3 Пачаби 16
16
1Хананил вас Егьухъе Баашал хӀакъалъулъ БЕТӀЕРГЬАНАСУЛ калима рещтӀана:
2«Щивго гурев чи вукӀаниги, Дица Дир халкъ ГӀизраилалъул бетӀерлъун гьавуна мун. Амма мун Яровамил нухккун хьвадана ва Дир ццин гьалаглъизабизе Дир халкъ ГӀизраилги мунагьазукье бачана. 3Гьале гьанже Дица тӀагӀинавила мунги дур хъизан-къайги ва Наватил вас Яровамил хъизан-агьлуялъе гьабураб гьабила дур хъизан-къаялъеги. 4Дур хъизан-къаялъул чагӀазул шагьаралда хварал гьабзаца тӀутӀун разе руго, авлахъалда хварал – хӀинчӀ-гъедуялъ ретӀ-ретӀун разе руго».
5Баашал пачалъиялъул цогидал лъугьа-бахъинал, гьесул бергьенлъаби ва гьес гьарурал ишал хъван руго «ГӀизраилалъул пачабазул тарих» абураб тӀехьалда. 6Бааша хвана ва Тирзаялда жиндирго умумузда аскӀов хабалъ лъуна. Гьесул бакӀалда гьесул вас Елагь пачалъун вахъана.
7Амма Баашаца БЕТӀЕРГЬАНАСДА цебе гьабурабщинаб квешлъи сабаблъун, Хананил вас Егьу аварагги гьоркьов ккун, цебеккунго БЕТӀЕРГЬАНАСУЛ хӀукму бачӀун букӀана гьесдеги гьесул хъизан-къаялдеги. Гьединго, Яровамил хъизан-къай цо чи течӀого чӀваралъухъ, амма Яровамида релълъун живгоги хьвадаралъухъ, Гьесул ццин гьалаглъизабуна Баашаца.
Елагь – ГӀизраилалъул пача
8Ягьудиялъул пачалъун Аса вахъун къоло анлъабилеб соналъ Елагь ГӀизраилалъул пачалъун вахъана ва кӀиго соналъ пачалъи гьабуна гьес.
9Гьесул чолгьаказул бащдаб рехъеналда тӀад тарав цо гьесул божарав Зимриян абулев чияс гъоркьанго рекӀкӀ ургъана гьесда данде. Цо нухалда Тирзаялда, гьесул кӀалгӀаялъул бетӀерав хъулухъчи Арзал рокъов вукӀана Елагь, гьакълицаги мехтун. 10Зимрица вачӀун жанивегун чӀвана гьев ва Елагьил бакӀалда живго пачалъун чӀана. Гьеб букӀана Ягьудиялъул пачалъун Аса вахъун къоло анкьабилеб сон.
11Пачалъун вахъун тахиде вахараб сагӀаталдаго кинабго Баашал хъизан-агьлу гъурана гьес. Цониги бихьинчи чӀаго течӀо – я гӀагарлъиялъул, я гьудул-гьалмагълъиялъул. 12Егьу аварагги гьоркьов ккун БЕТӀЕРГЬАНАС абураб рагӀуда рекъон, Зимрица кинабго Баашал хъизан-агьлу тӀагӀинабуна, 13щайгурелъул Баашалги гьесул вас Елагьилги мунагьал сабаблъун. ГӀизраилги мунагьазде тӀамун ва къабихӀал аллагьзабиги гьарун, гьез ГӀизраилалъул БЕТӀЕРГЬАН Аллагьасул ццин гьалаглъизабун букӀин сабаблъун ккана гьеб.
14Елагьил пачалъиялъул цогидал лъугьа-бахъиназул ва киналго гьес гьарурал ишазул хӀакъалъулъ хъван буго «ГӀизраилалъул пачабазул тарих» абураб тӀехьалда.
ГӀизраилалъул тах къваригӀаразул къеркьей
15Аса Ягьудиялъул пачалъун вахъун къоло анкьабилеб соналъ Тирзаялда Зимри вахъана пачалъун, амма гьесул пачалъи анкьго къоялъ гурони халалъичӀо. Пилистималъул шагьар Гиббетоналда аскӀоб къайи чӀван букӀана рагъухъабазул аскаралъ гьебмехалда. 16Гьенир ругел гӀизраилазда Зимрица гъоркьчӀелги гьабун чӀван вугин пачайилан рагӀидал, гьебго къоялъ гьез ГӀизраилалъул пачалъун аскаразул бетӀер ГӀомри вугилан ахӀана. 17Хадуб ГӀомриги, цадахъ киналго гӀизраилалги Гиббетоналдаса рахъун Тирзаялде тӀаде кӀанцӀизе ана. 18Шагьар кодобе босун букӀин бихьидал, пачаясул кӀалгӀаялъул нахъарокъовеги лъутун, Зимрица жиндаго хадуб цӀа гъуна. Гьедин хвана гьев 19жиндирго мунагьал сабаблъун: БЕТӀЕРГЬАНАСДА рихарабщинаб гьабуралъухъ, ГӀизраилго мунагьазде бачарав Яровамил нухги ккун, гьесул мунагьал такрар гьаруралъухъ.
20Зимрил пачалъиялъул хутӀарал лъугьа-бахъинал ва гьес гьабураб хӀилла-рекӀкӀ – гьеб кинабго хъван буго «ГӀизраилалъул пачабазул тарих» абураб тӀехьалда.
21Цинги ГӀизраилалъул халкъ кӀийиде бикьана: бащдаб халкъалъе Гинатил вас Тивни пачалъун тезе бокьун букӀана, хутӀараз ГӀомрил рахъ ккуна. 22Гинатил вас Тивнил рахъ ккураздаса ГӀомрил рахъ ккуразул къуват цӀикӀкӀана. Тивние гӀажал сабаблъана, ГӀомри пачалъун вахъана.
ГӀомри – ГӀизраилалъул пача
23Аса Ягьудиялъул пачалъун вахъун лъебералда цоабилеб соналъ ГӀизраилалда ГӀомри пачалъун вахъана. АнцӀила кӀиго соналъ пачалъун вукӀана гьев, гьезда гьоркьоса анлъго соналъ Тирзаялда вукӀана. 24КӀиго гӀарцул таланталъухъ#16:24 2 гӀарцул талант – гӀага-шагарго 72 кило. Самариялъул гохӀ босана гьес Семерихъа ва гьеб гохӀда, Самария абун гьеб гохӀалъул цеве вукӀарав хважаин Семерил цӀарги лъун, шагьар бана.
25ГӀомрица БЕТӀЕРГЬАНАСУЛ берда квешбихьанщинаб гьабуна ва гьесда цере рукӀараздасаги цӀикӀкӀун мунагьалги гьаруна. 26Наватил вас Яровамица гьабурабщинаб гьабуна гьес ва, БЕТӀЕРГЬАНАСУЛ, ай ГӀизраилалъул Аллагьасул ццинги гьалаглъизабун, ГӀизраилго къосинабурал щибго пайда гьечӀел гьересиаллагьзабазда хадув ана.
27ГӀомрил пачалъиялъул цогидал лъугьа-бахъинал, гьес гьарурал ишал ва гьесул бергьенлъаби – гьеб кинабго хъван буго «ГӀизраилалъул пачабазул тарих» абураб тӀехьалда. 28ГӀомри хвана ва Самариялда жиндирго умумузда аскӀов хабалъ лъуна. Гьесул бакӀалда гьесул вас Ахав пачалъун вахъана.
Ахав – ГӀизраилалъул пача
29Аса Ягьудиялъул пачалъун вахъун лъебералда микьабилеб соналъ ГӀомрил вас Ахав ГӀизраилалъул пачалъун вахъана ва къоло кӀиго соналъ пачалъи гьабуна гьес Самариялда. 30ГӀомрил вас Ахавица гьесда цере рукӀараздасаги цӀикӀкӀун квешлъи гьабуна БЕТӀЕРГЬАНАСДА цебе. 31Наватил вас Яровамил мунагьазда нахъ вилълъарав гӀечӀого, гьес сидониязул пача ЭтбагӀалил яс Изавел лъадилъун ячана ва БагӀалил#16:31 БагӀал – ханааниязул бетӀерав аллагь. диналде вуссана. 32Жинцаго Самариялда бараб БагӀалил мукъадасаб рокъоб гьес БагӀалие къурбаналъе бакӀ гьабуна. 33Гьелда тӀадеги гьес Ашерал хӀубал эхетана ва ГӀизраилалъул БЕТӀЕРГЬАН Аллагьасда рихарабщинаб гьабуна – цере рукӀаралщинал ГӀизраилалъул пачабаздаса цӀикӀкӀун.
34Ахавил заманалда Бет-Элалдаса Хиэлица цӀидасан Ерихон шагьар бана. Гьесул тӀоцевесев вас Авирам хвана гьес гьелъие кьучӀ лъолаго, ва гьесул бищун гьитӀинав вас Сегув хвана гьес гьелъул каву эхетулаго. Нунил вас Егьошуаги гьоркьов ккун цебеккунго бицун букӀараб БЕТӀЕРГЬАНАСУЛ рагӀуда#16:34 Бал. Егьош. 6:25. Хиэлица, ГӀизраилалда сверухъ рукӀарал халкъазул гӀадатазда рекъон, къурбаналъе хъун ратизе бегьула жиндирго васал ва гьелдалъун бихьула нилъеда БетӀергьанасул халкъалъул рухӀияб гӀумру кигӀанги гӀодобе ккун букӀин. рекъон ккана гьеб.
Currently Selected:
3 Пачаби 16: АварАК
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023
3 Пачаби 16
16
1Хананил вас Егьухъе Баашал хӀакъалъулъ БЕТӀЕРГЬАНАСУЛ калима рещтӀана:
2«Щивго гурев чи вукӀаниги, Дица Дир халкъ ГӀизраилалъул бетӀерлъун гьавуна мун. Амма мун Яровамил нухккун хьвадана ва Дир ццин гьалаглъизабизе Дир халкъ ГӀизраилги мунагьазукье бачана. 3Гьале гьанже Дица тӀагӀинавила мунги дур хъизан-къайги ва Наватил вас Яровамил хъизан-агьлуялъе гьабураб гьабила дур хъизан-къаялъеги. 4Дур хъизан-къаялъул чагӀазул шагьаралда хварал гьабзаца тӀутӀун разе руго, авлахъалда хварал – хӀинчӀ-гъедуялъ ретӀ-ретӀун разе руго».
5Баашал пачалъиялъул цогидал лъугьа-бахъинал, гьесул бергьенлъаби ва гьес гьарурал ишал хъван руго «ГӀизраилалъул пачабазул тарих» абураб тӀехьалда. 6Бааша хвана ва Тирзаялда жиндирго умумузда аскӀов хабалъ лъуна. Гьесул бакӀалда гьесул вас Елагь пачалъун вахъана.
7Амма Баашаца БЕТӀЕРГЬАНАСДА цебе гьабурабщинаб квешлъи сабаблъун, Хананил вас Егьу аварагги гьоркьов ккун, цебеккунго БЕТӀЕРГЬАНАСУЛ хӀукму бачӀун букӀана гьесдеги гьесул хъизан-къаялдеги. Гьединго, Яровамил хъизан-къай цо чи течӀого чӀваралъухъ, амма Яровамида релълъун живгоги хьвадаралъухъ, Гьесул ццин гьалаглъизабуна Баашаца.
Елагь – ГӀизраилалъул пача
8Ягьудиялъул пачалъун Аса вахъун къоло анлъабилеб соналъ Елагь ГӀизраилалъул пачалъун вахъана ва кӀиго соналъ пачалъи гьабуна гьес.
9Гьесул чолгьаказул бащдаб рехъеналда тӀад тарав цо гьесул божарав Зимриян абулев чияс гъоркьанго рекӀкӀ ургъана гьесда данде. Цо нухалда Тирзаялда, гьесул кӀалгӀаялъул бетӀерав хъулухъчи Арзал рокъов вукӀана Елагь, гьакълицаги мехтун. 10Зимрица вачӀун жанивегун чӀвана гьев ва Елагьил бакӀалда живго пачалъун чӀана. Гьеб букӀана Ягьудиялъул пачалъун Аса вахъун къоло анкьабилеб сон.
11Пачалъун вахъун тахиде вахараб сагӀаталдаго кинабго Баашал хъизан-агьлу гъурана гьес. Цониги бихьинчи чӀаго течӀо – я гӀагарлъиялъул, я гьудул-гьалмагълъиялъул. 12Егьу аварагги гьоркьов ккун БЕТӀЕРГЬАНАС абураб рагӀуда рекъон, Зимрица кинабго Баашал хъизан-агьлу тӀагӀинабуна, 13щайгурелъул Баашалги гьесул вас Елагьилги мунагьал сабаблъун. ГӀизраилги мунагьазде тӀамун ва къабихӀал аллагьзабиги гьарун, гьез ГӀизраилалъул БЕТӀЕРГЬАН Аллагьасул ццин гьалаглъизабун букӀин сабаблъун ккана гьеб.
14Елагьил пачалъиялъул цогидал лъугьа-бахъиназул ва киналго гьес гьарурал ишазул хӀакъалъулъ хъван буго «ГӀизраилалъул пачабазул тарих» абураб тӀехьалда.
ГӀизраилалъул тах къваригӀаразул къеркьей
15Аса Ягьудиялъул пачалъун вахъун къоло анкьабилеб соналъ Тирзаялда Зимри вахъана пачалъун, амма гьесул пачалъи анкьго къоялъ гурони халалъичӀо. Пилистималъул шагьар Гиббетоналда аскӀоб къайи чӀван букӀана рагъухъабазул аскаралъ гьебмехалда. 16Гьенир ругел гӀизраилазда Зимрица гъоркьчӀелги гьабун чӀван вугин пачайилан рагӀидал, гьебго къоялъ гьез ГӀизраилалъул пачалъун аскаразул бетӀер ГӀомри вугилан ахӀана. 17Хадуб ГӀомриги, цадахъ киналго гӀизраилалги Гиббетоналдаса рахъун Тирзаялде тӀаде кӀанцӀизе ана. 18Шагьар кодобе босун букӀин бихьидал, пачаясул кӀалгӀаялъул нахъарокъовеги лъутун, Зимрица жиндаго хадуб цӀа гъуна. Гьедин хвана гьев 19жиндирго мунагьал сабаблъун: БЕТӀЕРГЬАНАСДА рихарабщинаб гьабуралъухъ, ГӀизраилго мунагьазде бачарав Яровамил нухги ккун, гьесул мунагьал такрар гьаруралъухъ.
20Зимрил пачалъиялъул хутӀарал лъугьа-бахъинал ва гьес гьабураб хӀилла-рекӀкӀ – гьеб кинабго хъван буго «ГӀизраилалъул пачабазул тарих» абураб тӀехьалда.
21Цинги ГӀизраилалъул халкъ кӀийиде бикьана: бащдаб халкъалъе Гинатил вас Тивни пачалъун тезе бокьун букӀана, хутӀараз ГӀомрил рахъ ккуна. 22Гинатил вас Тивнил рахъ ккураздаса ГӀомрил рахъ ккуразул къуват цӀикӀкӀана. Тивние гӀажал сабаблъана, ГӀомри пачалъун вахъана.
ГӀомри – ГӀизраилалъул пача
23Аса Ягьудиялъул пачалъун вахъун лъебералда цоабилеб соналъ ГӀизраилалда ГӀомри пачалъун вахъана. АнцӀила кӀиго соналъ пачалъун вукӀана гьев, гьезда гьоркьоса анлъго соналъ Тирзаялда вукӀана. 24КӀиго гӀарцул таланталъухъ#16:24 2 гӀарцул талант – гӀага-шагарго 72 кило. Самариялъул гохӀ босана гьес Семерихъа ва гьеб гохӀда, Самария абун гьеб гохӀалъул цеве вукӀарав хважаин Семерил цӀарги лъун, шагьар бана.
25ГӀомрица БЕТӀЕРГЬАНАСУЛ берда квешбихьанщинаб гьабуна ва гьесда цере рукӀараздасаги цӀикӀкӀун мунагьалги гьаруна. 26Наватил вас Яровамица гьабурабщинаб гьабуна гьес ва, БЕТӀЕРГЬАНАСУЛ, ай ГӀизраилалъул Аллагьасул ццинги гьалаглъизабун, ГӀизраилго къосинабурал щибго пайда гьечӀел гьересиаллагьзабазда хадув ана.
27ГӀомрил пачалъиялъул цогидал лъугьа-бахъинал, гьес гьарурал ишал ва гьесул бергьенлъаби – гьеб кинабго хъван буго «ГӀизраилалъул пачабазул тарих» абураб тӀехьалда. 28ГӀомри хвана ва Самариялда жиндирго умумузда аскӀов хабалъ лъуна. Гьесул бакӀалда гьесул вас Ахав пачалъун вахъана.
Ахав – ГӀизраилалъул пача
29Аса Ягьудиялъул пачалъун вахъун лъебералда микьабилеб соналъ ГӀомрил вас Ахав ГӀизраилалъул пачалъун вахъана ва къоло кӀиго соналъ пачалъи гьабуна гьес Самариялда. 30ГӀомрил вас Ахавица гьесда цере рукӀараздасаги цӀикӀкӀун квешлъи гьабуна БЕТӀЕРГЬАНАСДА цебе. 31Наватил вас Яровамил мунагьазда нахъ вилълъарав гӀечӀого, гьес сидониязул пача ЭтбагӀалил яс Изавел лъадилъун ячана ва БагӀалил#16:31 БагӀал – ханааниязул бетӀерав аллагь. диналде вуссана. 32Жинцаго Самариялда бараб БагӀалил мукъадасаб рокъоб гьес БагӀалие къурбаналъе бакӀ гьабуна. 33Гьелда тӀадеги гьес Ашерал хӀубал эхетана ва ГӀизраилалъул БЕТӀЕРГЬАН Аллагьасда рихарабщинаб гьабуна – цере рукӀаралщинал ГӀизраилалъул пачабаздаса цӀикӀкӀун.
34Ахавил заманалда Бет-Элалдаса Хиэлица цӀидасан Ерихон шагьар бана. Гьесул тӀоцевесев вас Авирам хвана гьес гьелъие кьучӀ лъолаго, ва гьесул бищун гьитӀинав вас Сегув хвана гьес гьелъул каву эхетулаго. Нунил вас Егьошуаги гьоркьов ккун цебеккунго бицун букӀараб БЕТӀЕРГЬАНАСУЛ рагӀуда#16:34 Бал. Егьош. 6:25. Хиэлица, ГӀизраилалда сверухъ рукӀарал халкъазул гӀадатазда рекъон, къурбаналъе хъун ратизе бегьула жиндирго васал ва гьелдалъун бихьула нилъеда БетӀергьанасул халкъалъул рухӀияб гӀумру кигӀанги гӀодобе ккун букӀин. рекъон ккана гьеб.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Институт перевода Библии, 2005-2023