4 Пачаби 4
4
ЭлишагӀ авараг ва мискинай къоролай
1Цо гӀадан – аварагзабазул лъудбузул цояй – малъ къосун ЭлишагӀ аварагасда кӀалъана: «Дир рос хвана. Дуда лъала гьев дуе хъулухъалъе чӀарав ва БЕТӀЕРГЬАНАСЕ мукӀурав чи вукӀаравлъи. Гьанже гьес къарзалъе жиндихъа гӀарац босун букӀарав чи вачӀун вуго лагъзаллъун гьарун дир кӀиявго вас вачине».
2ЭлишагӀ аварагас абуна: «Кин гьанже дица дуе кумек гьабилеб? Бице дида, щибгӀаги багьаяб жо бугищ дур рокъоб?» «Зайтуналъул нахул цо гьитӀинаб хъаба хутӀун тӀокӀаб щибго гьечӀо дур лагъалъул», – ин абуна гьелъ.
3ЭлишагӀ аварагас абуна: «Инеги ун, дурго мадугьалзабазухъа кьезарун кӀваралгӀан гӀемерал чӀорогоял хъабаби ракӀаре. 4Цинги рокъое жание йилълъун дудаго ва дурго васазда хадуб каву рахай; доб нах гьел хъабазда жанибе тӀе ва цӀура-цӀураб нахъе лъе».
5Жиндирго васалгун цадахъ рокъое жаниеги йилълъун гьелъ каву жаниса рахана. Гьелъул васаз гьелда цере лъолел рукӀана хъабаби, ва гьелъ гьезда жанибе нах тӀолеб букӀана. 6Киналго хъабаби цӀуна; гьелъ цоги кье гьанибейин абуна жиндирго васасда. Амма, тӀокӀаб хъаба хутӀичӀин жаваб кьуна гьес.
Цинги нахул чвахи къотӀана. 7Гьелъ йилълъун дов Аллагьасул аварагасда бицана кинабго ва гьес абуна: «Мун а гьанже нах бичизе, цинги налъи бецӀе, – хутӀарабщинаб дуеги дурго васазеги яшавалъе хӀалтӀизабе».
ЭлишагӀ авараг ва бечедай шунамитияй
8Цо къоялъ ЭлишагӀ авараг вилълъана Шунемалде. Гьений йикӀана цо бечедай гӀадан ва гьелъ гьев квана-гьекъезе гьоболлъухъ ахӀана. Жиб-жиб нухалъ гьеб бакӀ къотӀун унаго, кваназе гьениб чӀел гьабулаан гьес. 9Гьелъ жиндирго росасда абуна:
«Дида лъала дов нилъехъе гӀемер вачӀунев чи Аллагьасул авараг вукӀин. 10РачӀа нилъеца тӀохда цо гьитӀинаб рукъ базе, гьениб досие бусенги гьабизе ва столги, бакӀги, чирахъги лъезе. Цинги нилъехъе гьоболлъухъ вачӀанщинахъе дов гьенив чӀезе бегьула».
11Цо къоялъ ЭлишагӀ авараг гьоболлъухъ вачӀана гьениве ва хӀалхьи гьабизе тӀаде рокъове вахана. 12Цинги гьес жиндирго лагъ Гехазида абуна: «Гъой шунемияй ахӀе дихъе». Гьес ахӀун гьей гьесда цее ячӀана.
13ЭлишагӀица гьесда абуна: «Гьелда абе: „Дуца гьадин нижер тӀалаб-агъаз гьабуна. Дуе щибниги къваригӀараб дида гьабизе кӀолеб жо бугищ? Бокьани пачаясда, ялъуни аскаразул бетӀерасда цеве дур хӀакъалъулъ кӀалъала дун“, – ин». Гьелъ жаваб кьуна: «Дие щибго къварилъи гьечӀо, дун дирго гӀагарлъиялда гьоркьой йигей гӀаданлъидал».
14«Щибдайха гъолъие гьабун лъикӀ?» – ин цӀехана ЭлишагӀ аварагас. Гехазица абуна: «Гъолъие камураб цохӀо жо буго. Вас гьечӀо гъолъул, росги херлъун вуго», – ян.
15Нахъеги ЭлишагӀица абуна: «АхӀе гъой дихъе». Гьес ахӀун ячӀун гьей нуцӀидухъ эхетана.
16«ТӀадиялъул гӀага-шагарго гьаб гӀужалда, – ян абуна ЭлишагӀица, – дуда кодоб дурго лъимер – вас вукӀине вуго».
«Вай гуро, дир бетӀергьан! – ин кӀалъана гьей. – БукӀунареб жо бицунге дида, Аллагьасул авараг!» 17Амма гьей гӀаданалъул ургьибе лъимер лъугьана, ва ЭлишагӀица абухъе, тӀадияб соналъ, гӀага-шагарго гьебго гӀужалъ гьелъие вас гьавуна.
Шунемиялъул вас хваралъуса вахъинави
18Гьеб лъимер кӀудияб гӀуна. Цо къоялъ лъилъарухъабазда аскӀов вугев инсухъе вачӀана гьев. 19«Вай дир бетӀер! Вай дир бетӀер!» – ин зигардана вас инсуде.
Инсуца эбелалъухъе щвезаве гьевилан абуна жиндирго цеветеласда. 20Цеветелас гьев кодов ккун эбелалъухъе щвезавуна. Цинги къалъул гӀуж щварабго эбелалда кодоб хвана гьеб лъимер. 21ТӀадрокъоеги яхъун гьелъ гьеб лъимер ЭлишагӀ аварагасул бусада лъуна, ва нуцӀаги рахан къватӀие яхъана. 22Хадуб гьелъ росасде ахӀана ва гьесда абуна:
«Гьарула дие дур церетелазул цо чиги цо хӀамаги битӀеян, дун хехго дов ЭлишагӀ аварагасухъе ун ячӀине», – ян. 23«Жакъа щай мун досухъе уней? Я цӀияб моцӀ баккиялъул байрам гуро, я шамат къо гуро жакъа?». «Щибго ургъел ккезе жо гьечӀо», – ян жаваб гьабуна гьелъ.
24Гьелъ цеветеласда абуна: «Вилълъа, баче хӀама. Дица абичӀого кивниги лъалхъуге».
25Гьедин нухде яхъана гьей ва Кармил магӀарде Аллагьасул аварагасухъе щвана. РикӀкӀадасаго гьей йихьун, ЭлишагӀица жиндирго лагъ Гехазида абуна: «Балагье! Дой шунемияй йиго! 26Векерун долда данде а ва долда цӀехе: „Мун кин йигей? Дур рос унта-щокълъичӀого вугищ? Лъимер сах-саламат бугищ?“» – ин. «Киналго сах-саламат руго», – ян жаваб кьуна гьелъ.
27Амма Кармил магӀарде, ЭлишагӀ аварагасда аскӀое щварайго, гьей гьесул бохдузда хурхана. Гехази аскӀове вачӀана гьей нахъе тункизе, амма Аллагьасул аварагас абуна: «Жийго те гьей! БЕТӀЕРГЬАНАС дидаса бахчараб ва дие загьир гьабичӀеб цо кӀудияб къварилъи буго гьелъул».
28«Я дир бетӀергьан, дица дуда диего вас гьарун вукӀанищ? – ин абуна гьелъ. – Дица гурищ дуда абун букӀараб дир рекӀелъ хьул лъогеян?»
29ЭлишагӀица Гехазида абуна: «Хехго нухде вахъа, дир гӀансаги босун, векерун а. Нухда щивниги дандчӀвани, гьесие саламги кьоге, гьес дуе салам кьуни, жавабги гьабуге. Дир гӀанса лъе васасул гьурмада тӀад». 30Амма лъимадул эбелалъ абуна: «ХӀакъав БЕТӀЕРГЬАНАСУЛ цӀаралхӀа ва дур гӀумруялхӀа, мун цадахъ вилълъинчӀого гали бахъиларо гьаниса». Цинги гьев вахъун гьелда цадахъ ана.
31Гехази цеве-цеве ана ва гьес гӀанса лъуна лъимадул гьурмада тӀад, амма данде цо хӀухь бахъичӀо. Гехази нахъвуссун ЭлишагӀида данде вачӀана ва гьес абуна: «Вас ворчӀулев гьечӀо», – ян.
32ЭлишагӀ авараг рокъове щваравго, васасул жаназа гьесул бусада лъун батана. 33Гьев рокъове жаниве вилълъана ва жиндаго хадуб нуцӀаги рахан, БЕТӀЕРГЬАНАСДЕ дугӀа гьабуна. 34Хадув гьев бусада тӀадеги вахун, васасул къаркъалаялда тӀад вегана – кӀал кӀалалда, берал беразда, кверал кверазда цузаруна. Гьедин гьев тӀад вегидал васасул черх хинлъун бачӀана. 35Цинги ЭлишагӀ тӀаде вахъана, рокъов жанив цеве-нахъе хьвадана, ва нахъеги бусаде вахун, гьесда тӀад вегана. Гьебмехалъ лъимер анкьцӀул чинхъана ва гьес берал рагьана.
36Гьес Гехази ахӀана, ва гьесда абуна: «Шунемияй ахӀе дихъе», – ян. Гьес гьей ахӀана. Гьей ячӀарайго, ЭлишагӀица абуна: «Ма, ваче дурго вас». 37Жаниеги ячӀун, гьесул хӀатӀазда цее накабазде ккун, гӀодоб гьумер цун къулана гьей гьесие. Хадуб васги вачун гьениса къватӀие йилълъана.
Загьруяб квен
38Цинги ЭлишагӀ авараг Гилгалалде тӀадвуссана. Гьениб сверухълъиялдаго ракъи букӀана гьеб заманалда. Цо нухалъ гӀолохъанал аварагзаби рукӀана гьесухъ гӀенеккизе рачӀун. Гьес абуна жиндирго лагъасда: «КӀудияб хьаг лъе цӀеда ва гьал чагӀазе кваназе жо гьабе», – ян.
39Гьезул цояв вилълъана авлахъалде пер-хер балагьизе ва гьесда гьенир гӀалхул охцеразда релълъарал жал ратана. Гьелъул лъорги цӀезабун тӀадвуссана гьев ва буссун хьагинибе жанибе бана гьеб, амма лъиданиги гьеб щиб жояли лъалеб букӀинчӀо. 40Кваназе жо бахъана, амма гьеб кӀалдибе босун бахъиналде гьел чӀчӀичӀчӀидана:
«Авараг, хьагиниб жаниб загьру буго!» – ян. Гьезда гьеб кваназе кӀвечӀо. 41ЭлишагӀ аварагас ханжу босе жиндихъеян абуна. Гьес гьеб хьагинибе бана, цинги квен бахъе, гьеб кваназе бегьулин абуна. Хьагиниб тӀокӀаб щибго заралалъе жо хутӀичӀо.
ЭлишагӀ аварагас нусго чи кваназави
42БагӀал-Шалишаялдаса цо чи вачӀана Аллагьасул аварагасе тӀоцебесеб тӀорщалил нигӀматги босун. Къого пурчӀинадул мучариги цӀияб ролъги бачӀана гьес.
«ГӀадамазе кье, гьез кваназе те гьеб», – ин абуна ЭлишагӀ аварагас. 43«Гьаб жоялъ нусго чи кин дица кваназавилев?» – ин цӀехана гьесул лагъас.
Амма ЭлишагӀица абуна: «ГӀадамазе кье, гьез кваназе те гьеб. Гьадин абулеб бугелъул БЕТӀЕРГЬАНАС: „Гьел гӀорцӀила ва жеги тӀокӀги хутӀила“». 44Цинги гьес гьеб киназдаго цебе лъуна, – гьез гӀорцӀизегӀан кванана ва, БЕТӀЕРГЬАНАСУЛ рагӀуда рекъон, тӀокӀги хутӀана.
Currently Selected:
4 Пачаби 4: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 4
4
ЭлишагӀ авараг ва мискинай къоролай
1Цо гӀадан – аварагзабазул лъудбузул цояй – малъ къосун ЭлишагӀ аварагасда кӀалъана: «Дир рос хвана. Дуда лъала гьев дуе хъулухъалъе чӀарав ва БЕТӀЕРГЬАНАСЕ мукӀурав чи вукӀаравлъи. Гьанже гьес къарзалъе жиндихъа гӀарац босун букӀарав чи вачӀун вуго лагъзаллъун гьарун дир кӀиявго вас вачине».
2ЭлишагӀ аварагас абуна: «Кин гьанже дица дуе кумек гьабилеб? Бице дида, щибгӀаги багьаяб жо бугищ дур рокъоб?» «Зайтуналъул нахул цо гьитӀинаб хъаба хутӀун тӀокӀаб щибго гьечӀо дур лагъалъул», – ин абуна гьелъ.
3ЭлишагӀ аварагас абуна: «Инеги ун, дурго мадугьалзабазухъа кьезарун кӀваралгӀан гӀемерал чӀорогоял хъабаби ракӀаре. 4Цинги рокъое жание йилълъун дудаго ва дурго васазда хадуб каву рахай; доб нах гьел хъабазда жанибе тӀе ва цӀура-цӀураб нахъе лъе».
5Жиндирго васалгун цадахъ рокъое жаниеги йилълъун гьелъ каву жаниса рахана. Гьелъул васаз гьелда цере лъолел рукӀана хъабаби, ва гьелъ гьезда жанибе нах тӀолеб букӀана. 6Киналго хъабаби цӀуна; гьелъ цоги кье гьанибейин абуна жиндирго васасда. Амма, тӀокӀаб хъаба хутӀичӀин жаваб кьуна гьес.
Цинги нахул чвахи къотӀана. 7Гьелъ йилълъун дов Аллагьасул аварагасда бицана кинабго ва гьес абуна: «Мун а гьанже нах бичизе, цинги налъи бецӀе, – хутӀарабщинаб дуеги дурго васазеги яшавалъе хӀалтӀизабе».
ЭлишагӀ авараг ва бечедай шунамитияй
8Цо къоялъ ЭлишагӀ авараг вилълъана Шунемалде. Гьений йикӀана цо бечедай гӀадан ва гьелъ гьев квана-гьекъезе гьоболлъухъ ахӀана. Жиб-жиб нухалъ гьеб бакӀ къотӀун унаго, кваназе гьениб чӀел гьабулаан гьес. 9Гьелъ жиндирго росасда абуна:
«Дида лъала дов нилъехъе гӀемер вачӀунев чи Аллагьасул авараг вукӀин. 10РачӀа нилъеца тӀохда цо гьитӀинаб рукъ базе, гьениб досие бусенги гьабизе ва столги, бакӀги, чирахъги лъезе. Цинги нилъехъе гьоболлъухъ вачӀанщинахъе дов гьенив чӀезе бегьула».
11Цо къоялъ ЭлишагӀ авараг гьоболлъухъ вачӀана гьениве ва хӀалхьи гьабизе тӀаде рокъове вахана. 12Цинги гьес жиндирго лагъ Гехазида абуна: «Гъой шунемияй ахӀе дихъе». Гьес ахӀун гьей гьесда цее ячӀана.
13ЭлишагӀица гьесда абуна: «Гьелда абе: „Дуца гьадин нижер тӀалаб-агъаз гьабуна. Дуе щибниги къваригӀараб дида гьабизе кӀолеб жо бугищ? Бокьани пачаясда, ялъуни аскаразул бетӀерасда цеве дур хӀакъалъулъ кӀалъала дун“, – ин». Гьелъ жаваб кьуна: «Дие щибго къварилъи гьечӀо, дун дирго гӀагарлъиялда гьоркьой йигей гӀаданлъидал».
14«Щибдайха гъолъие гьабун лъикӀ?» – ин цӀехана ЭлишагӀ аварагас. Гехазица абуна: «Гъолъие камураб цохӀо жо буго. Вас гьечӀо гъолъул, росги херлъун вуго», – ян.
15Нахъеги ЭлишагӀица абуна: «АхӀе гъой дихъе». Гьес ахӀун ячӀун гьей нуцӀидухъ эхетана.
16«ТӀадиялъул гӀага-шагарго гьаб гӀужалда, – ян абуна ЭлишагӀица, – дуда кодоб дурго лъимер – вас вукӀине вуго».
«Вай гуро, дир бетӀергьан! – ин кӀалъана гьей. – БукӀунареб жо бицунге дида, Аллагьасул авараг!» 17Амма гьей гӀаданалъул ургьибе лъимер лъугьана, ва ЭлишагӀица абухъе, тӀадияб соналъ, гӀага-шагарго гьебго гӀужалъ гьелъие вас гьавуна.
Шунемиялъул вас хваралъуса вахъинави
18Гьеб лъимер кӀудияб гӀуна. Цо къоялъ лъилъарухъабазда аскӀов вугев инсухъе вачӀана гьев. 19«Вай дир бетӀер! Вай дир бетӀер!» – ин зигардана вас инсуде.
Инсуца эбелалъухъе щвезаве гьевилан абуна жиндирго цеветеласда. 20Цеветелас гьев кодов ккун эбелалъухъе щвезавуна. Цинги къалъул гӀуж щварабго эбелалда кодоб хвана гьеб лъимер. 21ТӀадрокъоеги яхъун гьелъ гьеб лъимер ЭлишагӀ аварагасул бусада лъуна, ва нуцӀаги рахан къватӀие яхъана. 22Хадуб гьелъ росасде ахӀана ва гьесда абуна:
«Гьарула дие дур церетелазул цо чиги цо хӀамаги битӀеян, дун хехго дов ЭлишагӀ аварагасухъе ун ячӀине», – ян. 23«Жакъа щай мун досухъе уней? Я цӀияб моцӀ баккиялъул байрам гуро, я шамат къо гуро жакъа?». «Щибго ургъел ккезе жо гьечӀо», – ян жаваб гьабуна гьелъ.
24Гьелъ цеветеласда абуна: «Вилълъа, баче хӀама. Дица абичӀого кивниги лъалхъуге».
25Гьедин нухде яхъана гьей ва Кармил магӀарде Аллагьасул аварагасухъе щвана. РикӀкӀадасаго гьей йихьун, ЭлишагӀица жиндирго лагъ Гехазида абуна: «Балагье! Дой шунемияй йиго! 26Векерун долда данде а ва долда цӀехе: „Мун кин йигей? Дур рос унта-щокълъичӀого вугищ? Лъимер сах-саламат бугищ?“» – ин. «Киналго сах-саламат руго», – ян жаваб кьуна гьелъ.
27Амма Кармил магӀарде, ЭлишагӀ аварагасда аскӀое щварайго, гьей гьесул бохдузда хурхана. Гехази аскӀове вачӀана гьей нахъе тункизе, амма Аллагьасул аварагас абуна: «Жийго те гьей! БЕТӀЕРГЬАНАС дидаса бахчараб ва дие загьир гьабичӀеб цо кӀудияб къварилъи буго гьелъул».
28«Я дир бетӀергьан, дица дуда диего вас гьарун вукӀанищ? – ин абуна гьелъ. – Дица гурищ дуда абун букӀараб дир рекӀелъ хьул лъогеян?»
29ЭлишагӀица Гехазида абуна: «Хехго нухде вахъа, дир гӀансаги босун, векерун а. Нухда щивниги дандчӀвани, гьесие саламги кьоге, гьес дуе салам кьуни, жавабги гьабуге. Дир гӀанса лъе васасул гьурмада тӀад». 30Амма лъимадул эбелалъ абуна: «ХӀакъав БЕТӀЕРГЬАНАСУЛ цӀаралхӀа ва дур гӀумруялхӀа, мун цадахъ вилълъинчӀого гали бахъиларо гьаниса». Цинги гьев вахъун гьелда цадахъ ана.
31Гехази цеве-цеве ана ва гьес гӀанса лъуна лъимадул гьурмада тӀад, амма данде цо хӀухь бахъичӀо. Гехази нахъвуссун ЭлишагӀида данде вачӀана ва гьес абуна: «Вас ворчӀулев гьечӀо», – ян.
32ЭлишагӀ авараг рокъове щваравго, васасул жаназа гьесул бусада лъун батана. 33Гьев рокъове жаниве вилълъана ва жиндаго хадуб нуцӀаги рахан, БЕТӀЕРГЬАНАСДЕ дугӀа гьабуна. 34Хадув гьев бусада тӀадеги вахун, васасул къаркъалаялда тӀад вегана – кӀал кӀалалда, берал беразда, кверал кверазда цузаруна. Гьедин гьев тӀад вегидал васасул черх хинлъун бачӀана. 35Цинги ЭлишагӀ тӀаде вахъана, рокъов жанив цеве-нахъе хьвадана, ва нахъеги бусаде вахун, гьесда тӀад вегана. Гьебмехалъ лъимер анкьцӀул чинхъана ва гьес берал рагьана.
36Гьес Гехази ахӀана, ва гьесда абуна: «Шунемияй ахӀе дихъе», – ян. Гьес гьей ахӀана. Гьей ячӀарайго, ЭлишагӀица абуна: «Ма, ваче дурго вас». 37Жаниеги ячӀун, гьесул хӀатӀазда цее накабазде ккун, гӀодоб гьумер цун къулана гьей гьесие. Хадуб васги вачун гьениса къватӀие йилълъана.
Загьруяб квен
38Цинги ЭлишагӀ авараг Гилгалалде тӀадвуссана. Гьениб сверухълъиялдаго ракъи букӀана гьеб заманалда. Цо нухалъ гӀолохъанал аварагзаби рукӀана гьесухъ гӀенеккизе рачӀун. Гьес абуна жиндирго лагъасда: «КӀудияб хьаг лъе цӀеда ва гьал чагӀазе кваназе жо гьабе», – ян.
39Гьезул цояв вилълъана авлахъалде пер-хер балагьизе ва гьесда гьенир гӀалхул охцеразда релълъарал жал ратана. Гьелъул лъорги цӀезабун тӀадвуссана гьев ва буссун хьагинибе жанибе бана гьеб, амма лъиданиги гьеб щиб жояли лъалеб букӀинчӀо. 40Кваназе жо бахъана, амма гьеб кӀалдибе босун бахъиналде гьел чӀчӀичӀчӀидана:
«Авараг, хьагиниб жаниб загьру буго!» – ян. Гьезда гьеб кваназе кӀвечӀо. 41ЭлишагӀ аварагас ханжу босе жиндихъеян абуна. Гьес гьеб хьагинибе бана, цинги квен бахъе, гьеб кваназе бегьулин абуна. Хьагиниб тӀокӀаб щибго заралалъе жо хутӀичӀо.
ЭлишагӀ аварагас нусго чи кваназави
42БагӀал-Шалишаялдаса цо чи вачӀана Аллагьасул аварагасе тӀоцебесеб тӀорщалил нигӀматги босун. Къого пурчӀинадул мучариги цӀияб ролъги бачӀана гьес.
«ГӀадамазе кье, гьез кваназе те гьеб», – ин абуна ЭлишагӀ аварагас. 43«Гьаб жоялъ нусго чи кин дица кваназавилев?» – ин цӀехана гьесул лагъас.
Амма ЭлишагӀица абуна: «ГӀадамазе кье, гьез кваназе те гьеб. Гьадин абулеб бугелъул БЕТӀЕРГЬАНАС: „Гьел гӀорцӀила ва жеги тӀокӀги хутӀила“». 44Цинги гьес гьеб киназдаго цебе лъуна, – гьез гӀорцӀизегӀан кванана ва, БЕТӀЕРГЬАНАСУЛ рагӀуда рекъон, тӀокӀги хутӀана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023