4 Пачаби 3
3
Иорам – ГӀизраилалъул пача
1Егьошафат Ягьудиялъул пачалъун вахъун анцӀила микьабилеб соналъ, Ахавил вас Иорам ГӀизраилалъул пачалъун вахъана ва гьес анцӀила кӀиго соналъ пачалъи гьабуна Самариялда. 2Иорамица БЕТӀЕРГЬАНАСДА квешбихьанщинаб гьабуна, амма гьесул инсуцаги эбелалъги гьабуралде ващалъичӀо; жиндирго инсуца БагӀалие гӀибадаталъе эхетараб гамачӀ нахъе рехана гьес. 3БукӀаниги, Наватил вас Яровамица, ГӀизраилги къосинабун, гьарурал мунагьазда хадув ана гьев дове-гъове кьуричӀого.
МогӀав рагъда къей
4МогӀавалъул пача Мешал гӀиял рехъаби рукӀана. ГӀизраилалъул пачаясе нусазарго кьегӀерги, нусго гӀиялъажоялдаса къунцӀараб квасги щвезабизе кколаан гьес ясахъ хӀисабалда. 5Амма, Ахав хун хадуб, МогӀавалъул пача ГӀизраилалъул пачаясул кверщалида данде чӀана. 6Гьебмехалда Иорам Самариялдаса къватӀиве вахъана, ГӀизраилалъул тӀолабго аскаргун цадахъ. 7Ягьудиялъул пача Егьошафатихъеги ругьел битӀана гьес: «МогӀавалъул пача вахъун вуго дида данде. Дунгун цадахъ гьесда данде вагъизе вилълъинищ мун?» – ин. «Вилълъина, – ян жаваб гьабуна гьес. – Дуца гьабураб гьабила дица – дир халкъ дур халкъ буго, дир чуял дур чуял руго».
8Гьес Иорамида цӀехана: «Кисаб рахъалдаса нилъ гьезда данде рахъинел?» «Эдомалъул авлахъалъул рахъалдаса рахъина», – ян абуна Иорамица.
9ГӀизраилалъул пача Ягьудиялъул ва Эдомалъул пачабигун цадахъ нухде вахъана. Анкьго къо нухда бан хадуб аскаралъе къатӀра лъадал хутӀичӀо, – я рагъухъабазе, я гьезда цадахъ рукӀарал хӀайваназе. 10«Кинабго хвана гьанже! – ян кӀалъана ГӀизраилалъул пача. – МогӀавиязухъе кверде кьезе ракӀарун ратула БЕТӀЕРГЬАНАС нилъ лъабалго пачаби гьанире!»
11Цинги Егьошафатица цӀехана: «Жив гьоркьов ккун БЕТӀЕРГЬАНАСУЛ амру лъазабизе бегьулев БЕТӀЕРГЬАНАСУЛ авараг гьечӀищ нилъеда гьоркьов?» – ин. ГӀизраилалъул пачаясул цо цевесев чияс абуна: «Шапатил вас ЭлишагӀ авараг вуго гьанив. Иляс аварагасе хъулухъ гьабурав чи вуго гьев», – ин. 12«Гьесда лъазе ккола БЕТӀЕРГЬАНАСУЛ амру», – ян абуна Егьошафатица. Цинги ГӀизраилалъул пачаги, Егьошафатги, Эдомалъул пачаги гьесухъе рилълъана.
13ЭлишагӀ аварагас ГӀизраилалъул пачаясда абуна: «Мун щай дихъе вачӀарав? Дурго инсул ва эбелалъул аварагзабазухъе а». «Инаро, – ян жаваб гьабуна ГӀизраилалъул пачаяс, – БЕТӀЕРГЬАНАСЛЪИДАЛ ниж лъабалго пачаби данде ахӀун ругел МогӀавиязухъе кверде кьезе».
14ЭлишагӀица абуна: «Дица Жиндие бетӀер чӀвалев, хӀакъав, Гучал Аскаразул БЕТӀЕРГЬАНАСУЛ цӀаралхӀа, хӀурматияв Ягьудиялъул пача Егьошафатие гӀоло гуребани, дица берцин балагьулароан я гӀинцин тӀамулароан духъ. 15Гьанже ахӀе дихъе бакънал рачунев чи».
ВачӀун гьес бакънал рачунаго, ЭлишагӀ аварагасда тӀаде БЕТӀЕРГЬАНАСУЛ къуват рещтӀана, 16ва гьес абуна: «Гьале БЕТӀЕРГЬАНАСУЛ рагӀи: „Киса-кирего расалъиялда рахъал рухъе“. 17Щайгурелъул, БЕТӀЕРГЬАНАС абулеб буго: „Нужеда я гьури, я цӀад бихьизе гьечӀо, амма гьаб расалъи лъадал цӀезе буго ва нужееги нужер боцӀуеги чуязеги гьекъезе лъим букӀине буго“. 18БЕТӀЕРГЬАНАСЕ гьеб бигьаяб жо буго гьабизе. Гьес МогӀавги нужехъе кверде кьезе буго. 19Нужеца киналго гьезул кӀудиял сверун къарал шагьарал рахъизе руго, лъикӀа-лъикӀал гъутӀби къотӀун разе руго, лъадал гъуял руччинаризе руго ва хурзал ганчӀил цӀезаризе руго».
20Нахъисеб къоялъ радал, къурбаналъул ригьалда#3:20 Къурбаналъул ригь – Мусал Къануналда рекъон, жиб-жиб къоялъ радал ва бакъанида къурбанал (къойил къурбанал) тӀоритӀулаан БетӀергьанасул Рокъоб. Эдомалъул рахъалдаса лъим чвахана. Сверухълъиго лъадал цӀуна. 21МогӀавиязда рагӀун букӀана пачаби гьезде тӀаде кӀанцӀизе рачӀунел ругин. Гьединлъидал, гӀолохъанал-херал батӀалъи гьечӀого, киналго бихьинал ракӀарун, гӀорхъода рахъун чӀезарун рукӀана. 22Радалго тӀаде рахъун гьел ралагьидал, бакъуца лъим кунчӀизабун букӀана, ва могӀавиязда гьеб лъим багӀаралъ белъун бихьана.
23«Би буго доб! – ин пикру гьабуна гьез. – Пачаби жалго жиндаго данде рагъун цоцаца чӀван ратула. Гьанже давла бакӀаризе бахъа МогӀав!»
24Амма могӀавиял гӀизраилазул къайи чӀвараб бакӀалда аскӀоре щведал, гӀизраилал кӀанцӀун тӀаде рахъана ва гьелгун рагъизе журана, могӀавиял лъутана. Хадурги лъугьун, гьез могӀавиял гъурана, 25гьезул шагьаралги щущахъ разаруна. Жив-жив рагъухъанас, лъикӀаб бихьун, щибаб хурибе гамачӀ рехана – гьедин ганчӀил цӀезаруна хурзал. Гьезул лъадал гъуялги, жанибе гамачӀги бан руччинаруна ва лъикӀалщинал гъутӀбиги къотӀана. ЦохӀо Кир-Харасеталда хутӀун рукӀана шагьар сверун ганчӀил къадал. Ахирги ганчӀал речӀчӀулел рагъухъабаз сверун ккуна гьеб ва гьелда тӀаде гьужум гьабуна.
26МогӀавалъул пачаясда живго къолев вукӀин бихьидал, гьес вагъизе махщел цӀикӀкӀарав анкьнусго рагъухъанги вачун, Эдомалъул пачаясухъе ворчӀизе хӀалбихьана, амма бажаричӀо. 27Гьебмехалъ гьес жиндирго бакӀалда пачалъун вахъине вукӀарав, жиндирго тӀоцеве гьавурав вас, шагьаралъул къадада тӀадеги вачун, къурбаналъе вухӀана. Цинги гӀасияб ццидаца битӀахъе ракӀ гъанцӀизабуна гӀизраилазул. Гьел нахъе къана ва жидерго ракьалде тӀадруссана.
Currently Selected:
4 Пачаби 3: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
4 Пачаби 3
3
Иорам – ГӀизраилалъул пача
1Егьошафат Ягьудиялъул пачалъун вахъун анцӀила микьабилеб соналъ, Ахавил вас Иорам ГӀизраилалъул пачалъун вахъана ва гьес анцӀила кӀиго соналъ пачалъи гьабуна Самариялда. 2Иорамица БЕТӀЕРГЬАНАСДА квешбихьанщинаб гьабуна, амма гьесул инсуцаги эбелалъги гьабуралде ващалъичӀо; жиндирго инсуца БагӀалие гӀибадаталъе эхетараб гамачӀ нахъе рехана гьес. 3БукӀаниги, Наватил вас Яровамица, ГӀизраилги къосинабун, гьарурал мунагьазда хадув ана гьев дове-гъове кьуричӀого.
МогӀав рагъда къей
4МогӀавалъул пача Мешал гӀиял рехъаби рукӀана. ГӀизраилалъул пачаясе нусазарго кьегӀерги, нусго гӀиялъажоялдаса къунцӀараб квасги щвезабизе кколаан гьес ясахъ хӀисабалда. 5Амма, Ахав хун хадуб, МогӀавалъул пача ГӀизраилалъул пачаясул кверщалида данде чӀана. 6Гьебмехалда Иорам Самариялдаса къватӀиве вахъана, ГӀизраилалъул тӀолабго аскаргун цадахъ. 7Ягьудиялъул пача Егьошафатихъеги ругьел битӀана гьес: «МогӀавалъул пача вахъун вуго дида данде. Дунгун цадахъ гьесда данде вагъизе вилълъинищ мун?» – ин. «Вилълъина, – ян жаваб гьабуна гьес. – Дуца гьабураб гьабила дица – дир халкъ дур халкъ буго, дир чуял дур чуял руго».
8Гьес Иорамида цӀехана: «Кисаб рахъалдаса нилъ гьезда данде рахъинел?» «Эдомалъул авлахъалъул рахъалдаса рахъина», – ян абуна Иорамица.
9ГӀизраилалъул пача Ягьудиялъул ва Эдомалъул пачабигун цадахъ нухде вахъана. Анкьго къо нухда бан хадуб аскаралъе къатӀра лъадал хутӀичӀо, – я рагъухъабазе, я гьезда цадахъ рукӀарал хӀайваназе. 10«Кинабго хвана гьанже! – ян кӀалъана ГӀизраилалъул пача. – МогӀавиязухъе кверде кьезе ракӀарун ратула БЕТӀЕРГЬАНАС нилъ лъабалго пачаби гьанире!»
11Цинги Егьошафатица цӀехана: «Жив гьоркьов ккун БЕТӀЕРГЬАНАСУЛ амру лъазабизе бегьулев БЕТӀЕРГЬАНАСУЛ авараг гьечӀищ нилъеда гьоркьов?» – ин. ГӀизраилалъул пачаясул цо цевесев чияс абуна: «Шапатил вас ЭлишагӀ авараг вуго гьанив. Иляс аварагасе хъулухъ гьабурав чи вуго гьев», – ин. 12«Гьесда лъазе ккола БЕТӀЕРГЬАНАСУЛ амру», – ян абуна Егьошафатица. Цинги ГӀизраилалъул пачаги, Егьошафатги, Эдомалъул пачаги гьесухъе рилълъана.
13ЭлишагӀ аварагас ГӀизраилалъул пачаясда абуна: «Мун щай дихъе вачӀарав? Дурго инсул ва эбелалъул аварагзабазухъе а». «Инаро, – ян жаваб гьабуна ГӀизраилалъул пачаяс, – БЕТӀЕРГЬАНАСЛЪИДАЛ ниж лъабалго пачаби данде ахӀун ругел МогӀавиязухъе кверде кьезе».
14ЭлишагӀица абуна: «Дица Жиндие бетӀер чӀвалев, хӀакъав, Гучал Аскаразул БЕТӀЕРГЬАНАСУЛ цӀаралхӀа, хӀурматияв Ягьудиялъул пача Егьошафатие гӀоло гуребани, дица берцин балагьулароан я гӀинцин тӀамулароан духъ. 15Гьанже ахӀе дихъе бакънал рачунев чи».
ВачӀун гьес бакънал рачунаго, ЭлишагӀ аварагасда тӀаде БЕТӀЕРГЬАНАСУЛ къуват рещтӀана, 16ва гьес абуна: «Гьале БЕТӀЕРГЬАНАСУЛ рагӀи: „Киса-кирего расалъиялда рахъал рухъе“. 17Щайгурелъул, БЕТӀЕРГЬАНАС абулеб буго: „Нужеда я гьури, я цӀад бихьизе гьечӀо, амма гьаб расалъи лъадал цӀезе буго ва нужееги нужер боцӀуеги чуязеги гьекъезе лъим букӀине буго“. 18БЕТӀЕРГЬАНАСЕ гьеб бигьаяб жо буго гьабизе. Гьес МогӀавги нужехъе кверде кьезе буго. 19Нужеца киналго гьезул кӀудиял сверун къарал шагьарал рахъизе руго, лъикӀа-лъикӀал гъутӀби къотӀун разе руго, лъадал гъуял руччинаризе руго ва хурзал ганчӀил цӀезаризе руго».
20Нахъисеб къоялъ радал, къурбаналъул ригьалда#3:20 Къурбаналъул ригь – Мусал Къануналда рекъон, жиб-жиб къоялъ радал ва бакъанида къурбанал (къойил къурбанал) тӀоритӀулаан БетӀергьанасул Рокъоб. Эдомалъул рахъалдаса лъим чвахана. Сверухълъиго лъадал цӀуна. 21МогӀавиязда рагӀун букӀана пачаби гьезде тӀаде кӀанцӀизе рачӀунел ругин. Гьединлъидал, гӀолохъанал-херал батӀалъи гьечӀого, киналго бихьинал ракӀарун, гӀорхъода рахъун чӀезарун рукӀана. 22Радалго тӀаде рахъун гьел ралагьидал, бакъуца лъим кунчӀизабун букӀана, ва могӀавиязда гьеб лъим багӀаралъ белъун бихьана.
23«Би буго доб! – ин пикру гьабуна гьез. – Пачаби жалго жиндаго данде рагъун цоцаца чӀван ратула. Гьанже давла бакӀаризе бахъа МогӀав!»
24Амма могӀавиял гӀизраилазул къайи чӀвараб бакӀалда аскӀоре щведал, гӀизраилал кӀанцӀун тӀаде рахъана ва гьелгун рагъизе журана, могӀавиял лъутана. Хадурги лъугьун, гьез могӀавиял гъурана, 25гьезул шагьаралги щущахъ разаруна. Жив-жив рагъухъанас, лъикӀаб бихьун, щибаб хурибе гамачӀ рехана – гьедин ганчӀил цӀезаруна хурзал. Гьезул лъадал гъуялги, жанибе гамачӀги бан руччинаруна ва лъикӀалщинал гъутӀбиги къотӀана. ЦохӀо Кир-Харасеталда хутӀун рукӀана шагьар сверун ганчӀил къадал. Ахирги ганчӀал речӀчӀулел рагъухъабаз сверун ккуна гьеб ва гьелда тӀаде гьужум гьабуна.
26МогӀавалъул пачаясда живго къолев вукӀин бихьидал, гьес вагъизе махщел цӀикӀкӀарав анкьнусго рагъухъанги вачун, Эдомалъул пачаясухъе ворчӀизе хӀалбихьана, амма бажаричӀо. 27Гьебмехалъ гьес жиндирго бакӀалда пачалъун вахъине вукӀарав, жиндирго тӀоцеве гьавурав вас, шагьаралъул къадада тӀадеги вачун, къурбаналъе вухӀана. Цинги гӀасияб ццидаца битӀахъе ракӀ гъанцӀизабуна гӀизраилазул. Гьел нахъе къана ва жидерго ракьалде тӀадруссана.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023