3 Пачаби 17
17
Илясица ракъдаллъи бачӀиналъул бици
1ГилгӀадалда бугеб Тишбиялдаса Илясица Ахавида абуна: «Дица хъулухъ гьабулев ГӀизраилалъул БЕТӀЕРГЬАН Аллагьасул цӀаралхӀа – дир амруялдалъун гурони чамалиго соналъ, я щуб, я цӀад базе гьечӀо», – ян.
2Илясихъе БЕТӀЕРГЬАНАСУЛ калима рещтӀана:
3«Гьаб бакӀги тун бакъбаккул рахъалде а ва Иорданалъул бакъбаккул рахъалдехун бугеб Керит абураб лъарамухъалда вахча. 4Лъарахъа лъим букӀина дуе гьекъезе, квенги Дица гъудузда тӀад къан буго дуе щвезабеян». 5БЕТӀЕРГЬАНАС малъухъе гьабуна гьес кинабго. Иорданалъул бакъбаккул рахъалдехун бугеб Керит лъарахъе вилълъана гьев ва гьениб чӀел гьабуна. 6Радалги къасиги чедги гьанги босун бачӀунаан гъудуз гьесие, лъимги лъарахъа гьекъолаан.
Иляс ва Сарепталдаса къоролай
7Заман ун хадуб, ракьалде цӀад балеб букӀинчӀелъул, лъар бакъвана. 8Гьебмехалда БЕТӀЕРГЬАНАСУЛ калима рещтӀана Иляс аварагасухъе: 9«Гьанже мун Сидоналда аскӀоб бугеб Сарепталде а ва гьениб чӀел гьабе. Дица цо къоролалда лъазабун буго мун кваназавеян».
10Гьев Сарепталде вилълъана. Шагьаралъул кавабахъе гьев щвараб мехалъ, гьений цӀул-гӀучӀ бакӀарулей цо къоролай ятана. Гьес гьелда абуна: «Цодагьаб лъим босе дие гьекъезе», – ян. 11Гьей арайго, гьелда хадубги ахӀана гьес: «Цо чадил мочӀуги босе дие», – ян.
12«Дур БЕТӀЕРГЬАН Аллагьасул цӀаралхӀаги, – ян абуна гьелъ, – дир чед гьечӀо, гӀартиниб цо дангъура цӀураб ролъги, хъабил тӀинда дагьа-макъаб зайтуналъул нахги хутӀун буго дир. Гьале цо-кӀиго цӀулал хъвалхьенги босун ина, гьеб ролъул васасеги диегоги квен гьабизе; гьебги кванала, хадур ниж ракъуца хвела».
13Илясица гьелда абуна: «Мун хӀинкъуге. Рокъоеги ун дица абухъе гьабе. Амма, цин гьелъул цо гьитӀинаб чедги бан, гьеб дие босун ячӀа. Хадуб дуегоги дурго васасеги гьабе кваназе жо. 14ГӀизраилалъул БЕТӀЕРГЬАНАС гьадин абулеб бугелъул: „БЕТӀЕРГЬАНАС гьаб ракьалде цӀад бараб къо тӀаде щвезегӀан, я гӀартиниса ролъ, я хъабиниса нах лъугӀиларо“, – ян».
15Гьелъ инеги ун Илясица абухъе гьабуна; гьелдаса нахъе гьелъиеги Илясиеги ва гьелъул хъизан-къаялъеги гӀураб квен букӀана жиб-жиб къоялъ. 16Илясица бицараб БЕТӀЕРГЬАНАСУЛ рагӀуда рекъон, я гӀартиниса ролъ, я хъабиниса нах лъугӀичӀо.
Къоролалъул хварав вас чӀаго гьави
17Цодагьаб заман ун хадуб гьей гӀаданалъул вас унтана. Гьесул хӀал тӀадеялдаса тӀаде квешлъулеб букӀана – ахирги хӀухьел къотӀана васасул. 18Цинги гьелъ Илясида абуна:
«Щиб дидаса дуе къваригӀун бугеб, Аллагьасул авараг? Дир мунагьал ракӀалде щвезаризе ва дир вас чӀвазейищ мун вачӀарав?»
19«Гьаниве кье дихъе дур вас», – ин жаваб кьуна Илясица. Гьес гьев гьелъухъа кодоса восана ва живго жанив чӀараб тӀадрокъовеги восун, жиндирго бусада тӀад лъуна. 20Хадуб гьес БЕТӀЕРГЬАНАСДЕ ахӀи бана: «Я дир БЕТӀЕРГЬАН Аллагь, жиндир рокъоб дица чӀел гьабурай къоролалда тӀадеги, хвезавун гьелъул васгун, гьаб балагь бачунеб жойищха Дуца?!»
21Лъабго нухалъ гьесул къаркъалаялда тӀадги вегун, БЕТӀЕРГЬАНАСДЕ ахӀи бан гьардана гьев: «Я дир БЕТӀЕРГЬАН Аллагь, биччанте гьав васасул гӀумру нахъбуссине гьасухъе!»
22БЕТӀЕРГЬАНАС Илясил гьари къабул гьабуна, васасул хӀухьел нахъбуссана ва гьев чӀаголъана. 23Илясица вас жиндирго тӀадрокъоса восун гӀодове рокъове щвезавуна. «Ялагье, дур вас чӀаго вуго!» – янги абун, гьев эбелалъухъе кьуна.
24Цинги гьей чӀужугӀаданалъ Илясида абуна: «Гьанже дида лъана мун Аллагьасул авараг вукӀин ва дуца бицараб БЕТӀЕРГЬАНАСУЛ рагӀи битӀараб букӀин».
Currently Selected:
3 Пачаби 17: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
3 Пачаби 17
17
Илясица ракъдаллъи бачӀиналъул бици
1ГилгӀадалда бугеб Тишбиялдаса Илясица Ахавида абуна: «Дица хъулухъ гьабулев ГӀизраилалъул БЕТӀЕРГЬАН Аллагьасул цӀаралхӀа – дир амруялдалъун гурони чамалиго соналъ, я щуб, я цӀад базе гьечӀо», – ян.
2Илясихъе БЕТӀЕРГЬАНАСУЛ калима рещтӀана:
3«Гьаб бакӀги тун бакъбаккул рахъалде а ва Иорданалъул бакъбаккул рахъалдехун бугеб Керит абураб лъарамухъалда вахча. 4Лъарахъа лъим букӀина дуе гьекъезе, квенги Дица гъудузда тӀад къан буго дуе щвезабеян». 5БЕТӀЕРГЬАНАС малъухъе гьабуна гьес кинабго. Иорданалъул бакъбаккул рахъалдехун бугеб Керит лъарахъе вилълъана гьев ва гьениб чӀел гьабуна. 6Радалги къасиги чедги гьанги босун бачӀунаан гъудуз гьесие, лъимги лъарахъа гьекъолаан.
Иляс ва Сарепталдаса къоролай
7Заман ун хадуб, ракьалде цӀад балеб букӀинчӀелъул, лъар бакъвана. 8Гьебмехалда БЕТӀЕРГЬАНАСУЛ калима рещтӀана Иляс аварагасухъе: 9«Гьанже мун Сидоналда аскӀоб бугеб Сарепталде а ва гьениб чӀел гьабе. Дица цо къоролалда лъазабун буго мун кваназавеян».
10Гьев Сарепталде вилълъана. Шагьаралъул кавабахъе гьев щвараб мехалъ, гьений цӀул-гӀучӀ бакӀарулей цо къоролай ятана. Гьес гьелда абуна: «Цодагьаб лъим босе дие гьекъезе», – ян. 11Гьей арайго, гьелда хадубги ахӀана гьес: «Цо чадил мочӀуги босе дие», – ян.
12«Дур БЕТӀЕРГЬАН Аллагьасул цӀаралхӀаги, – ян абуна гьелъ, – дир чед гьечӀо, гӀартиниб цо дангъура цӀураб ролъги, хъабил тӀинда дагьа-макъаб зайтуналъул нахги хутӀун буго дир. Гьале цо-кӀиго цӀулал хъвалхьенги босун ина, гьеб ролъул васасеги диегоги квен гьабизе; гьебги кванала, хадур ниж ракъуца хвела».
13Илясица гьелда абуна: «Мун хӀинкъуге. Рокъоеги ун дица абухъе гьабе. Амма, цин гьелъул цо гьитӀинаб чедги бан, гьеб дие босун ячӀа. Хадуб дуегоги дурго васасеги гьабе кваназе жо. 14ГӀизраилалъул БЕТӀЕРГЬАНАС гьадин абулеб бугелъул: „БЕТӀЕРГЬАНАС гьаб ракьалде цӀад бараб къо тӀаде щвезегӀан, я гӀартиниса ролъ, я хъабиниса нах лъугӀиларо“, – ян».
15Гьелъ инеги ун Илясица абухъе гьабуна; гьелдаса нахъе гьелъиеги Илясиеги ва гьелъул хъизан-къаялъеги гӀураб квен букӀана жиб-жиб къоялъ. 16Илясица бицараб БЕТӀЕРГЬАНАСУЛ рагӀуда рекъон, я гӀартиниса ролъ, я хъабиниса нах лъугӀичӀо.
Къоролалъул хварав вас чӀаго гьави
17Цодагьаб заман ун хадуб гьей гӀаданалъул вас унтана. Гьесул хӀал тӀадеялдаса тӀаде квешлъулеб букӀана – ахирги хӀухьел къотӀана васасул. 18Цинги гьелъ Илясида абуна:
«Щиб дидаса дуе къваригӀун бугеб, Аллагьасул авараг? Дир мунагьал ракӀалде щвезаризе ва дир вас чӀвазейищ мун вачӀарав?»
19«Гьаниве кье дихъе дур вас», – ин жаваб кьуна Илясица. Гьес гьев гьелъухъа кодоса восана ва живго жанив чӀараб тӀадрокъовеги восун, жиндирго бусада тӀад лъуна. 20Хадуб гьес БЕТӀЕРГЬАНАСДЕ ахӀи бана: «Я дир БЕТӀЕРГЬАН Аллагь, жиндир рокъоб дица чӀел гьабурай къоролалда тӀадеги, хвезавун гьелъул васгун, гьаб балагь бачунеб жойищха Дуца?!»
21Лъабго нухалъ гьесул къаркъалаялда тӀадги вегун, БЕТӀЕРГЬАНАСДЕ ахӀи бан гьардана гьев: «Я дир БЕТӀЕРГЬАН Аллагь, биччанте гьав васасул гӀумру нахъбуссине гьасухъе!»
22БЕТӀЕРГЬАНАС Илясил гьари къабул гьабуна, васасул хӀухьел нахъбуссана ва гьев чӀаголъана. 23Илясица вас жиндирго тӀадрокъоса восун гӀодове рокъове щвезавуна. «Ялагье, дур вас чӀаго вуго!» – янги абун, гьев эбелалъухъе кьуна.
24Цинги гьей чӀужугӀаданалъ Илясида абуна: «Гьанже дида лъана мун Аллагьасул авараг вукӀин ва дуца бицараб БЕТӀЕРГЬАНАСУЛ рагӀи битӀараб букӀин».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023