2 Пачаби 23
23
Давудил ахирисеб вагӀза
1Гьале Давудил ахирисеб калима:
«Йишайил вас Давудица бицараб калима;
БетӀергьанас тӀадегӀан гьавурасул,
Якъубил Аллагьас тӀаса вищун зайтуналъул нах жинда бахарасул
Ва ГӀизраилалъул хӀасратав шагӀирасул калима:
2„БЕТӀЕРГЬАНАСУЛ РухӀ кӀалъалеб буго дилъ,
Гьесул калима буго дир мацӀалда.
3ГӀизраилалъул Аллагьас абуна,
ГӀизраилалъул борхатаб Кьуру кӀалъана дир рахъалъ:
‘Халкъалъе ритӀухъго нухмалъи гьабулев,
Аллагьасукьа хӀинкъун гьел нухда рачунев!
4Рогьалил хъахӀлъиялда,
бацӀцӀадаб зодоб радал баккун бачӀунеб бакъалда,
хер бижизабулеб рахӀматалда
ва гьелда хадуб чӀараб нуралда релълъуна гьев’.
5Гьайгьай гьедин баракат лъуна Аллагьас дир хъизан-къаялда,
Гьес диргун абадияб ва хисулареб къотӀи гьабун бугелъул.
Гьес сундулъгоги квербакъи гьабуна дие ва эркенлъи кьуна,
щибаб дир анищ-мурадги Гьес тӀубазабула.
6Амма тӀолалго хӀалихьатал-къадарал чагӀи заз-хъарахъалда релълъуна,
жиб хъвагӀан нахъе балеб ва тӀокӀалъ кодобе босулареб.
7Гьелда инсанас квер хъваларо,
маххул алат, ялъуни хеч хӀалтӀизабула гьеб бакӀаризе
ва бижараб бакӀалдаго тӀубан бухӀула“».
Давудил ЦӀар арал бахӀарзал
8Гьале Давудил бахӀарзазул цӀарал: тахкемонияв Ёшев-Башевет – гьев вукӀана лъабгоязул бетӀер. Гьев цохӀо хочодалъун микьнусго чиясда данде вагъана, ва гьел киналго гьес цо рагъул свериялъулъ чӀвана.
9Лъабгоязда гьоркьов гьесда хадусев вукӀана Додол вас Элеазар. Додол инсуда цӀар Ахохи букӀана. ГӀизраилазул аскариял пилистимазукьа нахъе къан чӀун рукӀаго, рагъизе къачӀарал пилистимал гӀад-хочӀ гьарун рагъа-рачаризарулев вукӀана гьев Давудгун цадахъ. 10Гьев пилистимазда данде вахъана ва лебалго вагъана. Ахиралда гӀемер свакаялъ гьесул квер жиндирго хочол гӀоркьалда рекӀун хутӀун букӀана. Гьеб къоялъ БЕТӀЕРГЬАНАС кӀудияб бергьенлъи кьуна гьесие. Аскариял абуни, гьеб рагъ лъугӀун хадуб гурони Элеазарихъе руссинчӀо, гьебги гӀицӀго чӀвараздаса давла бакӀаризелъун.
11Хадусев вукӀана харарияв Агил вас Шамма. Лехиялда, гъолден бекьараб авлахъ бугеб бакӀалда пилистимал данде ракӀаридал, гьезухъа лъутана ГӀизраилалъул рагъухъаби. 12Амма Шамма гьеб авлахъалъул бакьулъ вахъун чӀана, гьебги цӀунун пилистимал гъурун рана, ва БЕТӀЕРГЬАНАС гьесие кӀудияб бергьенлъи кьуна.
13Пилистимал Рефаим расалъиялда къайи чӀван рукӀадго, лъеберго цевехъанасда гьоркьоса лъабгояв вачӀана Давудихъе Адуллам абулеб нохъоде. 14Гьеб заманалда Давуд цо щулалъиялда вукӀана, пилистимазул аскар Бет-Лехемалда букӀана. 15Давуд цӀакъ къечана, ва гьес абуна:
«Бет-Лехемалъул кавабахъ бугеб гъуялъуса лъим босун вачӀунев чи вукӀараванищха цо!» – ян.
16Гьебмехалъ дов лъабавго бахӀарчи гьениса вахъун ана, ва, пилистимазул къайи чӀвараб бакӀ къотӀун доб рахъалдехунги рорчӀун, гьез Бет-Лехемалъул кавабахъ бугеб гъуялъуса лъим босун бачӀана Давудие. Амма Давудица гьеб гьекъезе инкар гьабуна, ва БЕТӀЕРГЬАНАСЕ сайгъатлъун гьабун, гьеб гӀодобе тӀуна.
17Давудица абуна: «БЕТӀЕРГЬАНАС цӀунаги гьединаб жо гьабиялдаса! Гьадин жиндирго гӀумру бичарал бахӀарзазул би гьекъолев чийищ дун?!» – ин. Гьеб лъим гьес гьекъечӀо.
Дов лъабго багьадурас гьабуна гьеб бахӀарчилъи.
18Иоавил вац Авишай вукӀана лъебергоязул бетӀерлъун. Гьев цохӀо хечгун лъабнусго чиясда данде вагъана ва гьел киналго чӀвана; лъебергоясда гьоркьоб цӀар машгьурлъана гьесулги. 19Лъебергоясда гьоркьов бищун цӀар рагӀарав вукӀана гьев, ва гьезул бетӀерлъунги вахъана, амма кин букӀаниги дол лъабгоязда ващалъичӀо.
20ЕгьоядагӀил вас Бенаягь вукӀана Кавцеилалдаса гучав бахӀарчи. Гьесги гӀемерал гьунарал гьаруна. Гьес могӀавиязул гъалбацӀгӀан гучав кӀиго рагъухъан чӀвана ва, цо гӀазу балеб къоялъ, цӀадал лъим бакӀарулеб кӀудияб гвандинибе ккараб гъалбацӀги чӀвана. 21Гьединго цо залимав мисриявги чӀвана гьес. Гьев мисриясул хъатикь хеч букӀана, Бенаягьихъ тӀил гурони букӀинчӀо. Мисриясухъа кодоса гьеб хечги бахъун, гьесул жиндирго хечалъ чӀвана гьес гьев. 22Гьеле ЕгьоядагӀил вас Бенаягьил гьунарал. Дол лъабгоязул гӀадин цӀар рагӀана гьесулги. 23Лъебергоясда гьоркьов гьев бищун къадру борхатав вукӀана, амма лъабгоясда гьоркьове лъугьинчӀо. Давудица гьев жиндирго рорчӀухъабазул бетӀерлъун тана.
24Лъебергоясда гьоркьор рукӀана:
Иоавил вац Асаил,
Бет-Лехемалдаса Додол вас Элханан,
25Хародалдаса Шамма,
Хародалдаса Элика,
26Палтияв Хелец,
Икешил вас Текоаялдаса Ира,
27Анатоталдаса Авиезер,
хушатияв Мебунай,
28ахохияв Цалмон,
Нетофалдаса Махарай,
29Баанагьил вас Нетофалдаса Хелев,
Буняминил ракьалда бугеб Гивеаялдаса Ривайил вас Иттай,
30Пиратоналдаса Бенаягь,
Гаашалъул расалъиялдаса Иддай,
31аравияв Ави-Албон,
бархумияв Азмавет,
32Шаалбоналдаса Элияхба,
Яшенил васал,
Ионатан,
33харариязул чи Шамма,
Хараралдаса Шарарил вас АхӀиам,
34магӀахияв Ахасбайил вас Элипелет,
Гилоялдаса Ахитофелил вас Элиам,
35Кармилалдаса Хецрай,
арбияв Паарай,
36Цовагьалдаса Натанил вас Игал,
Гадил къавмалъул чи Бани,
37аммонияв Целек,
Беэроталдаса Нахарай – Церуягьил вас Иоавил ярагъ баччулев чи,
38итрияв Ира,
итрияв Гарев
39ва хитияв Уриягь.
Кинавниги лъебералда анкьго чи вукӀана#23:39 Гьезул къадар кидаго лъеберго чӀезабулаан. Амма, цо чи чӀвани, гьесул бакӀалда цогидав лъолев вукӀун ватизе рес буго, гьединлъидал батила гьезул къадаралъул хӀасил 37 ккараб. .
Currently Selected:
2 Пачаби 23: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
2 Пачаби 23
23
Давудил ахирисеб вагӀза
1Гьале Давудил ахирисеб калима:
«Йишайил вас Давудица бицараб калима;
БетӀергьанас тӀадегӀан гьавурасул,
Якъубил Аллагьас тӀаса вищун зайтуналъул нах жинда бахарасул
Ва ГӀизраилалъул хӀасратав шагӀирасул калима:
2„БЕТӀЕРГЬАНАСУЛ РухӀ кӀалъалеб буго дилъ,
Гьесул калима буго дир мацӀалда.
3ГӀизраилалъул Аллагьас абуна,
ГӀизраилалъул борхатаб Кьуру кӀалъана дир рахъалъ:
‘Халкъалъе ритӀухъго нухмалъи гьабулев,
Аллагьасукьа хӀинкъун гьел нухда рачунев!
4Рогьалил хъахӀлъиялда,
бацӀцӀадаб зодоб радал баккун бачӀунеб бакъалда,
хер бижизабулеб рахӀматалда
ва гьелда хадуб чӀараб нуралда релълъуна гьев’.
5Гьайгьай гьедин баракат лъуна Аллагьас дир хъизан-къаялда,
Гьес диргун абадияб ва хисулареб къотӀи гьабун бугелъул.
Гьес сундулъгоги квербакъи гьабуна дие ва эркенлъи кьуна,
щибаб дир анищ-мурадги Гьес тӀубазабула.
6Амма тӀолалго хӀалихьатал-къадарал чагӀи заз-хъарахъалда релълъуна,
жиб хъвагӀан нахъе балеб ва тӀокӀалъ кодобе босулареб.
7Гьелда инсанас квер хъваларо,
маххул алат, ялъуни хеч хӀалтӀизабула гьеб бакӀаризе
ва бижараб бакӀалдаго тӀубан бухӀула“».
Давудил ЦӀар арал бахӀарзал
8Гьале Давудил бахӀарзазул цӀарал: тахкемонияв Ёшев-Башевет – гьев вукӀана лъабгоязул бетӀер. Гьев цохӀо хочодалъун микьнусго чиясда данде вагъана, ва гьел киналго гьес цо рагъул свериялъулъ чӀвана.
9Лъабгоязда гьоркьов гьесда хадусев вукӀана Додол вас Элеазар. Додол инсуда цӀар Ахохи букӀана. ГӀизраилазул аскариял пилистимазукьа нахъе къан чӀун рукӀаго, рагъизе къачӀарал пилистимал гӀад-хочӀ гьарун рагъа-рачаризарулев вукӀана гьев Давудгун цадахъ. 10Гьев пилистимазда данде вахъана ва лебалго вагъана. Ахиралда гӀемер свакаялъ гьесул квер жиндирго хочол гӀоркьалда рекӀун хутӀун букӀана. Гьеб къоялъ БЕТӀЕРГЬАНАС кӀудияб бергьенлъи кьуна гьесие. Аскариял абуни, гьеб рагъ лъугӀун хадуб гурони Элеазарихъе руссинчӀо, гьебги гӀицӀго чӀвараздаса давла бакӀаризелъун.
11Хадусев вукӀана харарияв Агил вас Шамма. Лехиялда, гъолден бекьараб авлахъ бугеб бакӀалда пилистимал данде ракӀаридал, гьезухъа лъутана ГӀизраилалъул рагъухъаби. 12Амма Шамма гьеб авлахъалъул бакьулъ вахъун чӀана, гьебги цӀунун пилистимал гъурун рана, ва БЕТӀЕРГЬАНАС гьесие кӀудияб бергьенлъи кьуна.
13Пилистимал Рефаим расалъиялда къайи чӀван рукӀадго, лъеберго цевехъанасда гьоркьоса лъабгояв вачӀана Давудихъе Адуллам абулеб нохъоде. 14Гьеб заманалда Давуд цо щулалъиялда вукӀана, пилистимазул аскар Бет-Лехемалда букӀана. 15Давуд цӀакъ къечана, ва гьес абуна:
«Бет-Лехемалъул кавабахъ бугеб гъуялъуса лъим босун вачӀунев чи вукӀараванищха цо!» – ян.
16Гьебмехалъ дов лъабавго бахӀарчи гьениса вахъун ана, ва, пилистимазул къайи чӀвараб бакӀ къотӀун доб рахъалдехунги рорчӀун, гьез Бет-Лехемалъул кавабахъ бугеб гъуялъуса лъим босун бачӀана Давудие. Амма Давудица гьеб гьекъезе инкар гьабуна, ва БЕТӀЕРГЬАНАСЕ сайгъатлъун гьабун, гьеб гӀодобе тӀуна.
17Давудица абуна: «БЕТӀЕРГЬАНАС цӀунаги гьединаб жо гьабиялдаса! Гьадин жиндирго гӀумру бичарал бахӀарзазул би гьекъолев чийищ дун?!» – ин. Гьеб лъим гьес гьекъечӀо.
Дов лъабго багьадурас гьабуна гьеб бахӀарчилъи.
18Иоавил вац Авишай вукӀана лъебергоязул бетӀерлъун. Гьев цохӀо хечгун лъабнусго чиясда данде вагъана ва гьел киналго чӀвана; лъебергоясда гьоркьоб цӀар машгьурлъана гьесулги. 19Лъебергоясда гьоркьов бищун цӀар рагӀарав вукӀана гьев, ва гьезул бетӀерлъунги вахъана, амма кин букӀаниги дол лъабгоязда ващалъичӀо.
20ЕгьоядагӀил вас Бенаягь вукӀана Кавцеилалдаса гучав бахӀарчи. Гьесги гӀемерал гьунарал гьаруна. Гьес могӀавиязул гъалбацӀгӀан гучав кӀиго рагъухъан чӀвана ва, цо гӀазу балеб къоялъ, цӀадал лъим бакӀарулеб кӀудияб гвандинибе ккараб гъалбацӀги чӀвана. 21Гьединго цо залимав мисриявги чӀвана гьес. Гьев мисриясул хъатикь хеч букӀана, Бенаягьихъ тӀил гурони букӀинчӀо. Мисриясухъа кодоса гьеб хечги бахъун, гьесул жиндирго хечалъ чӀвана гьес гьев. 22Гьеле ЕгьоядагӀил вас Бенаягьил гьунарал. Дол лъабгоязул гӀадин цӀар рагӀана гьесулги. 23Лъебергоясда гьоркьов гьев бищун къадру борхатав вукӀана, амма лъабгоясда гьоркьове лъугьинчӀо. Давудица гьев жиндирго рорчӀухъабазул бетӀерлъун тана.
24Лъебергоясда гьоркьор рукӀана:
Иоавил вац Асаил,
Бет-Лехемалдаса Додол вас Элханан,
25Хародалдаса Шамма,
Хародалдаса Элика,
26Палтияв Хелец,
Икешил вас Текоаялдаса Ира,
27Анатоталдаса Авиезер,
хушатияв Мебунай,
28ахохияв Цалмон,
Нетофалдаса Махарай,
29Баанагьил вас Нетофалдаса Хелев,
Буняминил ракьалда бугеб Гивеаялдаса Ривайил вас Иттай,
30Пиратоналдаса Бенаягь,
Гаашалъул расалъиялдаса Иддай,
31аравияв Ави-Албон,
бархумияв Азмавет,
32Шаалбоналдаса Элияхба,
Яшенил васал,
Ионатан,
33харариязул чи Шамма,
Хараралдаса Шарарил вас АхӀиам,
34магӀахияв Ахасбайил вас Элипелет,
Гилоялдаса Ахитофелил вас Элиам,
35Кармилалдаса Хецрай,
арбияв Паарай,
36Цовагьалдаса Натанил вас Игал,
Гадил къавмалъул чи Бани,
37аммонияв Целек,
Беэроталдаса Нахарай – Церуягьил вас Иоавил ярагъ баччулев чи,
38итрияв Ира,
итрияв Гарев
39ва хитияв Уриягь.
Кинавниги лъебералда анкьго чи вукӀана#23:39 Гьезул къадар кидаго лъеберго чӀезабулаан. Амма, цо чи чӀвани, гьесул бакӀалда цогидав лъолев вукӀун ватизе рес буго, гьединлъидал батила гьезул къадаралъул хӀасил 37 ккараб. .
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023