабул гьабеги!»
24Амма пачаяс Аравнагьида абуна: «Гуро, гьедин данде кколаро, дица гьеб кколеб багьаги кьун, бичун босизе буго. Дирго БЕТӀЕРГЬАН Аллагьасе чӀобого щвараб жоялдалъун дица къурбан гьабуларо».
Цинги Давудица кӀикъоялда анцӀго шекелалъухъ#24:24 50 шекел – гӀага-шагарго 600 гр. гӀарцул. ричун росана гьоцӀуги бусбиги. 25Гьениб Давудица БЕТӀЕРГЬАНАСЕ къурбаналъе бакӀ бана ва тӀуран рухӀулелги ракълилалги къурбанал тӀоритӀана гьелда тӀад#24:25 Хадубккун Давудил вас Сулейманица гьеб бакӀалда БетӀергьанасул Рукъ бана.. БЕТӀЕРГЬАНАС гьел къабул гьаруна ва ГӀизраилалда квешаб унти къотӀана.
Currently Selected:
2 Пачаби 24: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
2 Пачаби 24
24
Халкъалъул хъвай-хъвагӀай гьаби ва Давудие жаза
1Нахъеги БЕТӀЕРГЬАНАСУЛ ццин бахъана гӀизраилазда ва Гьес Давуд гьезие балагьалъе гьесизавуна: «ГӀизраилалъулги Ягьудиялъулги халкъ рикӀкӀе», – янги абун.
2АскӀов вукӀарав жиндирго аскаралъул бетӀер Иоавида пачаяс абуна:
«Шималияб рахъалда бугеб Даналдаса байбихьун къилбаялъул рахъалда бугеб Беэр-Шеваялде щвезегӀан ГӀизраилалъул щибаб агьлу-къед сверун халги гьабун, халкъалъул хъвай-хъвагӀай гьабе, дида гьезул къадар лъан букӀине».
3Амма Иоавица пачаясда абуна:
«Дур БЕТӀЕРГЬАН Аллагьас жеги гӀемерлъизабеги дур халкъ ва гьелъул къадар нусго нухалъ цӀикӀкӀун тӀаде жубайги, дир бетӀерчӀахъаяв пачаясул беразда гьеб бихьараб къоги бачӀаги. Амма щайха дир бетӀерчӀахъаяв пачаясул къасд ккараб гьединаб иш гьабизе?»
4Амма пача жиндирго рагӀудаса кьуричӀо, гьединлъидал Иоавги рагъул церехъабиги пачаясда аскӀоса къватӀире рахъана гӀизраилазул халкъалъул хъвай-хъвагӀай гьабизелъун. 5Иордан гӀорги бахун АрогӀералда чадрал чӀвана гьез, ва Гадил расалъиялда бугеб шагьаралъул къилбаялъул рахъалдасан байги бихьун, цинги Иазер шагьаралде рилълъана. 6Хадур гьел ана ГилгӀадалде ва хитиязул ракьалде, гьенисан Данил ракьалде, гьенисанги сверун Сидоналде. 7Гьениса гьел Тиралъул хъалаялде ана, хадур хивиязул ва ханааниязул тӀолалго шагьарал сверана, ахирги Ягьудиялъул къилбаялъул рахъалде, Беэр-Шеваялде щвана. 8ТӀолабго ГӀизраилалъул ракьги сверун, ичӀго моцӀгун къого къоялдасан Иерусалималде тӀадруссана гьел. 9Иоавица гьеб халкъалъул хъвай-хъвагӀаялъул хӀасил пачаясухъе щвезабуна. ГӀизраилалда кинавниги микьнусазарго ярагъ борчулев бихьинчи ватана, щунусазарго бихьинчи Ягьудиялдаги ватана.
10Амма халкъ рикӀкӀун хадуб, Давудил кутакалда рекӀел рахӀат хвана. Цинги БЕТӀЕРГЬАНАСДЕ дугӀа гьабуна гьес: «Гьаб иш гьаби дир кӀудияб такъсир ккана. Вай дир БЕТӀЕРГЬАН! Гьарула Дуда, тӀаса лъугьа дидаса, Дур лагъасдаса! ГӀадалаб жо гьабуна дица».
11Нахъисеб къоялъ радал Давуд тӀаде вахъиналде Гад аварагасухъе БЕТӀЕРГЬАНАСУЛ калима рещтӀана: 12«Давудихъеги ун, гьесда абе: „Гьадин абулеб буго БЕТӀЕРГЬАНАС: ‘Гьале Дица дуда лъабго батӀияб тамихӀ бихьизабулеб буго. Гьезда гьоркьоса дуцаго тӀаса бище кинаб тамихӀ Дица дуе гьабилебали’, – ян“».
13Гад авараг Давудихъе вилълъана ва гьес абуна: «Анкьго соналъул ракъийищ биччалеб ракьалде? Ялъуни лъабго моцӀалъ тушбабаздаса лъутахъдилевищ вукӀинев? Ялъуни лъабго къоялъ къавуда унтийищ биччалеб дур ракьалде? Гьанже мунго балагье ва ургъе; дун духъе ВитӀарасухъе кинаб жаваб щвезабилеб дица?»
14Гьебмехалъ Давудица Гад аварагасда абуна: «Дие захӀмат бугеб куц! Амма биччанте дун БЕТӀЕРГЬАНАСУЛ кверзукьего ккезе, Гьесул рахӀму-цӀоб цӀикӀкӀараб бугелъул, амма инсанасул кверзукье кидаго ккогеги!» – ян.
15Цинги, гьеб рогьалил гӀужалдаса байбихьун, гьелъие цӀараб заман тӀубазегӀан, БЕТӀЕРГЬАНАС квешаб унти биччана ГӀизраилалда тӀаде, ва Даналдаса бахъараб Беэр-Шеваялде щвезегӀан гьоркьоблъиялда лъабкъоялда анцӀазарго чи хвана гьебмехалда. 16Малаикас Иерусалималъул халкъги гъуризе, гьелда тӀаде квер борхарабго, БЕТӀЕРГЬАНАСУЛ ракӀ гурхӀана; Гьес халкъ гъурулев Малаикасда абуна:
«Гьанже гӀела! Квер нахъе босе».
Гьеб лахӀзаталда БЕТӀЕРГЬАНАСУЛ Малаик вукӀана евусияв Аравнагьил гьоцӀиве щун. 17Халкъ гъурулев Малаик вихьидал, БЕТӀЕРГЬАНАСДЕ гьардана Давуд:
«Гьав дица гурищ мунагьги такъсирги гьабураб? Гьал чахъабаздагӀаги ккараб гӀайиб щиб? Дидеги дир хъизан-къаялдеги буссинабе Дур жаза!»
Давудица къурбаналъе бакӀ бай
18Гьеб къоялъ Гад авараг вачӀана Давудихъе ва гьес абуна: «Вахъа, Аравнагьил гьоцӀиб БЕТӀЕРГЬАНАСЕ къурбаналъе бакӀ бай», – ян.
19БЕТӀЕРГЬАНАС Гад аварагги гьоркьов ккун абураб гьабизе Давуд къватӀиве вахъана. 20Пачаги гьесул чагӀиги рачӀунел рихьидал, Аравнагь гьезда данде къватӀиве гӀедегӀана ва гӀодоб гьумер цун, пачаясе къулана.
21Аравнагьица цӀехана: «Щиб хӀажалъи ккун пача жиндирго лагъасухъе вачӀарав?» – ин.
Давудица абуна:
«Духъа лал тӀамулеб гьоцӀу босизе ва гьениб БЕТӀЕРГЬАНАСЕ къурбаналъе бакӀ базе вачӀун вуго, халкъалде бачӀун бугеб квешаб унти къотӀизе букӀине».
22Аравнагьица Давудида абуна: «Биччанте дир бетӀерчӀахъаяв пачаяс жиндиего бокьарабщинаб босизе ва гьеб къурбанлъун гьабизе. Гьале тӀубан бухӀулеб къурбаналъе бусбиги, цӀулае хӀалтӀизаризе лулбигун пуруцги. 23Дир пача, Аравнагьица гьеб кинабго пачаясе кьолеб буго!»
Аравнагьица тӀадеги жубана: «Дуца гьабулебщинаб дур БЕТӀЕРГЬАН Аллагьас къабул гьабеги!»
24Амма пачаяс Аравнагьида абуна: «Гуро, гьедин данде кколаро, дица гьеб кколеб багьаги кьун, бичун босизе буго. Дирго БЕТӀЕРГЬАН Аллагьасе чӀобого щвараб жоялдалъун дица къурбан гьабуларо».
Цинги Давудица кӀикъоялда анцӀго шекелалъухъ#24:24 50 шекел – гӀага-шагарго 600 гр. гӀарцул. ричун росана гьоцӀуги бусбиги. 25Гьениб Давудица БЕТӀЕРГЬАНАСЕ къурбаналъе бакӀ бана ва тӀуран рухӀулелги ракълилалги къурбанал тӀоритӀана гьелда тӀад#24:25 Хадубккун Давудил вас Сулейманица гьеб бакӀалда БетӀергьанасул Рукъ бана.. БЕТӀЕРГЬАНАС гьел къабул гьаруна ва ГӀизраилалда квешаб унти къотӀана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023